حب من نار

35

دااز الوقت ...

جالسين فريسطو زوين تيطل على البحر فاصلهم فقط زااج ...

نتشوف فالزاج و عينيها على قطرات الشتاا شكلهم زوين فوق البحر ... هزات صبعها و بدات تترسم فالزاج اشكال و تعاود تمسح و ترجع ترسم ...

متكي على ظهرو عينيه عليها ... هادئة فوق القياس... شحال هادي كان تيعتابر هدوئها غير ضد فيه و صافي و لكن دابا تأكد بلي هادا طبعها... عمرو حقق فيها ولا حاول يفهم تصرفاتها... ديما كانت تتجيه تتستفزو بسكاتها و الضرافة لي فيها... تيقول مع راسو تتمتل عليه و صافي...

هدوئها فشكل ... الا تمعنتي فيه ايخليك تقلدو بلا ماتحس ... بسيطة فشكلها و فتفكيرها و فتصرقاتها ... صغر عينيه تيحاول يتفكر تصرف لقمر حب حياتو ملقاهش ... سد عينيه تيفكر و يعاود يفكر و لكن ملقاش ... شنو زعما بصح نساها .. هو الصباح قال لبااه نساها غير باش مايزيدش يطيح بكرامتو كتر ولكن واش بصح نساها ...

ساد عينيه تيقلب على صورة قمر فذاكرتو ملقاهاش .. واش صافي تخلص من الحب لي دمر ليه حياتو... واش صافي ولا حر و قلبو و احساسو رجعو ليه و يمكن يتحكم فيهم بالطريقة لي بغاا ...

حل عينيه و جاو فعينيها نيشان ... مدة و هما تيشوفو فعينين بعضهم... هي تتنطق ب امتى غادي تشوف فيا كيف كنتي تتشوف فيها .. و هو تينطق ب واش نتي لي كتابة ليا فهاد الدنيا...

نظرات مختالفة و افكار اكتر اختلاف ... نظرات ممفهوماش واش حب و لا عشق و لا هيااام ... بكترة مابغاتو مبقاتش تتلقا تفسير لدقات قلبها تجاهو و لا صبرها على جميع افعالو ...

نزلات عينيها و للحظة سولات راسها.. واش الحب فعلا يستاهل هاد التضحية كاملة... واش اللي تتحس بيه فعلا حب و لا مجرد غيرة من ختها ... شكون اصلا قاليها بلي لي تتحس بيه سميتو الحب ... عمرها شافت بحال حبها فجميع المسلسلات لي تفرجات فيهم ... عمرها شافت شي بطلة صبرات للذل و الاهانة قد لي صبرات ليهم هياا ... عمرها سمعات بوحدة خانها راجلها و مع ذلك بقات معاه و تتسناه امتا ينوض من غيبوبتو ...

قاطع تفكيرها الشاب لي مكلف تيسربي فالمطعم .. تحطات ليهم الماكلة لي طلبو ...

قرب ليها االفورشيط و نطق: كولي ...

حركات راسها بااه و نزلات عينيها لطبسيلها و بدات تتاكل ... شوية هزات فيه عينيها و نطقات بشوية: واخا نطلب عصير اخر .. هدا ماعجبنيش ..

يحيا: شنو بغيتي..

نور: غير ليمون متيعجبنيش الفريز..

حرك راسو بااه و عيط على السيرفور طلب منو اش بغات...

تحط قدامها و هزاتو تتشرب فيه منتاعشة بيه ... بقا تيشوف فيها و على وجهو نصف ابتاسمة: تتوحمي على الليمون ..

هزات فيه عينيها : معرفتش .. غير تيعجبني ..

يحيا: وعلاش توحمتي ..