كانت نور على نفس وضعيتها متكية فوق السرير و ليلي جنبها .... هزات راسها بان ليها خوها وهي تنوض بالزربة جلسات تتشوف فيه ...
دخل عمر و سد الباب وراه . تلفت جيهتها و مد ايديه ليها .. نور بلا ماتردد ناضت لعندو و عنقااتو مزيرة عليه...
عنقها بدورو كارز عليها تيدوز ايديه على شعرها و نطق: توحشتك القردة ..
ضحكات وسط دموعها و ناضت عليه: حتا انا اخويا . بزاف بزااف .. سمح لياا عفااك
عمر: ششش .. نتي لي سمحي لياا .. انا لي غلطت فحقك و ماحميتكش .
نور: بالعكس اخوياا .. نتا حميتيني بزااف .. نتا اكتر واحد عاوني و شد بايدي ..
رجعات عنقاتو تتشكرو و طلب السماحة بطريقتها .. بقاو مدة تيهضرو تيحاولو يصفيو الخواطر و فعلا تصفاو و كل واحد تقبل لاخر باغلاط الماضي ...
دازو ايام و ايام ... الضحكة رجعات لوجه الكل و الفرحة و السعادة شقات طريقها وسط العائلات بجوج ...
دازو ايام طلب فيهم يحيا ايد نور بطريقة صحيحة و كبر بيها وسط عائلتها ... وجدو لحفلة صغيرة بيناتهم و كتبو كتابهم من جديد و هاد المرة باسم يحيا الزايدي و نور ايت فارس ... بوجه مكشوف و باسماء حقيقية...
الكل فرح و اولهم يحيا لي مقداتو فرحة و حس بقلبو باغي ينقز بالفرحة .. ملي ولات نور حاملة اسمو و مراتو بالشرع و القانون السعادة عرفات طريقها ناحيتهم ....
الكل حضر فالحفلة و كلشي فرح .. كانت نور بكسوة بيضة خفيفة طويلة و تاج من الورود فوق راسها.. واقفة جنب يحيا و تتستقبل التهاني ...
دخل مع الباب راجل طويل و شهم .. لابس كوستيم فالازرق بكرفاط و فايديه كادو مغلف .. فجنبو بنت جميلة بملامح زوينة و صهباء الشعر...
تمشاو بكل ثقة و كاع الاعين عليهم .. وقفو قدام نور لي كانت ملهية بالهضرة مع يحيا ولكن كيف حسات بالخيال ضارت ...
وقفات مخرجة عينيها و بلا ماتحس قربات ليه عنقاتو شادة فجنااب لافيسط ديالو ..
هز يحيا عينيه بعفوية و هو يتسيف ... وقف بالزربة و شدها من ايديها رجعها اللور مخنزر ..
نور عاد سرات معاها اش دارت قدامو .. حدرات راسها و لكن فرحتها بمجئ مهدي كانت كبيرة ...
ضحك مهدي على تصرف يحيا و الغيرة لي باينة فعينيه و نطق: على سلامتكم ملي هنيتونا منكم .. مبروك عليكم
ضار يحيا شاف فيه باقي مخنزر: الله يبارك فيك ..
بتاسمات نور و قالت: فرحت حيت جيتي ...
مهدي: عرس ختي و مانجيش مايمكنش ..
شافت نور فكنزة و قالت بابتسامة: مرحبا بيك ..
ضحكات كنزة و قربات منها عنقاتها : مبروك علييك ..
نور: الله يبارك فيك ..
بقاو تيهضرو و ايد يحيا شادة فايد نور كارز عليها مطالقش منها ... مشا مهدي عند عمر تسالم معاه و دا معاه كنزة تيعرفهم عليها ...
ESTÁS LEYENDO
حب من نار
Romanceمرحبا بيكم فالجزء التاني ل #اغفري_لي_ماتبقى_من_ذنبي قصتنا هاد المرة اتشق مجرى اخر مغاير على قصة #قمر_بدر ابطالنا هاد المرة هما نور و يحيى جوج الارواح لي تأداو بزااف و بجوجهم جربو الحب من طرف واحد باش فآخر المطاف يتجمعو تحت سقف واحد بقلوب مكسورة ن...
