حب من نار

17

داااز الوقت..

واقفة وسط البيت ببيجامة غادا جايا.... تتاكل فصباااع ايديها... من الصباح و هي تغوت و تجدب و تضرب فالباب لعلا و عساا يسمعها شي حد و يحل عليها .. خايفة بزااف و قلبها تيضرب ... مبغاتش تبقا فهاد البيت مزال .. كرهاتو و كرهات عيشتها و قربات تكره حياتها كاملة .....

رونات حوايجو كاملين لعلها تلقا شي تيليفون و لا بيسي و لا اي حاجة تعاونها و والو ... مقاد كلشي و مخطط لكلشي....

تكات فوق السرير على ضهرها مفقوسة ... معندها حتا شي حل اخر من غير تطلب الله يجيب ليها لي يفكها من هاد المصيبة لي طيحات فيها راسها ...

جزء منها تيقوليها كرهيه مايستاهلش .. شو شنو دار فيك ميستاهلش مزال تفكري فيه ... لقاي حل و خرجي من هاد الحبس..

و جزء اخر باقي طامع فحب يحيى و حنان يحيى ... جزء منها باقي عاقل على يحيى القديم الضحوكي و الحنين و لي الضحكة على فمو ديماا ... باقا طامعة فيه يبغيها ... محساتش حتا سدات عينيها و غرقات فالنعااس ...

داااز الوقت ..حلات عينيها على اثر قبلات تيتطبعو فوق عنقها ... حركات راسها تتحاول تستوعب اش واقع .. خرجات عينيها ملي لقاتو فوق منها .. ريحتو خانزة بالشراااب ...

هزات ايديها دفعاتو من صدرو عايفاااه : بعد مني..

هز راسو عينيه حمرييين معسليين وصوتو تقييل : علاااااش .. ياك مرتي..

نور: يحياا راك سكراان بعد مني عفاااك...

حط ايديه على وجهها تيدوزهاا بلطف و تيشوف فيها شوفات حنااان : علاش اقمر .. علاش خليتيني..انا تنبغيييك

كرزات على قنانفها بحزن ... ضوراات راسها للجيهة لاخراا دموعها نازليين: سميتي نور نور نور ...

ضور ليها وجهها حتا تقابلو عينيهم... يلاه اتنطق و هو ينزل على شفايفها باسها بوسة نساتها فكلشي ...

حبها ليه خلاها تستسلم لتاني مرة لممارسة تيشوف فيها وجه مرااا اخراا او بالاحرى وجه حبو الاول ختهاااا .....

دازو جوج ديال الأسابيع....

حياااة نوور ماتبدل فيها واالو ... النهار كامل محبوسة فداك البيت لي ولا هو عالمها .. نسات على شكل الناس و على كلام الناس .... عاشت بوحدها بين ربعة الحيوط و عمرها نطقات بكلمة .....

كل ليلة تيجي سكرااان و تتبان ليه فيها قمر ... تيتلاح عليها حتا تيقدي غرااضو و تينعس .. تتفيق الصباح تتلقا طبلة ديال الفطور و كيف العادة ساد عليها و خارج النهار كامل حتا الليل و تيتعاود نفس السيناريو ...

متيخليش ليها حتا الفرصة فين تهدر ... ديما قامعها و هضرتو قاصحة بزاااف تضرها فقلبها... ولات تتفضل سكوتو على انه ينطق بكلمة تزيد تكمل عليها ...

نفسيتها عيااات بزاااف و عذابها تضاعف على اول مرة دخلااات لهاد البيت ... اسم عاهرة تطبع على جبينها علاش لا و هو تيعاملها كيف العاهرااات ...

النهار كامل ساد عليها بحال شي كلب و ملي تيدخل تيقضي غراضو و تيزيد ينطق اسم مرااا اخراا تيشعل فقلبها العاافية ...