بسمة ناعمة
البارت 78: يالله مدات يدها باش تشد فكوثر شدهالها هو.. ضورات عينيها دامعين شاافتو واقف لاابس كومبلي فالكحل... جاا زاز... بقاميجة بيضة وكرافاطة كحلة... باسلها يدها بكل رومانسية.... وهي ماقادراش تدوي.. ونطق بصوتو الرجولي المهموس زاد كمل على مابيها: واخا كانغير عليك منهووم.. وماكانبغيكش تقربي ليهوم ولا يقربو لييك... ولكن مايمكنش نطيح منهووم... نحطهوم فوق رااسي.. ونهزهوم فوق كتاافي.. فقط لأنهوم وليديك... سمحيلي حيت جبتهوم حتى لهنا... ماشي حيت ماقدرتش نمشي ولا مابغيتش.. ولكن حيت كنت مخطط لهااد الشي.. وهاهما حتى وليديا حاضرين وعائلتي.. جاو من ورا لبحر.. فقط بااش يحضرو لفرحة #تاج_الدين.. الشخص للي ماعمرهوم حلمو يخطب ولا يبغي شي وحدة فحيااتو... اليوم جبتهوم لهنا بااش يتعرفو شخصبا على حبيبتو... وللي قدراات تخلليه يغير مجرى حيااتو...
بقات غير تبكي ماقدرااتش تجااوبو.. وهو شدها من يديها وقربها بالشوية حتى طلع للخشبة تما حدا الحضور كاملين كلشي ضار كايشوف فيه... وركبليه وديع ميكرو صغير فلافيست... وقفها مقبلة معااه... وتحنى على ركبتو جبد خاتم من جيلو حال البوااطة قدامها ونطق:
يا أرق النساء .... ويا أرق ما خلق رب الكون .... يا نبض القلب .... وماء العيون .... يا جمالًا .... يتوارى تحت الجفون .... يا أطيب العطر وكل النساء .... ألا تسألي نفسكِ .... من أكون .... يا إبنة حواء ... يا نسل الجمال .... أنا ذلك العاشق المفتون .... أنا من تعلم لأجلكِ .... كل الفنون .... أنا من أحبكِ .... في سكون .... أنا من يذكركِ دائمًا .... أينما أكون .... فأنا أعدكِ .... بأنني دومًا لن أخون .... أنا نسر الشرق .... وعشق العشق .... فمن عشقى .... سأرويكِ .... يا أرق النساء
ارتاافع صووت بكاها حاطة يدها على فمها.. والحضور شي حسدهوم شي باقي مخلوع من جمال تاج وشي مضهشر وشي فرحان عاجبو الحال وشي غااير... ابتااسم باقي فنفس الوضعية: ششش.. براكة من لبكا وجاوبي على سؤالي:
#تقبلي_تزوجي_بيا...؟؟!
حطات يدها على فمها حااسة برااسها غااتسخف بقوة الصدمة.. دموعها كاينزلو حااررين.. دموع الفرحة للي محال واش حساات بيها من قبل... مافكرااتش فيها وماطاحتش ليها على الباال... بااش كنتي رافضة تزوجي اهبة؟؟ كانت غاتندم لوكان زادت ضيعات الوقت وهي بعيدة علييه... شكرات ديك للي يسميوها إيلينا فقلبها.. حيت بسباابها تصاالحو.. ضورات عينيها على الحضوور... كل وااحد وإحساسو فديك اللحظة بالين على ملاامحو... مثلا وليديه وخوه وولاد عمو وشي ناس من العائلة ووليديها هي بااينة عليهوم الفرحة وشي خوالاتها وحتى عماماتها وعمامها باينة عليهوم الفرحة والفخر... وشي ناس آخربن.. ملامحهوم عادية غير الصدمة والإعجاب بمفاجأة تااج.. استاقرو عينيها على شي عماتها وبنااتهوم وحتى ولادهوم.. أو حتى خالتها للي كانت تحاول تخطبها لولدها قبل من سمير... شحال استهزؤو منها ومن وليديها ونبدوها مللي طلقاات... شووف وجوههوم دابا كيف هارب منهوم الدم.. وبقوة الصدمة والغيرة والحسد ماقاادين حتى يتحركوو...
فااقت من سهوتها على صوتو مرة أخرى وهو كايتهجى حروف الجملة للي كاتزعزع كياانها وتزعزع الحااضرين: هبة #واش_تقبلي_تزوجي_بيا...؟؟
شافت فيه وحركاات راسها بالإيجااب صووتها مغنغن بالبكاا: اهيء اهيء.. #قابلة... #قابلة...
ابتااسم برااحة وشدلها يدها ركبلها الخااتم للي كانت من الآلمااس... فيها حجرة صغيرة فالوسط... شاافت فيها بإعجاب.. وصغرات عينيها فشي حااجة كاتباان وسط الحجرة.. قربااتها باستغراب لعينيها.. حلاات فمها مصدومة وهي كااتشوف فتصويرتهوم بجوج كايضحكو مع بعض.. كانت صغيرة وزوينة بززاف... شاافت فييه هو الي كان وقف حاط يديه فجياابو كايشووف فيها مبتااسم: عجبك؟؟!!
حركات رااسها مرة أخرى كاتضحك وتبكي كلشي مخلط: مااشي غير عجبني.. حمقني هههه.. حمقني بززاف... ماعمرني غااننسا هاد الليلة من حيااتي...
شد يدها مرة أخرى وبااسها: أنا مابغبتك تنساي حتى لحظة كادوزيها معايا مااشي غير هاد الليلة..
تعالات التصفيقاات والتصفار دياال الدرااري ولغواات ديال لبناات بفرحة... وزغااريد النسااء.. وتطلقاات الموسيقى مجهدة... خلاات النااس تدخل تشطح... والبااقي واقف ماقادرينش يتحركو من الصدمة... شافت ماماه فماماها: لالا فاطمة يالله نزيدو لعندهوم نباركولهوم
فاكمة بفرحة: آه يالله...
خاتم هبة 👇
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
