بسمة ناعمة
البارت 71: دخلو مع الباب وللي شافو كايديرليه التحية... طلع الفووق فلاسانسور وهي حدااه... لقا السكرتيرة وااقفة كااتسنااه.. رحبات بييه مبتااسمة بإغراء وشاافت فمريم ماحاملااهااش.. حلاتلهوم البااب دالبيرو... دخلو بجوج.. لقاو وااحد الرااجل وااقف تما مبتااسم... كبير فالسن شوية... غير شافهوم ضحك: أهلن أهلن بالسب وديع.. نهاار كبيير هذا...
مدلو وديع يدو تصاافحو: لهلاا يخطييك... السيد للي طلبت فينو؟؟
الشخص: آه دابا نعيطلهوم يحضرووه... وهذي آخر مهمة عندي هناا...
حرك راسو بالإيجاب وضاار جلس على الكرسي الرئيسي ومريم غير كاتشوف.. لااخور دوز اتصال طلب من أيمن يجي... وشاف فوديع بابتساامة: كانشكرك بززاف جيتيني فوقت مزير بززاف.. وعطيتينب ضعف داك الشي للي كنت محتااج
وديع بشبه ابتساامة: تستااهل
شوية سمعو البااب تطرق... دخل ايمن راسو فالأرض قدام مول الشي... حتى نطق: أيمن مااشي أنا للي بغيتك السي وديع هو للي بغااك
طلع راسو كاايشوف فيه باستغراب وهو حاط رجل على رجل... وداك الراجل كمل كلاامو: هذا المالك الجديد ديال المصنع أنا بعتو... شاف فوديع: السي وديع باقي محتااحني فشي حااجة؟؟
دارلو إشارة بيدو: لا غير تفضل..
خرج وهو شاف فأيمن للي كان حال فمو فمريم مصدوم ومخلوع.. وهي مرفوعة كاتشووف فوديع وباقية مصدومة من الهدرة للي سمعاات... فيقو من سهوتو صوت وديع: عرفتيها يااك؟؟
شاف فيه مخلووع... وهو كلم كلامو مهدن: تصاورها عندك غير فالتيلي ولا فبلااصة أخرى
سرط ريقو بصدمة: هاا.؟؟!!
وديع: ماكانعاودش للسؤال جوج مراات
أيمن: غ...غير فالتيلي
وديع: متأكد؟؟؟
أيمن حرك راسو: آه كاانقسم بالله
مد يدو بلا ماايدوي عارفو بللي ماكايكذبش.. حيت حتى هو بحال خووه بارعين فقراءة العيوون ولاخور فهمو... جبد التيلي من جيبو كايترعد ومدولو... من بعد مافتحلو الكوود.. عطاهلو دخل مباشرة للتصاور.. تما الآلاف دصور لبناات.. عافو.. وحتى المواقع فين كايدخل موسخة.. مسح تصااور هبة... وهذاك يالله مد يدو بااش يشد التيلي.. حتى قربولو وهو يطويه بيد وحدة خلاه شهق بالصدمة وهي حطات يدها على فمها... نطق ببرود: هااا.. تهرس.. ماعليش حتى تلقا خدمة وشري وااحد جدييد
باقي ماسرط الصدمات للي جاوه متاابعين.. زادو بهادي.. نطق غير بزز: ك.. كيفااش؟؟!!
حط رجليه على البيرو مسرحهوم وعطا إشارة لمريم: جلسي رتااحي
جلسات وشاف فيه: استقالتك بغيتها دابا
شد فالطرف دالمكتب حااس بالدوخة وهو كايحااول يهضر: س.. سمحلي... غلااط أو وقع... ماغانعااودش..
وديع: مافااتحش هنا برناامج باش تحكي قصتك... انا علمتك...
ايمن: عطيني غير فرصة... ماغانعااودش الله ير..
قااطعو: صافي بلااش من الإستقاالة... يالله ضحك حتى هجرولو: نتا مطروود...
يالله حل فمو باش يدوي سبقو: تخرج ولا يخرجووك
شاف فمريم غادي يبكي... خنزر فيه طالعلو الدم: كانقسمليك بالله وتدوي معاها حتى نقطعلييك لساانك...
تطمش فبلااصتو وهو دارلو إشارة بااش يخرج.. حنا راسو ومشا.. شافت فيه حالة فمها: شنو هااد الشي؟؟
شاف فيها: بقا فييك؟؟!
مريم: لا.. ولكن واش شريتي المصنع على قبلي
وديع: لا عجبني وشريتو..
......
وصلو للدار ونزلو دخلو وهي كيف ديما كاتقلب عليه بعينيها... حتى جا هابط مع الدرووج كايدوي فالتيلي بلغة ماعرفات كاع أصلها... بقات متبعالو العين وهو داز من حداها هز صبعو حطو على فمو باسو ورجع حطو على فمها خلاها جامدة ودغيا تجاوزها خرج...
كوثر: يااختي هذا ملك الروومانسية
غزلان: سعدااتك...
تنهداات: زيدو زيدو نطلعوو... طلعو دخلو للبيت بدلو حوايجهوم وهي بااقية عليها ليغيكل... طرفات حالتها ونزلو لقااو لغدا وااجد فوق الطبلة وهو كايبان على بررا باقي شاد الهدرة فالتيلي... دخل أشرف مع البااب قال السلاام وباس كوثر فحنكها: نتغداو بررا..؟؟
حركات راسها بواخا فرحاانة: نمشي نبدل حوايجي... خرج كايستناها بررا... وهبة ماقدراتش تااكل جلسان فالصالون وغزلان خشات وجهها كاتبنن.. هو سالا هدرتو ودخل شاف فالطبلة غير غزلان دغيا قلب عينيه كايقلب عليها.. غير شافتو جااي جهتها نااضت هازة يديها: ش. شوف أنا شبعاانة من الفطوور... و.. ابتااسم جنب وجلس جبدها جاات جالسة حداه... دار يديه ورا ظهرها يالله جات تنووض حتى نطق: شششش... ماغاندير والو غيير خلليك هااكا...
سرطات ريقها بقاات جالسة وهو خدام فالبيسي.....
حتى سالات غزلاان وجات جلسات حداهوم... بقات مجمعة هي وهبة وهو باقي فنفس الوضعية.. وخداام.. هاكا دااز النهاار حتى وصلاات الربعة دالعشية... جاا وديع ومريم تغداو على بررا.. طلع راسو كايشوف فيهوم ويحك بيديه على دقنو: وديع تبعني
شاف فيه كايسرط ريقو... وهو ناض سابقو.. تبعو خارجين للجردة.. وقف حدا لابيسين حاط يديه فجياابو قرب لعندو: شنو هدفك من المصنع للي شريتي؟؟
حل وديع فمو مستغرب: بففف ماكاتخفا علييك حتى حااجة....
تااج: ماجاوبتينيش؟؟
وديع: غير عجبني وقلت نااخدو
تاج باستهزاء: عجبك...؟؟!! سروال هو...؟؟!!
بقا وديع سااكت كايضور فعينيه وتااج غير كايشووف فيه حتى نطق: كااتبغييها مااكنضنش؟؟ كاتعجبك... الإعجاب ماغايخلليكش تشري مصنع على قبلها؟؟ كاتشفق عليها... الموضوع ديالها ماواصلش لدرجة الشفقة..؟؟!! صغر عينيه بتسااءل: شنو للي خلااك دير هاد الشي على قبلها...
بقا كايشوف فيه بصدمة... حتى طرطق صباعو حداه: هيييهو سولتك...
حنا راسو كايشوف فالأرض: مااعرفتش والله ماعرفت علااش درت هااكا... التصرف ديال دااك بناادم استاافزني وحسييت بللي خااصني أنا نعااقبو بيديا...
تااج: متأكد؟؟
وديع: م... ماعرفتش والله... طلع راسو كايشوف فيه: ونتا كنتي عاارف كلشي؟؟
تااج: عاارف عاارف... وكنت غانحل الموضووع من بعيد مللي شفتك تدخلتي قلت أرا نتفرج ونشووف شنو غاايدير؟؟
وديع: بصراحة صدمتيني أخوويا والله...
تااج: حتى نتا صدمتيني فجووج حواايج
وديع: شناهما؟؟
تااج: المصنع للي شريتي.. وهااد اللمعة للي فعينيك مااشفتها من مدة..
ابتااسم كاايشوف فيه... وحتى تاج داار نصف ابتساامة ونطق: شنو السر؟؟
وديع: غانكدب عليك إلى قلتليك عاارف... حااس براسي مرتااح وبديت كاننسا المااضي... وضحكتي كااتخرج من القلب...
تااج غير كاايسمعلوو داير يديه فجياابو حتى سالا وحرك راسو بالإيجااب.. وزاد قرب لعندو.. ربت على كتفو: الله يدومها ضحكة... تجاوزو بخطوات ونطق مرة أخرى: ماتخلليش قلبك يتحكم فييك... غااتعذب بزاف... كاندوي بالتجربة...
قبل مايستوعب كلاامو ولا يسولو كاان مشااا دااخل للفيلاا خلاه غير كاايشووف...
لقاها هي وغزلاان ومريم كاايجمعو ويشوفو شي ورااق ماراادينش ليه الباال مللي دخل
هبة: نهار لثنين عندنا النحو...
غزلاان: أشناهو هذا عاود؟؟
شافت فيها: من نيتك ولا كاضحكي معايا؟
مريم: ماكاتضحكش أهبة... هي لافاك ماعارفاهاش آش كااتعني غاتفهم النحو؟؟
هبة: راه عندنا إمتحان فالدروس ديالو نهار لثنين كيفاش ماعارفاش شنااهو؟؟
حركات غزلان كتافها بعدم إهتمام: واصافي حتى نتي غير ندير لبيليكوب تحتي وهانا نقلت كلشي
خنزرات فيها: هاد الشي باش نافعاك ديك الترمة لكبيرة كاتخبي التحراز...
غزلان: ونافعاكوم حتى نتوما.. ماشفتيش شحاال من فرض دوزنااه بيخيير
مريم: وهذاك الليسي وهذي لافاك ماعرفناش هاد الأساتذة كيف دايرين فالإمتحان...
رجعات هبة اللور هازة التيلي كاتبقشش فيه: ماسوقيش أنا...
شافت فيها مريم: وأجي نراجعو شوية بعدا
يالله هزات ورقة فيدها رجعات رماتها: مافيااش..
مريم: شنوو؟؟!! براكة من لعكز زيدي نحفظو شوية راه ثلت أيام ديال ليكزام...
هبة بجدية: ماعنديش الكانة أمريم والله غيير راجعو نتوما..
شافت فيها مابغااتش تحكر علييها... وهزات شي ورااق: واخا خااطرك؟؟ شافت فغزلاان كااتكتب فشي ورااق طوال بخط رقيق ماباينش: آش كاتخرمزي تما؟؟
غزلان وهي خداامة: كانوجد لهاد ليكزام ديال لثنين...
شافت هبة فداك الشي وقربات مصغرة عينيها كااتقرا: آش هااد الشي؟؟ القرآن والأحااديث..
هزات البيليكوب للي كاتنقل منو: هادو الدراسات؟؟!! منين جبتيهوم؟؟
مريم: هههههه... ويلي ويلي
غزلان: وانتوما قلتولي النحو...
مريم: إيواا...؟؟!! وآش جااب النحو لهاد الشي؟؟
غزلاان: وأنا لقيت هذي هنا قلت حتى هي صالحة...
هبة: ههههه... داابا كنتي غاطيحي على هااد الورااق كاملين تكتبيهووم؟؟
غزلان: آه ضرووري؟؟ باش مايديروهاش بيا ويحطولي شي حااجة مااعارفاهاش..
هبة: سيري سيري خلليني نتكا راه شفتك بدياي دخلي وتخرجي فالهدرة...
ناضت مريم وجراتها: زيدي نخرجو للجردة ونوريك شنو غاتكتبي...؟؟ شاافت فهبة: خااص نفهمو هااد الشي ونتي للي عندك مع العربية مافخاطركش تراجعي
هبة: والله أختي مابقيت فاهمة شي حااجة... ماعرفت واش هاد الشي صعييب ولت أنا للي مابقا عندي عقل...
ابتاسماتلها: يكون خيير رتاحي حتى تحسي برااسك مزياانة ونشوفو...
رجعاتلها الإبتساامة... وهما خرجو... وتااج واقف متكي على الحييط... كايتفرج فيها مااشافوهش.. كان لاابس توني ودجاكيط... تنهد وزاد قرب لعندها وهي كاتبقشش فالتيلي... سمعات خطواتو.. طلعات راسها شافت فيه سرطاات ريقها... وهو جلس مقابل معاها فاارش رجلييه... حنات راسها ونااضت بغاات تخوي... هضر بجدية: جلسي...
شافت فيه: غانمشي لعند لبناات...
تنهد بالشوية: الله يخلليك مابااغيش المشااكيل... جلسي....
جلساات وبقا حاط يدو على ذقنو كايشوف فيها وهي متوثرة كاتشوف فالأرض... تنهد وهز واحد الورقة من دووك للي فوق الطبلة: تبغي نشرحلك؟؟
حركات راسها بلاا... وناض من تما قربلها جلس حداها: شنو للي مافاهمااش؟؟
شافت فيه كااتفرك فيديها... تمتماات بالشوية: الن...نحو...
ابتااسم وهز البيسي من حداه.. جبد كاع الدروس دالنحو للي كااينين فالدورة اللولة... بقا كاايوريها بالشوية... فاللول كاانت مرفوعة غير مع صووتو ورجوولتو وطريقتو فالشرح... ومن بعد انساجمات.. بقات كاتسمع وتفهم وتحرك راسها... وكاتسولو مرة مرة وهو كايجااوبها... انساجمات لدرجة مابقاتش عاقلة شكون هو وشنو بالنسبة ليعا وكيفاش دايرة علاقتهوم اليووم؟؟ ظلاام الليل .. ورجع هو كاايسولها وهي كاتجاوبو... لقاها فهمات كلشي عقلها خفيف.. وأصلا العربية عندها معاها بززاف... داازت مدة طويلة... غير للي دخل كايلقاهوم منسااجمين كاايخرج ولا يطلع مبااشرة الفووق... طرطق عنقو وحط البيسي فووق الطبلة:: بوووننن... هاحنا سالينا... دابا خااصك تبقااي غير ترااجعي بااش ماتنساايش...
حركاات رااسها بالإيجااب: وااخا شكرا...
جاوبهل وهو كايجبد شي حااجة من جيبو: مابيناتناش... هز كاس دالما وحط فيه حبة دالفنيد وعطاهالها: شربي هذا...
شافت فيه مستغربة: شناهو هذاا؟؟
تااج: غير شربي ماغايقتلكش..
حركاات رااسها بالرفض: لاا ماغانشربش حتى نعرف شنااهو..؟؟ ماشي قباايلة محايد مني الدم ودابا عاطيني دوا نشربو ماعرفتو حتى دياالمن؟؟
تااج: ماغانآذيكش... هاد الشي للي كاايهم..
هبة: وبااش غانعرف أنا؟؟
شاف فيها زعما من نيتك: يااك ألالا...؟؟ واغير هاكي شربي... والله مافيه شي حاجة... كانقسمليك بالله مافيه شي حااجة
شداتو من عندو شرباتو وهي كلها تسااءل... حطات الكااس: ماغاتقولش ليا دياالمن؟؟
يالله بغا يهضر... صونالو التيلي.. جبدو كايشوف فالنمرة وشاف فيها: غانجااوب... جمعي هاد لورااق...
نااض من حدااها حاط التيلي على وذنو وهي غير كاتشوف... يالله ردات الباال لراسها... سرطات ريقها وهي كااتفكر... كاتدوي معاه عادي وعطاتو وقت.. وشربات دوا من يدو ماعارفاه حتى دياالمن... نسات الضرب للي عطاها ونساات العنف.. ونساات تهديدو... ونساات كلشي.. ضربات بيدها على راسها... أما هو ماغفلش ومانسااش... كايحس براسز رتااح بززاف هاد العشية... المهم دوا معاها وتقرب منها... هو هاكا تعمد بااش يرجع يقربها لييه... وماردش الباال للوقت للي دغيا داز على عكس الباارح للي كان كاايدووز ثقيل بززاف... أما الدوا للي عطاها غاايحاايد كاع أثار داك لادروك دالنعااس للي كانت تشرب...
من بعد ماتأكد بالتحليل للي دار بللي ماعندها حتى حااجة... كان خاصو ضروري يحايد أثارو بالدوا للي عطااها.. ومابعاش يقولها لا علاش ولا كيفاش.. حيت عارف بل متأكد بللي إلى جبد موضوع الدوا دالنعاس غاايتخاصمو مرة أخرى ويرجع معاها لنقطة الصفر... لهذا تحكم فأعصابو وفضل يسكت...
دخلو عليها لبناات لقاوها حالة فمها كاتشوف فمنحى وااحد... جلسو حداها مبتااسمين... وهي ساكتة.. حتى نطقاات مريم: أممم... يخلليلي الأستااد...
شافت فيها: بفف... علاش ماجيتوش عندي؟؟
كوثر: حماقيتي نتي... نتوما فداك الجو ونجيو حنا كي زهركووم...
هبة: أشمن جو؟؟ راه نسيت كااع رااسي
غزلاان: وابسيف أحتي تنسااي رااسك... ونتي مع داك الزين كاامل
خنزرات فيها: سيري كملي تحراازك... نااضت من بلااصتها شاادة على مؤخرتها: نااري ترمتي لصقاات على هاد الفوتوي...
مريم: فين غاادة؟؟ جلسي شرحيلنا ..
هبة: غانمشي نتكا... ضرني راسي... بلاتي وأجيو نشرحلكووم...
مشات وخلاتهوم جابدين لوراق كايحااولو يراجعو.. حتى دخل وديع وأشرف جلسو حداهوم.. كايوريوهوم شي حواايج... وهو طلع للمتكب عندو شي خدمة مستعجلة... حتى دااز الوقت... خرج من تما هبط لتحت... لقا كلشي تفرق وكل وااحد طلع لبيتو... شاف ماريا كاتجمع فالطبلة... تنحنح ونطق: هبة تعشاات؟؟؟
ماريا: لا أسيدي ماهبطااتش..
حرك راسو معصب... ماكلاات من لفطوور... ونطق مرة أخرى: صاوبيلها عشاها فبلااطو وطلعيهلها قوليلها يا تاكلو يانطلع نوكلولها بيدي...
حركات راسها: وبقاي مراقباها حتى تساالي
ماريا: واخا أسيدي...
دارلها ٱشارة باش تمشي... وهو خرج لبراا واقف حدا لابيسين كاايشوف فمنحى وااحد... حتى دااز الوقت.. دخل ولقا ماريا هابطة بالبلااطو
تااج: كلاات؟؟
مااريا: آه كلاات شوية..
تنهد وطلع لبيتو...
.......
كلشي نعس... من غيرهوم هما بجووج طبعا.. هي فبيت وهو فبييت... تنهد كايشوف فالتيلي من بعد ماصافطلها ميسااج... صافي رفع الراية البيضة ومابقاش قاادر على هاد الحال..
كاتقلب فبلااصتها حتى سمعات صوت ميساج فالتيلي... تلهفاات تحللو مللي طلعاتلها سميتو #تاجو.. عضات على شفايفها وهي كاتقرا كلماتو بتمعن: إذا كان عذابي هو دليل حبي لك فما أحلى الألم اللذي أصابني من عذابي.. وإن كان موتي هو دليل عذابي في حبك فما أشرف أن أمووت من أجلك...
مسحاات دمعة نزلات من عينيها وهي كااتقرا الميسااج..
BINABASA MO ANG
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
