بسمة ناعمة
البارت 4: من بعد نصف ساعة تقرييبا كانت خارجة من الدار لابسة دجين فلزرق مع مونطو كخل وسبرديلة طالعة فالكحل وزيف فلزرق... سدات بااب الدار هابطة مع دوك الدريجات الثلاتة للي عندهوم على بررا...وقفات حداهوم كاتشووف يمين وشمال دايرة يديها فجيااب المونطو... حتى رمقات صاحبتها كوثر خارجة من واحد الزنقة أونفاس ليها كاتزرب فمشيتها... دايؤة كحل خفيف فعينيها... لابسة كيطمة نتاع السبور فلخضر وسبرديلة كحلة... جامعة شعرها لزعر كعكة مهملة... وقفات مقابلة معاها وسلمات عليها بلابييز...
كوثر: مالك هازة هاد لخنشة... ماكانقولو باش نتهناو منها ونتي فين ماخرجتي هازاها معااك؟؟!!
حركاتها هبة مبعدين على الداار كاايتمشااو خترجين على الحي لبسييط فين سااكنين: راك عارفة ماما عند بالها قارية... والله ماتخلليني نخرج إلى ماكنت ماشية للقرااية
كوثر: حتى هاد ماماك معقدة كثر من لقيااس ياك غير ضورة مع لبناات شنو فييها...؟؟!!
هبة: ماغاتيقش بياا خصووصا مللي سمعااات بللي أنت وسمير بيناتنا شي حااجة رجعاات كاتشك فكلشي
كوثر: واايلي... وشكون قالهالها؟؟
هبة: من نيتك...؟؟ راه كاايبقا ولد دربنا وحنا كاع معروفين عند بعضنا ومللي كانتلاقاو كايبقا لاصقني حتى لحدا البااب عادي تعرف.. الحمدلله غير بابا ماكايعمرش فالحي بززاف...
كوثر: آه معاك حق... شوفي سمير بوكوص الحي أحح كيف كايبان...؟؟ ومالو كايشوف فيك بديك الطرييقة؟؟
رفعات راسها بالزربة كاتشووف فدار سمير كاان وااقف مع باباه حدا االبااب سهات وهي كاتدوي مع كوثر ونسات مادازت من الطرييق لوخرى باش مايشوفهاش حيت هي كذباات علييه وأكيد غايبقا فيه الحاال... وهاد الشي بااين غير من ديك الشوفة الحادة للي دااير فيها مخللي باه كايدوي وهو متبعلها الغين كايلوومها من خلاال نظراتو على كذوبها المتكرر والمستمر...
غمضاات عينيها شادة كوثر من يديها جاراها بالزربة: أووفف نسيت ودزت من هنا راه قلتليه ماغانخرجش بالغشية
كوثر وهي كاتجري معاها: ومالكي ماعلمتينيش هذا علاش كايدير فيك هاد الشوووفاات؟؟
هبة: ودابا للي وقع وقع غير زيدي فالسرعة نبعد من حداه...
زادو فخطواتهوم حتى غبرو علييه وهو رجع كايدوي مع باه وعقلو كاامل معاها هي للي وصلاات لبلاكة دالطوبيس ولقاو مريم وغزلان كايستناوهوم... تسالمو وهاهو وصل الطوبيس ركبو جالسين فالطراسة اللور بربعة بيهوم كايتخابرو ويضحكو بصووت عالي ويعلقو على
أنت تقرأ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
