Chapter 371: ငါကုမှရမှာ
ခန္ဓာကိုယ်သေးသေးလေးတစ်ခု နောက်လန်ကျသွားတာ တွေ့လိုက်ရသည်။ အမြန်တုံ့ပြန်လိုက်ပြီး ဇူအန်လက်ထုတ်ကာ လှမ်းဆွဲလိုက်သည်။ သူ့လက်ချောင်းများက အေးမြသောလက်တစ်ဖက်ကို ဆုတ်ကိုင်လိုက်မိပြီး ခံစားရကောင်းလေသည်။
တစ်လမ်းလုံးပြေးလာရ၍ သူ့ကိုယ်အပူချိန်က မြင့်တက်လာသောကြောင့်လည်း ဖြစ်နိုင်သည်။
ထို့ကြောင့် ဒီလက်က အလွန် ထိတွေ့ရတာကောင်းနေသည်။ လက်ပင် မလွှတ်ချင်တော့ပေ။
သူဘယ်သူ့ကိုကိုင်ထားလဲ သိလိုက်ရသော် ဇူအန် စိတ်လှုပ်ရှားသွားသည်။
"ရှောင်ချီ ဘုရားမလို့ မင်းနဲ့ကြုံတာပဲ. ။ငါမင်းကို..."
သူ့စကားမဆုံးခင်မှာပင် ကျီရှောင်ချီ မျက်နှာရဲလာပြီး လက်ကိုရုန်းကာ ပြန်ပြေးရန်ပြင်လိုက်သည်။
နွေဦးလေ ၁၈မျိုး ကိစ္စကြောင့် သူ့ကိုစိတ်ဆိုးနေသေးကြောင်း ဇူအန် သတိရလိုက်သည်။ သို့သော် ဒီလောက်အကြာကြီး အငြှိုးထားမည်ဟုတော့ မထင်ပေ။
"ရှောင်ချီ ငါ မင်းအကူအညီ တကယ်လိုလို့ပါ" ဇူအန် ကဗျာကယာ ပြောလိုက်သည်။ ချင်ဝမ်ယွီက သတိမေ့ခါနီးပြီ။ သူ့ရင်ခွင်ထဲတွင် ပျော့ခွေနေလေသည်။
"ရှင့်ကို မကူညီဘူး" ကျီရှောင်ချီ သူ့ရင်ခွင်ထဲက မိန်းမကို တစ်ချက်ကြည့်လိုက်သည်။ ချင်ဝမ်ယွီ မျက်နှာက ဇူအန်ရင်ဘတ်ကို အပ်ထားလေသည်။
ဒီလူက တစ်ခြားမိန်းမတစ်ယောက်ကို ပွေ့ရင်း ငါ့ဆီရောက်လာသေးတယ်..
သင်သည် ကျီရှောင်ချီ ထံမှ အမျက်ပွိုင့် ၃၃..၃၃..၃၃..ရယူလိုက်သည်။
အမျက်ပွိုင့်ကိုမြင်သော် ဇူအန်လုံးဝ ကြောက်အသွားသည်။ ဒီကလေးမက ပုံမှန်ဆို သဘောကောင်းပါတယ်။ ဒီလို ပြုမူမည်ဟု ထင်မထားမိပေ။
"ရှောင်ချီ နွေဦးလေ ၁၈မျိုးကိစ္စက ငါမှားတာပါ။ မင်းငါ့ကို ကြိုက်သလို ဆူနိုင် ရိုက်နိုင်တယ်။ ဒါပေမဲ့ ဒီနေ့တော့ မင်းငါ့ကို လူတစ်ယောက်ကို ကူညီပြီး ကယ်ပေးဖို့လိုတယ်" ဇူအန် တကယ်ကို စိတ်ပူပန်နေသည်။
ကျီရှောင်ချီ မျက်နှာရဲသွားသည်။ မတော်တဆ နွေဦးလေ ၁၈မျိုးကို စမ်းခိုင်းရုံလောက်ကတော့ ဤမျှ စိတ်ဆိုးမည်မဟုတ်ပေ။ သူမကိုတကယ် စိတ်ဆိုးစေတာက သူအဝတ်ချွတ်ပြီး ရေစိမ်နေတဲ့အချိန်ပြီးတော့ ဇူအန်က သူမကိုမြင်ရုံမက ထိပါ ထိတွေ့လိုက်သေးသည်။ထို့နောက် ချူဟွမ်ကျောက်၏ အထင်လွဲခံရခြင်းက ကိစ္စကို ပိုဆိုးသွားစေသည်။
သူမက အမြဲတမ်း ဖြူစင်ခဲ့သည်။ ဒီလိုကိစ္စမျိုး ဘယ်တုန်းက ကြုံဖူးလို့လဲ။ ဒါ့ကြောင့် တစ်ချိန်လုံး အငြှိုးထားမိနေပြီး ဇူအန်ကိုမြင်တိုင်း ခံစားချက်များ ရှုပ်ထွေးနေခြင်းပင်။
