بسمة ناعمة
البارت 12: ضحك بغرابة كايحاول يستوعب كلامها... تحنى للأرض وحط يدو فوق رااسو... ارتاافع صووت ضحكتوو بطريقة خلعاتها... ترددات قبل ماتمد يدها تحطها فوق يدو وتدوي بصوت مهموس: سمير لبااس؟؟
طلع راسو بسرعة كايشوف فيها بعينيه للي حمارو فرمشة عين: آه فووق لبااس عااد... علااش مانكونش لباس وحنا غايكون عندنا عرس فالحومة...؟؟
هبة: سمير عفااك... راه ماقلتليكش غانتزوجو..
سمير: قلتي غايخطب ومادامك مامنعتيش هاد الخطبة ماشي بعيد تتحول لزواج
هبة: واش كاتدوي من نيتك؟؟ راه دارهوم فالعروبية واخا هو خدام فالمدينة وكايقول بللي غايدي مراتو لتما مانتيقش... حيت حتى خوه كان واعد مرتو ومن بعد خلاها مليوحة تما...
سمير: يعني إلي ماقبلتيش غير باش ماتعيشيش فالعروبية ماشي على قبلي...؟؟
هبة: سمير أنا قلتليك راه مانقبلش واخا مايكون حتى حد فحياتي... وأصلا مانتزوجش بشي حد من عائلتي... يعني كون هاني...
ابتااسم بحزن: متأكدة؟؟
ابتاسماتليه محركة راسها بالإيجاب...
سمير: عرفتي إلى وقع وتزوجتي بيه كوني متأكدة غاتوقعلي شي حااجة بسباابك
تنهدات: ماغانتزوجش بيه كون هاني...
....
دوزو عشيتهوم كلها غزل فغزل من جيهة سمير لهبة.... وكل مرة يحاول يتأكد منها بللي ماغاتقبلش بهاد الزيجة.... واخا هاكاك تفاارقو وهو باقي خاايف وشااك...
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
