حب من نار

71

هزها من خسرها و فمو باقي ففمها .. نسا الدنيا و نسا الخدمة و نسا المشاكل و البعد و نسا سميتو وهي بين ايديه... فرح من قلبو ملي تجاوبات معاه و زاد تأكد ان نوور باقا ديالو و واخا يوقع لي يوقع اتبقا ديالو ...

حطها فوق السرير معنقها من خسرها .. هي تحتو تتنفس بالجهد سادة عينيها مسافرة لعالم اخر لدرجة محساتش بيه ملي هزها...

حس بنفسها ايتقطع و هو يهز راسو عليها ... متكي فوق منها مكالي بإيديه باش مايحطش عليها التقل ...

هز ايديه تيدوزها على خدها ببطئ حتا حلات عينيها تتنهج ... قبلها من جبهتها و رجع شاف فيها تيحرك صباعو و نطق بهمس: هادوك الحوايج ديالك باقين جداد انا شريتهم ليك حيت كنت عارف ايجي النهار لي نلقااك فيه .. الا متقتيش راه التيكيت باقا لاسقة فيهم وعمر شي بنت المرا دخلاات لهاد الدار

سرطات ريقها تتسمع ليه و حركة صبعانو بورشوها ... بقات تترمش قدامو مقاداش تهضر ... يحيا مبغاش يحرجها كتر .. تقلب على ظهرو حداها خلاها تتشوف فالسقف ...

بقاو مدة كل واحد فين تيشوف و تفكيرهم فنفس الحاجة ... دار ايديه تحت عنقو و دور وجهو لقاها تتشوف فيه.. بتاسم و حرك حجبانو بمعنى ماالك ..

ناضت جلسات متكية على الكادر : متنبغيش نبقا بوحدي ممولفاش ..

ناض جلس بحالها وقرب ليها : صافي اخر مرة نخليييك انبقا نديك معايا للشركة ..

نور: امم ديالاش هاد الشركة ..

هز حاجبو: زعما معارفاش ..

حركات راسها بلاا تتشتت نظرها ..

هز ايديه حيد ليها الشعر على وجهها و رد : شركة العطور ..

حركات راسها بااه قلبها تيضرب ... بقات تدور عينيها على البيت حتا لمحات تصويرتها معلقة فوق المرايا و هي تبتاسم .. هبطات رجليها و وقفات مشات قدام التصويرة.. حيداتها من الحيط و قابلتها فوق الكوافوز و نطقات متتشوفش فيه : دابا عندك الاصلية ماعندك مادير بالتصويرة ...

هزات الكسوة من الارض و مشات جيهة الباب .. يالاه اتخرج و هي تضور عندو : شكرا على الورد و الشوكولا و العطر عجبوني بزااف

حنات راسها و خرجات من البيت و رجعات للبيت فين كانت .. سدات الباب ووقفات ورااه حاطة ايديها على قلبها تيضرب بجهد ... بغات تفرح و بغات تعيش و بغات ترجع تشوف الحيااة بمنظور اخر ... عيات من كلشي و عيات تكبث احاسيسها و مشاعرها و مغاديش تعاود الغلط ديال شحال هادي ...

حطات الكسوة فوق السرير و هزات فوطة و دخلات للحمام ..

باقي يحياا متكي فوق السرير حاط ايديه تحت عنقو و على وجهو ابتساامة طوييلة .... تيضحك بحال شي مسطي ... كل ماتيتفكر كلامها قلبو تيبغي يخرج من بلاصتو.

ضار على كرشو و خشاا راسو وسط المخااد مصبر راسو ماينوضش عندها ... كلامها البسيط قدر يفرحو كيف تصرفو البسيط قدر يفرحها ... هنا تأكد ان نور ماهية الا بنت بسيطة لي بتصرفات بسيطة تقدر تملك قلبها..

نهاار جديد 🌞

حلات عينيها على شميسة خفيفة داخلة ... بتاسمات و ناضت وقفات نيشان للحمام. قدات حاجتها و غسلات وجهها .. نشفاتو و خرجات من البيت ...

بان ليها واقف عاطيها بالظهر فالكوزينة ... مشات جيهتو و جلسات فوق كرسي قدام البوطاجي ...

سمع الحس و ضار .. بتاسم و قرب جيهتها .. نزل باسها من خدها: صبااح النور ..

بتاسمات بخجل وردات: صباح الخير ..

يحيى: دقيقة و يوجد الفطوور ...

حطات ايديها على ذقنها مقابلاه تيقلي فالبيض .. حطو فطبسيل و حط جنبو زيتون اسود و توست ... قرب ليها الطبسيل مع كاس ليمون و نطق: بالصحة و الراحة...

بتاسمات و هزات العصير بدات تتشرب شوية حتا كلات داك الطبسيل كامل بقاو فيه غير عضومة الزيتون ....

هزات عينيها فيه بان ليها عاطيها بالظهر مقابل مع الزااج ... مسحات فمها و ناضت وقفات جنبو ..

شاف فيها: ساليتي ..

نور: امم ..

يحيى: يالاه بدلي حوايجك باش نمشييو ...

نور: واش انمشي معااك للشركة ..

رجع ليها شعرها اللور و نطق مبتاسم: اش بان ليك تخدمي معايا...

خرجات عينيها بفرحة : حلف ... شنو اندير..

يحيا: وا سيري لبسي باش نديك تشوفي اش اديري..

طلقات منو و مشات لبيتو .. حلات البلاكار بانو ليها حوايج اخرين مشافتهمش البارح و كيف قاليها كلشي باقي بتكيتو .. هزات جينز اوت و تيشورت فالاحمر سخون .. بقاو ليها رجليها .. شافت التحت و هي تلمح مجورا حلاتهم حتا بانو ليها سبرديلات و ليبوطات و كلهم بنمرة صغيرة قداها .. هزات سبرديلة بيضة ..

هزات كلشي فإيديها و خرجات لبيتها.. تلقات بيه فالباب بتاسمات ليه و دخلات لبيتها...