حب من نار

10

داز وقت قصير .. كان طبيب الفندق فوق راس نور  تيفحصها ... دك ليها براا و علق ليها سيروم يرجع فيها الحياة.... كتب فورقتو على بعض المقويات و الفيتامينات لي يساعدوها ترجع رشاقتها...

مطولش فالهضرة بزاف مع يحيى لانو كلشي باين فحالتها .. عطاه الورقة لي كتب و خرج برااا .. 

تمشا لجيهتها و جلس جنبها فوق السرير ... طلع عينيه حتا تفيكساو على وجهها ... ماحس براسو حتا بتاسم ابتسامة المعنى ديالها ممعروفش ...

بصح زوينة ولكن ماشي بجمال قمر .. بصح تتبغيه و لكن ماشي بقدر حبو لقمر .. بصح تستاهل تعيس بسعادة و لكن ماشي معااه...

هاد الكلام كامل داز فعقلو و هو تيشوف فيها... كل ماتيلمحها قدامو تيفكر فقمر ... قمر لي دابا ماعرفهاش كيفاش عايشة ولكن متأكد انها اتكون عايشة مرتاحة مع خووه ...

الحب بان فعينيها اخر مرة شافها .. و العشق حس بيه فكلام خووه عليها ... ايدو قصيرة على قمر لان بكل بساطة ولات مرة خووه لي تيحتارمو بزاااف ...

ايدو قصرة على خووه و لكن طويلة على نور الضعيفة.... بتاسم بسخرية و هو تيتفكر اخر كلامو ليها ...

عانا بزاف باش يلبس قناع البرائة و يجلس قدامها و هو شاد ورقة زواجهم فإيديه... عانا بزاف باش يخدعها و ينسيها فيحيى لي كان ايضربها و لي هددها وسط دارهم ...

جلس قدامها بوجه بريئ و نادم ... قرب ليها و تقمص دور الندم لي عمرو حس بيه ... هدفو كان من الاول ميخرجش بوحدو خاسر... ماشي بوحدو لي يكون ضحية فهاد القصة ...

متيقهاش ملي خلقات داك القصة كاملة و تأكد انها عارفة كلشي ... تيعرفها مزيان و تمثيلها عليه كان فاشل من الدرجة الاولى ...

رجع براسو اللور تيتنهد ... عينيه على السقف تيشعو بالشر... ماحاس حتا بذرة ندم على الشي لي دار ... نساها و نسا واش مزوج و نسا انه جابها معاه ...

فسد و خان مرتو لي متيعتبرهاش اصلا واش مرتو .. دوز ثلاتة ايام فحضن عاهرة فبلاصة فاسدة مخليها هي تتصارع الموت بين ربعة ديال الحيوط بلا ما و بلا ماكلة و بلا مايعرفها حتا واحد انها كاينا فداك البيت ...

ملي خرج و سد عليها علم الاستقبال ان مباغي حتا واحد يبرزتهم و ان كلشي عندهم .. لا ناس النظافة و لا الناس لي تيجيبو الماكلة .... مكانش عارف راسو انه غادي يغبر هاد المدة كاملة .. هو فقط مبغاش شي واحد يحل عليها ......

ناض وقف تيتنهد بملامح جديدة كليا على شخصية يحيى المرحة ... عينين غامضين و شرانيين ... ملامح قاصية و جامدة ... لبس قناع الشر و الانتقام لدرجة نسا شخصيتو القديمة...

هز لاكارط ديال السويت و عطاها بالظهر و خرج سد عليها للمرة الثانية....