Unicode
ရှောင်ချန်း ကကျောင်းပေါက်ဝကို ရောက်သည်နှင့် သူ့မျက်ခုံးတွေကို တွန့်ချိုးလိုက်သည်။ သူ့မျက်လုံးတွေက ပတ်ဝန်းကျင်ကို အကြိမ်အနည်းငယ် ကြည့်လိုက်ပြီး စူးစမ်းနေခဲ့သည်။
ထူးဆန်းတယ်၊ ဒီနေ့ ကျောင်းမှာ သရဲတွေပိုများနေတယ်။
အသိသာဆုံးအချက်ကတော့ ဂိတ်ပေါက်ကို ဝင်လိုက်သည်နှင့် အနက်ရောင်လေအဝှေ့ကို ချက်ချင်း ခံစားမိလိုက်တာပင်။ သာမန်လူတွေအဖို့တော့ ကျောင်းဝန်းအတွင်း အပူချိန်က ကျနေတာလောက်သာ ခံစားမိလောက်ပေမဲ့ ရှောင်ချန်း ကတော့ ကျောင်းဝန်းအတွင်း ဇွန်ဘီတွေလို လျှောက်သွားနေသည့် တစ္ဆေတွေကို မြင်နေရသည်။
ပုံမှန်ဆိုရင် ကျောင်းဖြစ်တာကြောင့် ယင်စွမ်းအင်က တခြားနေရာတွေထက် ပိုသိပ်သည်းနေလိမ့်မည်။ ကျောင်းတွေက မီးသင်္ဂြိုလ်ရုံဘေးတွင် ဆောက်ထားတာမျိုး အလောင်းတွေ မြှုတ်ထားသည့် နေရာဘေးတွင် ရှိနေမျိုးတွေကြောင့် ဖြစ်သည်။ နောက်ပြီး ထိုမြေကွက်တွေက ဈေးပေါသည်။ ဒါကြောင့်လည်း ရှောင်ချန်း ကကျောင်းအဆောင်တွင် မနေချင်တာ ဖြစ်သည်။
သို့သော် ဒီနေ့ တစ္ဆေတွေက ပုံမှန်ထက် ပိုများနေပြီး သာမန်ထက် နည်းနည်းပိုနေသည်။
ဒုတိယအချက်က ရှောင်ချန်း ကကျောင်းဝန်းအတွင်း ခြေချလိုက်သည်နှင့် တစ္ဆေတွေက မငြိမ်မသက် ဖြစ်သွားတာကို သူခံစားမိလိုက်သည်။ သူတို့မျက်လုံးတွေက အချိန်ခဏလောက် သူ့ခန္ဓာကိုယ်ပေါ်တွင်သာ ရှိနေပြီးနောက် သူ့ဘေးနားတွင် လှည့်ပတ်သွားပြီး သူတို့နှာခေါင်းတွေက သူ့အနံ့အား အဆက်မပြတ် အနံ့ခံနေကြသည်။
တစ်ယောက်ဦး တစ်ယောက် သူတို့က သူ့ဆီ အပြေးဝင်လာကြပေမဲ့ သူတို့အားလုံးက သုံးမီတာလောက်တွင် မမြင်နိုင်သည့် အတားအဆီးကြောင့် လွှင့်ထွက်ကုန်ကြသည်။ တချို့က လောင်းကျွမ်းသွားကြပြီး တချို့က ဓာတ်လိုက်သလို ဖြစ်သွားကာ တချို့ဆို သူတို့ဝိဉာဉ်တွေတောင် ပျောက်သွားကြသည်။
တစ်ယောက်ပြီး တစ်ယောက် တစ္ဆေတွေက ရှောင်ချန်း အနားကို အရမ်းကပ်မလာရဲကြတော့ပေ။
YOU ARE READING
လျှို့ဝှက်ဆန်းပြားလောက〘Uni+Zaw〙
Horror[တစ်ကမ္ဘာလုံးက မင်းကို အနိုင်ကျင့်ကြတယ်၊ မုန်းတီးကြတယ်၊ နောက်ပြီး မင်းကို ခွဲခြားဆက်ဆံကြတယ်၊ ဒါပေမဲ့ မင်းရဲ့ကမ္ဘာကြီးက သူ့ကြောင့်ပဲ တောက်ပလာခဲ့တယ်။ ငါ ဒီကမ္ဘာကြီးကို မုန်းတီးတယ်! ဒါပေမဲ့ ငါ မင်းကို ချစ်တယ်!] ရှောင်ချန်း ကသာမာန်လူ တစ်ယောက်ဖြစ်ပေမဲ့ သ...