حل الباب و دخل لايح عينيه تيقلب عليها.. حيد الكويرا لي لابس رماها فوق واحد الكرسي... حل الحمام تيقلب بعينيه مبانتش ليه ... عقد غوباشتو و رجع قاصد الباب ...
غادي مع الكولوار حتا وقق قدام بيتها القديم... ورك على البواني و دخل ...
كانت واقفة تتلبس فالفوقاني ديال بيجامتها حتا خرجات عينيها ...
وقف قدامها حاط ايديه على نصو تيشوف فحوايجها مشتتاهم : اش تديري هناا؟
لبسات الفوقاني بالزربة و هزات ايديها تترجع شعرها اللور: كيفاش اش تندير هنا
قرب ليها حتا وقف قدامها: انا لي تنسول .. اش تديري هناا ..
خسرات ملامحها تدوي بعيااء: عيت والله بغيت غا ننعس ..
هز ايديه جيهة الباب تيدوي معصب: رااه بيتك لهيه
نور: هادا بيتي ..
تنهد مفقوص و شدها من ايديها و جرها ورااه حتا لبيتو..
دخلها و سد الباب .. وقفات قدامو تتنهج شادا من كرشها: حشوما علييك ..
وقف قدامها تيحرك فإيديه: هدا هو بيتك من ليوما .. ولفيه ..
سرطات ريقها راجعة اللور تضور فعينيها : انولي نعس هناا ...
حرك راسو بلاا حول الله و قصد الحمام دخل خلاها واقفة ...
جلسات فوق السرير تتبتاسم .. زعما مرة اخراا غادي يجمعهم نفس البيت مراا اخراا ولكن السؤااال تيبقا واش بنفس المعاناة و لا ايكون ليها قدر جديد معااه ..
تكات فوق المخدة تتشوف فالسقف و ايديها فوق كرشها كيف العادة متتفارقش معاها ... محساتش براسها حتا غمضات عينيها و غرقاات فنعاسها ...
خرج من الحمام تيمسح شعرو بفوطة .. لابس شورط و تيشورت خفيف ... لمحها متكياا و هو يقرب لجيهتها حتا بانت ليه سادة عينيها ناعسة ...
حيد الغطا من تحتها حتت غطاها عاد تكا حداها .. دار على جنبو و حط ايديه على كرشها تيدوز عليها بحنان... من قلبو باغي يتبدل .. مكرهش كن قدر ينسيهم فكاع الحوايج الخايية لي شافو منو ..
غمض عينيه تيستنشق فريحتها و ماشي بزااف باش غرق حتا هو فنعاسو ....دااز الليل و جا النهاار ... 🌞
واقف تيلبس فجاكيط ديالو ... تحل الباب و دخلات منو تتمشا مشية البطريق لابسة كسوة طويلة... حيدات زيف فوق راسها و جلسات فوق السرير ...
ضار عندها و قرب حتا حلس حداها: مالك ..
سدات عينيها تتنهد : عيت بزااف .. مبقيتش قادا نزيد ..
عنقها من كتفها مبتاسم: مابقاا والو صبري ..
الباتول: مبقيتش قادا والله.. الدروج مبقيتش تنقد نطلعهم ..
شدها من وجهها تيشوف فيها بحنان: نمشيو لدارنااا .. ؟
حركات راسها بلاا: و نخليو خالتي بوحدها حشومة .. اصلا ولفتهم ..
عمر: اوا صافي رتاحي و ما تبقايش تفكري بزااف .. راه باقي الحال عليك ..
الباتول: تنحس بيها غادي تخرج فاي وقت .. وليت نخاف نوقف لا تزلق لياا ..
بعد وجهو تيضحك: تزلق مالها بية .. هههه ضحكتيني ..
الباتول: اييه ضحك ضحك حيت ماشي نتا لي هازهاا
قرب وجهو باسها من شفايفها : انا لي خدمت عليها حتا جات فهاد الكريشة ..
ضربات ليه ايديه و وقفات وجهها حمر: هبط تفطر..
هزات زيفها و عطاتو بالظهر خرجات خلاتو تيضحك ...
YOU ARE READING
حب من نار
Romanceمرحبا بيكم فالجزء التاني ل #اغفري_لي_ماتبقى_من_ذنبي قصتنا هاد المرة اتشق مجرى اخر مغاير على قصة #قمر_بدر ابطالنا هاد المرة هما نور و يحيى جوج الارواح لي تأداو بزااف و بجوجهم جربو الحب من طرف واحد باش فآخر المطاف يتجمعو تحت سقف واحد بقلوب مكسورة ن...