🔥لهيب الهوس 🔥( مكتملة)

part18

.........
تتمة: من بعد يومين جا باعا عاوداتليه ماماها بللي جاو النااس... بطريقتها قنعاتو حيت هو مامستاعدش يزوج بنتو عارفها مامسؤولاش وباغيها تكمل قرايتها... وفالآخر استسلم.... وهي عاد تخوفها كايزيد وهي مقررة إلى ماخلاهاش تكمل قرايتها فلافاك ماغاتكملش معاه... وهذي غاديرها سبة...
اليوم النتيجة بايتة فبيتها كاتفرك فصبعاانها وتستنى النتيجة للي غاتبان مع12 دالليل... نسات القصص ونساات فارس الأحلام فاتحة كروب واتس مع صحاباتها وكاتسنا يتحل مساار... عطاات الكوود لواحد الأستاذ... وهما كايترعدو... دازت ساعة جوج ثلاتة وهي غير داخلة خارجة... وعائلتها كاملة ماقدراتش تنعس وتخليها... شايفينها خاايفة... حتى مشا الحال وحايداتلها ماماها التيلي: براكة علييك سيري تنعسي حتى يصبح ويفتح النتيجة ماغاتهربش
هبة: لا أماما عفااك مانقدرش ننعس
فاطمة: لا غاتقدري سيري والتيلي والله لا خديتيه
الأب: سيري أبنتي تنعسي حتى للصبااح راه داك الشي كايكون دابا ثقيل مللي يصبخ الحاال ٱلى مابان والو سيري لليسي...
استسلماتلهوم ومشات تنعس بقات شحال كاتقلب فبلااصتها حتى غفاااتبسمة ناعمة: شافو فبغضهووم كايسرطو فريقهوم للي اصلا نشف... وجوههوم رجعو شاحبين....
كوثر: ي.. يمكن يكون شي غلااط.. مايمكنش نكونو بربعة خاسرين...
مريم: آه... آه ماايمكنش...
شافت فيهوم هبة وضحكات باستهزاء رجعات بخطوات اللوور كااتحرك راسها يمين وشماال ضارت ومشات كاتجري وهما تبعوها كايحاولو يوقفووها... عارفين هي أكثر وحدة خدمات فيهوم وصدمتها غاتكون كبر من صدمتهوم... يالله قدرو يشدوها برا لليسي
مريم: هبة حنا مامتأكدينش ماديريش هاد الحاالة...
التيلي ديال كوثر كايصوني غمضات عينيها حيت عارفة من دابا والناس كايعيطو باش يسولو... جبداتو كاتشوف لقاتو ولد عمها
كوثر: آلوو أيوب...؟؟
أيوب: السلام كوثر لباس؟؟ عيطت باش نسولك اش درتي؟؟
سكتات شوية ونطقات: مزال ماشفت ونتا؟؟
أيوب: أنا الحمدلله نجحت... اجي لعندي للسيبير وجيبي الكود نشوفلك
كوثر: واخا غانجيو أنا وصحاباتي... آشمن سيبير؟؟
أيوب: للي حدا الليسي ٱلى نتي قريبة...
قطعات وشافت فيهوم: لبناات ماغانبقاوش هاكا حايرين يالله نمشيو نشوفو ونتأكدو... تبعوها وهما جارين هبة... دخلو للسيبير وتوجهو لعند ايوب للي كان جالس غير شافهوم ابتاسملهوم... وعطاوه الكود... شافلهوم كاملين... هبة وكوثر ومريم خرجاتلهوم استدراكية وغزلاان خسرات وماعطاوهاش تعاود....
خرجو من تما منهازمين وكل وحدة كاتمشى بوحدها وتبكي... من غير هبة للي غير كاتشووف حتى نطقات: صافي ماكتاابش... علاش دايرين هاد الحالة؟؟ قالي بابا الصبااح ماعليش إلى ماخديتوش ماشي نهاية العاالم.. ههههه... عندو الحق...
شافت فيها مريم مستغربة... ورجعات شافت فكوثر: لبنات خاصنا نرجعو نحفظو حيت الإسندراكية مابقالهاش بززااف...
كوثر: وي عندك الحق... شافت فعزلان: مايبقاش فيك الحاال ها حنا كاع خسرنا وماضامنينش النجااح... وكيف ماكان الحاال نتي ماغاتخيبيش... باباك خدام لاباس علييه...
قاطعاتها هبة: لبنات دغيا غانمشي نتفرج فمنار كايعاودولها فالصبااح... سبقاتهوم كاتزرب فالمشية وهما كايشوفو فبعضهوم مستغربين فين عمرها تفرجات فهاد منار ولا عرفات حتى علاياش طالعة؟؟ ماعجباتهومش حالتها... وخصوصا مللي شدات طاكسي وماستناتش الطوبيس وماقالتلهومش بللي غادية...