Unicode
နဥ်နဥ်က ဆွဲဆောင်မှုအရှိဆုံးနဲ့အဖော်ရွေဆုံးလို့ သူမယုံကြည်ထားတဲ့ အပြုံးတစ်ပွင့်ကို တပ်ဆင်လိုက်ပြီး "အဖွား၊ မဂ်လာပါ၊ ကုမျန်လိုမျိုး ကျွန်မလည်း ခေါက်ဆွဲ၊ ဆီ၊ ဆား၊ ငံပြာရည်၊ ရှာလကာရည်၊ အိုးနဲ့ ဒယ်အိုးတွေရဖို့အတွက် သကြားလုံးတစ်လုံးသုံးလို့ရမလား"
နဥ်နဥ် ပြောတဲ့စကားက ကုမျန်ပြောတာတွေနဲ့ များစွာကွာခြားသွားတာမဟုတ်ပေ။
ဒါပေမယ့် အဘွားအိုက နဥ်နဥ်ကိုကြည့်ပြီး သူမလက်ကို ဘာသိဘာသာ ဝှေ့ယမ်းကာ တိုက်ရိုက်ငြင်းဆိုလိုက်တယ်။
"မရဘူး၊ နင် တခြားနေရာကို သွားလို့ရတယ်"
နဥ်နဥ်အံ့သြသွားတယ်။
ကုမျန်မေးတော့ သဘောတူပေမဲ့ သူမအလှည့်ရောက်တော့ အဘွားအိုက ဘာကြောင့်ငြင်းရတာလဲ။
သူတို့က အရမ်းကိုဘက်လိုက်ပြီး ဆက်ဆံနေတာမဟုတ်ဘူးလား ။
သူမက အနည်းငယ် စိတ်မကြည်မသာဖြစ်သွားပြီး ဆက်ပြီး စည်းရုံးချင်ပေမယ့်လည်း အဘွားအိုက သူတို့ကို အပြင်မောင်းထုတ်တော့တယ်။“ငါတို့ အခု ညစာစားနေတာ၊ ဒီမှာမနေ, နေကြနဲ့တော့”
နဉ်နဉ်က ပြီးခဲ့တဲ့အချိန်တွေတုန်းကလည်း နှစ်ကြိမ်တိုင်တိုင် ငြင်းဆိုခံရဖူးပြီဖြစ်လို့ ဒေါသအမြောက်အမြား စုဆောင်းမိနေပြီဖြစ်တယ်။ အကယ်၍ သူမသာ show ရိုက်ကူးနေရဆဲမဟုတ်ခဲ့ရင် ဒေါသကို ဖောက်ခွဲမိလိမ့်မယ် ။
အခုတော့ အဘွားအိုဆီက မျက်နှာချင်းဆိုင် ထပ်ပြီးငြင်းဆိုခံလိုက်ရတော့ သူမထပ်ပြီးသည်းမခံနိုင်တော့ဘူး။"ဟေး၊ မဟုတ်သေးဘူး၊ ကျွန်မကို အကြောင်းပြချက်ပေးလေ သူမက လုပ်လို့ရပေမယ့် ကျွန်မက ဘာဖြစ်လို့ လုပ်လို့မရတာလဲ
အဘွားအိုက နောက်ကျိနေတဲ့မျက်၀န်းတစ်စုံနဲ့ နဥ်နဥ်ကို စိုက်ကြည့်လိုက်ပြီး အေးစက်စက်လေသံနဲ့ "သူမရဲ့ ရောင်ဝါက သန့်ရှင်းနေပြီး သူမရဲ့စိတ်ထားက ဖြူစင်ပြီး ကြင်နာတတ်တာကြောင့်ပဲ! ပြီးတော့ နင်၊ နင့်ရဲ့ ရောင်ဝါကတော့ ညစ်ပတ်နေတယ်၊ နင့်စိတ်ထားကလည်း ရုပ်ဆိုးတယ် နင်က မနှစ်မြို့ဖွယ်ကောင်းတယ်!" အဘွားအိုက သူမကို ရုပ်ဆိုးတယ်လို့ တံဆိပ်ကပ်ခဲ့တယ်။
YOU ARE READING
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
RandomAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
