Chapter 243: ဘာလုပ်လုပ် နာမည်မဝှက်
တိုက်ပွဲက အထွဋ်အတိပ်ရောက်လာသည်။ ချူဟုန်ခိုင် ဓားက မြွေတစ်ကောင်လို ပျော့ပျောင်းစွာ ထိုလူ၏ အရေးကြီးအင်္ဂါများထံ ဦးတည်နေသည်။
အနီရောင်ဆံပင်နဲ့လူက အခွင့်အရေး မရှိတော့ဘဲဘေးကို မီတာများစွာ ရှောင်လိုက်ရသည်။
ထိုအချိန်တွင် ချူယွီရှန်မှာ မျက်နှာကို ဦးတည် ရောက်လာသော ဓားအိမ်ကို ရှောင်လိုက်သည်။ သို့သော် ကန်လာသော ခြေထောက်ကိုတော့ မရှောင်နိုင်လိုက်ပေ။ ရန်သူ့ကန်ချက်က ဆက်တိုက်ဖြစ်ပြီး သူ့ခန္ဓာကိုယ် မြေပေါ်လိမ့်ကာ နောက်က တိုင်တစ်ခုထံ တိုက်မိသွားသည်။ အင်မော်တယ်ဗိမ္မာန်တစ်ခုလုံး တုန်ခါသွားသလိုပင်။
“မျိုးမစစ်ကောင်…”
သူက လူအားလုံးရှေ့တွင် အရှက်ခွဲခံလိုက်ရသည်။ အထူးသဖြင့် သူနှင့် သိကျွမ်းစပြုနေပြီဖြစ်သော ဝက်ဝံမလေးရှေ့တွင် ဖြစ်သည်။ ချူယွီရှန်မှာ ဘာသိက္ခာကျန်သေးလဲ။ မျက်လုံးများ ပိုမိုနီရဲလာကာ အသံကုန်ဟစ်ကာ ရန်သူထံ ဆက်ပြေးဝင်လာသည်။
သူ့ခုခံနိုင်စွမ်းက ပွဲကြည့်သူများကို လေးစားစေသည်။ ဒီဖက်တီးက ဒီလောက် ဒဏ်ရာပြင်းပြင်းရတာတောင် ဘယ်လိုမှ မနေသလိုပဲ။
ဇူအန် ပွဲကြည့်သူအမြင်ဖြင့် အေးဆေးစွာ ကြည့်နေလိုက်သည်။ ချူယွီရှန် နှင့် ချူဟုန်ခိုင် နှစ်ယောက်လုံးက အဆင့် ၄ ထိပ်ဆုံးအဆင့်တွင် ရှိနေကြောင်း အကြမ်းဖြင့် ခန့်မှန်းနိုင်သည်။
သို့သော် သူတို့ပုံစံက လုံးဝ ကွာလေသည်။ တစ်ယောက်က ခုခံမှုအားကောင်းပြီး တိုက်ခိုက်မှု အားနည်းသည်။ နောက်တစ်ယောက်က ပြောင်းပြန်ပင်။ သူတို့နှစ်ယောက်သာ အချင်းချင်းတိုက်ရင် ချူဟုန်ခိုင် ချူယွီရှန်ကို တစ်ချက်တည်းနဲ့ အသေသတ်မှ ရမည်။ တိုက်ပွဲအချိန်ကြာလေ သူ့အတွက် အခြေအနေမကောင်းလေပင်။
ဇူအန် သက်ပြင်းချလိုက်သည်။ ချင်ဝမ်ယွီ ပြောသလိုပဲ။ ချူပင်မအိမ်တော်က အိမ်တော်ခွဲတွေနဲ့ ကြမ်းတမ်းတဲ့ ဆက်ဆံရေးရှိပြီး အမြဲတမ်း စောင့်ကြပ်နေရတယ်။
ဒါပေမဲ့ ချူဟုန်ခိုင် နှင့် ချူယွီရှန် ၏ ပူးပေါင်းတိုက်စစ်ကို မြင်လိုက်သောအခါ သူတို့ အလွန်ရင်းနှီးကြောင်း သိနိုင်သည်။
ဟင်း..ဒါတွေက ချင်ဝမ်ယွီရဲ့ လူမှုရေး ကျရှုံးလို့လား ဘာလားလို့ ငါတွေးမိတယ်။ ကိုယ့်ကိုကိုယ် ပြန်ဆန်းစစ်သင့်တယ်။
ပြီးတော့ ဒီလူက ဘယ်က လာတာလဲ။ သူတို့ညီအစ်ကိုနှစ်ယောက်ကို ရင်ဆိုင်တာတောင် မခက်ခဲဘူး။ သူ့ကျင့်ကြံမှုကို သူတို့ထက် အများကြီး ပိုမြင့်သလိုပဲ။
