حب من نار

62

يحيا ملي لمح الطاكسي دخل مع دخلة هو عجز يمشي منها تفقص... بقا تيضور فبلاصتو قلبو ايخرج من بلاصتو.. مايمكنش من بعد مالقاها تمشي من بين ايديه مرة اخرااا ...

ضار من جيهة اخراا حتا خرج للشارع لاخر و بقاا تيضور تما عين فالطريق عين فالناس تيقلب وسطهم عليها ...

فرانا بالجهد ملي لمحها وسط الشارع لاخر واقفة تتبكي .. ماحس حتا خرج من الطوموبيل و مشا تيجري قاطع الشارع وو قف عليها عينيه خارجين ...

هزات راسها وهي تشوفو قدامها .. خرجات عينيها كارزة على قطها وسط ذراعها .. رجعات اللور تترعد وتتحرك راسها بلااا ...

يحيا قدامها جامد .. عينيه عليها تيدوزو على كل انش فجسمها .. توحشها كلها .. عينيها شعرها فمها ... حاس براسو تيحلم لدرجة مقادرش يرمش عينيه لا تغبر من قدامو ...

مد رجليه جيهتها و سرح ايديه شد فيها من ذراعها ... بدون تردد جبدها عندو عنقها خاشي راسها وسط صدرو...

غمض عينيه و ريحتها طالعة مع نيفو ... نور وسط صدرو تتبكي .. قلبها ايخرج من بلاصتو .. حاسة بصباع بإيديه ايختارقو خصرها ...

القط بيناتهم تيدير اصوات الم حيت كارزينو بيناتهم ... رخات منو نوور حتى نقز وهبط التحت ... جبدها يحيا عندو كتر معنقها ... ماباغي يحس بحتا احساس فهاد اللحظة .. بغا ينعازل على العالم كامل و يبقا عايش هاد اللحظة صافي ...

بلا ماتحس نوور سدات عينيها و بكاها حبس .. بقاو فقط الدموع مطراسين على خدها ..هزات ايديها و عنقاتو من كرشو كارزة عليه ... احساس الماضي رجع ليها... حنين المااضي رجع حيااا و ذكريات الماضي دازت قدام عينيها لقطة بلقطة . .

فاقو من سهوتهم على اثر فراان مجهد تحبس ... قفزات وسط ايديه و رجعات اللور تترعد.

وقف يحيا و عينيه متتهبطش عليها .. ترسمات ابتسامة على شفايفو و قرب منها ...

نور خرجات عينيها من المنظر لي شافت وراااه ... خرجات عينيها و تخطااتو غادا تتجري ...

نزلات على ركابيها تتبكي و تتغوت... شادا اكيرا بين ايديها دايز منو شوية الدم من رجليه ... تتغوت و تبكي و تشوف فالناااس ..

يحيا ماعرف باش تبلاا .. تبعها نزل على ركابيه و شد فيها مخلووع ..

نور هزاات عينيها فيه تتبكي : دعيتك لله .. الا مات عمرني نسمح ليك ..

هبط عينيه للقط تيشوف فيه تيتألم و تيدير صوت الم كانت ضرباتو واحد الطوموبيل... وقف وقفة وحدة و هزها من ايديها و هز القط فالايد لاخراا ...

مشا بيهم تيجري لطوموبيلتو .. نور تتبكي مرفوعة و تتشوف فاكيرا تيدير اصوات غريبة تيتألم عمرها سمعاتو تينطق بيهم ... ركبات معااه تتبكي عينيها على مشها خايفة تخصرو ..

.كسيرا يحيا بسرعة .. عين عليها و عين على الطريق .. محملش كلامو ليها .. مابقاش بغا يأديها .. مابقاش باغيها تبكي و لا تألم و هي معااه ...

وصلو قدام مشفى تيضم قسم للطب البيطري .. حل عليها الباب و خرجها شادا فالقط مبغاتش تطلقو ...

خدااه ليها بزز من ايديها و هي تتبكي و جرا بيه للداخل .. كيف شافوه جاو سعفوه فالحين و دخلوه للداخل يديرو داكشي لي خااص يدار ..

تلفت يحيا تالف من بعد ماعطاهم المش .. شافها جايا تتبكي و تضور وجها معارفة فين تزيد .. مشا عندها تيجري و شدها من ذراعها .. لحد الساعة باقي مانطق بحتا كلمة .. صدمتو مأترة عليه لدرجة لسانو تقيل ..كلام كتير فجوفو مقادرش يخرجو ..

شد فيها و جابها جلسها فواحد الكرسي..جلسات نور بلاا ماتهضر غا تتبكي .. اكيرا بالنسبة ليها روحها .. تتبغيه بزاااف و دوزات معاه سنة كاملة... هو كان السبب فأنها خرجات من حالتها الكئيبة و رجعات تتبغي الحياااة ...

جلس يحيا على رجليه قدامها تيشوف فيها بحزن و اسى ... مكرهش كن قدر يحيد هاد الحزن لي فقلبها ... تردد يشد ليها فإيديها و لكن حط ايديه على ديالها و نطق باسى: غادي يبراا ..

هزاات راسها عينيها حمريين .. ثنترات من ايديه وقفات تترعد .. بدون سابق انذار حلات فمها تتغوت مفقوصة: نتاا السباااب ..علاااش جيتي.. علاااش بنتي فحياتي... ياك خليت ليك كلشي ..علااش تابعني علاااش .. علااش بنتي فطريقي علااااش علااااااااش

رجعات باللور تتغوت قربات تضرب راسها بكثرة ماحزينة على قطها ... جبدها يحيا عندو عنقها حابسها على الحركة و قلبو تيضرو عليها ...

من بعد ماتهدناات جلسها فكرسي و جلس حداها جامع ايديه: غادي يبراا ماتبقايش تبكي ..

نزلات راسها تتبكي مجوباتوش ... بقاو هكاك مدة حتا خرج طبيب من الغرفة لي قدامهم...نور غا شافتو و هي توقف بالزربة .. تلفات ليها العربية مع الفرنسية ماعرفات اش تقول و غا تتبكي ..

تدخل يحيا و شرح ليه ان وضعو مستقر و نقزها .. فرحااات نوور و ضحكات وسط بكااها .. خلاتهم و دخلات للغرفة تتقلب علييه

غا شافتو منعسينو فوق بياس صغيور و دايرين ليه ضمادة فرجليه خسرات ملامحها و مشات عنقاتو تتبكي ... هزاتو عندها عنقاتو مراعية لرجليه .. اكيرا غا حس بيها عنقاتو و هو يتخشا فيها تيتألم كانو تيشكي عليها ...