وقفات نور مصغرة عينيها تتشوف فهاد قلة الادب ... ملي عرفاتها انها هي نفس البنت لي حلات عليهم الباب قبيلا و خرجات بلا متعتاذر و عوداتها دابا يعني تديرها بلعاني ...
حطات نور التيلي فوق البيرو و رجعات تتشوف فيها و فلبسها لي فاضح و نص مفاتنها باينين من عند الله محملاتهااش : منين تعلمتي هاد قلة الادب كاملة ...
دخلات نور س تتدور عينيها فالمكتب كأن نور مكينااش .. مشات للكرسي ديال يحيا و حطات ايديها عليه عاد هزات فيها راسها ..
نور س : سمحيليا يحساب ليا المكتب خواا و جيت نتسناا يحياا ..
خنزراات فيها نور محملتهااش .. و محملاتش الطريقة باش نطقات يحيا بحالا تتعرفو مزياان .. يالاه اتجاوبها و هي تنطق لاخراا ..
نور س ( مدات ايديها ): نقدم ليك راسي نور السباعي شريكة يحيا و كيف شفتي اسم الشركة على اسمي ..
خرجات نور عينيها و كلامها تيدخل لمسامعها تقيل ... كيفاش الشركة حاملة اسمها و لي زاد صدمها انه نفس اسمها .. واش هادي صدفة و لا بصح حاملة اسمها هي .. ولكن شكون هيا اصلا ياك اسم الماركة على اسمها هي نور حبيبتو و مرتو ..
بعدات اللور تتشوف فيها و تطلع و تهبط فيها .. للحظة صغرات عينيها تتقرا تصرفها .. هي يمكن تكون بسيطة ولكن تتعرف هاد الفعايل مزيان ... عرفاتها قالت هاكا حيت متتعرفهاش و معارفاش هي شكون و بغات فقط تغيضها و تضور على يحيا ... ضحكات بسخرية على هاد التفكير الذنيئ .
قربات ليها و مدات ليها ايديها قبل ماتجمعها صافحاتها بكل ثقة و نطقات: و انا نور الزايدي مرة يحيا الزايدي و للاسف الشركة حاملة اسمي ماشي اسمك كيف متخيلة ...
خرجات نور س عينيها حتا قربو يطيحو فالارض... كانت باغا تغيظها و تخرجها من طريقها في حالة كانت عندها علاقة مع يحيا حيت على ماتتعرف ان يحيا عازب و ما عندو حتا شي واحد فحياتو و اسم العطر جا صدفة مع اسمها و بغات تستغل الوضع لصالحها ولكن مظناتش ان فعلا المراا لي سما عليها العطر كاينا فالواقع و مرتو من الفوووق ...
جبدات ايديها وجها صفر و ضارت عطاتها بالظهر و خرجاات سدات الباب من وراها تتنهج .. وقفات لمدة تتحاول ترجع ل لون وجها الطبيعي عاد رجعات لقاعة الاجتماعات لقاتهم بداو ...
شافت جيهة يحيا لقاتو مركز مع لي تيشرح و مداهاش فيها واش خرجات و لا دخلاات ...
فالمكتب.. واقفة نور تتسوط على راسها .. متكذبش و تقوول متعصباتش .. تعصباات بزااف و يكمن اكتر من اللازم و المونيكة لعبات ليها على الأعصاب...
هاد المرة مخلاتش سوء الفهم يخسر ليها فرحتها لي عاد لقات ليها طريق و فهمات المغزى ديالها و الطريقة باش دوات معاها باينا اش باغا توصل ليها ... يمكن هاد المرة تاقت فيحيا و تاقت فكلامو و عارفة مزياان انه سما العطر على اسمها و هادي حقيقة مغادي تخلي حتاا حاجة تغيرها ...
دااز الوقت ... سالا الاجتمااع و ناض يحيى تيتسالم مع فريق المهندسين لي مكلفين بالفرع الجديد... سالا هضرتو و قصد الباب باغي غا امتا يوصل عندها حااس براسو توحشها و هو غبر غا ساعة ..
يالاع ايخرج و هو يحس بايد تحطات فوق كتفو .. ضار بالزربة و نثر ليها ايديها معصب : مداام نوور اخر مرة غادي نقولك جمعي ايديك عندك .. ..
رجعات اللور تتبتاسم فوق نفسها و نطقات بميوعة: موسيو يحيا ماقلتيش لياا راك مزوج ..
جمع حجبانو مستغرب من سؤالها و نيشان طاحت فبالو نوور ..قرب ليها مخنزر و قال: حياتي الشخصية بعيدة عليك و على غيرك
تخلعات من شكلو و رجعات اللور : كنت فقط بغيت نبارك ليك ..
ضحك بسخرية و عطاها بالظهر و مشا نيشان للمكتب ... حلو و دخل كيف العجاجة شافها جالسة فكرسيه شادة التيلي ..
نور غا شافتو وهي توقف ... وقف قدامها و قال موجه صبعو جيهة الباب معصب: دخل عندك شي وااحد ..
رجعات اللور خلعها : مالك تتهضر معايا هاكا ..
يحيا: هضري دخل عندك شي وااحد ..
.نور: جات عندي وااحد خيتي باركاا تهز و تحط علياا ..
ضور وجهو معصب تيحك فراسو : شنو قالت ليك ..
نور: قالت ليا جات تسناك هنا و بلي هي شريكة معاك و بلي الماركة على اسمها ..
خرج عينيه و دغيا ضار جيهة الباب غادي خاارج تيفور ولكن دغيا وقف ملي شداتو من ايديه..
جات قدامو هازة فيه عينيها : فين غااادي ..
يحيا: انمشي نوري مهاا على هاد الزعامة.. تخورات فعقلها بانت لياا ..
نور: وااش بصح العطر على اسمها.. ؟
يحيا: وااش من نيتك حتا نتي .. انا تنعرف نور وحدة فحياتي و هي نتي... مرتي و مت ولدي الله يرحمو ..
هبطات عينيها و ردات: حتا انا متيقتهااش اصلاا و قلت ليها انا مرتك و سميتي نور و العطر على اسمي.
![](https://img.wattpad.com/cover/228371224-288-k837861.jpg)
YOU ARE READING
حب من نار
Romanceمرحبا بيكم فالجزء التاني ل #اغفري_لي_ماتبقى_من_ذنبي قصتنا هاد المرة اتشق مجرى اخر مغاير على قصة #قمر_بدر ابطالنا هاد المرة هما نور و يحيى جوج الارواح لي تأداو بزااف و بجوجهم جربو الحب من طرف واحد باش فآخر المطاف يتجمعو تحت سقف واحد بقلوب مكسورة ن...