လျှို့ဝှက်ဆန်းပြားလောက〘Uni+Zaw〙

သည်းထိပ်ရင်ဖိုအထက်တန်းကျောင်း (၁၃)

Unicode

“မင်းပို့ပေးခဲ့တဲ့ လက်ဆောင်အတွက် ကျေးဇူးတင်ပါတယ်။ ငါအဲ့ဒါတွေကို အရမ်းကြိုက်တယ်။ ဒီနေ့၊ အတန်းပြီးရင် စာကြည့်တိုက်မှာ တွေ့ရအောင်။ ငါမင်းကို ဒုတိယထပ် နံရံရဲ့ ဘယ်ဘက်ခြမ်းနားမှာ စောင့်နေမယ် - ရှောင်ချန်း”

ကောင်လေးရဲ့ ခန္ဓာကိုယ်က တုန်နေခဲ့ပြီး စာရွက်ကို ကိုင်ထားသည့် လက်တွေက ပိုပြီးတော့တောင် မတည်မငြိမ် ဖြစ်နေသည်။ သူ့ခေါင်းက ငုံ့ထားပြီး ရှေ့ဆံပင်နဲ့ မျက်မှန်တွေက သူ့အမူအရာအား ဖုံးကွယ်ထားခဲ့သည်။

ရှောင်ချန်း ကသူ့ကိုယ်ပိုင် စားပွဲတွင်ရပ်နေပြီး ဒီရုတ်တရက် မြင်ကွင်းကြောင့် လန့်သွားခဲ့သည်။ သူရှေ့မှလူအား ရှင်းလင်းစွာ မြင်လိုက်ချိန်တွင် သူ့မျက်လုံးတွေက ပြူးကျယ်သွားခဲ့သည်။ ကောင်လေး ပတ်လည်တွင် ခြေလှမ်းအနည်းငယ် ပတ်လျှောက်လိုက်ပြီးနောက် စာရွက်မှ စာလုံးတွေကို သတိပြုမိသွားခဲ့သည်။ သူ့လက်အား တင်းကြပ်စွာ ဆုပ်လိုက်သည်။

ကောင်လေးက သေသေချာချာ တွေးဆနေရင်း စာသင်ခန်းရဲ့ အနောက်ပေါက်တွင် ဆံပင်တိုနဲ့ မိန်းကလေးက အေးစက်သည့် အမူအရာဖြင့် ရှိနေခဲ့သည်။ သူမက ကောင်လေးရဲ့ အပြုအမူအား မျက်လုံးကျဉ်းမြောင်းကာ လေ့လာနေပြီး အနိုင်ရသည့် အသွင်အပြင်တောင် ရှိနေသည်။ ရှောင်ချန်း ကတစ်ချက်ကြည့်ရုံနဲ့ ထိုကောင်မလေးကို သတိသွားခဲ့သည်။ - ဒါက ရန်ကျဲ။

သတိလက်လွတ် သူ့အသက်ရှူသံကို ထိန်းလိုက်မိရင်း သူ့နှလုံးခုံသံက မြန်လာခဲ့သည်။

ဒါ ရှုရှန်း ရဲ့မှတ်ဉာဏ်တွေလား?

ခေါက်ရာလေး နည်းနည်း ထင်သွားမှာတောင် ကြောက်နေပြီး ရတနာလိုမျိုး စာရွက်အား ညင်သာစွာ ကိုင်ထားသည့် ကောင်လေးကို ရှောင်ချန်း ကြည့်နေခဲ့သည်။ သူ့စားပွဲမှ အပြာရင့်ရောင် စာအုပ်အား ထုတ်လိုက်ပြီး ဂရုတစိုက်ဖြင့် ရထားသည့် စာရွက်လေးအား အထဲတွင် ညှပ်လိုက်သည်။

လှုပ်ရှားမှုတိုင်းက ပျော်ရွှင်မှုတွေနဲ့ ပြည့်နေသည်။
ကောင်လေးက သူ့အဝတ်တွေကို ပုတ်လိုက်ပြီး ဖုန်ရှိနေမှာကို စိုးရိမ်နေသည်။ သူ့ဖိနပ်ကြိုးအား အကြိမ်အနည်းငယ် ချည်ပြီးတာတောင် ထပ်ထပ်ချည်နေပြီး မတော်တဆ မကျွတ်သွားအောင် သေချာဖို့ လုပ်နေခဲ့သည်။ ဒီနည်းလမ်းဖြင့် နောက်ဆုံးတော့ စိတ်ကျေနပ်သွားခဲ့သည်။