🔥لهيب الهوس 🔥( مكتملة)

part36

بسمة ناعمة
البارت 36: وصل وحط الطومو بعيد باش مايردوش ليه الباال... متبقاش مسوق لعمليتهوم المهم هو يشوف هاد البنت للي قالولو... تمشى معكز... حتى بانليه الديبو وكانو باينين وسط منو كايعمرو فالكرااطن والسلااح بجميع انواعو محطووط فوق الطواابل... حرك عينو على المكاان حنى رمقها بنفس لبستها دقباايلة واقفة حاطة يدها على فمها كاتقلب منين دووز مخبية منهوم فواحد القنيتة مامدركاش بززاف حيت مللي وصلات تما ماكان حد بررا ودابا خرجو جوج وقفو تما... بغات تهرب وحصلاات... زاد كايتخبى بين الشجر والحجر حيت لبلاصة للي فيها الديبو مهجورة وخاوية... مابغاش يردولو البال ويوقع الصداع على الأقل حتى ينقدها هي... تمشا بصعوبة وكايحاول مايديرش الحس حتى قرب لعندها كانت عاطياه بالظهر كاتفرك فيديها بخوف ودموعها على طرف عينها عارفة إلى شافوها ماغاتخرجش عااايشة... قرب لها بالشوية... وقبل مايقيصها باش ماتغوتش طار على فمها سدو بيديه كايهمس حدا وذنها وهي كاترطى باغية تغوت: ششششش... غير أنا وماغانديرليك والو تهدني..
صوتو اختارق مسامعها بحال البلسم برد من داك الخوف للي كانت حاسة بيه... بلا ماتشوفو عرفاتو بحاليلا بيناتهوم علاقة طويلة... ترخات عرفها سمعات لهدرتو طلق من فمها بالشوية وضورها لعندو كايتفحصها بعينيه بخوف: ماوقعليك والو يااك نتي مزياانة؟؟
حركات راسها بلا وعينيها ونيفها حوومر بالدمووع هز يدو كايدوزها على حنكها وهي كاتسرط فريقها قربو منها شللها وريحتو سطاتها وصوتو بورشها: سمعيني شديلي فيدي وتبعيني ماغايوقع والو وأنا معااك...
حركات راسها بالزربة بواخا وشافت فيدو ممدودالها وحطات يدها وسطها بلاا ماتردد زير عليها حسات بيدو سخونة ماكرهاتش جامي يطلقها وهو حس بملمس يديها الرطب... ابتاسم فرحان حيت حاسها من ممتلكاتو وقريبة ليه... تحرك باحترافية جارها معاه بالشوية كايتخبا بيها وسط الشجر... كانت كاتنهت بالجهد خايفة ضار شااف فيها: خايفة؟؟!! تبغي نهزك؟؟!!
شهقات كاتحرك راسها بالزربة: لاا لاا...
ابتااسم من حركتها: غانهزك إلى ماشي اليوم من بعد...
قبل ماتستوعب هدرتو زاد بيها حتى دخلو لواحد لبلااصة هي كاتشوف شنو بررا مي هي ماتباانش... حقق فلبلااصة مزياان وطلع عينو كايشوف فيها: بقااي هنا مااتحركيش حتى نرجعلييك...
بلا ماتفكر نطقاات: ونتا فين غاتمشي؟؟
شاااف فالنواحي باغي يتأكد بللي ماغايوصلها حتى خطر ورجع شاف فيها: شوفي ماغانتعطلش دغيا ونرجع مهما وقع ومهما شفتي ماتبعديش من هنا... راه كانقسملييك بالله وتهربي ولا ماتلقااكش هنا حتى نجبدك من تحت لرض وداك الساعة شهدي على رووحك... شدها من يدها وجلسها: تهدني ماغايوقع والوو... تحرك من تما مخبي وهي غير كاتشوف خايفة ومرعوبة... غير بعد شوية على فين هي وبقا كايزرب فمشيتو بلا مايتخبا ماكايهمش يشوفوه اصلا هاجم عليهوم... حتى من عكازو رماه حداها وجاي كايزحف حاط يدو ورا ظهرو على السلااح مستاعد... هاذوك الجوج للي كانو بررا غير شافوه جبدو سلااحهوم باغيين يتيريو فيه ولكن سبقهوم وهو للي تيرا.. غير شافتو شهقات حاطة يدها على فمهاا مخلووعة وخاايفة... وهو زاد كاايعرج برجلو والرجال خرجو من الديبو مللي سمعو صووت الرصااص شافووه وتهجمو عليه... باحترافية بقا كايضرب بيديه وبالبوونية وبالكروشياات وحتى برجلو الصحييحة... حتى طيحهوم للأرض وهز سلاحو عطاهوم للرجلين وخلاهوم مسرودين تما... وهي حاضية كلشي وكاتبكي بصووت مرتاافع... خوفها بززاف ماعارفاش نوع خدمتو ولا شنو ناوي يدير معاها هي... بغات تهرب وتفكرات هدرتو وأصلا فين غاتهرب خافت تجي فيها شي رصاصة... قررات تجلس تما وللي ليها ليها... اما هو غير نعس هادوك حس برجلو كااضرو بززاف كانو بقاو غير شي جوج ولا ثلاتة... شاف فرجالو لفوق ودارلهوم إشترة نزلو يجربو حيت كايتحركو غير بالاوامير... هادوك هما للي كانو حاضيين العملية مللي بداات... تدخلو وسالاو مع دوك للي بقاو.. وهو دار سلاحو فجيبو الأمامي... ومشا لعندها كايتكا على الشجر والحجر....
كانت كاترعد بالخوف غير شاافتو كايقرب وقفاات وتكروازات مع الحيط ديال ديك البيت المهجورة وقف كايشوف فييها... باين الخوف على وجهها سرطات ريقها ونطقاات بصوت مرعد: عف... عفااك خلليني نمشي... عندي لقرااية عفااك...
يالله زااد بخطوات القدام حتى غوتات: لا لا... شووف والله مانقول شي حااجة.. اهيء اهيء... عفااك غاننسا شنو شفت غير خلليني نمشي...
تاج: ششششش... شوفي تهدني ماغانآذيكش... صاافي..؟؟!! والله مانديرليك شي حاجة غير تهدني..
حركات راسها بالنفي: لا غير خلليني... صحاباتي غايكونو تشوشو عليياا...
غمضاات عينيها فاش شافتو جاي قااصدها متكي على الحيط كايعاون بيه: لا لا... اهيء اهيء...
صاط مكره آخر أمنياتو هي تخاف منو فاللول وماتخلليهش يقرب.. حتى لهاذي مايقدرلهااش... وقف بعيد بشي سنتيماات.. ونكق بصوت آمر ماينفعش تراد معاه فيه: حللي عينييك...
حلاتهوم جاو فعينيه الرماديين للي تخللوهوم خطوط حمرة دالأعصاب والعيا والألم نطق مرة أخرى مزير على الحرووف: مابغيتش نشوف دموعك عاد مزال... قلتليك ماغانآذيكش.. تهدني..
تخلعات من نبرتو مسحات دموعها بكمام التجاكيط ديالها: ماغانب...كيش... خلليني نمشي عفااك....
خنزر فيها بطريقة جدية: خلليتك المرة اللولة ومادرتيش بهدرتي... هاد المرة ماتحاوليش معايا...
يالله جات تجاوبو حتى شافتو عض على شنافتو كايحاول يضغط على رجليه... خرجات عينيها مخلوعة... شافت فرجلو وتفكرات مللي كان كايتعكز على العكاز... بلا ماتفكر نقزات وشداتو من يديه... ضربو الضو وشداتو القشعريرة... هو من النوع للي ماكايبغي حد يعاونو ولكن هي غيير... ماكرهش يرمي العكاز وترجع هي عكازو... بيديداتها الصغيورين زيرات على دراعو باش بحرا تقدر تحكمو... جبداتو بالشوية وهو تابعها... جلساتو فين كانت جالسة من قبل وسرحاتلو رجلو... يالله بغات تحايدلو السبرديلة وهو يجمع رجليه واخا كان عاجبو الحال بززاف مي ماقدرش يخلليها... جاتو غريبة تعامل معاه هاكا.. وفدقيقة تضاعف حبو ليها... شافت فيه بتوثر ونطقات: غير خلليني نحايدها...
حرك راسو بلا: غانحايدها راسي...
تحنى حايدها وحايد التقااشر حيت كان محتااج رجلو تتنفس وهي كاتشوف ريحة المسك فبلاصة ديك الريحة الخانزة للي كانت كاتشم فرجلين سمير... حركات يديها ببطئ وحطاتهوم على رجلييه حس بيهوم سخان... وزير على يديه مصبر راسو... غير حركة بسيطة شعلاات فيه العافية... بقات كاتماصيلو رجلو بالشوية خلاتو يرجع اللور مغمض عينيه... بعد مدة وهما على هاد الحال نطقات: واش شي حادث ولا ديما هاكا؟؟
جاوبها بهمس: غير حادث..
جاوبات بابتسامة باينة فرحات: يعني غاتبرا..
خل عينيه كايشوف فيها وابتااسم لابتسامتها: ءه غانبرا... إلى بقيتي كاتمااصيها بحال هاكا دغيا نبرا