🔥لهيب الهوس 🔥( مكتملة)

part76

بسمة ناعمة
البارت 76: على الطبلة دالعشا.. كلشي حااضر.. كاياكلو فصمت.. وهو بحال ديما غير كاينقب وراد الباال معاها.. كانت كاتوشوش مع لبناات...
كوثر: بصراحة أنا هااد الليلة غانباات مع أشرف فالبييت
غزلان: فلستو ورجليكوم خرجو الشوااري... جايين باش نقرااو ونتوما كل وحدة فين كاتباات...
كوثر: غرتي ولا ماالك؟؟ أنا راه خطيبي هذااك ألالا..
غزلاان: راه غير ضااحطة مالكي خنزرتي..
هبة بقات سااكتة والفورشيط حدا فمها... غزلان قاالت ديك الكلمة غير بالضحك.. ولكن فيقااتها على بززاف دياال الحواايج.. وليديها فين ضانينها كاينة اليووم؟؟ أكيد فالحي.. وتايقين فيها وباباها مسكين كاايتسلف ويتكلف باش يصيفطلها المصروف دياالها.. وهي شنو داارت فالمقاابل؟؟ ساكنة ففيلا قد لخلاا.. وكاتبات مع رااجل فبيت واحد.. ماهو من المحاارم وماهو رااجلها ولا حتى خطييبها؟؟ شنو دير؟؟ ماقادراش تفااتحو فالموضووع.. يكفي أنها عطاتو موافقتها.. ويالله الليلة للي داازت.. واش غايخطبها فظرف نهار؟؟ ولا غايتزوجو فيوومين؟؟ مافاقت إلى طرطقة أصابع حدا وجهها... لقاتها كوثر للي كاتشوف فيها مستغربة: من قباايلة وحنا كااندويو معااك فين سرحتي؟؟
غزلان: واش تقلقتي من الهدرة للي قلتليك؟؟ راه غير ضحكت حق الله...
ابتااسمات بزز: لا غير سهيت وصاافي... حطات الفورشيط: شبعت غاانوض...
كان مرااقب كلشي.. حاط يدو على دقنو.. ماسمعش شنو كانو يقولو حيت كانو يدويو بالشوية وهو مابغاش يتصنط... يالله جات توقف شدها من يدها كايدوي بجدية: فين غادة؟؟
شافت فيه مخلوعة: شبعت غانطلع
تااج: شنو كليتي حتى شبعتي؟؟
هبة: مافيااش... كليت فالغدا بززاف...
تنهد ونطق مرة أخرى: شنو قلقك؟؟
حركات راسها: حتى حااجة غير حسيت ب اسي ضاارني..
حركات يدها داخل يديه كاتحااول تفلتها: ضريتيني...
طلقها وهي مشاات طالعة كااتجري... وهو حاط يديه على راسو غير كايخمم.. وكلشي حااضي فصمت ومايقدر حد يتدخل فهاد الحاالة... بغا يسول لبناات.. ولكن هو مامتأكدش واش عندهوم دخل ولا غير رااسها... وعارف بللي ماغاتبغيش إلى استنطقهوم... دفع الكرسي ونااض: بصحتكوم..
طلع قبل مايجااوبو شي وااحد.. دخل لبيتو وهو كايفكر.. زعما ماتكونش تما.. وتكون مشات لبيت لبناات؟؟ رجعات عندو فوبيا تبعد عليه... حل الباب كاايقلب عليها... ماكاينش حسها.. ولكن ريحتها كااينة وهااد الشي ريحو.. زاد وسد البااب.
كايتمشى فالبيت ويقلب عليها بعينيه... حتى رمقها واقفة فالبالكون.. شادة فالحديدة بيد وحدة واليد لوخرى كاتسوط فيها.. فرب لعندها وحايد دجاكيطتو حطهالها على ظهرها.. حسات بيه وضاارت لعندو تبسمااتلو وهو شد يدها للي كااتسووط فيها دارها بين يديه سخاان وحناان واخا حرشيين حطها على شفاايفو بااسها مطول وهي غير كاتشوف تصرفاتو كاايجيبولها التماام.. نطق بهمسو المعتااد: نتي تقلقتي بشي سبب.. ولكن أنا علااش تقلقت؟؟ نتي دااك النهاار مرضتي حيت جااتك العادة وأنا علااش مرضت؟؟ نتي غايجيك الستريس نهاار الإثنين بسبااب الإمتحان وأنا علااش غانحس بالستريس؟؟... #قيس...
هبة: شنوو؟؟
سااط بالجهد: مجرد أسطورة حكاية قيس وليلى.. واحد النهاار بالصدفة ختي دوات عليها قداامي.. قالك كانت إلى تضرباات ليلى ولا تجرحاات حتى قيس كاايتجرح فنفس لبلااصة.. واخا هو ماتقااسش... شحال استهزأت من ختي للي متيقة هااد التخربيق... واخا يكوون الحب كااع.. كيفااش غايووصل لهااد الدرجة؟؟ زاادو فييه...  ماعمرني فحيااتي توقعت يووقعلي بحاالهووم... وقعلي بحالهوم أهبة.. هما كاانو أسطوورة وأنا حقييقة... واش عاارفة بللي مللي كنت فغيبووبة كات قلبي كاايوقف فكل مرة كاتوقعلك فيها شي حااجة؟؟.. الليلة للي تزوجتي فيها... هي نفسها اللياة للي توقف فيها قلبي وكلشي باات كاايجري بااش ينقدني.. وكل مرة كان يووقع نفس الشي.. أنا متأكد بللي كنتي نتي السبااب...
طول الوقت للي كان كاايدوي فيه هي كاانت كاتسمع.. حزنها وهمها تبخر.. اصلا وليديها غايركعو لهاد الكم من الحب للي كايكنلها هاد السيد.. مسحات دمعة نزلاات من عينيها.. ونقزات عليه عنقااتو.. نطقات وهي معنقااه: ماشي غير قيس للي كان كايحس بليلى.. حتى هي كانت كاتحس بيه.. لدرجة نهار تعرضولو عائلتها وبقاو يضربووه حنى هي تجرحات فنفس لبلاايص... يعني ٱلى نتا قيس أنا ليلى.. ويلا كانت #ليلى أسطورة أنا حقيقة...
ابتاسم كايشوف فالسما للي كاتباان من الباالكون كأنو كايشكر الله وزااد زير علييها كايبووسها فرااسها وهي مغمضة عينيها مستحلية عنااقو...
دخلو للبيت وهي غير كاضور فعينيها وتفتف.. كاع ديك الصنطيحة للي عندها دابا خاايفة.. شاف فيها مبتااسم: أححح.. هذي أحسن ليلة عندي...
شافت فيه مخنزرة: ومالك فرحان بحاليلا عندك ليلة الدخلة؟؟
اشرف: ههههه.. ماكرهتش إلى ماكانش عندك مانع
هزات صبعها جيهتو: هييه.. ماشي دخلت معاك لهنا غادير للي بغيتي.. راه غاتعصبني نخرج فحالي
اشرف: ههه... تهدني تهدني راه غير ضااحك.. حتى نتزوجو ونديرو داك الشي..
سرطات ريقها كاتفتف فالهدرة: ف.. ففين الحمام؟ فين القبلة.. فين الجنة.. فين جهنم؟؟
تكرشخ عليها بالضحك: الحمام هاهو.. القبلة هاهي.. الجنة الله أعلم.. جهنم هي للي غاديين ليها..
تنفضاات من بلااصتها: تف تف.. سيرلها بوحدك.. أنا غانتوضا باش نصللي.. باقي عندي واحد البصيص ديال الأمل فالجنة
أشرف: ههههه... ماعليش الآمل هو كلشي هههه..
خنزراات فيه ونااضت ماشية للحمام وهو كايحرك راسو.. من ديما كان يتمنى شريكة حياتو تكون مقطعة لوراق معاه وهاهو لقاااها... ناض خرج باش يخليها تصلي على خااطرها... وهاكاك بالنسبة لتاج وهبة توضاو وهو خرج صلا فبيت آخوور وهي صلاات تما...
......
غزلان ومريم كانو فالبيت خاشيين راسهوم فالتيليفونات ديالهوم.. حتى نطقات غزلان كاتشوف فيها بنص عين: مزال ماوصلتو لديك المرحلة؟؟؟
شافت فيها باستغراب: آشمن مرحلة؟؟
غزلان: ديال النعااس فبيت واحد
مريم ببرود: لا مزال...
حتى بدات غزلان كاتشهق: اهيء اهيء... قريب نبظا ننعس بوحدي.. ونولي انا وداك الكلب للي عند.العساس بحال بحال مفروقين غير فالفاصلة..
شافت فيها معوجة فمها: فنظري أنا حتى الفاصلة عندكوم نفسها..
غزلاان: هاا...؟؟!
....
دخل لعندها مبتااسم وهي واقفة كاتشوف فالنااموسية سمعات حسو وضارت عندو: د.. دابا غانعسو بجوج هنا؟؟
اشرف وهو كاايقربلها: آه غانعسو هنا بجوج.. وغانتعانقو ونتبااوسو و... بقات كاتبعد حتى حكمها الحيط وهي تحايد البانطوفة من رجلها: قرب إيوا قرب إلى عرفتك راجل.. وقف مصدووم حال فمو وبقا واقف فبلااصتو عارفها ديرها وتفوتها وديك البانطوفة إلى ضرباتو بيها ينسا حتى على السروال كيف كايتلبس.. هز يديه: هانت صافي مانقربش غير حطي..
كوثر: هاه.. ههه.. نحطها؟؟ وراك غالط أسيدي.. مشات باتجاه النانوسبة تكات وهي هازاها فيدها بقا واقف كاايشوف فيها واش ناوية تنعس الليل كاامل وهي هازاها.. صدمااتو كااع.. حطات التيلي حداها باغية تبعو وخايفة من ردة فعلو... بقات غير كاتمشي وتجي فالبييت.. ومرة مرة كاطل من لبااب تشوف وااش جااي... وقفات حدا الباالكون غير ببيجامة خفيفة مكمشة يديها... سهات وهي كاتشوف فالابيسين من بعييد... عارفة بللي الغلااط هاد المرة دياالها.. او واها هاكاك ماضربهاش ومادارش شي ردة فعل.. ولكن مزال ماسلماات منوو.. دخل مع البااب غير كاايسووط.. شاف جيهة الناموسية خاوية.. زاد شوية حتى شاافها واقفة... غمض عينيه بعصبية ورجل حلهووم وتحرك بسرعة لعندها جبدها من دراعها دخلها وهي غير كاتشووف خاايفة.. نطق مغدد: راه واخا ماكاتحسيش بالبرد غايدخلك مع العظام وتمرضي من بعد...
حنات راسها للأرض بقا كايشوف فيها لمدة ونطق عاود: آخر مرة توقفي تما بحوايج خفااف..
حركات راسها بالإيجااب.. عطاها بالظهر مشا جهة النااموسية.. هز التيلي ديالها كان باقي الفايس محلوول.. شاف فيه ورجع شاف فيها وهي غير كاتعض فشفاايفها... نطق بصوت آمر: قربي لهناا..
قربات وهي حاانية راسها الأرض وقفات مقاابلة معااه كاتشوف فالأرض... طلعلها وجهها بصبعو كايشوف فيها بجدية: بقاي كاتشوفي فيا هاكا حتى نسالي هدرتي....
سرطات ريقها وبقات هاكاك.. وهو كمل هدرتو: بلوكيت كاع الخرا هناا... ومن الأحسن ماتعاودي تقبلي حتى وااحد.. ولا غااتكون عندي معااك هدرة أخرى... كانقسمليك بالله إلى دااير كثر من جهدي بااش مانديرش شي تصرف للي نندم عليه من بعد...
تمتماات بالشوية: ر.. راك بلوكيتي حتى باابا وجواد؟؟
شاف فيها حاط يديه على جنابو: ومالهون هنا مااشي رجاال؟؟
شاافت فيه بصدمة: هاااا...؟؟!!
سرط ريقو: ص.. صافي.. شنو دايرين فالفاايس غاانديبلوكيهوم...
قرباات حداه كاتوريه.. وكاضور فعينيها بغاات تهضر ومازعماتش.. وهو عينيه على التيلي: غير طلقيها شنو عندك؟؟
سرطات ريقها: حححح.... حتى نتا بلو...
جبد التيلي ديالو من جيبو وهو باقي خدام فالتيلي ديالها: واخا ماكاندويش معاهوم بلوكيت الزمر كاامل تأكدي..
شداتو من عندو حالة فمها.. ياك باقي ماكملاات هدرتها بااش عرفها غاتدوي على هااد الشي... شافت فالتيلي لقاتو بالكود.. يالله بغات تسولو سبقها: #هبة..
هبة: شنو...؟؟!!
تاج: الكود هو هبة..
شاف فيها لقاها مرفوعة كاتشوف فيه.. ابتااسملها: حتى المفتااح ديال قلبي هو #هبة... بلا ماتصدمي بالكود دالتيبي والبيسي... تحنى لعندها وهمسلها: حتى الكود ديال الكوفر ديالي داير هبة... فيه جميع الوثائق المهمة ولفلوس... وحاطو تحت حماايتك..
هبة بصدمة أكثر: هااا...؟؟!!
تااج: ههههه... قلبي وراه تحت حماايتك.. شنو الفاايدة من الشي لااخور..؟؟
باسها فخدها وزاد تكا فبلااصتو حاط يديه من ورا راسو دارلها إشارة باش تقرب حدااه.. زادت وهي باقية تحت تأثير الصدمة.. تكاات كاتشوف فيه شعرها مجمووع بمقبض... وهو رجع كايخدم فالبيسي... ورجعاات كاتقرا فالقصة.. حتى عياو ونعسو داخلين فبعضيااتهوم...
بسمة ناعمة
حلات عينيها على الضو للي ضرب فالبييت.. شافت فجناابها يالله كاترجع الداكرة اللور.. حيت هذا ماشي البيت للي كاتنعس فييه.. حتى تفكراات... ياك كانت بايتة مع أشرف.. شافت فالساعة للي فالتيلي كاانت العشرة دالنهاار.. خرجات عينيها... نعسات بززاف.. جامي نعساات حتى لهااد الوقت.. ناضت من بلااصتها دخلاات للحمام طرفاات حالتها وخرجات من تما للبيت ديالهوم بااش تلبس حواايجها...
.....
مدة وهي فايقة... متكية على يدها وكاتشوف فيه مبتااسمة.. تأملاتو إنش بإنش.. نيفو وجهو شفايفو عينيه شفارو لحيتو... شعرو.. هزات يدها حركاات بيها شي شعيرات رطبين طايحين على عينيه.. تحرك مديرونجي.. نعاسو خفيف بززاف.. وأصلا ماموالفش ينعس حتى لهاد الوقت.. غير يمكن كاايعوض النعااس للي خسرو مللي كانت بعيدة علييه... قربات وجهها لليه يالله بغاات تبووسو.. رجعات بعداات.. أكيد غايعيق.. فين دير وجهها...؟؟ اكتافات أنها تشدو من يديه كااتلعب بيهوم تسرحهوم وتعااود تجمعهووم.. حتى قغزها بصووتو: هدااي... رفعات راسها كاتشووف فيه مخلووعة.. كان باقي مغمض عينيه... يالله غاتطلق منو.. نطق مرة أخرى... قربي
هبة:هااا...؟؟؟
حل عينيه نص حلة: رجعي نعسي...
هبة:لا يمكن نمشي لافااك..
صحصح وشاف فيها: عندك شي حاجة مهمة..؟؟
هبة: لاا... غير مراجعة بسيطة وصاافي..
تااج: راه كانرااجع معااك هناا ماشي ضروري تمشي
هبة: آه.. غ.. غير قنطت..
تكا على ظهرو وجبدها لعندو: قنكتي ولافاك غاايمتعك؟؟ مللي تقنطي قوليهالي نخرج حبيبتي فين بغاات...
ابتااسماتليه وهو باسها فخدها: نوضي وجدي رااسك غانخرجو نفطرو على بررا وندوزو للعيادة للي غاتخدمي فييها ونتغداو على بررا..
ناضت عليه كاتشوف فيه فرحانة: واش تحلاات صاافي؟؟
تاج بابتسامة: آه تحلاات... ومولاها ولد عمي..
هبة: ولد عمك..؟؟!! واش أشرف؟؟!!
تاج: لاا فارس خوه..
هبة: أووو غانتعرف على واحد آخور من عائلتك...
جمع ضحكتو مخنزر: إلى لقيتك شادة الجماعة مع شي وااحد منهوم غاانتفااهم معااك... فارس هو أكثر واحد كانتيق فيه فعائلتي.. هذا علااش قبلت نخدمك عندو.. أو واخا هاكاك غاتكون بيناتكوم غير الخدمة.. مفهووم؟؟.
حركاات راسها بآه.. وهي غاتغوت بالفرحة...
تاج: يالله نوضي وجدي رااسك...
ناضت وشافت فيه: ونتا؟؟
تاج: غير سيري أنا نوجد فخكسة دالدقاايق.. نتي غير داك الشي للي كاديري على رااسك كاتبقاي فيه بالعاام.
مشات دخلات للدريسينغ جبداتاك الشي للي غاتلبس دااتو معاها ودخلات للحمام دوشاات ولبساتت نشفات شعرها وخرجاات... لقااتو وااقف مدوش لاابس ومقااد.. بقات كاتشوف فيه مصدومة.. عندو الحق كايوجد فخمسة دالدقاايق.. وكايجي زوين بززاف... تريكو دالصوف شتوي.. وجيلية منفوخة وسروال دجين وبروتكال... لكحل ولكري.... ساعة يدوية فالكري... مشات جهة المراية.. دابا هي غاتفطر مع هذاا كاامل...؟؟ وقفاات وصاوبات الزيف ديالها وهو ضار لعندها.. بقا كايطلعها ويهبطها.. كانت لابسة بودي وسروال فلكحل والزيف حتى هو كحل.. وكاب على شكل سلهاام فالبييج... وبوط طالع فالكحل... سرط ريقو.. جات معاها اللبسة بززاف.. مابغاهاش تخرج هاكاك... شنو غايقول؟؟ وآشمن سبة يدير؟؟ الكسوة مستورة... وكل أمرو لله وقرب جهتها: جيتي زوينة بززاف...
شافت فيه مبتااسمة: حتى نتاا...
مدلها يدو: نمشيو؟؟
شافت فيه ومدتلو يدها... شدها مزير عليها ومشااو خارجين من البييت... نزلو لتحت ماكان حتى واحد... ياغايكون مشاو لافاك ياا ناعسين يا خرجو... شافت فيه: المشكل ديال الطريق تحل؟؟
جاوبها وهو كاياخد السوارت من عند الشيفور: أممم تحل بالليل...
حركات راسهل وحلها الباب طلعات وطلع حتى هو من الجهة الآخرى كايصاوب فالصمطة: كاتعجبك شي بلاصة تبغي نمشيو نفطرو فيها؟؟
هبة: لاا... غير سير فين ما بغيتي نتا؟؟
ديمارا الطومو.. وشدلها فيدها كايعجبو يسوق وهو شادها.. وكل مرة يبووسها... وهي غير كاتضحك فرحاانة... طالقين موسيقى كيووت تركية جاية مع الجو... وصلو لواحد القهوة زوينة جاية على الطريق... باينة غالية... نزل ويالله غايضور يحلها البااب نزلات كاتشوف فالبلاصة بإعجاب.. ماعمرها شاافتها... شدها من يدها ودخلو الأنظار كلها عليهوم... شافت لبناات تما باااينة من الطبقة البورجوازية كايشوفو فيه حاللين فامهوم.. زيرات على يدو كاتخنزر زعما هذا راه ديالي.. أما هو كاع مامسوق داير نضاضر كحلين كايشوف فالطريق... شاف فيها مطلع النضااضر على عينيه: ختاري فين نجلسو... شافت فواحد الطبلة معزولة همها هو تبعد على دوك لبناات: نمشيو لهيه...
ابتااسم وشدها من خدها كيف كايديرلها بصبااعو وباسهوم.. وهي شافت فدوك لبناات كاتقليلهوم السم.. لقاتهوم وحدة كاتشوف فلوخرى مصدومين وباينة كايدويو عليهوم... جلسو مقابل معاها وفنفس الوقت قريبلها... كايلعب فيديها فوق الطبلة وعينيه غير عليها
وقف عليهوم النادل بابتسامة كان شاب فمقتبل العمر: شنو حب الخااطر أسيدي؟؟
بقات ساكتة وخايفة تاج يسولها.. شنو غاتقوول وشنو غااتطلب؟؟ المسمن مثلا ولا البييض... هاد الشي باش موالفة كاتفطر فدارهوم.. أما داك الشي للي كاتاكل فالفيلا ماعارفاش سميتو غير كاتاكل... تاج شاف فيها ورجع شاف فهذااك طلب شي أطبااق.. وهو كايقيد فالورقة.. ورجع طلع راسو فهبة مبتااسم.. كايدير غير خدمتو: ونتي أمادام؟؟ سرطات ريقها يالله غاتحل فمها حتى قفزها تاج مللي ضرب على الطبلة بالشوية مخنزر فالنادل: أنت طلبت لياا ولييها ماتحتاجش تسولها...
حرك راسو بالإيجااب وانسااحب.. بقات متبعالو العين حتى غبر ورجعات شافت فيه لقاتو حاط صبعو حدا فمو وكايشوف فيها: تبعيه وتعرفي عليه..
صغرات عينيها باستغرااب: شنوو...؟؟!!
تااج: ماقلت والو
هبة: وعلااش تصرفتي مع السيد هاكاك؟؟
ابتااسم بجنب: هههه... بقا فييك ولا؟؟ سيرب عيطيلو نعتاادرلوو..
هبة: هو كايدير غير خدمتو أتاج... ماتزيدش فييه
تااج: وخدمتو هي ياخد الطلبات وأنا مادرت والو غير قلتليه راه طلبتليك حتى نتي
هبة بعناد: وباش عرفتيني غاناكل داك الشي للي طلبتيلي
تاج: غاتاكليه حيت داك الشي نيت لليي شفتو كايعجبك فالطبلة دالفطور فالدار..
سكتات كااضور فعينيها باغية تسولو على سمية الطبق وحشماات... جا الناادل حطلهوم لفطور.. وتااج مكتاافي بكااس دالقهوة بداات كاتاكل وتشوف فيه... من ديما هو هااكا.. ومرة مرة فين كايااكل شي حااجة... حساات بشي خياال واقف عليهوم وريحة أنثوية مجهدة كااضرب فنيفها.. هزات راسها بسرعة لقااتها وحدة من دوك لبناات للي كانو كايشوفو فتاج مللي دخلو.. واقفة عليهوم بميني جيب قصيرة وليبة كحلة مشبكة وبوط قصير وطالقة شعرها كاتشوف فتاج بابتساامة هازة التيلي فيدها: ممكن تاخدلنا صورة جمااعية انا ولبناات...؟؟
طلع راسو كايشوف فيها باستغراب مبتااسم باستهزاء... ورجع شاف فهبة وهو هاز الكاس دالقهوة فيدو داير رجل على رجل بطريقة رجولية وجالس بكل اريحية فوق الكرسي... نقزات هي مغددة عليها لوكان لقاات تكون نتفااتها: كااع هااد الطوابل للي فتتي ماباانلك غير هو يصورك؟؟
شافت فيها ديك البنت وعوجات فمها: غير مارديتش البال ونتوما بنتولي مللي كنتو دااخلين..
هبة: آه راه حتى نتوما بنتولي وحتى شوفاتكوم بانولي...
جغم من كاسو دالقهوة وهو كايشوف فهبة بحال شي قطة مستااعدة للهجووم