بسمة ناعمة
البارت 85: غمض عينيه كايحس بأنفاسها فعنقو... هز يدو مباادلها العنااق.. تمتمات بصوت يالله قدر يسمعو هو: كانبغييك وكانموت عليك.. وفرحانة كثر منك حيت رجعت خطييبتك.. وحيت اليووم غاتجي للحي ديالنا نتا أو وليديك وغااتدخلو لداارنا على قبلي....
مدة وهما معانقين رجعها لبلااصتها... ضمها لعندو خاشيها فييه.. وماهي إلا لحظاات حتى نعسوو... كااع للي فالفيلا نعسوو.. وحتى فارس أو وليديه نعسو.. وحتى وليدين هبة نعسوو... نعسو متحمسين ليوم أفضل... مخططين بااش يزيدو خطوات القداام فحيااتهوم.. غافلين على هادوك للي مخبيينلهوم فقلبهوم حقد وخطط حقيرة...
كانت بااقية فالطومو ديال خوها هازة التيلي فيدها للي كاترعد مزيرة على سناانها.. كاتشووف فالتصاور بحقد بااين من عينيها...
ماريا: آش هااد الدووق اتاج صدمتيني فييك؟؟
شاف فيها باستغراب: شنو كاتخربقي؟؟
ماريا: ولد عمك تصاور خطوبتو ماخلااو قنت..
حايدلها التيلي بيد وحدة مصدووم: أووو.. تاج للي جامي شي حد شاف تصويرتو فشي موقع من غير المؤتمرات سمح لخطوبتو تباان...؟؟
قابل التيلي مع وجهو كبر واحد الطووف كانت باينة فيها هبة وتااج كاايضحك وكايشوف فيها بطريقة وااحد مغرووم... صغر عينيه مستغرب... شنو السر فهاد البنت للي خلا تااج.. الإمبراطور القاسي وللي ضحكتو صعيبب تخرج.. وماكايسوق لحتى وحدة.. يرجع هاكا ويتبدل.. ويضحكلها من قلبو... قلب عينيه لجهتها... عاد عرف علاش ختو انتااقدااتها؟؟ حيت دايرة الزيف... هاد الشي بالضبط للي خلاه يطول النظر فيها... مانوالفش يشوف لبنات بالزيف... كاتبات زوينة... مختاالفة... نفض راسو من هاد الأفكار.. ماعرفش علااش كايفكر بهاد الطريقة يااك هو كايعجبو لعرا ولبناات الجريئات... يمكن حيت كايكره تااج.. آه كايكرهو.. ومن ديما وليديه كاايعايروه بيه.. ويقولوليه شووف سييدك.. واخا حتى هو داار علااش يرجع..؟؟ ولكن ماغايوصلووش أكييد... رجع كايشوف فهبة.. حتى شريكة حياتو متميزة... تنهد مكره.. كاره يشوف ولد عمو فهااد السعاادة
مافاق من سهوتو حتى طيراتلو التيلي من يدو: شفتك سهيتي.. مالك وقفتي الطومو؟؟ راه تعطلنا بغيت ندخل للدار عييت...
يالله رد الباال.. ماعرفش كاع إمتا وقف... رجع ديمارا... متاجه للدار...
هبة: وابصراحة كاع وليدينا غير مايشوفو نسابهوم كايتكومنو...
مريم: حتى من بابا للي يالله شافو غير مرة وحدة غير كايتاصل بيا فبلااصة مايقولي كيدايرة أبنتي كايقولي كيداير ولدي وديع واش كاتشوفيه؟؟
يالله جات هبة تجاوبها حتى قاطعاتها غزلاان: والبناات نطقو مالكوم رميتولي كلمة قد الجبل وخلليتوني مصدومة...
كوثر باستفهام: شناهي هاد الكلمة؟؟!!
غزلاان: فرنساا..!!!
كوثر ضرباات بيدها على رااسها: آههه.. نسييت... جلساات حدااها: دابا حنا إلى كتااب غانمشيو مع الدراري لفرنساا.. ومابغيناش نخلليوك بوحدك..
حلات فمها مصدومة: ششش شنوو..؟؟!! غاتمشييو؟؟!! وأنا...
مريم جلسات حداها من الجهة الأخرى شادالها فيدها: راه قالتليك ماغانخلليوكش.. نديوك معانا..
حنات راسها للأرض بأسف: بآشمن صفة غانمشي معااكووم؟؟!! نتوما كل وحدة غاتمشي مع خطيبها.. وأناا ماعندي علاش نمشي.. وأصلا وليديا ماغايخلليونيش... طلعات راسها كاتشوف فيهوم بابتساامة: فرحتلكوم.. هههه.. وأخيرا جاكوم العفو من هااد لبلااد.. العقوبة ليا أنا..
هبة: آش كاتقولي يااهاد الهبيلة؟؟ واش حنا غانمشيو ونخلليوك؟؟ وليديك ماعمرهوم خسرولي خااطري غااندوي معاهوم ويكون خيير..
غزلاات: هبة.. نتي عزيزة عليا.. ومانبغيش تجرحي.. واخا ماكايخسولكش رااه فرنسا هذي.. باينة ماغايقبلووش نمشي.. فين نعيش وعلاش غانمشي ومعامن غانبقاا...؟؟!!
كوثر: نقولولهوم غاتكمل قراايتها تما... بحالنا كاع...
غزلان: بابا راه قاري وعاارف بللي هاد العام خاصني نساليه هنا عااد نمشي...
هبة: بففف.. صافي تهدني.. راه مزال ماغانمشيوش.. وحنا براسنا خااصنا نقنعو وليدينا..
كوثر: آه.. باقي أيام ومن هنا لتما ربي تما..
هبة: دابا وجدي رالسك غير للمقاابلة ديال غدا.. ههه..
شافت فيها بتساءل حتى تفكراات وهي ترسم واحد الضحكة على وجهها: هههه.. آه نسيت..
مريم: لا أصاحبتي هاد الشي ماكايتنسااش... ههه..
بقاو جالسين تما كايدويو ويتعااودو.. وتااج فالبيرو ديالو الفووق خدام... وديع خرج وأشرف جالس فالصالون كايبقشش فالتيلي...
هاكا داز النهاار عاادي.. حتى للييل.. تجمعو على الطبلة دالعشاا كاملين... هما كايااكلو وغزلاان غير كاتحرك فالمعيلقة.. ولأول مرة فحياتها ماكاتااكلش.. حتى نطق وديع: غزللااان ختي ماالكي؟؟
طلعاات راسها كااتشوف فيه: هااا...؟؟!! والوو...
نغزاتو مريم بابتساامة: خلليها راه الحب هذااك..
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
