بسمة ناعمة
البارت 12: كانت جالسة فالصالون مع الجدة بحال ديما... خاشيين راسهوم فلوراق هذيك خدامة ولوخرى معاها كاتشرحلها... حتى وقف عليهوم حاط يديه فجيابو مخنزر.. طلعو راسهوم كايشوفو فيه.. ابتاسمات مللي شافتو.. وهو نطق: شفتكوم مفاهمات بززاف... جدة ماشي من عوايدك تعمري مع شي وااحد لهاد الدرجة..
عنقاتها جنب مبتاسمة: هبة ماشي اي وااحد هبة عزيزة وغالية... باستها فراسها الشي للي خلاه مايصبرش جبدها من يدها موقفها حداه: غير شوفي شي حد آخوور هبة عندها ناسها...
صغرات عينيها: ونتا ماالك...؟؟ انا هبة للي عزيزة عليا.. مافهمتش علاش كاادخل فشي حوايج ماكايعنيوكش...
تاج بانفعال: كيفاش ماكايعنيونيش.. هبة مراتي ومانبغي حد يقيصها..
شهقو مخرجين عينيهوم وهبة جلسات فاشلة كاتشوف فيه بعينيها لامعين..
جدة: ك.. كيفاش مراتك...؟؟
حط يدو على راسو: ماعرفتش كيفاش خرجاتلي.. بصراحة ماكرهتش اليوم قبل من غداا والله..
حنات راسها خاب ظنها... وهو شاف فيها: مالك جلستي..؟؟ ماغانخلليكش عاد هنا يالله نطلعو...
حركاتليه راسها وهو عطاها بالظهر شافت فالجدة باين الحزن فوجهها.. ابتاسماتلها كاتهدنها وشداتلها فيدها: ماديريش فبالك.. هذي راها خطوة مزيانة.. قالها بلا مايشعر يعني دماغو بدا كايرجع شي أحداث وكلمات ماضية.. ماعرفتش واش هذي اول مرة ولا ديجا وقعاتلو..
حركات راسها مفكرة شي حااجة: آه.. البارح وقع واحد البلاان.. شد على راسو وقالي بللي هاد الشي وقع شي نهار.. وفعلا كان وقع فالفيلا للي فوجدة..
جاوباتها بفرحة: يعني كاتبان النتيجة.. غاايتفكر
هبة: من فمك لربي..
حطات يدها على خدها: صبري شوية.. وزايدون واخا هو نسا شنو وقع.. حبو ليك بااين.. باقي كايبغيك ويغير عليك..
يالله جات تجاوبها حتى قفزهوم بغواتو: واااحاايدي يدك...
شافو فيه وجداه خطفات يدها للي كانت حاطة على خدها.. مخرجة فيه عينيها.. سااط: واجدا مابغيتش نخلعك ولكن قلتليك ماتقربيلهاش..
جدة: أييه اولدي على آخر يامي غاتضربني..
نااضت: نخلليكوم نمشي ننعس...
باست هبة فخدها وشافت فيه لقاتو مخرج عينيه.. تخطااتو وهو سااط وشاف فيها: سمحيليا جاني اتصاال وخرجت نجااوب..
هبة: م.. ماشي مشكل..
حرك راسو: آه.. آه مااشي مشكل... علاش غايكون عندك مشكل ونتي عزيزة على كلشي.. غير هذا يبوس منا...
لا لا بغيت نقول هذي تبوس منا وهذي منا..
خرجات عينيها: أويلي اتاج من نيتك..
تااج بعصبية: لا من ترم...
سكت: زيدي نطلعو.. عيان باغي غير ننعس..
نااضت شدها من يدها طلعو فلاسانسور غير بدا يطلع لصقااات فيه معنقاه من كرشو.. ابتااسم حاني راسو كاايشوف فيها: خوااافة...
سرطات ريقها مزيرة عليه وهو تنهد ومد يدو.. طلع لاسانسور لأعلى وآخر طبقة.. خرجات عينيها كاتشوف فيه: ع.. علاش..؟؟/شنو غانديرو تما..؟؟
تااج: والو.. غير بغيت ندوز أكبر وقت معاك وفهااد الحاالة...
هبة: لا عفااك.. راه بعيد هاد الطاابق ن.. نمشيو للجناح ونعنقك..
تااج: تؤ تؤ... ماغااتعنقينيش هااكا.. وبهاد الجهد...
هبة: والله حتى نعنقك.. تااج عفااك..
ابتااسم كايموت عليها فكل حالاتها: ودابا مالك خايفة ياك انا معاك وقريب ليك..
هبة: بعدتيه بززاف اتااج..
عض على شفايفو: سميتي كاتخرج من فمك بحال العسل
دخلو للجناح شادها من يدها طلقها وبعد شوية كاايحايد فالدجااكيط... حايدات زيفها كاتنهج والشعر ناازل على عينيها: بففف.. سخفتيني اتااج.. ماوقفتي داك السانسور حتى كنتي غاتوقفلي قلبي..
شاف فيها مبتااسم.. فكل حالاتها زوينة... وحتى هاد التصرفات ديالها معاه لغراب بالنسبة لوحدة خجولة بحاالها جاوه فشكل.. قرب لعندها شدها من يدها وجلس فوق الفوتوي مجلسها فوق رجلو... خشا راسو فشعرها مغمض عينيه كايستنشق ريحتو ونطق بصوت سكران: علاش كاتصرفي معايا عاادي..؟؟ علاش قبلتي تنعسي حدايا..؟؟ علااش ماكاتهربيش مللي نقربليك..؟؟ علااش كاتعنقيني وكاتحايدس زيفك حداايا...؟؟ ياك غير معايا انا أهبة...؟؟ غير أناا...؟؟
يالله جات تهضر قااطعها وهو باقي خاشي راسو فعنقها: غير أنا.. عاارف.. حيت إلى كان شي حد آخوور.. غانقتلو ونقتلك ونقتل رااسي من بعد... أنا هو المميز فحيااتك.. انا هو كلشي... عندك باباك أهبة؟؟ عندك خووتك؟؟ عندك ماماك؟؟
هبة: آ.. آه عندي.. عندي واليديا وخويا جواد وختي ضحى.. وكاين حتى خويا محمد..
تااج: فالمغرب...؟؟ فين بالضبط؟؟
هبة: فالشرق..
طلع رغاسو كايشوف فيها باستغراب: آه.. فالشرق.. داك النهاار شفتك فالطوبيس.. واش فديك لبلاصة نيت؟؟
هبة: آه تماا...
تااج: مللي شفتك دااك الوقت شغلتي تفكيري بززاف... ولكن من بعد الحادث مابقيتش عقلت شنو درت.. زعما ماغانكونش رجعت قلبت عليك؟؟
بقات كااضور فعينيها هو تنهد ونزل عينيه كاايشوف فسرواالو: خااصني بززاف دياال الصبر والطااقة بااش ندوز هاد الليالي... نوضي نمشي ندوش قبل ماندير شي كاارثة.. وقفات مبعدة عليه كاتشوف فداك الشي للي نصب خيمة.. خرجات عينيها وهو شافها فين كاتشوف: غانمشي نعسو ماتخاافيش..
مشا جهة الحمام وهي ابتاسمات حاضية ظهرو لعريض حتى دخل.. مشات تسطحات على الناموسية كاتشوف فالسقف... ضااحكة... فرحات بززاف حيت حبو ليها باقي كيف كاان ماتبدلش.. دابا باقي غير يرجع ذاكرتو ويعقل على تفاصيلو معاها...
هزات التيلي ديالها كاتكونيكطا مع صحاباتها عاوداتليهوم على كلشي فرحولها... ومن بعد دخلات للواتس كاتهضر مع ماماها اوديوات... عائلتها ماعارفين والو على شنو وقع لتااج؟؟ وديما مصدعينها فين هو علاش مامايهضرش معانا علاش ماكايتااصلش؟؟ حيت موالف ديما يتااصل ويسول فيهوم.. واليوم غبر.. كاتقولهوم مشغول بززاف فالخدمة حيت كان بعد عليها هاد الأياام...
خرج من الحمام بصدرو عريان لاابس غير شوورط لتحت.. تسطح على السرير حداها وهي خاشية راسها فالتيلي كاتفادا تشوف فيه.. عضلااتو كاايحمقووها... حساتو كاايقرب جهتها... حتى تلاصق معاها وبقا كايشوف فالتيلي... كانت كاتبقشش فالفاايس طاالعة ناازلة... حايدولها من يدها: غانشوف شنو عندك فهاد الفايس؟؟
سرطات ريقها والدم هارب من وجهها خافتو يدخل للميساجات بينها وبين لبنات ولا مع ختها.. غايعرف كلشي ويمكن هاد الشي يتسببليه فشي مشكل نفسي... شافها كيفاش تبدلاات وصغر عينيه بشك عقلو مشا لبعييد... مدات يدها باغة تخطفلو التيلي من يدو وبعدو علييها مطلعو لسماا.. نطق بصراخ باينة فيه تعصب: هداااي.. ياك لبااس شنو عندك فهااد التيلي؟؟!!
هبة: و.. والو غير خصووصياات بيني وبين لبناات..
تااج: واخا غانشوفو هاد الخصوصياات...
هبطو وهي حاولات تنترولو خنزر فيها وشدلها يديها بجوج بيد وحدة... ودخل لصفحتها مبااشرة الأصدقاء.. قلبهوم كاملين لقا غير لبناات والفاايس ديال جواد ومحمد خوتها.. سولها واش هادو خوتها.. عاد رتااح أصلا هو للي كان بلوكالها كاع الدرااري.. يالله غاتشد من عندو التيلي رجعو لعندو شااك: علاش خاايفة؟؟ شنو للي خالعك؟؟ شي حاجة فهاد التيلي؟؟
هبة: والله ماكاينة شي حااجة.. اصلا ماكنتش غانخبي عليك لو كانت شي حاجة مابيني وبينك وا..
خنزر فيها حتى سرطات الهدرة ففمها: مابيناتنا والو وناعسين ففراش وااحد.. واش عندك عادي لهاد الدرجة تباتي مع وااحد غريب...؟؟
عضات على شنافتها ساكتة مالقات باش تجااوب.. تنهد وجبدها لعندو: إلى نتي عند بالك مابيناتنا والو.. انا العكس دياالك.. حنا بيناتنا بززاف ديال الحوايج.. بززااف...
شد التيلي بين يديه كاايضورو ويشوف ستيلو: أمم.. شكون شرااهلك كايباان زوين؟؟
هبة: ب.. بابا..
تاج: غاالي بااينة باباك كايبغيك بززاف..
هبة: آه بززاف..
زير على يدها حتى تأوهات: ماشي كثر مني... ماعندوش بوشيط؟؟
بقات كاضور عينيها البوشيط للي فيها تصاورهوم خباتها فبيتها: ل.. لا..
تااج: خاصنا نتصورو باش نصايبليك بوشيطة بالطوف ديالنا..
ابتاسمات.. واخا نسا على شنو وقع.. أفكارو باقية هي هي...
تاج: نشوف التصاور؟؟
نقزات: ل.. لا..
شاف فيها.. وهي سرطات ريقها: فيهوم تصاور لبنات مالابسينش مستور.. و..
قاطعها بانفعال: كاتعراي حدا لبناات..؟؟
قفزاات: ل.. لا... هما..
تااج: هما..؟؟ ونتي لاا..؟؟
هبة: لااا...
حرك راسو: ندير راسي تقت.. شدي التيلي ديالك وأجي نعسوو...
حطات التيلي فوق الكوافوز.. وهي كاتضحك فخاطرها.. قالها واش كاتعراي حظا لبنات؟؟ لوكان يشوف الحمام ديال للحومة للي كاتمشيلو يضرو خاطرو.. أما إلى شاف العيالات كايحكولها ظهرها حتى لربعة المرات غايموت مافيهاش..
عنقها عندو مستسلمين للنعااس..
....
كيف كاع الليالي للي دازو.. كانت جالسة فالجناح ديالو كااتلعب فالبيسي وكاتسنااه يدخل.. حتى سمعات صوت التيلي جاوبات مللي شافت رقمو: تااج...؟؟!!
رد عليها بصووت مهدن: رووح تااج.. لبااس علييك؟؟
ابتااسمات عاضة على شفايفها: لابااس.. كانستناك تجي
تنهد: غانتعطل اهبة.. داك الشي علاش اتاصلت بيك.. عندي شي خدمة غانسااليها روطارد شوية عاد نجي.. غير نعسي ماتسنااينيش
جمعات ضحكتها وجاوبات بحزن: واخا.. ح.. حاول ماتعطلش..
تااج: غاندير كثر من جهدي.. نلقاك فبيتي ماتخرجيش..
هبة: وااخا ماغانخرجش...
قطعات كاتسوط ماعاجبها حاال.. رجعات هزات البيسي كاتلعب فيه... وكاتمنى يرجع بكري..
.....
دخل مع باب الملهى بكوير كحلة.. وسليم كحل مع سبرديلة بيضة.. مخنزر وماعاجبو حاال... وكل الأعين علييه.. حااس بللي مدة مادخلش لهااد البلاصة.. فعلا من نهاار عرف هبة تقريبا مادخلها... وقف مدير الباار مبتااسم بفرحة: السي تااج شرفتينا.. مرحبابيك هذاا شحاال ماشفنااك...
حرك عينيه فالأنحاء لبناات حاللين فامهوم فييه... ورجع شاف فالمدير: غانطلع الفووق..
تخطاه غادي والمدير نطق بإسرار: غانآمرهوم يوجدوليك بلااصتك..
هز يدو: ماغانطولش...
طلع مع الدرووج بالثقالة وكل مرة كاايبعد رااسو عاايف مللي تحاول شي وحدة تقيصو ماباغيش ينوض الصداااع.. تحرك حهة الفووتوي الرئيسي فاللون لكحل.. هذيك هي بلاصتو المعتااذة... جلس حاط رجل على رجل... شافها جالسة فوق كرسب طويل حاطة حداها قرعة كاتكب فالكااس وتشرب.. تنهد مكره.. لوكان ما وقع إنفجاار آخور من طرف باها ماكانش غايدير هاد الخطوة.. ولكن العالم فخطار وخاصو ضروري يتدخل
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
