حب من نار

24

دازو ايام و الايام ولاو شهور ...

لابسة تيشورت ديال الصوف و كولون فالاسود ... صباط اسود عالي شوية .. فوق كتافها مونطو فالاحمر ... حاطة ايديها على كرشها تتحس بالحركة كثيرة داخل الرحم ديالها ....

خمس اشهر دازو متبدل فيهم والو ... نفس البلاد لي جات ليهم عروسة على امل تلقا السعادة فشهر العسل ديالها باقا فيه ....

كرشها كبرات بسرعة و حملها غادي بشكل طبيعي رغم انها عمرها زارت شي طبيب ...

حال يحيا كيف خلينااه ... الأطباء مافسروش حالتو و الغيبوبة لي هو فيها مقادرينش يعرفو مدتها بالظبط ...

تأقلمات مع حياتها الجديدة اللي ولات منحاصرة فقط على زيارتو المستمرة ... عمرها قنطات و لا استسلمااات... تتمشي عندو كل نهار تتهضر معااه و تشكي ليه و تحكي ليه على يومها كيف داز... على ولدو لي معارفاش بالوجود ديالو ..... نسات كاع داكشي لي دار فيها او بالحرى مخبياااه فقلبها

تنهدات بابتسامة تتشوف فالوليدات صغار تيلعبو قدامها و الثلج تيطيح عليهم ... منظر زوين بالنسبة لوحدة قلبها طيب و بيض ... حطات ايديها على كرشها: امتا نشدك بين ايدي اولدي ..

قاطع تفكيرها خيال وقف عليها .. هزات عينيها تتشوف فالشخص لي قدامها وجهو مؤلوووف ..

...: نقدر نجلس ..

عقدات حجبانها تتحاول تفكر فين شافتو و اكترية انه دابا دوا بالعربية : سمحليا تنعرفك..

جلس حداها بابتسامة: دغيا نسيتيني ...

رجعات اللور شادا من كرشها ملي تفكراات شكون: نتاا هو البوليسي لي ..

قاكعها تيحرك راسو بااه مبتاسم: هو هدااا ... لباس عليييك ..

حركات راسها بااه تتشوف فيه بعفوية: حمد لله ..

وقفات تتقاد فالمونطو فوق كتافها: سمحليااا ...

يلاه اتضور و هي ترجع تشوف فيه : واخا نسولك ..

حرك راسو بااه مربع ايديه تيشوف فيها: مرحبااا ..

شدات فكرشها تتخبي ايديها من البرد: كيفاش تسدات قضية يحيا .. حتا واحد مباغي يقول ليا شي حاجة ..

وقف قدامها تيضحك جنب .. حرك راسو يمين و شمال و رجع شاف فيها : حتا انا بحالك .. تسدات و صافي...

دلات شنايفها تتفكر: واخا.. شكرا نخليك ...

هز ايديه حطها على كرشها: شنو عندك..

بعدات بالزربة و جمعات جناب المونطو على كرشها: معرفتش...

ضحكات ليه ضحكة صفراا و عطاتو بالظهر ...

جلس فنفس الكرسي تيشوف فيها غادا تتمايل قدامو... بتاسم بشوية تيحرك فراسو : كن شفتك قبل منو عمرك تكوني حزينة بحال هاكا ... ولكن حتا دابا باقي الحاال .. كلشي بالمكتااب ...

ضرب على ركبتو و ناض وقف تيشوف فدوك الدراري الصغار تيلعبو قبل مايضور جيهة طوموبيلتو ركب و كسيرااا ...

غادا نور مضاربة مع جيب المونطو تتجبد فتيليفونها تيصوني : الوو...

عمر: باقا خارجة...

نور: جلست غا شوية فنفس الجردة.. انمشي عند يحيا دابا ...

عمر: قلت ليك متبقايش تخرجي بوحدك .. البرد و نتي معارفاش تما مزياان ..

نور: راه متنبعدش على الدار و طريق المستشفى حافظاه متخافش علياا ....

عمر: سوكي بشوية صافي.. السيمانة الجاية غادي نجي و انجيب الواليدة راه تموت و تشوفك ..

نور: جيبها اخويا حتا انا توحشتها.. خالتي و عمي عيسى مساكن مرااض بزااف .من الاحسن تجي ماما

عمر: انشاء الله ..

نور: خويااا ... علاش قمر متدويش معايا .. تنعيط ليها و ديما العلبة الصوتية...

عمر: راك عارفة هما ديما مسافرين و من بلاد لبلاد اتكون مسالاتش

نور: مسالاتش تسول فختها .. كاع هادشي لي طاري معايا مقدراتش حتا تسول فيااا ...

عمر: نوور صافي تنقولك متبقايش تفكري بهاد الطريقة راه غا الحمل لي دايرها ليك ... متعطليش انا شويا نرجع نعيط ليك ...

نور: واخا ...

قطعات معااه تتنهد .. حلات باب طوموبيلتها لي خدا ليها عمر باش تولي تحرك بيها ... ركبات تتنفس بشوية تتحاول تقاد تفكيرها و ماتفكرش فشي حاجة سلبية تخسر ليها روتين حياتها ...

قطع عمر التيليفون و ضار تيقلب بعينيه عليها ... ضار جيهة البلاكار لقاها واقفة عاطيااه بالظهر ...

بتاسم و مشا جيهتها ... عنقها من اللور تيضحك ملي لمحها هازا تيشورت ديالو خاشيااه فنيفها: هاد الوحم باقي مسالاش ...

هزات فيه عينيها: والله معرفت .. الا مشميتش ريحتك ما تنحسش بالراحة...

ضورها جيهتو و حط ايديه فوق كرشها مقنبلة قدامها: بنتي اتطلع ليااا بايناا ..

الباتول: و علاش ماتطلعش ليا انا ... نتا لي اتولدها ..

هز فيها عينو تيضحك: انا باها باينا اتشبه لياا .. بنت باها

نتراات ليه ايديه و رجعات اللور مخنزرة: دابا الا جات هيا صافي اتنسااني ..

ربع ايدو تيضحك: اش عندي ماندير بيك .براكا عليا غا بنتي ..

رجعات اللور و عينيها دغيا عمرو دمووع .. رجعات حساسة كتر من القياس و على نقشة تتبكي ... مجوباتوش حدها نزلات دمعة و عطاتو بالظهر خرجات من البيت كامل...

هز حجبانو مصدوم كيفاش دغيا بكات هو غا كان تيضحك ... حرك راسو بلا حول الله و خرج تابعها يحزرها

#يتبع