Unicode
“ဘုံး!”
ပြတင်းပေါက် အပြင်ဘက်တွင် လျှပ်စီးနဲ့ မိုးကြိုးသံတွေက ဆူညံနေသည်။
ယောင်္ကျားလေး အဆောင် ၄၀၄ မှလူ ၇ ယောက်က သူတို့ခေါင်းတွေကို တပြိုင်နက်ထဲ မော့လိုက်ကြပြီး ပြတင်းပေါက် အပြင်ဘက်ကို ကြည့်လိုက်ကြကာ သူတို့မျက်နှာတွေကလဲ ကြောက်လန့်နေကြသည်။
ကောင်းကင်က ကြည်လင်နေပြီး တောက်ပနေသည့် နေရောင်ရုတ်ချည်း ပျောက်ကွယ်သွားခဲ့သည်။ မိုးကြိုးသံ ထွက်လာချိန်တွင် တိမ်တွေက လူတိုင်းရဲ့ မျက်လုံးတွေအား ကြီးမားသည့် အနက်ရောင် အဝတ်နဲ့ တားဆီးလိုက်သလိုမျိုး ချက်ချင်းကို မဲမှောင်ကြသွားသည်။
မိန်းကလေးတွေကြားမှ ဝမ်ချင်ချင် နဲ့ယောင်္ကျားလေးတွေကြားမှ ဝမ်ဂျဟောင် ကခုံပေါ်မှ ကျလုနီးပါး ဖြစ်သွားပြီး ထိတ်လန့်နေသည့် အမူအရာတွေဖြင့် တစ်ယောက်နဲ့ တစ်ယောက် ကြည့်လိုက်ကြသည်။
ကျန်းဟွေ့ ကသတိလက်လွတ် ထ,ရပ်လိုက်ပြီး ချက်ချင်းပင် အဆောင်မီးအား ဖွင့်လိုက်ပေမဲ့ သူမီးခလုတ်ကို ထိလိုက်ချိန်တွင် သူ့မျက်နှာက ပြောင်းလဲသွားခဲ့သည်။ အခန်းထဲရှိ အလင်းရောင်တွေက ချွတ်ယွင်းနေပုံရကာ သူက ခလုတ်ကို ဘယ်လောက်ပဲနှိပ်နှိပ် မီးမလင်းလာခဲ့ပေ။
ထိုအချိန် အမှောင်ထုထဲတွင် တခြားထူးခြားသည့် ပုံမှန်မဟုတ်သည့် အမှောင်ထုကရှိနေသည်။ ဒါက အရမ်းကို မှောင်မိုက်နေတာကြောင့် မျက်စိရှေ့တွင် လက်ကိုထားရင်တောင် မမြင်နိုင်လောက်အောင်ကို မဲမှောင်နေတာကြောင့် လူတိုင်းရဲ့ နှလုံးသားထဲတွင် ကြောက်လန့်မှုတွေကို တိုးပွားလာစေသည်။
မိန်းကလေး ၄ ယောက်က ကြောက်လန့်စွာဖြင့် ငိုလိုက်ကြပြီး သူတို့က နည်းနည်းလေးတောင် မရွှေ့ရဲပေ။ သူတို့က သူတို့ပတ်ဝန်းကျင်တွင် အခန်းဖော်တွေ ရှိနေကြောင်းကို အသံဖြင့်သာ အတည်ပြုနိုင်ပြီး တစ်ယောက်နဲ့ တစ်ယောက် ကိုင်ထားကြသည်။
အဆောင်အတွင်း ရင်းနှီးနေမှုကို အသုံးချကာ ကျန်းဟွေ့ ကခြေဖျားထောက်ပြီး နံရံကတဆင့် သူ့ခုံကို ရှာတွေ့သွားခဲ့သည်။ ထို့နောက် သူက ကျွမ်းကျင်စွာဖြင့် အံဆွဲကို ဖွင့်လိုက်ပြီး မီးသီးကို ဆွဲထုတ်လိုက်သည်။
YOU ARE READING
လျှို့ဝှက်ဆန်းပြားလောက〘Uni+Zaw〙
Horror[တစ်ကမ္ဘာလုံးက မင်းကို အနိုင်ကျင့်ကြတယ်၊ မုန်းတီးကြတယ်၊ နောက်ပြီး မင်းကို ခွဲခြားဆက်ဆံကြတယ်၊ ဒါပေမဲ့ မင်းရဲ့ကမ္ဘာကြီးက သူ့ကြောင့်ပဲ တောက်ပလာခဲ့တယ်။ ငါ ဒီကမ္ဘာကြီးကို မုန်းတီးတယ်! ဒါပေမဲ့ ငါ မင်းကို ချစ်တယ်!] ရှောင်ချန်း ကသာမာန်လူ တစ်ယောက်ဖြစ်ပေမဲ့ သ...