حب من نار

76

تنهد بعصبية و شدها من ايديها.. مشا جلس فوق الفوتوي و جلسها فوق ركابيه ..هز ايديه تيحيد الشعر على وجهها و تيهضر بهدووء : الشركة هادي كتر من عام و هي حالة و العطر الحامل سميتك كاين فالسوق من شحال هادي اما هي يالاه شهرين باش عرفتها و باش دخلناا شركاء ..

هزات فيه عينيها : علااش تتقوليا هادشي راه متيقتهااش   ..

باسها فخدهاا و رد: غا باش تزيدي تيقي و مايمشيش بالك بعيد ..

ضرباتو فصدرو ووقفات : ياك قلنا بلااش من البوسااان ..

ضكك حاط ايديه وراا عنقو: نتي لي تتجبديني ..

ميقات فيه و جلسات جنبو ... بلا ماتحس حطات راسها على صدرو  . حتا هو محرجهاش و مد ايدو عنقها كرزها عندو و طبع قبلة على راسها ..

نور: امتا حياتنا اتقااد ..

كرزها عندو و قال: من نهار لقيتك حسيت حياتنا تقادات حيت عارف اترجعي ليااا ...

هزات فيه عيزيها و قالت: قمر ولدات ولد ..

يحيا: باش عرفتي   

نور: شفت التصويرة فتيلي ديالك.. ولدها زوين تبارك الله ...

يحيا: تيشبه لبدر بزااف .. خاصك تشوفيه دابا ماخدا من قمر والو ..

زيرات ليه على كرشو : توحشتهم بزااف ولكن مقاداش نشوف فوجههم .. حاسة براسي غلطت بزااف فحقهم كاملين .. خديت قرار فوقت كنت معصبة فيه و مشوية على ولدي .. توحشت بابا بزااف و ماما..

تنهد و هز ليها راسها : لحد الساعة مدويتش معاك على هاد الموضوع و قلت ملي لقيتك صافي هادا هو الاهم و السبب لي خلااك تهربي ماشي مهم .. خليتك على راحتك و مابغيتش نجبد الماضي ولكن خاصني نعرف علااش هربتي .. ياك بغيتي الطلااق و طلقتك ولكن خليتك امانة عندهم حتا يتشافى الجرح و انرجعك مرتي ولكن بتي ماصبحتي .. عيت نقلب على السبب لي خلااك تديري هاكا ملقيتش ..

هبطو دموعها و عقلها رجع بيها للصدمة لي تصدمات فعائلتهاا .. رغم كلشي محقداتش عليهم و الغضب لي عما عينيها داك الوقت كان فقط غضب لحظي تلاشى ملي تشافات و خرجات من العقدة النفسية لي كانت عندها... حاسة بعينيه تينطقو اكتر من الكلام لي قال ليها و بغا يعرف كلشي ولكن هي مواعدة راسها  من غير مهدي حتا واحد مغادي يعرف اش طراا ديك الليلة و خلاها تغبر ...

مسحات دموعها و ردات: كنت مشوية على ولدي .. الدنيا ظلامت فعيني و حتا حاجة مابقا لي طعم    كرهت الحياة و كرهت العيشة فديك الدار..  كل متنشوف وجوهم تنتفكر ولدي و جرحي تيرجع ينزف من جديد .. مكنتش قادرة نصبر .. كنت مخنوقة و محتاجة نتنفس .. كنت محتاجة نغوت بأعلى صوووت و نخرج كاع الحزن لي ساكن قلبي .. ماحسيتش براسي حتا لقيت رجلي فالمطار .. انا بصح غلطت ولكن كنت مريضة .. انا كنت ناعسة فالسبيطار ... سبع شهور و انا فمشفى الأمراض العقلية .. كنت تنحاول نخرج من قوقعتي و نرجع للحياة ... كن..