🔥لهيب الهوس 🔥( مكتملة)

part56

بسمة ناعمة
البارت 56 بقات واقفة ماقادراش تتحرك وهو حداها حاط يدو على راسو باين عليه معصب وطالعلو الدم... النهار كااامل وهو هادئ وغير مبتااسم وااخاا قليل فين كايكون نااشط وهو فرمشة عين رجع للوحش للي ستغنا عليه... حركات عينيها بالشوية حتى طاحو على يديه وهي تشوف الدم دايز منها... هزات يدها باغية تشدو من يدو ومازعمااتش وهو حاضيها نطقات كاتلعثم: ي..يدك نزفات... شااف فيدو ورجع شااف فيها مبتااسم باستهزااء: ماقادراش تقيصيها؟؟ خايفاها تعضك؟؟
سرطات ريقها: ل.. لا غير خفت نقصحك..
تاج: ههههه... تيقتك... أنا مقصح فبلااصة أخرى... ماشي فيدي...
هبة: خ... خاصك دير الدوا باش الدم يحبس...
تااج: واخا.... مدلها يدوو: هااهي ديريلها الدواا..
بقاات كاضور فعينيها: ماالك يااك باغة تولي ممرضة إيوا بدااي تعلمي
شافت فيه متوثرة: ف...فين الدوا؟؟
ابتااسم بتعب وجرها من يدها مطلعها الفووق دخلها للبيت للي باتو فييه جاس على الفوتوي: شوفي فالمجورة غايكون تما...
مشات كاتقلب فالمجورة لقاتهوم عامرين بالحوغيج على عكس البارح كان كلشي خاوي...
شافت فيه متساءلة وهو نطق متكي اللور كايشوف فيها: الصبااح مللي كنتي ناعسة جابو كاع داك الشي للي نااقص...
حركات راسها بالإيجاب وبدات كاتقلب حتى لقات علبة بيضة دالإسعافات الأولية هزااتها وتوجهات لعندو كاانشى بتثااقل وعينيها على يدو للي باقية ملوية فالفاصمة كلها رجعات حمرة بالدم.. تحنات فوق الطابي مقابلة معاه تحرك بالزربة باغي يوقفها مابغاش تجلس تحتو كايدوي بصرامة: علاش جالسة تما...؟؟ أجي جلسي هنا...
شافت فيه: لاا.. أنا باغية نجلس هنا باش نقد نعقملك الجرح..
يالله جا يدوي جبدات يدو لعندها شاداها كاتشوف فيها بزز منها حلات الفااصمة وبدات كاتحايدها بالشوية وهو كايحس بيديها سخونين شادين يدو... داير كثر من جهدو مايفتارسهاش فبلااصتها وهو حاضي ملاامح وجهها للي كايتبدلو.. غير حركة منها شعلااتو... أما هي كاتحل الفاصمة وكاتشوف فيدو رجولية مشعرة وكبر من يدها بثلاتة دالمرات وسخونة كثر من يديها زاد الجرح سخنها... حايدات الفاصمة وهو يباان الجرح محلوول غمضات عينيها مزيرة على شفايفها وهمساات بين سناانها: أحححح... اش هاذا؟؟
ابتااسم وهو كايلعب بيدو لوخرى فشفايفو: ماتخافيش كان دخللي تما واحد الطرف دالزااج وحايدتو لباارح...
خرجات عينيها كاتشوف فيه: ششش..نوو؟؟ طرف دالزاج؟؟ وحايدتيه بووحدك؟؟
شاف فيها مستغرب: وشمون غايحايدولي؟؟
هبة: الطبيب؟؟
ضحك بتعجب: الطبيب؟؟ راه غير طرف دالزااج مااشي بيبي ههههه....
حنات راسها حشمها ورجعات كاتشوف فالجرح ويدو بين يديها حلاات العلبة وجبدات القطن ولالكول بدات كاتمسح بيه على الجرح وهي كاتعض على شنافتها حيت عارفاه كايحرق طلعات عينيها كاتشوف فيه لقاتو كايلعب بصابعو فشفايغو وحاضيها... بقاات مستغربة واش ماكايحسش؟؟
نطقات: جرحك محلول بزاف يمكن خاصو لخيااطة...
جاوبها ببرودة: لا دابا يبرا... شوفي واحد البوماضة صفرة كاينة تما وديريها كاتجمع الجرح..
بقات كاتقلب حتى لقاتها وطلاتهالو وبدات كاتلوي الفاصمة صايبااتها وناضت كاتجمع ديك العلبة رجعاتها لبللاصتها ورجعات وقفات حداه: تااج؟؟
جرها من يدها جابها جالسة على ركبتو: عيوون تااج... شنو حب الخااطر؟؟
سكتاات ماقادراش تعاود تقولو بلليى خاصها تمشي باينة غايصعر بحال قبايلة ولوكان بغا غايكون خلاها تنهدات كاتشوف فيه ببراءا وهو كايبتاسم ويحط نيفو فوق نيفها.. دقات الخدانة فالبااب جات تنوض وزيرها عندو ونطق: دخل..
دخلاات حانية راسها: سيدي شنو تبغيو فالعشا..؟؟ شاف فهبة وهي غير ماترمش وهمس عند وذنها خلا عذيك الخدامة غير كاتبرقق والصدمة باينة على وجهها: شنو تشهاات حبيبتي؟؟
هبة: و... والو... تااج أنا....
سكتات وهو شاف فالخدامة: غير سيري حتى نعيطلك...
حنات راسها وخرجات وهو شاف فهبة كايسوط الدخان: ماالكي؟؟
بقات ساكتة وهو نطق مرة أخرى بعصبية: قلتلك ماالك؟؟ واش باقية باغية تمشي؟؟
بغات تفلت من يدو وزاد زير حتى غوتاات مقصحها: تاج ا..لله يخلليك راه شرحتلك..
تاج: وحتى أنا شرحتلك... ماقادرش نبقا بلا بييك... ماغاتدي لا ذنوب لا والو حيت شاادك بزز منك الذنوب أنا للي غانديهوم أووكيي؟؟
شافت فيه مصدومة من هدرتو وهو خاشي وجهو فعنقها خلااها كاترعد بين يديه وغايبة على الوعي.
....
نزلات ديك الخداامة للكوزينة وهي كاتمشى وطيح لقاات الجوج لاخرين تما واقفين نطقات وحدة فيهوم وهي هازة تفاحة كاتعض فيها: آش قاال؟؟ شنو نوجدو؟
شافت فيها طالعلها الدم: خلليني الله يرحم باك للي فيا كافيني
شافو فيها مستغربين: أويلي ماالكي؟؟
شافت فيهوم معصبة: ماشفتوش المنظر للي شفت تكونو سخفتو
نطقات وحدة فيهوم: شنو شفتي؟؟
همسات كاتشوف الفوق: وااش السي تااج يتصرف هاكا...؟؟ راه باقي مامتيقاش؟؟
جاوباتها وحدة: شنو دار؟؟
الخدامة 1: مللي جيت لهنا وأنا مصدومة... مللي وصلونا الأوامير نجيو لهاد المدينة وأنا غايبة ماعارفاش السبب وعلاش شرا دار فهاد المدينة بالضبط وهو ماعندو فيها لا خدمة لا والو؟؟
الخدامة 2: إيوا أختي حنا ماعارفين والو عليه نتي للي كاتعرفيه... أنا ماعمرني تلاقيت معاه حتى فاص كانشوفو غير من بعيد
الخدامة 3: آه حتى أنا... وغير حيت حنا من للي شاف دالقصر مالاخرين ماعمرهوم شافوه حتى من بعيد
الخدامة 1: آه أنا كانعرفو حيت مي هي للي كانت مربية ديالو فالصغر... ياك كانت صاحبة مو وقريبة لهوم... وأنا كبرت وسطهوم هو وخوتو... داك الشي علاش عارفة بللي وجدة مافيها حتى حاجة كاتخصو... مي كانت كاتعاودلي وقالتلي هو خدمتو كاتشمل المغرب والخاريج كامل ولكن الشرق ماعندو بيه علااقة
الخدامة 3: ويلا يالله دار فيه شي حاجة واش صعيبة عليه؟؟
الخدامة 1: حتى أنا داك الشي للي قلت ولكن للي شفت خلاني نشك...
الخدامة 2: وشنو شفتي؟؟
الخدامة1: واش هو عمرو داها فشي بنت ولا ضحكلها... هو حتى بنات عمامو كايتفروحو عليه وفين ماكانت شي ملكة جمال كاتموت علييه وماعمرو تسوق لشي وحدة ولا داها فيها...
الخدامة 2: ياختي بسيف مايتفروحو عليه واش شفتيه كيف داير أنا راه كانشوفو غير من بعيد كانبقا نطيح فجلايلي
الخدامة 3: وبسيف كايتعفر عليهوم ومايتسوقش ليهوم راه هذاك خاصكي تغسلي يديك بالمعقم عاد باش تقيصيه...
الخدامة 2: تقيصيه غير أجي وقيس...
الخدامة1: واشفتو لبنت للي معاه؟؟
حركو ريوسهوم بجوج: لاا...
جاوباتهوم: معاه واحد البنت باينة على قبلها شرا هاد الفيلا كايعاملها بحال الآميرة مجلسها فوق حجرو وكايلعب معاها ويدلعها...
الخدامات بجووج: أويييلييي..؟؟!!
الخدامة2: واش ااسي تااج هذاا؟؟
الخدامة 1: آه هو... ماكنتش غانتصدم لوكان شفتو موالف كايدلع لبنات ويجيبهوم عندو للداار
الخدامة 2: اهيء اهيء سعدااتهااا...
الخدامة 3: ماكرهتش نشوفهوم والله..
الخدامة 2: حتى أنا ولكن راكي عارفة غير ماريا للي عندها الحق تسربيهوم وتمشي لعندو... حست هي كايعرفها وماماها كايحسبها فمقامو موو..
بقاو الخدامات كايتباكاو... أما تاج كان باقي شاد هبة فوق حضنو وهي كاتحاول تفلت: تااج عفااك خلليني نمشي غير هاد اليلة؟؟
صعر كايشوف فيها بشك: علااش هاد الليلة؟؟ شنو كاين هاد الليلة ومخلليك باغية تمشي؟؟ زير على خصرها حتى تأوهاات: أييي... عفاك رخف..
نطق بحدة: سولتك جااوبي... شنو عندك هاد الليلة فين باغة تمشي؟؟
شدات فيدو للي مزير بيها عليها: رخف ونقولك...
رخف بزز منو كايشوف فيها مخنزر وكايستنا جواب وفين ماكانت شي فكرة خايبة طاحت فباالو حتى نطقات: ب.. بصرحة غزلان عيد ميلادها اليووم ويلا مامشيتش غاتقلق...
تكا براسو على الفوتوي بالجهد بحاليلا كان هاز شي حاجة ثقيلة وحطها كايتنفس بالجهد: أوووففف غير هاد الشيي خلعتيني... شدها بجغها بوساان وطلقها ماد يدو للفيكس من وراه حطو على وذنو ونطق: طلعي الفوووف...
....
حطات التيلي: ماعرفت آش بغااني؟؟ غير كايعيط كانبقا نقفقف فبلااصتي
نطقات وحدة من الخدامات: سعدااتك كايعيطلك أنا لوكان غير وجهلي هدرتو شي نهار واخا غير بالضحك... طلعات دقاات ودخلات وقفات حداه حانية راسها نطق وهو كايلعب بلحيتو فوجه هبة: اليوم عندنا حفلة... الجردة من جهة لابيسين بغيتها كاملة تتزين... والحفلة ديال عيد ميلااد أي حاجة خصاتكوم قوليهالهوم يجيبوها عيطي على للي مكلفين بالحفلاات ورابي كلشي... شاف فالساعة: عندك جوج سوايع كلشي يكون وااجد... ودابا تفضلي... جات خارجة ووقفها: صاحبة عيد الميلاد سميتها غزلان أوكي..؟؟
حركات راسها بالإيجاب وخرجات وهبة بقات تشوف فيه مصدوومة: ك...كيفاش؟؟
ابتاسم: لعمر ديالي بغات تفرح صاحبتها وتقوول لاا... مستحيل...
ضحكات بفرحة وعينيها كايلمعو وهو ابتاسم بجنب: هانتي غانديرولها حفلة هنا... فاجئيها ولا نتي تعرفي... ويلا بغيتي قوليها للبنات للي كاتعرفي كلهوم... أصلا غانصيفط الطومو حتى لتما هز صبعو كتحذير: ولكن غير لبناات لبناات صاافي مابغيتش حس الدراري...
ابتاسمات: واخا أصلا غانقولعالهوم غير هما بثلاتة إلى جيت نعرض على كلشي ماغايلقاو فاش يجيو...
تاج: ماشغلكش قوليها لأي وحدة بغيتيها تحضر وغايجيو ويمشيو راكبين وحتى العساس ديال داك الحي على حسابي المهم غير مللي نقولك قوليلهوم يخرجو يخرجو بااش يلقاو الشيفور تما.. المهم أنا غانمشي للبيرو نقاد حوايجي تما... ونتي وجدي غير راسك ويلا بغيتي تنزلي توقفي على شغلك نزلي...
ناضت من فوقو فرحانة وباسها من فمها وجا خارج وهي واقفة كاتضحك حتى فكرات فشنو تلبس وجمهات الضحكة وهو حتى كان خارج وضار شاف فيها: آه الدريسينغ فيه كاع آش غاتحتاجي غمزها ومشا خلاها غاطيح كومة... هزات التيلي غاطير بالفرحة عيطات لصحاباتها كوثر غير شافت نمرتها جاوبات بلهفة
: كوثر شافت نمرتها وجاوبات بلهفة: الو هبة على سلامتك فين غبرتي؟؟
هبة: ألو كوثر لباس سمحولي الباارح ماجاوبتكومش
قاطعاتها كوثر: صافي صافي راه جاوبني تاج وقالي بللي بايتة عندو
هبة باستغراب: شنوو...؟؟ إمتا؟!!
كوثر: لبارح بالليل... أختي على صوت عندو وعلى كاريزما وعلى رجولة... من البارح مللي شفناه مانعسنا ماكلينا كانفكرو غير فيه
هبة بابتسامة: شفتك كاتغزلي فيه وأنا نسمع ماخفتيش نغير
كوثر: أويلي غيري غيري أنت لوكان كان عندي هذاك نكون سادة عليه فبواطة
هبة: واخلاص حتى الدري للي عطاك البارح النمرة زوين
كوثر: واييه زوين ولكن هاد تاج ديالك أنا بعدا جاابلي التمامماعمرني فحياتي شفت بحالوو... ياختي على وجهو وعلى شوفاات..
هبة: واصافي براكة زدتي فيه...
كوثر: واختي خلليني نعبر...ويلي ويلي وأنا جالسة كانفتي عليك ونقولك ماتباتيش معاه ماتزمريش... أنا لوكان كنت فبلااصتك نكون غتاصبتو...
غوتات هبة بحدة حيت بصح غاارت: كوثرر حبسييي صاافي
كوثر: أحم أحمم.... هانا...
تنهدات هبة: المهم فين غزلان؟؟
كوثر: هاهي فين مخشية زعما اليوم عيد ميلادها مقلقة حيت ماعيطتيش ليها... حنا كاع تفكرناها ولكن نتي معذورة أختي
تأففاات هبة: شوفي بعدي من حداها بغيت ندوي معاك...
كوثر: أنا أصلا بعيدة غير دوي
هبة: المهم غاتجيو لعندي للفيلا وكاع لبنات للي بغياي تعرضي عليهوم جيبيهوم غاندير حفلة عيد ميلاد لغزلان هنا..
قاطعاتها كوثر: شششنوو... آشمن فيلا وكيفااش؟؟؛؛
هبة: هانتي سمعي... دابا تاج عندو فيلا وفيها جالسين ومللي قلتلو صاحبتي عندها عيد ميلااد اقتارح عليا حفلة هنا وهو تكلف بكلشي وقالي عرضي علامن بغياي مي غير لبنات ماشي الدراري... هانتي قوليها للبنات صحاباتنا وغزلان ماتقوليلها والو قوليلها غير خارجين ولبسو وتقادو راني عارفة بللي جايبين معاكوم لحواايج ديال هاد الشي وكذبي عليها شي كذبة.. راه الشيفور غايستناكوم بررا
بقات هبة كاتشرح لكوثر وهي مصدومة كاتسرط كلمة بكلمة حتى قطعااات علييها وخلاتها تستوعب... بقات واقفة فالبيت حاطة التيلي على فمها كاتضحك تفكرات مللي قالها إلى بغيتي توقفي على الحفلة... خرجات من البيت طايرة ونزلات لتحت خارجة للجردة بقات مصدومة وهي كاتشوفها مزينة بالنفاخاات... غير فالوقت للي كانت تدوي هي مع كوثر هما زينوها وكايوجدو فالماكلة ويحطو على السفرة..: قربات كاتشوف الحلويات والعصائر على الأشكال والطبلة طويلة شادة طول الجردة كااملة.. استغربات إمتا لحقو يوجدو... ضورات عينيهت كاتشوف فبنات ودراري لابسين لكحل ولبيض كايجريو ويوجدو بقاات مبلووكية اول مرة تشوف هاد الشي مبااشرة... بقات كاتمشى وتشوف مالقات ماتقول حتى وقفات عليها دياك الخدامة حانية راسها: لالا عفاك بغيت نسولك
شافت فيها هبة مصغرة عينيها: بلا ديك لالا... سولي شنو؟؟
بقات كاتشوف فيها هذيك: بغينا نعرفو مولات عيد الميلاد شحال فعمرها على حساب الحلوى؟؟
هبة: غاتكمل العشرين...
شافت فيها هذيك مازاعماش تسولها وهبة ابتاسمات: ماشي أنا صاحبتي...
حركات الخدامة ونطقات مرة أخرى: وشنو تبغيو فالطبق الرئيسي دالعشاا؟؟
استغربات هبة أووو كاع هاد الشي وباقي طبق رئيسي... ماعارفاش باش تجاوب ماعمرها حضرات لشي حفلة بحال هاكا شافت فيها: غايجيو بززاف دالبنات وماعارفاش آش كايبغيو...؟؟ ديرو للي بانلكوم...
حنات راسها وانساحبات وهي بقاات كاتشووف عاجبها الحاال... حتى سمعات التيلي كايصوني كانت هازاه فيدها عضات على شفاايفها كاتشوف فسمية #تاجو طالعة جاوبات حتى سمعات صوتو: عمري أجي لعندي للبيرو توحشششتك...
غمضات عينيها كاتسمع صوتو الرجولي: ماعرفتش تابيرو فين جاي...
جاوبها بهمس: أححح على صووت... قولي لماريا تجيبك
صغرات عينيها: ماريا؟!!
تاج: آه الخدامة للي كاتطلع لعندنا هي تجيبك... قطعات شادة التيلي فيدها كاتقلب بعينيها على ماريا حتى لقاتها واقفة حداها قفزاتها: تفضلي ألالا نديك للبيرو عند السي تاج
تبعاتها متعجبة كيفاش عرفات أكيد قالهالها هو... طلعات مع الدروج ودازت من حدا البيت غاديين مع داك الكولواار.... ضارو مع واحد الدخلة وهو يبان باب كبير... حلاتو الخدامة وزادت بخطوات اللور دايرة لهبة إشارة باش تدخل... دخلات هبة وسدات ماريا الباب هابطة لتحت... بقات هبة كاضور راسها كان البيرو مظلم وغير ضو خغيف كايبين الطريق بقات غادية حتى بانلها مقابل معاها كايستف شي وراق واقف عاطيها بالظهر ويحطهوم فوق البيرو جنب... ابتاسمات كاتشوف فظهرو العريض واقفة من وراه حتى نطق: قربيي...
تحركات مقربة ليه غير وصلات ضار على غفلة وجبدها شادها من خصرها بيديه بجوج نتكي على البيرو وكايشوف فعينيها: مرتاااحة...؟؟
حركات راسها بآه مبتااسمة
قرب باسها فقلب شفايفها: عيطتي لصحاباتك...؟
حركات راسها مرة أخرى