🔥لهيب الهوس 🔥( مكتملة)

part88

بسمة ناعمة
البارت 88يالله غايهضر وهو يخرج تااج.. شاف فيه مخنزر ورجع شاف قداامو باغي يهز وااحد الشكارة أخرى... حتى نطق المقدم مبين على سنانو الصفرين: السلام عليكم أسيدي... مرحبا بيك عندنا..
شاف فيه تااج بنص عين: وعليكم السلاام.. ورجع شاف قدامو.. خرجات هبة.. قفزها: أهلا أهلا ببنتي هبة..
شافت فيه باستغرااب فين عمرو حاشاهالها.. وحتى هي كاتعيفو حركات غير راسها بابتساامة صفرة.. وهو مد يدو بغا زعما يصاافحها.. حتى حس بقبضة قوية زيرااتلو عليها حتى غمض عينيه بألم.. طلع راسو كايشوف فيه.. لقاه مخنزر خلعو.. ابتااسم بزز.. وتاج حتى حس بيه تزير عاد طلقو.. خلاه كااينهج بززاف.. وضار بلا كلمة بلاا جووج هز الشكاارة وجا داخل.. شاف فهبة بمعنى تبعيني... خلا غير المقدم والسي المهدي وااقف مبتااسم باستهزاء من المقدم.. اما حتى مراتو دخلاات قباايلة... خلاه وعطااه بالظهر دااخل..
دخل تاج كاع السلعة للي كاانت براا.. حطهوم فوق السطااح كايطلع وينزل فسطااش درجة بلا مايسوق حتى من هبة ووليديها كانو كايطلعو وينزلو معاه.. يالله ثلاتة دالمراات حبسو بقاو فوق السطااح.. حتى كمل.. ووقف كايمسح قطراات من لعرق على جبينو... ناض باها: خدمتي اولدي بززاف سمحلنا عذبنااك...
شاف فيه: لا أعمي ماادرت والو... تحنى باغي يهز وحدة يستفهوم
مهدي: لا أولدي حتى لمن بعد ونستفوهوم... دابا نزل دوش ورتااح...
تاج: غير نزلو نتوما انا غانقاادهوم
مهدي: لاا بززاف عليك حتى لمن بعد وغانقادهوم أنا وجوااد...
شاف فيه بجدية: عني انا كاندير هاد الشي حيت بااغي.. خليني مارانيش عياان..
هبة: خلليه أبابا على خااطرو...
حنا راسو وزااد وزاادت وراه مراتو.. وهبة غير وقفاات شااف فيها: نتي خليك معاايا...
شافت فباباها حيت سمعو.. ابتااسملها: غير جلسي ونسيه حتى تنزلو بجووج...
هبة: وااخا أبابا...
رجعات جلسات فوق الكرسي وهو بقا كايشوف فالباب حاط يدو على جنبو ورجع شاف فيها: مااغايعاودوش يطلعو؟؟
حركات راسها: لا بابا ماكايقدش للدروج يقدر يجيب حتى شهر مايطلعش.. غير داب حشم منك.. وماما غاتكون مشغولة لتحت...
حرك راسو.. وحل الصداف للي كانو باقيين رما القاميجة من ورااه.. بقا عريان من الفوق بسرواال دجيين.. خلاها شهقاات مخرجة عينيها... وهو كايخدم ببروود والشمس صاربة فصدرو البارز وضهرو العرييض.. زادتو إثارة... كايستف ويحايد الشعر  عينيه وهي حاضيااه بابتساامة إعجااب... عاضة على شفاايفها بشهوة... طلع راسو شاف فيها وابتااسملها: غاضربك الشمس تماا... سيري للضل... نااضت مقربة حدااه: نعااونك؟؟!!
تااج: من نيتك؟؟ شنو غاديري؟؟
هبة: ن.. نهز معااك...
تااج: سيري تريحي آش غاتهزي؟؟
هبة: عفااك...؟؟
تااج: هبة سيري جلسي راه ماغاتقدريش؟؟
هبة: نقدر غير جربني... راك عييتي
وقف كايشوف فيها: آه عييت... شاف جهة البااب: كتيتسد من هنا؟؟
هبة: آه كايتسد علااش؟؟
تااج: سديه...
مشات جهت سدااتوو.. ورجعات كاتشوف فيه باستغرااب.. غير وقفات حدااه.. شدها من كتاافها دفعها على الحيط وانقض على شفاايفها خلاها مبهووضة.. كايبوس بالثقاالة وبحنية متلهف لمذااقهوم وهي بداات كاتنسااجم معاه شوية بشوية.. حتى مشاات مغمضة عينييها... حطات يدها على صدرو قفزاتو كانو باردين وصدرو سخووم وعرقاان: أححححح....
هبط مع عنقها طلع الفولاار كاايبووس تحت.. نازل لصدرها وهي عااضة على شفاايفها غااطيير بكثرة الشهوة للي حاسة بيها...
حط شفايفو سخان على صدرها فوق التريكو للي لاابسة... بااسها تماا.. خلاها كاتسرط ريقها مغمضة عينيها... وهو كايبوس ويمص مصيصات خفاف فوق التريكو... بااغي كثر... ويلا تبع شهوتو غاايوصلو فشي حواايج خطييرة... رجع كايبووس فوجهها حاايدلها الفولار كاايبوس جبينها عينييها حنوكها فمها وذنيها.. نطق بصووت مهمووس غالبة عليه الرغبة: سمعتي شنو طلب مني باباك؟؟ ههههه... حمق نسيبي.. قاالك بغااني نبعد علييك وماننعسش حدااك... كاايخربق.. وااش أنا نقدر؟؟
ابتااسمات مغمضة عينيها: و.. ولكن حراام نبقااو ننعسو مع بعضناا... وحنا مامز..
قاطعها: نتزوجو..
هبة: حنا هضرنا.. و...
تاج: ششش... هبة إلى ماتزوجناش غايخصني نواعد باك ويلا وااعدتو غاانوفي حيت أنا ماكانخلفش الوعد... ويلا وفيت غاانتعذب..
هبة بصوت قليول: ولكن أناا...
تااج: كاانواعدك نتغلب على شهوتي ونبعد علييك... مانديروش هااد الدخلة للي نتي خاايفة منها حتى للعرس... كيف ماغلبتها شحال من مرة غانغلبها اليووم... ومن هنا حتى لربع شهوور.. ولكن مااغاتقدر ننعس وناي بعيدة علياا.. مانقدرش فهميني...
هزات يدها بلاا وعي منها حااوطات ظهرو الغرياان وحتى هو عنقها مزيرها عندو كايستنا جوابها حتى نطقاات: وااخا نديرو العقد... ولكن بقا فهدرتك... حنا فالشرق العادات ديالنا هما الدخلة تبقا حتى للعرس... وعيب عندنا نديروها قبل... ممكن توقع اي حااجة مايكملش الزو...
تااج: شش... إن شااء الله يكمل...
هبة: حتى حااجة عند الله ماصعيبة... اللاكط مامعتاارفش بيه هنا بحاال العرس... كانتمنى تفهمني..
تااج: فاهمك وعاارف هاد الشي... ولكن علاش؟؟ اللاكط هو كلشي..
طلقات منو كاتجمع شعرها: كايخافو مايكملش الزوااج.. وكاينة للي كاتفقد عذريتها... وكاينة للي كااتحمل... وهااكا يقدرو يتاهموها بللي ماشي رااجلها للي داارها...
تااج: واش فنظرك أتا غاانتخلى علييك؟؟
هبة: مااشي ضروري تتخلى علياا.. ولكن ماعرفتيش شنو مخبيلنا القدر؟؟
سكت كاايفكر ورجع شاف فيها: كانوااعدك مانقيصك حتى للعرس... هز صبعو: مادويتش على البووس والتعنااق.. راكي فاهماني...
حركات راسها مبتااسمة بخجل... رجع عنقها جنب باسها فخدها: غانسالي وننزلو ندوش.. عرقت.. شاف تحتو: وحتى هو تعرق...
ضورات وجهها كاتسب فخااطرها وهت كاايضحك تبدلو الموراال... بززاف دالحوايج تحللو وتوضحو... كمل وهز قاميجتو لبسها.. وشدها من يدها نزلو لتحت... لقا نسيبتو مسخنالو الدووش... عطا الساروت داطومو لهبة تجيبلو حوايجو من تما وهو دخل مدخل معا الفووطة.. خرجات والضحكة مافارقااتش وجهها.. كاتدوي مع لبناات مكالمة جماعية.. وليديهوم بجوج شرطو عليهوم العقد...وتفااهمو.. بقات غير غزلاان تافو العشية يمشييو لعندها يحااولو يقنعو وليديها وااخا نسبة قبوولهوم قليلة بززاف...
قطعات كاتحط التيل فجيبها.. طلعاان رااسها على غفلة.. جاات عينها فعينوو... وااقف بعيد كاايشووف فيها بحدة... بحااليلا بااغي يتأكد من دااك الشي للي سمع.. وداك الش للي تقاال... غمضاات عينيها مكرهة.. شحال ولاات كاتعيفوو... تحركاات بثقة.. حلاات الباب اللواني دالطومو جبداات لحواايج.. رجعاات شاافت فييه... وحطاات تريكو  نيفه
حطات تريكو ديالو على نيفها... استنشقاات ريحتو قدام عينين سميير.. ابتااسمات باستهزااء... وبسخرية... كاطلعو وتهبطو احتااقراتو بنظراتها.. وزاادت مللي علات يدها دارتلو إشارة ناعتاه.. زعما ناا.. ودارت زيرو بيدها.. ودارت إشارة للحوايج للي فيدها زعما هو.. ورفعات يدها على شكل جيم... زعما رااجل... خلات وجهو كحل ماراضيش حدا صحابو للي كانو متبعين... من قبايلة وهو كايكذب فيهوم... باقية كاتبغيني راها كاتصوني هلبا وماباغيش نجاوبها.. وهما كايقولو ليه بللي تخطبات وهو مايوصل خطيبها حتى فظفرو الصغير.. خلاتو كايتمنى الأرض تشق ويتخشا وسطهاا... دخلاات... تسلتات من وليديها للي كانو فالصالون.. ومشات عندو للدووش. دقات بالشوية... حل عليها البااب على غفلة جبدها مدخلها عندو خلاها حالة عينيها مخلووعة... تنهدات كاتحااول تهدن رااسها: بففف قفزتيني...
طلعات راسها كاتشوف فيه شعرو فاازك... ملوي فوطة على نصوو... سرطات ريقها كاتشوف فيه: ه.. ها حواايجك...
تااج: تعطلتي...
تسلتات من يدو مبعدة عليه: لبس عليك راه غايضربك البرد... حنا ماعندناش لكليمة...
ابتااسم شاد عليها لحواايج: غاديروها..
هبة: غانديروها دابا ماكاينااش..
حلات البااب خارجة كاتضحك وهو لبس حوايجو وخرج.. كاينشف شعرو بالفوطة.. قاد راسو.. لقاهوم جالسين فااصالون.. وهبة معاودالهوم على العقد.. واخا استغربو كيفاش بدلو رأيهوم عجبهوم الحال ويالله رتاحو... جلسو معاهوم شوية... وهو علمها بللي الدراري باغيينو فشي حااجة..غايتلاقاو فشي بلااصة حيت كلهوم كاينين هناا... وهي علماتو بللي غانمشي لعند غزلاان.. ناض وصلها... لقات صحاباتها تما.. مفاتحين وليديها فالموضوع.. وباينة مامقتاانعينش.. زادت معاهوم كااتطلب وتزااوك أو والو... معامن غاتمشي وعلااش غاتمشي؟؟ خصوصا انو باباها عندو عقلية قديمة.. لمرا خاصها تزوج ودير ولادها.. ماشي تقراا... فقدو الأمل وهي غير كاتبكي.. حتى سمعو البااب تطرق... ونااض باها يحل.. بقا مدة حتى جا دااخل مستغرب وفرحان فنفس الوقت.. كايرخب بيهوم.. تاج وأشرف ووديع وفارس معاهوم لابس كومبلي.. وجوج رجال آخرين لابسين حتى هما كومبلياات.. جلسهوم نااسي لبناات ونوض مراتو: زيدي قدامي نظوي معاك
كايقوولها وهو ضااحك وفرحان ديال بصح... مشات معاه.. وغزلاان شاافت فيهوم بصدمة... وحتى لبناات.. قربات هة عند تاج ونطقات بصوت مسموع: شنو جيتو ديرو؟؟
تااج كايشوف ففارس مخنزر: جايين نخطبو...
غزلاان: شنوو...؟؟!!
وديع بتخنزيرة حتى هو: آه نخطبوو...
كوثر: كيدرتولها؟؟
أشرف: سولي هذا كيف دارلها.. جامعنا وقالك والو تمشيو تخطبو معاياا...
بقاو غير كايشوفو فبعضيااتهوم حتى نطقات مريم: وشكون هاذو؟؟
فااىس من بعد صمت طويل: لعدول.. ماشي غير غانخطب.. غانخطب ونتزوج فنفس النهاار...
....وقفاات بصدمة كاتشوف فيه وتمثم بشفايفها كاتحاول تخرج جملة مفيدة: تخ تخ... تخ...
كوثر بالحس: نطقي ونتي جالسة كاتختخي..
سرطات ريقها وهي كاتحاول تكالمي راسها ورجعات شافت فيه هو للي كان متكي وااخد راحتو كايشوف فيها بنصف ابتساامة: ن.. نتا نااوي.. تخطب شكوون.. و.. وتز..تزوج بشكوون....؟؟!!
فارس ببرود: نخطبك نتي ونتزوج بيك نتي؟؟
رجعات كاتشوف قدامها وتدوي بهستيرية: واش أنا كانحلم؟؟ ياربي آش هاد الشي؟؟ حطات يدها على راسها وجلسات كاتنهج..
شافت كوثر فأشرف: واش دابا غاتشرحولينا شنو كاين ولا غاتخلليونا هاكا مصدومين؟؟
أشرف: راه حتى حنا بحالكوم... عيطلنا وقالنا غاتمشيو معانا تخطبو... ماعطاناش وقت بااش نفهمو...
مريم: واش نتوما راضعين شي حااجة مع الحليب..؟؟ كلكوم تقريبا خطبتو بطريقة غريبة...
وديع باستفهام: أنا لاا...؟؟!!
خنزرات فيه: لا... ونتا مخللينا كانطيحو ونوضو... قلتيها لوليديك فخطوبة كوثر..
كوثر: وهذا جاي للداار بلاا ماايعلم...
غزلان بصوت مهموس حاسة بالسخفة: وهذا قالهوم مادرتو والوو...
أشرف: شفتكوم كاع دويتو علينا.. تااج راه حتى دخلات ولقات وليديها فالداار والخطوبة فالجردة.. وماقالت والو
كوثر بالزعفة: هذيك راها مفاجأة...
أشرف بضحكة: ومالكوم نتوما مافاجأناكومش... شوفي وجه صاحبتك كيف ولا...
ضارو كايشوفو فيها حمرة وغير كاضور فراسها باقية مصدومة.. قربات لعندها هبة حطات يدها على ظهرها: غزلان تهدني.. كاع تفاجأنا ولكن حتى حد مابزز عليك.. مابغيتيش رفضي..
يالله جات تدوي قاطعها فارس: لا أختي هبة أنا مبزز عليها...
خنزر فيه تاج.. وقرب حايد يد هبة على ظهرها غير بالفن ونطق: كيف قالت هبة حتى حد مابزز عليك... ولكن فنظري أنا... إلى وليدبك رافضين تمشي لفرنسا هذي طريقة مزياانة... والرأي الأول والأخير كايرجع ليك
فارس بعصبية: تا كانقسم بربي مانا خارج من هنا غير وانا مزوج
دخلو وليديها باباها كايفرنس وماماها باقية مصدومة... ابتاسماتلهوم: مرحبا بيكوم
شافت فبنتها كانت غير ببيجامة ديال الدار وشعرها مجموع عشوائي: نوضي بدلي عليك ديك الحالة...
حركات كتافها باللا مبالاة: مانايضاش..
شافت ماماه فهبة غامزاها: سيرو معاها للبيت..
ناضت هبة جراتها وعي غير كاطيح وتنوض.. تبعوها لبناتت دخلوها لبيتها وسدو وراهوم البااب.. وهي تكات على الناموسية كاتشوف فنقطة وحدة: علاياش ناوي؟؟
جلسات حداها كوثر: يمكن كايبغيك...
غزلان بابتسامة استهزاء: يبغيني؟؟!! هههه... قولي ماتشديتش ليه بحال لاخرين ولقا هاد الحيلة
مريم:مانضنش يفكر فالزواج غير باش يضحك عليك
غزلان: شوفي كيفااش كاايدوي؟؟ بحاليلا باغي يتزوج بيا بزز... لوكان غير سولني واش قابلة.. يديرلي غير القيمة...
قربات حداها هبة هازة فيدها وااحد القميص جبداتولها من لمااريو: دابا نساي نتي علااش هو ناوي يتزوج بييك؟؟ فكري من ناحية أخرى... كيف قال تاج.. بهاد الزواج غاتقدري تمشي معانا لفرنسا... حسبيه ورقة رابحة... ياك كنتي غاتموتي بااش تمشي وحتى حنا بغيناك تكوني معانا...
غزلان: ولكن...
كوثر: ماكاين ما ولكن.. كاع غانمشيو من هنا مزوجين... ماتعرفي هاد الزوااج يرجع حقيقي وتبغيه حتى نتي..
شاافت فيها زعما واش من نيتك
كوثر: بلا ماديري فيا ديك الشوفة.. حتى نتي كاتحسي بشي حاجة من جهتو...
غزلان: واخا نكون كانموت علييه.. من بعد داك الشي للي شفت عندو فالبيرو رجعت كانكرهو...
هبة: نساي دابا هاد الشي.. نوضي لبسي هذاا.. نقادولك شعرك... باش نخرجو لعندهوم..
جداتو من عندها كاتشوف فيه: أراي غير شي بيجامة بلااش من هذا رااه ديال المنااسباات؟؟
هبة بنرفزة: وشنو بانلك هذي؟؟ واش كاينة شي منااسبة حسن من زوااجك؟؟ وقفااتها: تحركي دغيا لبسي رااحنا تعطلناا...
دخلات للحمام للي فبيتها.. بدلات عليها.. وخرجات لعندهوم جاها عبار مع طايتها حيت مخيطااه ليها.. جلسوها حدا لمرااية.. طلقوولها شعرها مشطاتولها كوثر.. وقاداتولها.. دارولها شوية دالماكيااج وهي غير سااهية.. هي ماشي أول مرة تخطب... عاطية العين وزوينة.. كايخطبوها.. ولكن مامعمرلها حتى شي حد العين.. أصلا الزوااج التقليدي ماباغاهش.. وعاد كايكونو غير دوك للي تابعين مهوم... شافتها ماماه شافتها ختو.. وهاد الشي كاتكرهو... شخال تمنات شي حد بحال تااج.. تمناات شي زواج بحال ديال هبةة حب بحال ديك للي بيناتهوم... شافت وديع وشاافت أشرف وشاافت حتى تاج.. ولكن وااخا عجبوها.. مافكرات فحتى حد انو يكون رااجلها... ولكن فارس غيير... نهار شافتو جات قبالة عينيها صورتهوم وهما عرساان.. يعني من المفروض تكون غاطير بالفرحة داابا... ولكن ويا سبحاان الله.. وقعو شي حوايج للي خلاوها ماتفرحش واخا أمنيتها تحققات قدام عينيها... تنهدات وهي كاتسمع فالبنات كايقولولها تنوض باش يخرجو.. ناضت بلا ماتشوف فالمرااية... خرجو من تما كاتمشى بتثااقل... وكاتحاول تستوعب هاد الشي... وقفو حداهوم... عينيه خرجو فييها.. وهي عينيها خرجو فالطبلة.. للي عامرة بألذ الحلويات والعصاائر.. ماشي مشهياهوم.. اصلا مابقاات عندها شهية.. هي غير مصدومة منين جااو فدقيقة... واش وليديها حافرين شي متمورة فالأرض؟؟ نغزاتها كوثر كاتدوي فوذنها: هاد الشي فين كنتو خازنينو؟؟
غزلان: هاد الشي فاش لقيتيني كانشوف..
هبة: غاتبقاو واقفين زيدو...
تمشاو وجلسو حدا بعضيااتهوم وهو عينيه ماحايدوش من علييها... وهي غير سااهية.. حتى نطق باباها كايشوف فيها: بنتي بلا ماننفارد بيك غاندوي حدا هاد النااس حيت كيف ماكان الحاال ماشي غراب.. كلهوم كاتعرفيهوم.. وغايتزوجو بصحابااتك... وهذا فاارس جاي طالب راغب فيدك لييه... ونتي رقضتي بززاف دالخطااب جاو قبل.. وحتى اتا ماقلت والو.. حيت بصراحة حتى حد فيهوم ماعحبني.. ولكن هذا رااجل كاامل مكموول... فيه اي حااجة كاتمنااها لبنت وعائلتها.. وعاد هو غاايحققليك داك الشي للي كاطلبيني علييه من قبايلة وغايديك لفرنساا.... من حهتي أنا وماماك مقتاانعين بييه... ودابا بقيتي غير نتي.. ويلا ماوافقتيش غاانتقلق منك...
شافت فيه ورجعات شافت ففارس بعصبية.. وهو مبتااسم حسااتو كايستافزها.. رجعات شافت فباها: وفين وليديه؟؟ مالو ماجابهومش؟؟ مابغااوش ليه.. باينة.. ونتا أبابا ترضا بنتك تتزوج بواحد وليديه ماطايقينهاش..
رجعات شافت فيه زعما شد.. لقاتو دايرلها إشارة قدامو.. تبعات صبعو حتى خرجات عينيها فالبيسي كاتشوف فمو وباه وختو جالسين كاايضحكو معاها.. سرطات ريقها وسمعات باها: الله أبنتي حشومة تقولي هااكا... واش حنا غانزوجوك بلا مانشوفو وليديه ولا نتأكدو منهوم؟؟ رااه ماقدروش يحضرو حيت مشغولين وهاهما داويين معانا أبيل فيديو..
ابتاسمات كاتشوف فيهوم حتى نطقات ماماه: ياك أغزلان أنا للي قتارحت على ولدي حداك يخطبك نسيتي..؟؟
غزلاان: لا أخاالتي.. مانسيتش.. غيير تفاجأت.. ولدك جاي بلا ماايعلم.. وعاد جايب معاه لعدوول...
ماماه: وابصراحة أبنتي حنا راه عالمنا شحال هذا بالخطوبة.. ولكن الزوااج حتى حنا تفااجئنا...
نطق باباه: غير باش تقدري تجي مع لبناات هنا وماديريش تأخير
سكتات مالقات ماتقول خصوصا فحضور وليديه كاتحشم منهوم بززاف...
رانيا: مرات خويا دغيا وقعي وأجي رااه توحشتك...
بقاو داويين وتفااهمو على الصدااق.... بحالها بحال هبة.. لقاتو موجد كاع لوراق.. كيف داارلها؟؟ الله أعلم.. طلبولها غير لاكارط ناسيوونال... من بعد الأسئلة الرووتينية... سولوه لعدول واش قابل.. جاوب بلا تردد ووقع... سولوها هي.. بقاات ساكتة واحد الخمسة دالڜدقاايق.. ولبنات كاينغزوها.. ووليديها ووليديه للي كانو باقيين متبعين من البيسي كايشجعوها... حركات راسها قاابلة... ووقعاات... كلشي كايزغرت.. ماماها وماماه وختو وصحاباتها.. فرحانينلها.. تطلقاات موسيقى جديدة طلقااتها كوثر بالويفي  برونشات الايلي مع البيفاان... جابت ماماها الخواتم مقاداهوم فالصينية.. ركبوهوم لبعضيااتهوم وهي كاتشوف فالأرض حشماانة.. وماتنكرش الفرحة مسيطرة عليها... غاتنقز بيها.. نسات كلشي فهااد اللحظة... وهو مبتااسم عينيه كايلمعو وهو حاضيها.. ركبلها الخااتم وهز يدها باسهالها.. مريم كاتصور كلشي بالتيلي.. خالقين الجو غير بيناتهوم.. وباها فرحاان.. وأخيرا بنتو لقات للي تستااهل.. ياما سمع على هاد العاائلة.. وسمع على خطيب بنت المهدي وخطيب بنت با العربي... وخطيب مريم.. الشيك تكتب فالبلااصة وتسلم لباها... للي عطاه لمراتو قالها شريلها للي بغاات... تسالات لعشية.. ومشاو الدراري وااخا عياو فيهوم يجلسو معاهوم.. مابغاوش حيت مشغولين.. ولبناات بقاو غايباتو مع غزلاان...من بعد ماشافو الدهااز ديال غزلاان للي دخلوه الدراري مللي بغاو يمشيو... وتعشااو.. دخلو لبيتها كان كبير ويقدهوم.. بحكم باباها موظف حالو ميسور شوية... كانو بثلاتة جالسين شادين التيليفونات كاايشوفو فالتصااور.. حتى جات دااخلة مع البااب هازة فيدها وااحد الزلاافة كااتخلط فيها شي حااجة...
هبة: شنو دااك الشي؟؟
غزلاان: خلطة غانديرها لشعري..
كوثر: علاش مالو شعرك؟؟
غزلاان: مامالو والو... غير مشوشة وتفكيري مخربق.. وفبلااصة ماانتهور ونقطعو فضلت نصبغوو...
هبة: شنو كااين فهااد الخلطة؟؟
جلسات فوق الناموسية بااقية كاتخلط: كلشي طبيعي.. مافيه حتى حااجة مضرة..
هبة بتردد: مم.. فخاطري حتى انا نصبغو.. ماصبغتوش من يامات الليسي..
غزلان وهي كاتحل فشعرها: إلى مايقولك تاج والو راه غايشيط عليا.. صبغيه...
هبة: بصراحة هو حذرني غير مانقطعوش.. الصباغة مااقال والوو..
كوثر: وامن حقو  مايبغيكش تقطعيه.. شعرك طويل.. انا ونتقلق منك إلى ضيعتيه..
هبة: أنا اصلا مانسخااش بيه.. وماما حتى هي حالفة عليا إلى قستوو...
مريم وهي كاتفوه: واش تاج شاف شعرك؟؟
كوثر: سوليها واش شاف الشي لااخور.. انا الشعر راه شافو دااك النهار مللي نزل مخنزر نسيتي؟؟
مريم: آاااه.. هههه.. نسييت
مريم وكوثر نعسو.. اما غزلان وهبة بقاو سهرانين.. صبغو لبعضياتهوم.. غطاو شعورهوم.. وتكاو ينعسو.. دغيا داتهوم عينهوم حيت عيااو... وكان مشا الحاال...
......
أصبحنا واصبح الملك لله... فاقت على صووت التيلي كايصووني.. حلات عينيها بتثااقل.. هزاتو من قدامها.. غير شافت نمرتو تخطفاات جات جالسة دغيا جاوباات: آلوو..
تااج: هبة فين كنتي؟؟ من قبايلة وأنا كانعيط
هبة: كنت نااعسة سمحليا ماارديتش الباال..
تااج: أووفف تخلعت علييك.. العشرة هذي.. نوضي باش تمشي لداركوم توجدي رااسك.. من ورا لغدا غاانجي ندييك.. ديري فباالك بللي العقد غداا...
هبة: غداا...؟؟!!
تاج: آه غداا...
هبة: إيوا خلليني نبات هاد الليلة.. غدا نمشي معااك
تااج: وااخا نعيا ماانشكيلك كيف دوزت هاد الليلة ماغاتقدريش تصوري مدى معاناتي..
هبة كاتضحك: راه ماعندي مانقول لبابا فين غانمشي؟؟
تااج: نتي تعرفي.. ضبري على شي كذبة...
هبة: أجي باات معاانا نتا..
تااج: وغاتباتي معايا...
هبة: ويلي واش من نيتك؟؟
تاج: إيوا علاش غانجي..؟؟
هبة: المهم انا ماغانقدرش نمشي معاك اليووم.. غير شوف كيف ديير هااد الليلة والله.. هما عارفين لقراية ماكاينااش..
سااط بالجهد حتى سمعاات صوت تنهيدتو: وااخا غاانشوف كيف ندير...
قطع عليها.. وهي حطات يدها على رااسها كاتحسس ديك الميكة للي فووقو مكرهة.. ونااضت دخلاات للحمام دوشاات وغسلاات شعرها للي رجع فاللوون لصفر.. حيت كاان بني.. دغيا تلون... لبساات دوبياس دياال غزلان جاوها كبار.. ورحعات لبساات لحواايج للي جات بيهوم.. حيت كاانت لابسة طسوة دالنعااس ديال غزلاان.. خرجاات لعندهوم.. فيقات غزلان بالشوية بااش تدخل دوش.. نااضت نااضت دخلاات.. دوشاات. شعرها رجع صفر حتى هو ولكن ماشي بحال هبة.. حيت هي شعرها كحل... لبساات حوايجها وخرجات لقات هبة فيقاات لبناات.. دهلو غسلو وجوههوم صلااو وخرجو.. لقاو مها كااتوجد لغدا والفطور منزل على الطبلة.. صبحو عليها وجلسو فطرو.. ومن بعد افرقو كل وحدة مشاات لدارهوم.. كلهوم غايديرو العقد غدا.. وغايمشيو فهاد السيمانة.. بغاو يجلسو مع وليديهوم شوية....
باللي.. كانت متكية فبيتها.. ممكن تكون هذي آخر ليلة تبات فيها... طلعات عينيها كاتشوف فأرجااءها نفس البيت.. فين حلماات.. وها حلمها تحقق.. نزلات دمعة من عينيها هاد البييت قرييب لقلبها بززاف.. مسحااتها بطرف كفها... شاافت جهة التلي مللي سمعات صووت الميسااج.. هزاتو حلاتو.. لقاتو كاتبلها طلمة وحدة: #نزلي..
صغرات عينيها مستغربة.. فين غااتخرج... شافت جهة السرجم ونااضت.. لاخت فولار على راسها حلات السرجم طلاات لقاتو واقف متكي على الطومو.. ابتاسمات بتلقاائية... دارلها إشارة بااش تنزل... بلا ماتفكر خرجات من بيتها كاتجري.. نزلات لعندو...
....
قادات شعرها فطريقها للبااب.. وصاوبات فولارها مابقا كايباان والو من شعرها... حتى قبل ماتعرف ردة فعلو.. غير من معرفتها لشخصيتو وهو كيف داير جاها تخوف من كيفاش ممكن يتصرف... حلات الباب بالشوية وعاود سداتو هازة السوارت... شافت يمين وشمال.. كمشات يديها فالمونطو للي لابسة على البيجامة.. سرعات فخطوااتها ضارت ورا الداار... شافت مباشرة قداامها كاانت الطومو ديالو وااقفة تما.. مشات جهتها... رمقااتو جالس مرجع راسو اللور.. ابتااسمات وحلاات البااب من الجهة الأخرى... ركباات كاتسووط فيديها وهو تقاد فجلستو شاف جهتها: جااك البرد؟؟
حركان راسها: آه كااين البرد بززاف... حرك يدو زااد فالكليمة: دابا غاتسخني...
قرب لها كثر: الليل كايدوز طويل مللي تكوني بعيدة...
حنات راسها مبتااسمة وهو كايشووف فيها: يخلليلي للي كاايحشم...
هبة: أحم... إمتا غانمشيو نديرو العقد؟؟
تااج: فالصبااح.. حاولي تفيقي بكري وجدي رااسك وغانمشيو نديروه...
هبة: فيين؟؟
تااج: فوجدة... فيين؟؟
هبة: أممم... غايمشي معاانا باابا.. مااعليش يااك؟؟
تااج: واش هذا سؤال?؟ راه واخا عايش على برراا... عارف التقااليد والعااداات
هبة: ههه... عارفة للي كااين.. والدراري إمتا غاايعقدو؟؟
تااج: كلشيي غداا... مابقااش الوقت بززاف..
حنات راسها للأرض كاتفكر سااهية.. وهو جبد التيلي ديالو كاايبقشش فييه... طالق موسيقى هادئة.. خشاه فجيبو ورجع شاف فيها.. جبدها عندو متكيها على صدرو: مال حبيبتي بااش كااتفكر؟؟
هبة: والوو... غير ماسخيتش بوليديا...
تااج: أممم... وأنا غانكون معااك... مااقنعتكش؟؟
شافت فيه عينيها مغرغرين: لا نتا بلااصتك بووحدها.. عزيييز علياا وكاانبغييك بززااف... ولكن هما وليديا اتاااج... اهيء اهيء... مااسخيتش والله...
عنقها عندو كثر خااشيها فييه كثر: شششش.. ماتبكييش... فوقاش ماتوحشتيهووم غانجيبك تشوفيهووم.. ويلا بغيتي نجيبهوم حتى لعندك...
هزات يدها كاتمسح دموعها: لهلا يخطيك علياا...
باسها فجبهتها وابتااسم: هاا أنا بعييد على وليديا.... مابقيتش فييك؟؟
ابتاسماات: انا مااشي بحاالك...
تااج: اممم... مااشي بحاالي.. بغيتي تقولي أنا ماعندي قلب؟؟!!
هبة: لاا ماقصدتش هااكا... ولكن نتا مواالف وعاادي رااك رااجل..
بااسها فجبهتها: ماغانخلليكش تحسي بالنقص... وراه قلتليك مللي توحشيهوم نجيبك ولا نجيبهووم ختااري..
هبة: لهلاا يخطييك علياا...
تاااج: إيواا ماقلتيش لييا شنو درتي الباارح فالليل؟؟
طلعات راسها كاتشوف فيه مستغربة: كيفااش؟؟
تااج: شنو للي كيفااش؟؟ مافهمتيش هااد السؤاال؟؟
هبة: جااني غرييب.. مامواالفش تسولني... قفزات بحاليلا تفكرات شي حااجة: ولا حيت كاتكون حااضيني من الكااميرا.. والباارح لاا؟؟ علاش ياك ماتخسراات؟؟
تااج: ماكااينة بوو كاميرا.. وأصلا واخا تكون ماغانتجسسش عليك ونتي مع صحاباتك وفبيت النعااس عااد... انا ماشي شماتة..
رجعاات تكاات على صدرو وهي كااتهضر: هاااكاااك... إيوا مزياان... سرطات ريقها كااتفكر فالصبااغة مللي بغات ديرها كاع ماحساات بالخوف بحاال داابا.. ولكن غير شاافت لونو تبدل لديك الدرجة خاافت... راه حتى ماماها غاتغوت عليها مللي تشوفو مااشي غيير هو: و.. والو مادرنا والوو.. رااك عارف لبناات مللي كايتلااقاو... غير هضرة عاادية والضحك...
تااج: إيوا والنعااس؟؟
هبة: ماالو؟؟
تااج: واش كاتنعسو كاملين فناموسية وحدة؟؟
هبة: آه النااموسية كبيرة كااتقدنا
تاااج: أحم... كاتكووني قريبة منهوم بززاف؟؟ زعما...
تقادات فالجلسة كاتشوف فيه: شنوو كمل؟
جااوبها كايضور فعينيه: راك فااهمة...
ابتاسماات فاهمة قصدو:ههه... كل وحدة كاتنعس منشورة فقنت.. شي رجليه لتحت شي الفووق... كنا عياانين.. غير طحنا نعسناا.
ابتااسم برااحة: مزياان... ضور راسو اللور جبد سااشياات عطاهوملها
هبة: شنو هادو؟؟
تااج وهو كاايحل فالبيسي: السقااطة.. كولي وماتكثريش منهاا...
ضحكات بالفرحة وحلاات بقات كاتجبد فالشكلااط والحلوى.. أجود الأنوااع... عينيها كايخرجو منهوم لقلووبة... بدات غير تهز وتخشي ففمها.. وهو متكي على الكرسي خدان فالبيسي... وموسيقى هادئة وقليلة مطلوقة فالطومو... وريحتو مسيطرة علييها.. مدة وهما هاكاك.. هي مللي خشات وجهها ماعاودت هزاتو.. حتى طاار داك الشي من يديها.. رفعاات راسها دغيا مخلووعة.. لقلتو محايدلها كلشي راميه اللوور: راه قلتليك ماتكثريش.. ناوية تباتي فالسبيطاار؟؟
جمعات شفاايفها مغوبشة.. وهو قربلها بصبعو لكبير كاايمسحلها الشكلااط جنب فمها خلاها كاضور فعينيها... حتى سالا ورجع اللور جبدها عندو: رجعي تكااي هنا...
رجعات تكات على صدرو حاطة يدها على كرشها.. حاسة بيها غاننفااجر... لوكان ماحبسهاش هي ماحاسااش براسها.. بكثرة ماعجبها دااك الشي: شكراا...
جبدلها حنكها بيدو: أنا ماشي جاركوم ماتشكرينيش..
ابتااسمات كاتشووف قدامها: كنتي فوجدة؟؟
جاوبها وهو خداام: أمممم...
هبة: وجيتي من تماا؟؟
تااج: أممم... ماقدرتش نبقا بعيد علييك... حتى الخدمة جااتني صعييبة.. حتى لدابا عااد حلاات
هبة: وماغاتنعسش؟؟
تااج: ماعرفتش... إلى جاني النعااس.. غاننعس
هبة: وفين؟؟
تااج: هناا...
هبة: فالطوموبيل؟؟
تااج: كلشي على ودك...
هبة: هههه.... وأنا ماننعسش؟؟
تااج: مللي يجيك النعااس رجعي اللور.. المهم هو نشم ريحتك
هبة: من نيتك؟؟ رااه بابا غاايخرج يصلي الفجر.. وزايدون واش غانصبح هناا؟
تاج وهو عينيه على البيسي: نتي مالي يجيك النعااس نعسي... والشي لااخور مااشغلكش فييه...
بقاو داويين بجوجهووم حتى عياات وغمضاات عينيها نااعسة مبتااسمة فرحاانة ردلها الباال.. حايدلها راسها على ركبتو.. وناض هبط من الطومو... هزها بين يديه وحطها اللوور وطلع حداها نعسها على ركبتو غطااها ورجع كاايخدم فالبيسي دياالو