حب من نار

39

سايق طوموبيلتو وسط الشارع ..الدنيا ظلاام من غير الضواو لي مضوين الدنيا...
جالسة حداه دايرة طاقية فوق راسها و مونطو اسود فوق كتافها ... حاطة فوق ركابيها صندوق صغير لقطتها ... هبطات شوية براسها حتا طلات عليها الوسط ناعسة و رجعات شافت فيحيا جنبها سايق

نور: غادي يخليوها معايا ياك ..

شاف فيها فنص عين ورجع شاف فالطريق: وجدت كلشي متخافيش. مشتك اتبقا معااك .

حركات راسها بااه و رجعات تتشوف قدامها ...

مدازش بزاف ديال الوقت باش كانو جالسين فصالة الانتظار تيتسناو اعلان الطائرة ديالهم ...

رجع براسو اللور و حط ايديه وراها فكرسيها : تمشي للحماام ..

حركات راسها بلاا تتشوف قدامها ..

هز قرعة الماا و مدها ليها: هاكي شربي

خدات القرعة و شربات شويا و رجعات سداتها .. ضورات راسها شافت فيه: يحياا ..

حرك راسو بمعني شنو ..

تنفسات بعمق عاد نطقات: امم .. ماما و بابا معارفينش اش كان واقع .. زعماا غا باش تعرف

دور وجهو تيعض فشفايفو و رجع شاف فيها: شنو ااخر ..

نور: صافي ..

شافت قدامها تتحك فإيديها و مرة مرة تطل على قطتها .. فرحات حيت غادي تديها معاها و شركة الطيران سمحات ليهم يحطو الصندوق معاهم فنفس الغرفة ..

يحيا حجز فالصف الاول و خدا غرفة صغيرة ملي تيكونو فالطيارة باش نور تاخد راحتها ...

دااز الوقت ...

حطات الطيارة رحالها فالاراضي المغربية مع الفجر نيشان ... واقفة نور تتشوف فيه تيكمل الإجراءات ...

تنهدات بشوية تتحس براسها عيانة و مرهقة كتر من القياس ... حطات ايديها على كرشها تتشوف فضندوق قطتها عند رجليها...

وقف عليها يحيا تيخشي فالوراق فشكارتو .. شاف فيها وجهها صفر : ماالك ..

نور: والو .. مزال معطلين هناا عيت بزااف ..

تنهد و نزل هز داك الصندوق و شدها من ايديها و زاد قاصد باب المطار ...

وقفو قدامو ... نور حسات بدفئ غريب .. واخا الجو بارد ولكن ماشي ببرودة فرنساا ... هزات فيه عينيها تيهضر فالتيليفون.. نغزاتو بصبعها: انبقااو هناا ...

دار ليها بإيديه تصبر و رجع كمل الهضرة... ماشي بزااف باش كانت طوموبيل قدامهم .. نزل منها الشيفور ديال بااه عطاه الساروت و مشاا ...

حل ليها الباب حتا ركباات و حط ليها مشتها فوق ركابها: انا جااي...

يلاه اتهضر وهو يسد عليها الباب و مشاا... تنهدات تتشوف قدامها و ايديها على كرشها فيها الجوع و ماكلة الطيارة غا هوشاتها ... سمعات صوت تيليفونها جبداتو و جوبات...

نوور: الوو..

عمر بصوت نعسان: وصلتي ..؟

نور: ااه عاد دابا شوياا ..

عمر: فينك داباا ؟

نور: فطوموبيل يحياا .. معرت فين مشاا

عمر: نجي. ؟

نور: مكاين لاش اخوياا .. شويا و نكونو فالدار ..

عمر: غدا انجي عندك قبل مانوصل انعيط ليك خرجي عندي مابغيتش نشوف وجهو ..

حركات راسها بااه تتنهد: واخا اخويا..

قطعات معاه و حطاتو تتنهد ... عارفة عمر الا مشا حتا حقد عمرو يرجع كيف كان .. عارفاه تيدير ليها خاطرها حيت عزيزا عليه وصافي اما كن طلقها منو من اول نهاار ..

دورات راسها ملي تحل الباب ... ركب حداها تيسوط و شاف فيها: مالك

نور: مالك نتاا ..

هز راسو بالمرايا تيشوف فنفس الشيفور تيحط الشوانط فالكوفر ... غا شافو سدو و هو يكسيري تيشوف قدلمو ...

ماشي بزااف باش كانو قدام الفيلا ديالهم ... هبط يحيا هو الاول تيحرك فعنقو عياان ... حل ليها الباب حتا هبطات عاد مشا للكوفر جبد منو باليزاتها و ساكو هزهم و مشا لجهتها ...

هازا صندوقا فايديها واقفة قدام الباب الخارجي .. صونات و ماشي بزااف باش تحل ليهم الباب ...

حلات عليهم زينة بابتسامة... حلات عينيها عنقات نوور و دارت ليها الطريق تدخل ..
عنقات ولدها و دخلو جميع .... وقفو الوسط تيسولو على الحال و الاحوال

زينة: طلعي ابنتي ترتاحي .. راه بيتك وااجد ..

حركات راسها بااه و حطات قطتها فالارض: عفااك اخالتي عطيها تاكل

زينة: غا سيري ابنتي ..

بتاسمات ليها و طلعات مع الدروج تتجر فرجليها عيات ديال بصح ...

جلس يحيا فالصالة تيطرطق فعنقو .. جلسات حدااه زينة و حطات ايديها على ركبتو: عيتي اولدي...

يحياا: بزااف ... عمرني جربت التسافيرة مع مراا حاملة و قطة من الفوق .. معرفت لمن نرد البال ..

ضحكات زينة على نبرة صوتو: راه مرتك هاديك .. خاصك تجمع راسك اولدي مابقا والو و يتزاد عندك ولد ...

تنهد مرجع راسو اللور: عارف الواليدة عارف ...

شاف فيها و رجع كمل: مدواش معاك بدر ..

زينة: ديما تيدوي معايا اولدي .. لي درتيه ماشي ساهل ولكن ايجي الوقت لي تصفا فيه الخواطر نتا غا تهلا فمرتك و عرف قيمتها

وقف تيتنهد .. باس ليها على راسها و قصد الدروج طالع لبيتو