حب من نار

34

هز عينيه و هو يلمحها واقفة فالباب ديال نفس الصالة ... حرك ايديه ب اجي ...

تنهدات بشوية و قربات لعندو ... جلسات حداه مبعدة شوياا و نطقات : علاش مغاديش نمشيو مع خالتي ..

صغر عينيه حاضي نفسها من عنقها.. صوت دقات قلبها واصلين لعندو و ايديها تيرجفو : مالك ..؟

شافت فيه تتسرط فريقها؛ والو .. علاش مغاديش نمشيو حتا حناا ؟

يحياا : انزيدو شي سيمانة و نتبعوهم

نور: علااش .. انا بغيت نمشي معااهم ..

قرب ليها و هز ايديه فرق ليها ايديها: علااش تترعدي ...

حركات راسها بلا: متنترعدش ..

صغر عينيه تيقرب ليها: وااش خايفة تبقاي معايا..

سدات عينيها ملي وجوههم قريو يلصقو مع بعض.. بلا ماتحس نطقات: عفااك مترجعش تسد علياا .. عفاااك

عقد حجبانو و رجع اللور مصدوم: نوور ..

حلات عينيها قلبها تيضرب.. تتشوف فيه بترجي خايفة يتعاود معاها نفس السيناريو : عفااك ندير ليك لي بغيتي غير مترجعش تسد علياا .. انا دابا حاملة و خاصني ناكل متخلينيش بوحدي عفااك... انا نمشي معاهم و منبقاش نبرزطك و منبقاش نسولك .. الا بغيتي كااع الطلاق انا موافقة غير متأديليش ولدي عفاااك...

وقف عاقد حجبانو وجهوو حمر ... واش لهاد الدرجة هو كاان وحش.. لهاد الدرجة مرحمهاش وركب فيها هاد الرعب كامل ... وجهها وهي تطلبو و تترجف عمرو شاف بحالو ... اذن هو بصح تيخلعها .. بصح تتخاف منو و خايفة من ولدها علييه ... لهاد الدرجة انفرادها معااه مخيف ...

ضور وجهو و بسرعة خرج من الصالة عينيه حمريييم مفقوص .. رعدة صوتها و خوف ملامحها باقين لاصقين فعينيه...

سرطات ريقها تتشوف فيه خارج... تنهدات باسى و رجعات اللور تكات على ظهرها... حطات ايديها على كرشها تدعي الله يحنن قلبو حيت بصح مبقاتش قادرة على قسوة الدنيا كتر من هاكا .. تتحس براسها قريبة تستسلم و مابغاتش .. مابغاتهمش يشوفو ضعفها لي ليها زماان مخبيااه بين ابتسامتها ...

داااز الوقت ...

واقفة فبيت خالتها تتحط فالحوايج فباليزة ... و زينة تتجيب من هنا و هناا و تحط حتا هيااا ...
جلسات نور فوق السرير تتنهد و تتشوف فخالتها : علاش منمشيوش معاكم اخالتي ..

زينة: بقاي ابنتي نتي و راجلك دوزو شويا الوقت بجوج داك الساعة تبعوناا ...

سرطات ريقها خايفة و ماباغاش تهضر و تزيد تخصر ليهم صورة ولدهم كتر من هاكا .. حركات راسها باااه و سلمات امرها للقدر يتحكم فيه...

الخمسة العشية ... بزز باش لقاا يحياا طيارة اتقلع فنفس النهار للمغرب... قطع جوج ديال التذاكر لبااه و موو ...

واقفين بجوج تيشوفو فيهم غادين قدامهم جاريين شوانطهم ... هز يحيا ايديه تيدير ليهم باي باي حتا غبرو على عينيه ...

ضور وجهو شاف فيها ... ميل راسو بشوية تيحقق فملامحها .. ساهية تتشوف قدامها و شعرها الاسود قاتم مدلي وراا عنقها ... ملامحها زوينة و لا يمكن هو لي عاد شافها زوينة ...

هز ايديه حطها فوق كتفها حتا قفزاات ... عقد حجبانو مستغرب: ماالك ..

سرطات ريقها تتحاول تبتاسم: والوو ..

مد ايديه قدامها زعما زيدي ... شدات فايد ساكها و زادت قدامو... غادا و قلبها تيضرب.. صافي دابا كاينين غير بجوج و ممعروفش اش غادي يدير فيها ... متنكرش انها خايفة بزااف بزااف ... خايفة ينفارد بيها و يستغل ضعفها مرة اخراا ... خوفها تضاعف على اخر مرة حيت بكل بساطة الضحية ولات مضاعفة فاللول كانت هي الوحيدة المستهدفة و دابا ولدها ايتحمل معاها الباقي