Caught by a Beast [GxG]

╰24th Catch╮

◈ Caught By A Beast ◈

╰24th Catch╮

ILANG beses pa silang nagpaikot-ikot para maghanap ng kanilang paglalaruan. Mayamaya ay huminto sila sa isang dance platform kung saan naroroon ang dalawang babaeng nagsasayaw. Napansin niyang napukaw doon ang atensyon ni Arq kaya medyo napasimangot siya.

Eh, ano pa nga ba? Babaero rin pala.

Tinangka niyang alisin ang pagkakaakbay nito subalit hindi siya nito hinayaan.

"Don't get jealous. I don't find them attractive." Arq whispered.

"So, kapag attractive?" Taas-kilay niyang tanong. Para na talaga siyang selosang girlfriend.

"Ano bang akala mo sa'kin, sabik sa babae? Sila lang ang magkakandarapa sakin pero kahit kailan hindi mo ako mapapalapit sa kanila. Unless it's necessary."

Very well. Unti-unti ng lumalabas ang kayabangan ni Arq. Napakagaling din nitong magpalusot. Pero sa totoo lang, kilig na kilig na talaga siya. Hindi na nga niya alam kung hanggang saan pa niya kayang pigilan ang nararamdaman. Baka mamaya, bigla na lang siyang mapatili sa sobrang kilig.

Kainis! Hindi. Hindi ako babaliko.

°Naku, Lara. Inumpisahan mo na nga. Hindi ko na hihintayin ang next chapter.°

Sinimangutan niya ang imaginary persona ng kanyang ego. Mapang-asar din kasi kagaya ni Arq.

And speaking, Arq appears to be enjoying while watching the girls. They stay around until she notices that it's slowly getting crowded. The two girls have just gained their fans club from the boys in the multitude.

Hindi rin naman nakapagtataka sapagkat parehong maganda at sexy ang dalawang babae. Maliban doon ay magagaling pang sumayaw.

"Bibili lang ako ng mangangata habang nanonood ka dyan." Paalam niya dahil nakakaramdam na siya ng pagkabagot.

"Okay." Matipid na sagot ni Arq, na ikinainis niya.

Hindi kasi umayon sa kanyang inaasahan ang inasta ni Arq. Kung kanina ay ayaw siya nitong pakawalan, ngayon ay hindi man lamang siya nito pinigilan o kaya ay sinamahan para bumili. Mukhang mas masaya ito na nanonood kaysa pansinin ang pag-iinarte niya.

Kung sabagay, sa dinami-rami ng magagandang nilalang sa Georgetown, sino ba naman siya?

Pailing-iling siya habang naglalakad palayo. Naghahanap siya ng snacks nilang dalawa nang mapahinto siya sa isang stall kung saan mga sweets ang tinda. Paborito niya ang cotton candy at lalo siyang natuwa sapagkat nakahulma ang mga iyon sa iba't ibang hugis at itsura. Pinili niya ang Rabbit.

Ayos na siya sa kakainin ngunit hindi siya sigurado kung mahilig ba si Arq sa matatamis na pagkain. Nakalimutan niya itong tanungin dahil naaasar siya kanina. Kaya nagpasya siyang balikan ito matapos mabayaran ang kanyang binili.

Mas dumami ang mga nanonood na nakapaligid sa dance platform. Hindi na mahagilap ng kanyang mga mata si Arq. Marahil ay natabunan na ito ng mga nanonood dahil sa unahan sila nakapwesto kanina. Kaya nakisingit na siya para makapunta sa harapan at mahanap ang abalang-abala na si Arq.

Unfortunately, she didn't see her there. Her brows knitted while looking for her but to no avail. And worse of all, she starts getting squeezed into the mass.

Nakakainis! San ba kasi siya nagpunta?! Naiinis na bulong niya sa sarili.

Hanggang sa mapukaw ang kanyang paningin sa taong sumasayaw sa platform. Literal na napanganga siya nang mapagsino iyon.