🔥لهيب الهوس 🔥( مكتملة)

part70

بسمة ناعمة
البارت 70: تكا على الفوتوي هاز قرعة دالويسكي كاايشرب عينيه حمريين... تنهد وحل البيسي نااوي يخدم... جااه أبيل فيديو... حللو مستغرب حيت مااعرفش شكوون مولااه... صغر عينيه بتسااءل وهو كاايشووف فوحدة زوينة بززاف مبتااسمة بإغراء عينيها خضرين... لابسة كسيوة قصيرة فالحمر.. نص صدرها باين شعرها زعر ولا يمكن صابغااه... شفايفها حمرين بأحمر الشفااه... وجهها كايبان زوين والماكيااج زادو جماال... ابتااسمات ونطقات بالإنجليزية: هااي... كيداير لبااس علييك؟؟
رجع راسو اللور متكي على الفوتوي حاط صبعو السباابة حدا فمو: الحمدلله...
تنحنحاات بتوثر: اممم عرفتيني؟؟
حرك راسو بالإيجاب: عرفتك ولكن ماعرفتش علاش متااصلة؟؟ واش عندك معايا شي حاااجة؟؟
.........: آه... هذا اسبوع وأنا كانحااول نتااصل بيك.. ويالله قدرتي تجااوبني... المهم بغيت غير نقوليك بللي بابا جاتو وعكة صحية مفاجئة وأنا للي غانكمل معاك المشروع فبلااصتو...
سااط بعصبية كايمسح بيدو على راسو... ونطق باستغراب: كييفاش؟؟!!..
سرطات ريقها: ممم... هذي سيمانة وهو مريض... ومدام المشروع مايقدرش يتسناا أنا نكملو معااك..
حط يدو على جبهتو: بفففف... هذي جديدة... شاف فيها: وعلااش هو مااتاصلش بياا...؟؟!!
.......: مايقدرش هو بااقي نااعس فلكلينيك...
.....: ففف.. وكيف بقا داابا؟؟
ابتااسمات: مزياان حسن من اللول..
حرك راسو بالإيجااب: وااخا... آخر مرة دوينا أنا وياه كنا متافقين يجي لعندي لوجدة باش ندرسو المشروع على ارض الواقع..
جاوبات بحمااس: أنا نجي فبلااصتو...
نطق بسرعة: لا بلااش غير خلليك... نقدرو نتكلفو بيه غير من التيلي.. وصيفطي شي واحد فبلااصتك..
جمعات الضحكة: لا خااصني نجي أنا... انا للي مكلفة بيه... فبلاصة بابا.. وكيف ماكان هو غايجي حتى أنا غانجي...
تنهد ونطق بجدية: غانعااود نقولهالك... ماكان علااش تجي...؟؟ طلعها وهبطها وابتااسم جنب: فينك نتي دابا؟؟
ابتااسمات بفرحة سؤالو عجبها: أنا غير فالدار...
تااج: خارجة لشي بلااصة ولا دااخلة من شي بلااصة؟؟
.....: لااا؟؟
تااج: هاد اللباس والمااكيااج والتبرج كاامل على قبل مكاالمة؟؟!! بففف....
يالله جات تنطق قااطعها هاز صبعو جهتها حيت هاد النوع ماخافيش علييه وفااهم شنو باغة من اللول: أنا ماكايثيرونيش لبناات للي بخاالك.. وفبلااصة ماضيعي وقتك فالزوااق بداي تدرسي فللمشروع باش نساليو هاد الشي فأقرب وقت..
ماعطاهاش فرصة باش تدوي ولا داافع على رااسها... كايكره لبنت للي كااطيح بقيمتها.. وهاد الشي من الأسبااب للي خلااوه يتعلق بهبة... كل مابعداات عليه ورفضااتو كايزيد يتعلق بيها ويبغيها كثر: غانخلليك دابا الإجتمااع المفااجئ ديالك تسالا... قطع عليها وخلااها جالسة فبلااصتها الدم هاارب من وجهها... شوية بشوية ترسماات ابتساامة على وجهها... كاتبغييه من ديما... كان كاايخدم مع باباها... للي كايتعتاابر من أكبر اغنياء العالم... اصلهوم أمريكي.. مي كايدخلو للمغرب بزاف بحكم أنو عندو بززاف دالمشااريع مع تااج... وفرحان بيهوم... كاتشوفو معاه بززاف وكاتبغيه من بعيد وديما تحلم بيه.. وهو كيف ديما.. داير حدود بينو وبين الجنس اللطيف... وشحال فرحات مللي باباها مرض.. واخا تخلعاات عليه مي كان سبب باش تخدم مع تااج... وكل ما رفضها وماتبهرش بجماالها بحاال كااع الشبااب كااتزيد تعلق بييه... عارفاه صعييب.. وتمووت هي فالحااجة الصعييبة...
إلينا: غاانجي لعندك لهااد وجدة واخا ماعارفاهاش فين جااية... غانجي على قبلك مايمكنش نفلت هاد الفرصة...
......
سد البيسي ونااض هز الفوطة دااخل للحمام... حل الرشاشة وتخشا تحتها غير بالشوورط مكالي بيديه مع الحييط... فهاد الحالة للي هو فيها.. زادتو هادي عااود... من ديما كايشوف نظراات الإعجااب فعينيها..ندم كاع علااش دخل فهااد المشرووع.. الرااجل من ديما كاايعرض عليه يشاارك معاه فيه.. بحيث داارس منااطق المغرب كلهووم.. كان كايرفض يدير شي حاجة فوجدة.. مي اليووم رجعات أقرب مدينة لقلبو.. وافق يخدم معاه فيه وتكون عندو شي حاجة هناا.. دوش وخرج كاينشف شعرو بالفووطة.. وكايقول فخااطرو ياريتها تدخل لهنا وااخا غير بالغلط.. كايقسم بللي خلقو وخلقها ماغايخلليهاش تخرج.. فقط يعنقها وينعس.. ماطالبش كثر.. رما الفوطة لابس شورط آخور.. وتجبد فووق الناموسية نااعس على ضهرو..
...
طلعات للبيت هي ولبناات قادو حوايجهوم فالدريسينغ..وجلسو فوق الناموسية
مريم: هبة إلى ماكنتيش مرتااحة هنا نمشيو... نتي عندنا اهم من كلشي
كوثر: عندها الحق حنا هنا بسباابك ويلا كنتي باغية تمشي نمشيو كلنا
هبة بابتساامة متعبة: وأشرف؟؟!!
كوثر: أشرف نبقاو نتلاقاو على بررا ويلا مابغااش الله يسهل علييه
هبة: الله يخلليكوم لبعض.. راه قلتليكوم غير سوء تفااهم وهو تعصب وضربني ماشي شي حااجة.. وانا بغيت ندمو كانبات هنا
فنص الليل... هو فبيت وهي فبييت آخوور... فارقين بيناتهووم غير الحيطاان... مساافة قصييرة بززاف كااتفصل بينااتهوم... ولكن إلى تعمقنا مزياان غانلقااوها مساافة كبييرة وكبييرة بززاف... يمكن عنادها ويمكن خووفها... يمكن مااضيها ويمكن عدم ثقتها فراسها... يمكن هوسو ويمكن حبو القوي ويمكن غيرتو ويمكن عصبيتو... ويمكن هاد الشي كاامل تجمع وخلق حاجز كبيير بينااتهوم...
ماجاهاش النعااس غير كاتقلب فبلااصتها... موالفة بريحتوو... موالفة ماتنعسش وهما مخااصميين...
أما هو خلااص.. حالتو بووحدها.. ماعالم بيه غير للي خلقو... إلى هي باغية تنعس هو اصلا ماكايحااولش... حييت عارف بللي مااغايغفااش... عاارف بللي ماغايقدرش ينعس وهما فهااد الحاالة... جالس حدا الباالكون والشتا كااتصب نقييطات خفااف.. الجو بارد وهو فقط بتيشوورط كاع مااحاس... عذاابو والشراب مسخنينو...
بعد محاولات ومحاولات... حركات راسها فبلااصتها كاتشوف فلبناات... فساابع نومة... حسداتهوم على رااحة الباال للي خلاتهوم يمشيو فخبر كاان... وقفاات والضو ديجا شااعل... توجهاات لصاكها للي كان محطوط فووق الطبلة قباالتها.. جبداات الدوا شربااتو وشرباات من وراه الماا... مابقالهاش حل آخوور... نوم اصطنااعي ولاا معاناة طوول الليل ولييل الشتا طوييل... رجعاات لبلاصتها... وبعد لحظاات مشاات....
كان قرييب لفجر... تخل بااب البيت بالشوية... مد يدو وطفا الضو قبل ماايدخل... خايف يكون لبناات مالابسينش ويشوف شي حااجة ماباغيش يشووفها... أصلا هو بااغي يشووفها غير هي... شعل ضو لفلااش كايقلب عليها... دغيا قدر يؤمق وجهها... ابتااسم بتعب وقرب جهتها... تحنا على ركاابيه وااخد رااحتو فتأملها وهي قريببة... تنهد حااسدها على رااحتها فالنعااس... بقا جاالس مدة كاايشوف فيها... الشوف مايبرد الجوف كيف كاايقولو... واخا كان موااعد رااسو قبل مايدخل لعندها ماايقيصهاش ويكتاافي غير يشووفها.. حيت راافض تماما أنها تشوفو تماا... دابا مابقااش مهتم... وخلليها تفييق إلى بغاات... مستااعد يحط يديه على فمها ويخطفها... غير خلليها تفيق... هز يدو حطها على وجهها كايمررها بالثقاالة... حتى يوصلها لشفاايفها ويعااود مرة أخرى.. قرب وجههو لوجهها وبااسها بووسة حنينة... جراتو لبووسة قوية كايجر فشفاايفها... ويبووس.. معول على فيااقها... لكن صدمتو مللي مافاقتش...
تخلع.. هز راسو بالزربة كاايحركها بالشوية... سرط ريقو وحط راسو على قلبها... كاايسمع لدقااتو.. كانو منتااظمين وماافيهوومش خلل... صغر عينيه بشك كايششووف فتفااصيل وجهها.. قرب نيفو كاايشم حدا فمها.... عض على لسانو بعصبية... بانتلو فيها يهزها هاكاك ناعسة ويلووحها من الباالكوون... أكيد عامين دياال الطب ماغاداارش بيه.. وعاارف سبب نعااسها... ضور عينيه فالبيت.. حتى بانليه صاكها فوق الطبلة.. خنزر فيها ومشا فاتجاهو... يالله بغا يقلب فيه حتى رمقو حدااه... فقرعة صغييرة على شكل حبااات صغاار... ضحك باستهزاء ونطق بهمس: هههه... هذا قدرتي تبلعييه...
هزو فيدو ورجع وقف عند رااسها.. تعصب منها دياال بصح... باسها فجبهتها وخرج... توجه مبااشرة للحمام... وهو كايشوف فديك القرعة.. كاتاخد أخطر الأنواع وغاافلة على نتائجو... كبو وكب من وراه الما... خرج منو وضرب الباب برجلو باش يتسد....
...... فااقت فالصبااح حاطة يدها على رااسها... من دييما مللي كاتشرب الدواا كااتفيق بحال شي وحدة باايتة سكراانة... شافت فجناابها لبناات ماكااينينش.. ابتااسمات بلا وعي وهي كااتشم ريحتو فنييفها... يالله طلعاات رااسها شهقاات وهي كاتشوف فيه جاالس على الطبلة حدااها... سرطاات ريقها عااجبها ومخلووعة... كان بمونطو كحل وسروال سليم فلكري... صباط فلكحل وكاشكول كري.. ولحيتو مقادة كاتفتن... وشعرو مطلعو الفووق حريير... نطق بهمس: صبااحوو...
كمشاات يديها عندها وهي كااتشووف عندو وقف مقربلها.. شحال توحشااتو وبغااتو يزييد يقرب... ولكن غير شاافتو كاايلبس ليكاات فلبيض دياال اللحم قلبها سكت... وكاع أنواع التفصاال والتقطااع فكراات فيهووم... مابقااتش عندها القدرة تدوي ولا تعلق ولا تتحرك... وهو زايد مخوفها بدوك الخطوات البطيئة جيهتها... بقات كاتحرك رااسها بلاا... اصلا هذي هي الحركة الوحيدة للي قدراات ديير... جلس حداها مقاابا معاها وقريبب لها... ريحتو غاتجلطها.. تكات بيديها على السرير كاتحاول تكحز اللور... ولكن حتى السرير شد معاها الضد... بحاليلا لصقاات فبلااصتها... وهو مد يدو بلا مايهضر كاايسوط الدخاان من فمو... شدها من كفها مسرحلها يدها عندو وعي مزيرة علييها... ومللي شاافت ليبرة خلااص.. زاادت زيراات... نطق بصووت رجولي بااح على الصبااح: ششششش... تهدني ورخفي يدك...
جاوبات مخلووعة: ل.. لاا لاا... شنو غاادير؟؟
شافها ماغاترخفش يدها وغاتموت غير بالخووف... أصلا هو متعمد يخوفها... مصبر راسو مايضربهاش ومايعنفهاش.. ولقا هاد الطريقة... قربلها كثر وانقض على شفاايفها حتى قفزاات فبلااصتها... بقا كاايبوسها بطريقة محتاارفة وحنينة حتى ترخاات بين يديه أصلا بوساتو يخلليو اي وحدة تترخاا... بقا حااط شفايفو على شفايفها وهي مغمضة عينيها مرفووعة.. وبيظو كايقلب على العرق فيدها... بتقنية ودغيا قدر يلقااه... ودك الشووكة جبد منها نسبة من الدم... فاقت على النغزة دالشووكة... صدرات أنين خفيف.. وهو بعد شفايفو عليها شاد دراعها بجوج يدين: شششش... إلى تحركتي غاتهرس لدااخل...
بقاات جامدة فبلااصتها مخلووعة... حتى جبد اليبرة.. ودار داك الدم فوااحد القرعة معقمة... مسحلها بلاصة الجرحة بالقطن وداارلها الفاصمة.. ونااض.. كايشوف فيها: نوضي تغسلي حالتك وتفطري.. قبل مادوخي...
سرطات ريقها ونطقاات بزز: ش..شنو واقع؟؟
تنهد وهو كايحايد الليكات: ٱلى لقيت شي حااجة فهااد الدم غاايوقع...
هبة: ششن...نو؟؟
تحنى لعندها مقرب وجهو لوجهها: إلى لقييت شي حااجة فدمك.. ولا شي مرض بسبااب عقليتك الخاامجة.. كاانقسملييك بالله حتى نقتلك قبل ماايقتلك هو...
خلاها فحالة صدمة مافااقت غير على البااب للي تزدح... مافهمااتش شنو قصد ولا علامن هضر.. بقاات نص ساعة وهي جالسة فبلااصتها كاتفكر حتى ضرها راسها ونااضت هي مافاهمة والو... دخلاات للدوش طرفاات حاالتها وخرجات بدلات حوايجها ونزلاات لتحت مغطية ديك الفاصمة بالتريكو للي لابسة... جلسات على الطبلة دالفطوور بتعب... وهو جاالس مقابل معاها.. فالصالون هاز البيسي مخنزر... حطات يدها على راسها مريضة ومهلووكة...
كوثر مخلوعة: هبة ياك لبااس؟؟
هبة: والو غير راسي ضاارني...
غزلان: بااش ضاارك.. شنو كااين؟؟!!
هبة: ماشي شي حااجة غير ليغيكل... راكوم عارفين
مريم: آه ويلا هاكاك صاافي بلا ماتمشي لافاك
هبة: لا ضرووري نمشي عندنا الغيااب بززاف
هزات كاس دالحلييب شربات منو جغمة.. وقبخاات وجهها وحطاتو
مريم: كولي ماالكي؟؟
هبة: لا مافياش..
كوثر: واش من نيتك؟ هذي يومين ولا ثلت أيام ماكليتي والو.. شوفي وجهك كيف رجع صفر..
هبة: مافياش أكوثر حتى لاافاك ونااخد شي حااجة..
دفعات الكرسي يالله جات تنوض حتى حسات بشي قبضة قوية شداتها من يدها وريحتو دخلات مع نيفها..
رجع جر الكرسي وجلسها بزز... جبد الطبسيل عمرو وكاس دالحليب وكاس دالعصير... ضارت كاتشوف فييه... هز صبعو كتحذير وكايدوي بصووت مهدن فنفس الوقت: غاتااكلي كلشي وماتخللي والوو.. كلشي... وغاتشربي هاادو بجووج.. ولا غاانعااقبك...
هبة: م... مافيااش؟؟
بااسهل فحنكها بحنية خلا لبناات غير كايشوفو حاللين فامهوم: بززي على رااسك... المهم تااكلي.. كملي كلشي..
بعد عليها بخطوات وهي حالة فمها كااتشووف فييه مرفووعة.. ودارلها إشاارة: أنا لهييه.. وراادلك الباال....
سرطات ريقها وهو رجع لبلااصتو... شافت فلبناات للي باقية اللقمة ففمهوم ماسرطوهاش... كانو غير هما على الطبلة... بدات كاتاكل... بالشوية.. حتى سالات كلشي... بخااطرها ولا بزز... المهم كلاات... ولبناات كايستنااوها حتى كملاات ونااضو... كايشوف فيها وحتى هي خطفاات فيه الشووفة... هزات صااكها وخرجاات كاتمشى بالشوية... تكا على الفوتوي اللور كاايريح رااسوو... من بعد مدة قصيرة نااض خاارج حتى هو هاز السواارت... دار نضااضروو وركب فالطومو ديااللوو... خرج من الفيلا بسرعة بحاال ديما... حتى بانتلو الطومو دالشيفوور.. قلل شوية من السرعة... وصلهوم حدا لافاك نزلو... وهو وقف بعييد... حاضيها حتى دخلو ورجع اللور... غاادي لشغاالو... أصلا باش يتبعها لهناا مااشي عقلو هو مول الفكرة بل قلبو... هذا علااش كانت فكرة غبية بالنسبة لييه...
........
من بعد مدة خرجو من لاافااك وكيف العادة لقااو الشيفوور كايستاينهوم... من غير مريم للي لقات وديع هو للي بانتظاارها.. شافو فيها لبناات باستغراب... ابتاسمات بتوثر: نرجع ونعااودلكووم..
مشات فاتجاهو وهو مهبط الزااج ولبنات حاللين فيه فامهوم... ابتااسملها.. وحلها البااب ركباات
وديع: لبااس علييك.. كيف دوزتي نهاارك؟؟
مريم: الحمدلله... داز بيخيير
وديع: مزياان... دار نضاضرو وديمارا... بقاو غاديين لمدة حتى سولاتو: فيين غاديين هذي مااشي طريق الفيلا؟
جاوبها وعينيه على الطريق: أممم... غانمشيو نحللو المشكل دياالك
مريم: كييفااش؟!!
وديع: ماتسوليش بززاف هانتي غااتفهمي...
بعد لحظاات لقاات راسها حدا المصنع فين تلااقات أيمن اول مرة... عرفاتو جاي لعندها... ولكن مافهمااتش شنو غاايدير؟؟ مي هي ماحااسااش بالخووف نهائياا... غاالبا حيت هي مع ودييع... نزلو وتعرضلهوم العساس... عطاه السواارت وزاد داير يديه فجيب الدجاكيط...