حب من نار

72

بعد دقائق كان واقف وسط الدار تيسد فساعتو تيتسناا فيها ...

تحل الباب و خرجات منو لابسة و مقادة .. شعرها مسرح وراها و تيشورت ملبوس عليها جا معاها الاحمر .. بسيطة و جميلة و الكاجوال تيجيها زوين ...

قربات ليه: نمشييو ...

تحنا باسها من خدها عاد نطق: دابا نمشييو ..

شد من ايديها و حل الباب خرجو ... فالشقة لي مقابلة معاه.. كانت ورا الباب تطل من العين كيف بان ليها الباب تحل و هي تحل بابها بالزربة خرجات ...

تصدمات ملي شافت بنت خارجة من وراه و شاد فإيديها ...

وقف يحيا قدام المصعد شاد فايد نور تيشوف قدامو .. تحل المصعد و دخل شاد فيها ...

دخلات جنبهم نور ووقفات حدا يحيا من الجهة لاخرا .. هزات فيه عينيها و نطقات بابتسامة: صباح الخير...

شاف فيها يحيا بنص عين و رجع شاف قدامو: صباح الخير ..

نور مدات مجابت حيت عمر شي وحدة شغلات بالها و مداتهاش فنظرات الاخرى لي غادي ياكلوها .. بقات تتشوف فالمرايا لي قدامها تتقاد فشعرها بالايد لاخرااا ..

تحل الباب و خرج يحيا جارها من ورااه تيشوف قدامو... وصل قدام سيارتو يالاه ايحل الباب و هو يبان ليه مهدي واقف فالجيهة لاخرا متكي على سيارتو مربع ايديه...

نور شافتو فين تيشوف حتا بان ليها مهدي ... حلات عينيها بفرحة و هي تم غادا بالزربة جيهتو حتا جرها يحيا معصب : هيييه امااالنااا ..

شافت فيه بترجي : عفااك غير نهضر معااه عفااك ..

ضور وجهو تيسوط باقي شاد فيها كارز على ايديها...

حطات ايديها على صدرو تترجاه بعينيها: عفااك رااه بحال خويا و هو لي عاوني .. خليني نهضر معااه عفااك ..

طلق منها بزعفة و مشات تتجري جيهة مهدي ... وصلات حداه حالة ايديها عنقااتو بلااا ماتحس ...

مهدي بدورو عنقها تيدوز ايديه على ضهرها بحنية مبتاسم وعينيه على يحيا لي عطاهم بالظهر ...

هزها عليه و شدها من وجهها باسها فجبهتها ونطق: فرحاانة ..

حركات راسها بااه عينيها تيلمعو بالدمووع .. عاود عنقها و هاد المرة كرز عليها حيت عارف من بعد هاد اللحظة مغاديش يبقا يشوفها كيف الاول ...

رجع شاف فيها تيمسح ليها فدموعها: داكشي لي بغيت غا تكوني فرحاانة ..

نور: توحشتك و توحشت اكيرا

بتاسم ليها و حل الباب اللوراني حتا بان ليها اكيرا جالس اللور .. حلاات عينيها بفرحة و جبداتو عندها تتبوس فيه ..

مهدي: عرفتك متقدريش تبقاي بلا بيه جبتو ليك ..

شافت فيه تضحك: شكراا بزاااف...على كلشي

مهدي: كوليها ديك شكراا .. مهلي فيك(شار بعينيه جيهة يحيا)

ضارت شافت فيحيا لقاتو عاطيهم بالظهر و رجعات شافت فمهدي: تيدير لي فجهدو

مهدي: الا مابغيتيش تبقاي معاه يالاه معايا كلشي بخاطرك دابا ..

حركات راسها بلاا تتنهد : بغيت نعيش و بغيت نفرح مابغيتش نموت و انا بوحدي و قلبي تيتعذب ..

ضحك و قال: ههههه الحب و اش دار فيك ..

ضحكات بخجل معنقة اكيرا .. شويا وهي تلمح خيال واقف عليهم عرفاتو هو ...

شافت فيه لقاتو مخنزر تيشوف فمهدي شوفات تتعرفهم مزيان مبغاتش تزيد فيه مشات وقفات حدااه و نطقات: هذا مهدي صاحب عمر وهو لي عاوني بزااف من نهار حطيت رجلي هناا ..

شد ليها فإيديها كارز عليها و عينيه باقا على مهدي لي مربع ايديه متكي على سيارتو : متشرفين

حرك مهدي راسو تيضحك ووقف مستقيم مقابل معاه: تهلاا فيها حيت قلبها جوهرة نادرة صعيب تلقا بحالها فهاد الوقت ..

حرك يحيا راسو بااه ضاغط على سنانو محملوش يوصي عليها بحالا هو ماشي قد المسؤولية..

بتاسم ليهم مهدي و ضار ايركب فسيارتو حتا حبساتو نور بكلامها

نور: عمرني ننسا خيرك واخا يوقع لي يوقع .. شديتي بايدي فوقت كنت منكاسرة و وحيدة .. خيرك كبير و دين فرقبتي .. كنتي السند و الاخ و الصديق و عمرني سمعت منك كلمة العيب .. واخا ندير لي درت منقدرش نوفيك حقك.. معزتك و بلاصتك بوحدها فقلبي عمر شي انسان ايشاركك فيها.. نتمنا نبقاو كيف كنا و ماتمشيش بحالا عمرك كنتي فحياتي ..

تلفت جيهتها بانت ليه تتبكي معنقة اكيرا كارزة عليه و تتشوف فيه بترجي... شاف فيحيا لي عاقد حجبانو تيمسح ليها فدموعها

حط ايديه فوق كتاف يحيا و دوا بابتسامة تيشوف فيها : ديما اتبقا عندي خت عزيزة وهي نتي .. متخافيش انبقا ديما فوق راسكم حتا تملو مني و تندمي على هضرتك زايدون كل مانبغي نغيض كنزة انعيط ليك تديري خدمتك ( غمزها)

ضحكات وسط دموعها تتحرك راسها بااه: صافي مابقيتيش اتخاسم معاها بسبابي

ضحك وورك على كتف يحيا تيتنهد: تهلاا فيها ..

بتاسم و طلع سيارتو و كسيرا من قدامهم خلاهم واقفين ...

هزات عينيها فيه تترمش بالزربة: هاهو اكيرا شفتيه ..

تنهد تيسوط وشدو من عندها و جرها وراه حتا لسيارتو .. حل الباب طلعات و حط ليها القط فوق ركابها عاد ضار ركب ..

هزات عينيها فيه عرفاتو ايكون شاعل سدات فمها و شافت قدامها مافيهاش لي يستقبل انفجارو خلاتو حتا يتفش و تهضر معااه .. ديمار و كسيرا نيشان للشركة..

فبلاصة مابعيداش عليهم كانت نور فطوموبيلتها تتشوف فيهم و السيناريو كامل داز قدام عينيها... نزلات النظاظر على عينيها و ديمارات مطلعة حاجبها حالفة حتا تعرف اش وااقع و شكون هاديك لي معاه

#يتبع