الدار عامرة و الجنازة قايمة ... كلشي لابس الكحل و شاد الركنة تيتصنط لعضامو ... كاين لي تيبكي و كاين لي تيفكر فحالة الام و الاب كيفاش اتكون .. ناس بعيدة ساقت الخبار و جات... كاين لي جالس باغي يبركك و كاين لي بصح شفق على العائلة ...
محطوط ثابوت صغيور وسط الفيلا و عليه ثوب اخضر... واقفين رجال كثار ووسط منهم بدر و الحاج عيسى و احمد لي واقف بزز و شكون يحس بالكبدة المعاودة من غيرو ..
كلشي مثوتر و كلشي تيبكي و الوجوه كئيبة ... الجنازة كانت غادي تخرج مع الظهر و اجلوها للعصر ...
وقفو رجيلات صغار قدام الباب ... لابسة عباية كحلة و زيف كحل .. وجهها خالي من التعابير ... عينين عامرين حزن و ملامح جامدة ...
تحطات فوق كتفها ايد كبيرة و غليضة .. وقف حداها عمر و دوا باسى: ودعي ولدك اختي ..
شافت فيه بحزن و رجعات شافت قدامها و تقدمات خطوة قدام كااع الحظور ..
كلشي تيطل و كلشي باغي يعرف ردة فعل الام .. كاين لي مخبي وجعو و عينيه تيدورو و كاين لي واقف بالعلالي تيتسنا الفراجة تبدا..
تقدمات بشوية حتا وقفات قدام داك الثابوت و نزلات على ركابيها .. مدات ايديها حلاتو و حطات الايد لاخراا على ولدها ... حيدات عليه الزيف باش مغطي حتا بان وجهو ... بتاسمات بحزن و شدات فمعصمها و حيدات واحد الكورميط ديالها .. دارتها ليه فإيديه الصغيورة لواتها .. تحنات عليه باستو و رجعات عليه الغطا و سدات الثابوت ووقفات بنفس الملامح ...
ضارت شافت فعمر لي قرب يبكي و نطقات : دابا تقدرو دفنوه ..
حدرات راسها و تمشات جيهة الدروج طلعات ..
وقفات قمر تتبكي من وسط العيالات و مشات تتجري وسط الدروج تبعاتها..تهزات الجنازة و مشاو الرجال يتكلفو بالدفن مع بدر و عمر ...
وسط المقبرة واقفين مع فقيه تيقرا ماتيسر من القرآن و الكل حادر راسو و يدعي ..
تهز الثابوت من طرف عمر و بدر ويالاه ايهبطوه فالقبر و هو يخرج من وسط الحضور .. عينيه حمرين و ملامحو حزينة ..
وقف عليهم بلا مايهضر ... نزلات ليه دمعة مسحها بالزربة و شد من عندو الثابوت .. بعدو اللور خلاوه بوحدو...
حطو فالقبر و دموعو نازلين .. هز بالة و بدا يرمي التراب .. يمسح الدموع و يرجعو يهبطو و هو خدام تيرمي التراب و تيحس بلي تيدفن فقلبو ..
الكل مربع ايديه تيشوف فيه و الكل تعاطف مع الموقف من غير بارد القلب لي ميبقاش فيه اب تشوا فولدو و نهار تزاد ما فرح بيه حتا ساعة ...
واقفة حدا السرير قدامها شوانط محلولين و هي تترتب فيهم حوايجها بشوية عليها .. تدور لبلاكار تجيب حاجة و ترجع تحطها بشوية عليها .. ملامحها عادين بحالا ماشي هي لي عاد مات ليها ولدها ..
تحل عليها الباب و دخلات قمر تتبكي شادة فظهرها ... دخلات و سدات الباب ووقفات حداه تتشوف فيها .. حاطة ايديها على فمها تتبكي و عينيها على ختها لي مداتهاش فيها واش كاينا اصلا ...
سالات جميع الحوايج و كتافت بشنطة وحدة فاللخر جمعات فيها كلشي ... سداتها و قادات الزيف على راسها .. حطاتها فالارض و ضارت جيهة الباب بكل برودة ...
طلعات عينيها فختها و بتاسمات بشوية و قالت:: بغيتي شي حاجة اختي ..
خسرات قمر ملامحها تتبكي تتشوف فيها كيفاش تتعامل .. قربات ليها بشوية و نطقات تتنخصص: ف...ي ن غاا د ة
بتاسمات نور و قالت: ارض الله واسعة
حركات راسها بلاا تتبكي: مغاديش نخليك .. منخليكش تمشي
نور: مابقات عندي بلاصة فهاد الدار.. و هاد البيت مابقاش بيتي
قربات ليها قمر و حطات ايديها تيترعدو على كتافها: مغاديش نخليك بوحدك . انا سبابك اختي انا السباب سمحيليا سمحيليا عفاااك
حدرات راسها تتبكي تتنخصص و نور قدامها ملامحها باردة : نتي مادرتي والو . هذا قدري فهاد الدنيا و انا راضية بيه
طبطبات ليها على كتفها و تخطاتها خرجات مع الباب... هبطات الدروج ووصلات التحت قدام الناس هازة شنطتها.. شافت فمها ببرودة و حولات نظرها قدامها... زادت خطوة مورا خطوة حتا خرجات مع الباب ...
وقفات جامدة تتشوف فيه واقف قدامها عينيه حمرين و وجهو ذابل .. ابتاسمات بسخرية و مشات من حداه بغات تخطااه ..
شد ليها فإيديها حابسها ووجهو الارض حمر تيبكي .. جابها قدامو و هز فيها راسو و نطق: خسرت ولدي و مابغيتش نخسرك ..
بتاسمات بسخرية و نطقات: انا اصلا عمرني كنت ديالك باش تخسرني .
حرك راسو بلاا دموعو هابطين.. شد وجهها بين ايديه: متخلينيش ... عفاك انور متخلينيش من وراك انضيع
رجعات اللور تتشوف فيه مطولا .. بقات مدة هكاك وهو قدامها تيبكي حاس بالعافية شاعلة فيه تيشوف فيها هازة شنطتها ..
![](https://img.wattpad.com/cover/228371224-288-k837861.jpg)
YOU ARE READING
حب من نار
Romanceمرحبا بيكم فالجزء التاني ل #اغفري_لي_ماتبقى_من_ذنبي قصتنا هاد المرة اتشق مجرى اخر مغاير على قصة #قمر_بدر ابطالنا هاد المرة هما نور و يحيى جوج الارواح لي تأداو بزااف و بجوجهم جربو الحب من طرف واحد باش فآخر المطاف يتجمعو تحت سقف واحد بقلوب مكسورة ن...