نـيـران الـغـجـريـة

الفصل الثالث والثلاثون : مساعدة زائفة.

تفاعل على البارت ، قراءة ممتعة
الفصل الثالث و الثلاثون : مساعدة زائفة.
_______________
" نصف مني بارد
ونصف اخر مشتعل
نصف مني صامت
و النصف الآخر يتحدث بإستمرار
نصف مني هادئ
و النصف الآخر غاضب الى درجة لا تحتمل "

كان عمار في مكتبه يدرس معلومات العرض الجديد بشكل سطحي قبل الإجتماع مع بقية المدراء و مناقشته.
و على حين غرة داهمه صداع قوي منعه عن التركيز ، فتأفف بسخط و قلب درجه باحثا عن الدواء ليأخذ آخر حبة مسكن من العلبة ، و لكن مع مرور الوقت لم يزل الصداع بل ساءت حالته و أصبح يعجز عن الرؤية فإلتقط هاتفه و ضرب رقم طبيب العائلة السيد حسين ليرد عليه الاخير بعد ثوان :
- ألو ، عمار اهلا وسهلا.

- احم اهلا يا دكتور حسين معلش لو كنت عطلتك عن شغلك بس انا جالي صداع قوي و خدت من المسكنات اللي كتبتهملي في الروشتة من اخر اغمى عليا بس مفادنيش ف كنت عايز من حضرتك تكتبلي مهدئ أقوى لان راسي هتنفجر.

كان يتكلم بصوت مكبوت جراء ألمه الذي لم يعد يقدر على تحمله ، بينما استطاع الطبيب إدراك ذلك فأولى له كل إنتباهه و هتف بحذر :
- المسكنات مش هتنفع من غير فحص يا عمار انت لازم تجيلي عشان اقدر عرف مشكلتك و افيدك.

تأفف عمار بإنفعال و أردف :
- انا طلبت روشتة منك وبس مش مستاهلة فحص بعدين انا تعبان ومش هعرف اجيلك.

أصر عليه الآخر بلين محاولا اقناعه :
- مادام حالتك صعبة كده يبقى مش هينفع اديلك اي مسكن ... و انا عارف انك مش هتوافق ابعتلك الاسعاف علشان كده انت خلي الشوفير بتاعك يوصلك لعندي.

اعترض عمار كثيرا ولكنه رضخ في النهاية له فخرج بخطوات قد جاهد ليجعلها متزنة و من حسن حظه أن الجميع كان غارقا في عمله فلم يجد صعوبة في المغادرة.
إستقل سيارته و أخبر السائق بأخذه إلى المستشفى الخاصة ، ثم بعد وصوله دخل لغرفة الطبيب حسين مباشرة و خضع للفحص الطبي.

- الصداع بيجيلك ع فترات منتظمة و في حالات معينة ولا عشوائي ؟
سأله بعملية فأجابه عمار بإرهاق :
- في الاول كان بيجيلي يجي مرتين في الشهر و بيستمر لأيام بس كل ما اخد الدوا بخف.
بس حاليا بقى يجيلي مرتين او تلاتة في الاسبوع بوجع أقوى مبيروحش مهما خدت مسكنات.

- ممكن تقولي ع مكان الألم بالضبط.
ظل عمار يجيب على أسئلته بإختناق و كبت حتى نفذت قدرة تحمله فهدر بغضب :
- دكتور حسين ممكن حضرتك تبطل الأسئلة ديه و تكتبلي الروشته عشان عايز امشي من هنا !

نظر له الأخير بصبر و طلب منه بلين أن يجيب على جميع أسئلته لأنه لا يستطيع إعطاءه وصفة بدون فحص فزفر عمار و بدأ يرد عليه بمضض حتى أنتهى الطبيب و قال بجدية :
- عمار ياريت تسمعني للاخر و متقاطعنيش.

نظر له بإقتضاب و حذر ليتأفف في النهاية و يسأل  :
- ايه اللي طلع معايا ؟

- الصداع اللي معاك صعب و حاد اكتر من اللي اتوقعته ... على حسب كلامك ف انت بقالك سنين بتكتفي بمسكنات بس دلوقتي حتى هي مبقتش تنفع معاك و انا مبقدرش اكتبلك اي مهدئ تاني من غير ما اعرف سبب الصداع بس رد عليا ... انت لسه بتاخد المهدئات بتاعتك ولا وقفتها زي ماطلبت منك.