حب من نار

7

دخلات تتشوف فسويت زوين و كبير ... موظفين الفندق وراها تيحطو فباليزاتها .... تخطاتهم و دخلات للداخل تدور فعينيها ...

سويت كبير بحال دار ... فراشو زوين و ناعم ... تمشات حتا وقفات قدام السرير ... لحظة ترسمات على شفايفها ابتسامة زوينة و بريئة وهي تتشوف فالورد الاحمر لي مشتت فوق السرير على شكل قلب... تنهدات بشوية تتأمل كلشي يكون مزيان و تكون فعلا غالطة.... ربعاات ايديها و سهات فداك القلب لي مرسوم بشكل رومانسي خطف قلبها .. عجبها المنظر بزاف لدرجة مسخاتش تحيد عليه عينيها ....

واقف يحيى تيشوف فالموظفين تيحطو فالباليزات .. ودعهم بابتسامة و سد الباب ...دور وجهو تيقلب عليها و دخل للداخل... وقف تيشوف فيها عاطياه بالظهر تتشوف فالسرير ... بتاسم بسخرية و تمشا لجهتها حتا وقف وراها ...

سدات عينيها ملي حسات بانفاسو فوق عنقها بورشوها ... من ديما قربو ليها تيوثرها .. تينسيها فسميتها و تتمنا يبقا حداها ديما باش الاحساس ميفارقهاش....

يحيى وراها مبتاسم .... ردة فعلها كان منتاظرها طلع بوجهو حتا قابل فمو مع وذنيها و همس ليها بصوت تيخوف: مساكن قادو البيت على حساب عرسان تيبغيو بعضياتهم .. معرفوش بلي حنا مجرد عرسان تيخططو ورا ظهر بعضياتهم ...

حلات عينيها بالزربة تتنهج ....ضارت لعندو تتسرط فريقها و هزات فيه عينيها : يحيى .. علاش تدوي معايا هاكااا ...

رجع اللور وعلى وجهو نفس الابتسامة... ربع ايديه ونطق: تنبان ليك حماار انور يااك ...

حركات راسها بلااا : علاش تدوي معايا هاكا ... علاش هاد الغموض كامل اش درت ليك ..

غوتاات بااااي ملي شدها من شعرها كارز عليها... هزات فيه عينيها و ايديها تتحاول تفك شعرها من ايديه: وعتيني ..يحيى طلق مني ..

جبدها لعندو بالجهالة و عينيه كلهم غضب : نقدر نكون حمار حيت تقت بختك و غذراتني مع خويا ولكن ماشي حمار لدرجة نتيقك ... متتعرفيش تمثلي انور ..

شادة من ايديه تتفك فشعرها و الدموع هابطين من عينيها... قلبها تيخفق و شويا بشوية تيوضح ليها داكشي لي فهمات وهي حداه فالطيارة: يحيى طلق مني عفااك... مدرت والو حشومة عليك..

بتاسم بسخرية و زاد كرز على شعرها: مدرتي والو يااك .. مدرتي والو غير تافقتي مع ختك عليا و درتيني ضحكة .. شنو يحسابلك بصح غادي نبغيك .. بصح انتبدل و نركع عند رجليك ..

نثرات اييديه بالجهالة و شدات فشعرها راجعة باللور و عينيها عامرين دمووع: حشومة عليك.. ملي باغي تدير فيا هاكا متجيش ترغبني و طلبني نكون مرتك .. انا مدرت والو و قلتها ليك الف مرة .. حشومة عليييك ..

واقف قدامها تينهج ... بتاسم بشوية و قرب ليها ... وقف قدامها و نزل براسو حتا تقابل مع راسها: ماشي بوحدي لي غادي نخرج خاسر من لعبتك المسخة نتي و ختك... نتي لعبتي لعبتك و دابا مرحبا بيك فاللعبة ديالي . متأكد غادي تعجبك ...امرتي ...

ناض وقف مقاد تيشوف فدموعها نازلين ... هز ايديه تيمسح ليها وجهها : وفري دموعك .. مزال غادي تحتاجيهم ..

بتاسم ليها بسخرية و عطاها بالظهر خرج على برااا ...

طاحت فالارض على وقفتها تتبكي ... شادة من شعرها تتماصي فجلدة شعرها و كلامو تيتردد فوذنيها ... واش عاق بيها ... واش سمعها و لا قالها ليه شي واحد .. ولكن شكون ايقوليه مكاينش من غير ختها وهي لي عارفين ...

كيفاش عاق بيها و كيفاش عرف خطتها ... الف سؤال جا لبالها و جوابهم فقط كاين فالايام لي غادي تعيشهم تحت سقف هاد البيت مع واحد تيكرهها ..

#يتبع