🔥لهيب الهوس 🔥( مكتملة)

part31

بسمة ناعمة
البارت 31 وصلات لدار كوثر حاسة بللي قطعات مساافة طويلة وااخا هي غير جوج دالزنااقي مي يمكن هاد المساافة بمثابة تحرر من لحكاام ومن عيشة دالدل للي صابرالها... حطات يدها على صدرها كاتسترجع انفاسها حيت كانت كاتزرب سرطات ريقها ودقاات... دغيا حلااتلها كوثر لبااب وتلااحت علييها عنقااتها بادلاتها العنااق بحراارة كانو موحشيين بعضهوم: وأخيرا هدااك الله عليينا توحشتك بززاف
هبة: حتى أنا توحشتكوم ولكن الله غاالب نتوما ماعارفين والو...
قبل ماتستنطقها خرجو مريم وغزلان كايسلكو ويعنقو فييها ويتباكاو على بعضهوم... وهي دموعها غير على سبة غير نزلو مابقاوش بغاو يحبسو.. دخلو الداخل سلمات عليهوم مامات كوثر وختها لكبيرة مزوجة عندها ولد مي ساكنة معاهوم حيت راجلها كايمشي للخاريج وكاين خوها صغر منها كايقرا مع خو هبة... دخلات معاهوم للصالةن فين كان بابات كوثر متكي... غير شافتو زادت بالزربة لعندو كاتدوي بخووف: عمي ماالك شنو وااقعلك...؟؟ ياك غير لباارح كنتي واقف صحيح
ابتاسم بتعب: والو ابنتي راك عارفة لكبر والصحة مابقاتش غير عيان شوية
نطقات كوثر من وراها: كايكذب أهبة كايكذب... بابا كايكذب فوجهنا... ضارت كاتشوف فيها باستغراب لقات عينيها مغرغرين بالدموع وصوتها تغنغن بالبكا وهي مركزة الشوفة فييه: هو مريض ماشي غير عياان وهذاك للي حداه هو سباابو (دارت إشارة لبقايا السيجارة للي كانت حداه) فضلو علبا وعلى ماما وعلى خوتي وعليكوم حتى نتووما.. اهيء اهيء كاايكذب أختي..
حرك راسو وعينيه حمارو حاابس دموعو يهبطو: لا أبنتي راه ماكاين والو غير ضربني البرد وصافي..
زادت لعندو كاتشوف فيه بحدة: ماشي شي حاجة خطيرة يااك؟؟ إيوا نووض نووض... يالله نووض عمر أتااي توحشنا اتااي دياالك يالله... شافت فلبناات: ياك حتى نتوما بغيتو دوقووه..
حركو راسهوم بالإيجاب وهما مخلوغين وكلهوم أمل ينوض للكوزينة يعمرلهوم اتااي
هبة: عمي لبارح واعدتك نتجمعو عندك ثاني ونتا كنتي متحمس هاحنا شووف وفينا واوفي حتى نتا ونوض عمر أتااي...
يالله جاا ينطق حتى سمعو الصدااع وشي حد دااخل... جات مراتو: لبناات صحابو جاو يشوفوه سبرو للبيت لهيه حتى يمشيو ورجعو لعندو... حركو راسهوم بالإيجاب وشافو فيه ابتاسمولو وخرجو مشاااو للبيت...
.نطقات مريم وهي مركزة نظراتها على هبة: ماكنتش عارفة بللي الزواج كايبدل الوااحد هاكا... مايجيب الحزن والإكتئااب لهاد الدرجة
ابتاسماتلها ابتسامة صفرة: لاا... غير خايفة على عمي العربي وصافي
مريم: ههههه... حتى فتصاورك للي كاتصيفطيلنا وحتى مللي كانديرو أبيل فيديو وحتى فتصرفااتك للي تبدلو من نهار تزوجتي أمممم..؟؟!!
كوثر: قبل ماتفكري تخبي علينا خااصك تغرفي بللي حنا خواتاتك مااشي صحابااتك... ويلا كنتي حاسبانا غرااب علييك نتي تعرفي
غمضات عينيها سامحة لدموعها يهبطوو وحكة نن ورا لووخرى عضات على شفايفها كااتشهق وهنا غير حااضيينها وكايشووفو فييها مخليينها كاتفرغ قلبها... حطات غزلان يدها على كتفها: تهدني اختي
تحنات مريم على ركابيها مقابلة معاها هي للي كانت جالسة على السداري: عاوديلينا اهبة شنو للي ضاارك يااك لبااس...؟؟
شهقاات بصووت مرتاافع كاتحااول تتهدن باش تقدر تدوي: اهيء اهيء.... ماكانتكبرش أنا... غي... غير مااعنديش الزهر... اهيء اهيء... زوااجي مللكانت فييه حتى حااجة زيينة حتى حااجة تعجب... اهيء اهيء....
بقاات كاتعااودلهوم وهما مصدومين... وغير كايشووفو عطااوها وقت حتى كملاات كلشي... على سمير ومعاملتو على بللي هي باقية بنت وعلى معاملة مو وباه ومرات خوه وختو للي ماكاتفيق حتى لوقت لغدا وخاصها تلقا كلشي وااجد.... سكتاات وبقاو دموعها كاينزلو وهما متحصرين لحالتها... شداتها غزلان من يدها ومريم حطات يد على ركبتها كايحااولو يواسيوها أما كوثر كاتمشي وتجي حداهوم حاطة يدها على جنبها وليد لوخرى كاتشالي بيها: إيوا يالالا مللي نتي باقية بنت وداك الشماتة ماعندو ختى باش يتقب ومللي زواجك صدق هااكا علااش صابرة تما مزال آه؟؟ وقفاتلها لعند رااسها: بكي بكي الله يحسن لعوان ماعندك وليدين ماعندك دار فين تمشي وعندك ربعة دالقوورع خفتي يبقااو يتامى خااصك تصبري... ههههه... خايفة من هدرة النااس قاالتلك... الله ينعل جدهوم هااد النااس للي غايكونو سبابي وتفو عليهووم وااحد بوااحد... هاا عار ربي اهبة لما قوليلي من إمتا وليتي مدلولة هاكا...؟؟ ياك نتي للي ماكنتي تكملي فداك الحمار حتى الشوفة اليووم رجعتي خدامة عليه وعلى تريكتو...؟؟!!
مريم: صافي أكوثر ماتزيديش عليها راه جات باش تنسا الهم ماشي باش نكدوها عليها
كوثر: لا ختي إلى بغاات تنسا الهم غاتنساه حياتها كاملة ماشي غير هاد الجوج دقايق
غزلان: وي كوثر عندها الحق علاش صابرة شنو السبب؟؟!! آش خااصك اختي حتى الشرف بااقي فبلااصتو؟؟!!
مريم: آه ماالكي بحاليلا واكلة مخ الضبع كركبي الزبل وكملي حيااتك حتى من البااك رااك خديتيه ووليديك مايبغيوش ليك العذااب ونتي رااضية بييه...؟؟!!
جابو نص النهار وهما كايلومو فييها والتيلي ديالها ماسكتش من التعيااط... وأخيرا هاهو كايعيط وهي كاتقطع بحاال النهاار اللول... حيت مللي تزوجو حتى لدابا هي للي كانت كاتعيط وتصيفط ليميسااج مللي كان يتعطل بالليل وتحس بالخووف وهو كاان يقطع علييها... حساات بنوع من الراحة بحاليلا كاتنتااقم وحتى هدرة لبناات بخاليلا وكضاتها... خرجو صحااب العربي ورجعو هما لعندو كايضحكو معااه نساات كلشي معااهوم وبززو عليه ينوض يعمر أتااي وفعلا ناض جابو وشربوه من بعد ماتغدااو وحتى هو رجع شوية لبااس
لعربي هز واحد الكاارو بين يديه وهو كاايشووف فهبة: الوااحد هو للي يقتل الهم قبل ماايقتلو... (فتتو فيدو) هااهو كانواعدكوم ماعمرني نعااود نكميه ولا يجي ففمي وللي عندو شي هم يحايدو قبل ماايقتلو...
ضحكو كاملين فرحاانين وناضو كايعنقوه ومراتو عينيها دمعو وهي كاتشووف فييه... وحتى بناتو...
.........
الطيارة وصلات للديار المغربية نزل معاون بالعكاااز حتى وصل للتحت والكارد من وراه هازلو الباليزة... خرج من المطاار لقا الطومو واجدة أشار للسائق يعطيه السااروت ركب القدام وحط العكااز حداه وانطاالق والوجهة لعند حبيبتو...
.......
تفارقات مع لبناات وهما كايوصيوها تفرتك كلشي اليووم... زادت بخطوات ثقيلة كاتفكر فهاد الشي فكرات فسمير مللي كانت كاتقولو عييت كان كايقولها المحكمة كاتعرفيها... ومن هضرتو كان باين بللي متأكد بللي جامي غادير شي خطوة ولا تطلب الطلااق... يالله زايدة فالطريق حتى سمعات التيلي كايصوني جبداتو كاتشوف شكوون كانت مريم استغربات وجاوبات دغيا: يااك لبااس؟؟
مريم: حللي الوااتس دغيا...
وقفات وحلاتو كاتسنى شوية بداو كايطلعولها شي تصااور من نمرة مريم حطات يدها على فمها كاتحس بخااطرها تروعاات علييها وقلبها تزير خسات بغلياان فدمها وهي كاتشوف فسمير ناعس مع وحدة فلفراش وداك الشي بااين أو وااضح عربانين وكايمارسو بحال شي فيديو دالبوورنو... حطات يدها غلى قلبها متكية على الحييط..