🔥لهيب الهوس 🔥( مكتملة)

part101

البارت 101: دازو أياام قليلة... مكاانة هبة فالقصر وخاارجو رجعاات كبيرة... الصحف والمجلاات كاايدويو على عرووس العاائلة للي دارت شي حااجة للي كانت شبه مستحييل... مسميين علييها الملاااك... وليدين تااج وحتى وليدين أشرف عزاازت عليهوم بززاف... تااج رجعاات هي الرووح دياالو وحبو ليها تضااعف بززاف دالمراات... الهداايا كايوصلووها منو كل نهاار وغير الغاالي والنفييس... سارااها فرنساا ملها بكااع مدنها فبضع أياام... وبالليل كاايجلس يعلمها اللغة... وبالضبط الكلماات الضروورية... أما مريم وكوثر ديما خاارجين مع أشرف ووديع باش يشريو شنوو خااص للعرس للي مابقااش ليه بززاف... وبالليل كايديرو أبييل فيديو مع عاائلااتهوم باش يوريوهوم شنو جاابو ويقتاارحو عليهوم شنو يشرييو...
.....
فاابيت جاالسة كااتهجى فالحرووف الفرنسية.. وكاترجم شي جمل عطااهوملها تااج وهو هااز البيسي... سالات ومدااتليه الورقة... شدها من عندها كاايصححلها ويوريها شنو ناقص..
تااج: مزياان.. فأياام قليلة قدرتي تتعلمي كثر من دااك الشي للي تصورت.. ماافهمتش مادام عقلك خفيف هااكا علاش ماتعلمتيهااش فكااع هاد السينين لي قريتيها فيهووم...
هبة بتلقاائية: هههه... بسبااب دووك الخناافس للي كانو يقرييونا... لوكان كاانو زوينين يحاالك غاانتعلم.. ولكن غير القرد عند خووه كاايسدولي لشهية على لقرااية كااع..
ضربها بستيلو لرااسها: يعني دوك للي كانو كايقريوك العربية عجبووك؟؟
هبة: لاا.. والله ماهاكا العربية كااتعجبني بززاف.. وااخا نقراها عند قرد شخصياا تعجبني الحصة...
تااج: أمم... راه وااخا تكوون عندك موهبة فاللغة... ضروري تقرااي اللغات لااخرين.. وخصوصا أنك ماغاتبقاايش غير فالمغرب..
هبة: آه... عاارفة...
تااج: يالله سيري تنعسي غدا تاابعانا الطرييق...
هبة بابتساامة: آه توحشت وليدياا هههه... كل نهاار كاايعيطوليا... وخصوصا مللي عرفو بللي الجراائد كاايدويو عليا... صغرات عينيها مفكرة شي حااجة: هاادوك الجراائد مابقااوش كاايضورو فالسووق علااش زعما؟؟ واش عندهوم قاانون هااد لبلااد للي داازو كاايقطعوهوم؟؟
تااج: لاا عندي قانون أنا... حتى حد مامنحقو يتغزل بمرااتي... فاللول علنو على زوااجنا وعلى شنو قدرتي ديري... ومن بعد سمااوك بالملااك.. حتى هذي هاانية... وهااد الجراائد واخا حاايدتهوم من السوق كاينبن فلأنترنييت... ولكن بااش يتجرأو ويدويو علييك وعلى جماالك...  خرجو هلى رااسهووم..
شاافت فيه بصدمة: ش.. شنو درتي؟؟
نااض من بلاصتو حاط يديه فجياابو: واالو.. غير سديتلهووم البيروات دياالهووم...
هبة: كيفااش..؟؟!
شااف فيها: سيري تنعسي..
نااضت وقفاات مقااباة معااه: وااش كااتدوي من نيتك؟؟
شدها من كتاافها كايشووف فعينيها بجدية: نصبر على الرصااص إلى ختاارق جسدي وماانصبرش على شي حد شاافك ولا تغزل بييك... نقدر نقتلوو...
سرطاات ريقها وهو طلق منها وتجااوزها دااخل للحماام
بقاات واقفة فبلااصتها كااتفكر فشنو قاال..  كان كاايعني كل كلمة خرجاات من فمو.. وهااد تلشي بالدلييل... بااقية كااتعقل على نهاار الحفل مللي وقف كايشوف ليهومم دااك الشخص
فلااش بااك:
هبة: هادو كلهووم أجاانب..؟؟!!
يالله بغا يجااوبها حتى وقف مقاابل معااخوم كاايشوف فيها بابتساامة: لاا.. كااينين حتى ولااد لبلااد أنا منهووم..
طلعاات رااسها كااتشووف فيه.. كان سمر وزوين وشعرو كحل ورطب عينيه عسليين لاابس رسمي مبوودر وبااينة شخصيتو قوية... مدلها يدو: علي... سميتي علي
باقي مادارت حتى حركة سبقها تااج ومدلو يدو زير علييه: متشرفيين
علي: هههه... نتا كاانعرفك ولكن المادام باقي كانتعرف عليها
تااج: ماكاتسلمش على الرجاال
علي: آه فهمت...
شاف فيها: مااشاء الله... كيف ديما حااجتك مميزة..
تااج بنرفزة وااضحة: من الأحسن تبدل سااعة بأخرى... وخللي حتى لمن بعد ونحااسبك على هااد الجرأة الوقحة منك... بلا ماندييرلك الشووهة هنااا
علي: ههههه... بحاال دييما... معصب.. وماتبغيش حااجتك تقااس.. رجع شااف فييها وتنهد: مميزة..
قبل مايكملها كاان عطااه بكرووشي للوجه.. طيحو فالأرض.. خلاا كاع النااس يشوفو فيه والصحاافة كااتصور.. حرك صبعو جيهتو بعصبية: حاااجتي غاالية على أنك تسااوم فيها بعينييك... ولا تدوي عليها بلساانك...
شد هبة من يدها مدخلها أصلا كان الحفل على مشاارف النهاية... وخلا الصحاافة كاايصورو فهااذاك طاايح وعينيه الحاادين علييه... مارااضيش بالموقف...
غير وصلو للبيت طلق منها كايمشي ويجي معصب وهي واقفة فبلااصتها مخلووعة غير كااتشووف ماقدرااتش تتحرك...
بقا مدة هااكاك حتى ضاار لعندها.. تحرك جهتها وهي غير شافتو تخطفاات رااجعة اللوور... حرك راسو بنفااد صبر وزرب فخطوااتو حتى وصلها يالله غااتحل البااب تهرب.. جبدها لعندو معنقها جبدها لعندو بقوة وهي كااترعد: م... ماادرت واالوو.. والوو...
همس فوذنها وهو مزير علييها: مااتكمليش علياا... مااغانديرليك والو... أناا مااشي حمق... عاارفك ماادرتي واللو..
بااسها فرااسها: سمحيلي خلعتك...
......
تنفضاات فبلاصتها مللي سمعاات صوتو من وراها خاارج من الحمام: باقية واقفة فبلاصتك...؟؟ ماغاتنعسيش؟؟ راه غدا غانفيقو بكري...
شاافت فيه: آه غاننعس..
تحركاات لبلاصتها وهو حااضيها كااينشف فشعرو.. من بعد تبعها تكا وجبدها لعندو تكاااها على كتفو: يالله غمضي عينيك ونعسي...
ضورات راسها كاتشوف فييه: خسارة حدة ماغاتمشيش معانا
تااج: ماغاتقدرش تحضر نتي عاارفة... وشفتي الطبيب شنو قاال... بحال هااد الشي ماصالحلهااش
هبة: ولكن...؟؟
شدها من يدها باسها: ماتخاافيش... كلشي غايكون مزياان.. ويلا مااحضرااتش لهاد العرس.. غاتحضر لعرسنا أنا ويااك.. وإن شااء الله تكوون وااقفة على رجليها..
هبة بابتساامة: إن شااء الله
كوثر: والحفييظ الله واابوويا عمااار ونزاار قبااني واازكريا الغاافولي
أشرف بعصبية: دابا شنو جاب زكريا لنزار لبوك عماار
كوثر وهي شاادة فيدو كااترعد: يااك كلهووم رجاال.. وااععع... اهيء اهيء...
غزلاان ميتة بالضحك: هههههه... هاعار سيدي ربي سكتيينا...
كوثر: ط... طر... طررر..
هبة: أويلي أكوثر نعلي الشيطاان آش كااتقولي؟؟
كوثر: واامااقلت والوو... غير وااش طرر... طاارت...؟؟؟
مريم: هههههه... طاارت طاارت غيير حلللي عينيك وسكتينا..
حلاات عينيها خاايفة كااتشووف فجناابها... يالله رداات الباال لشنو كاانت كااتقوول...
حشماات من تااج ووديع أما فاارس رااه حرقاات معاه جميع المرااحيل دااك الليلة فالتيلي... بقات كااضور فعينيها حنووكها حناارو بالحشمة.. وتااج متكي بيدو على ذقنو... كاايشوف فييها مبتااسم... غير شافتو كايشوف فيها تلفاات.. شاافت جعة السرجم: وو... وصلنا...؟؟!!
أشرف: من نيتك...؟؟!!
تااج شااف فهبة: نمشيو للشوومبر؟؟
هبة: أممم وااخا...
شدلها فيدها ودخلوو للبيت..
كوثر بينها وبين رااسها: ويلي ويلي...  آش كنت كاتقول؟؟
أشرف مخنزر فيها: حتى نوصلو ونتفااهمو... نتي خااصني نديك لطبييب نفسااني على هااد الله االة للي كااتوقعلييك مللي تركبي فالطياارة...
كوثر: رااه كاانخااف... بفففف... ماكاانعيقش حتي يكون فاات الفووت...
..........
كاانت نااعسة فوق النااموسية وهو مغطييها ومتكي حدااها كاايلعبلها فشعرها وغاارق فتفكيروو.... حس بللي الطياارة بداات كااتنزل... قرب وجهو لعندها وبااسها حدا وذنيها ونطق بهمس: هبة... عمري.. الزيين دياالي..
تحركاات فبلااصتها: أممم
تااج: نوضي رااه وصلناا...
حلاات عينيها بتثااثل جاو فعينيه كاان مقاابل معااها: كااتشهيني مللي تكوني فاايقة من النعااس..
عضات على شفاايفها مبتااسمة بخجل...
تااج: يالله نوضي قالدي الزيف دياالك... قربنا نزلو...
نااضت بتثااقل وقفاات حدا لمرااسة كاتقااد فالزييف وهو لبس الدجااكيط دياالو..  ولبسها المونطو دياالها... وشدلها فيديها خرجها... لقاهوم كلكوم وم لابسين أو وااجدين ينزلوو... لبناات غير كايفرنسو فرحاانين حيت غايشوفو عاائلاااتهووم
.......
مااريا: وااش صاافي مشااو غاايبقااو غير هو ويااها؟؟!! شاافت فخووها: غاايديرو العرس حتى هما...؟؟!!
لؤي: لا.. هما ماغايديروش العرس... حتى للصيف.. وهذا مااشي وقت التفكير فهااد الشي.. خللينا نتهنااو من المشكلة لووخرى للي عندنا... ومن بعد كل واحد فينا غاليتفرغ لحبيبو...
ابتااسم بشر: غاانحااربو... بجووجنا..
مااريا: وااش نمشي داابا...؟؟
لؤي: لا ستنااي وااخد اليوومين... مااجاتش غير مشااو ترجعيلهووم للقصر.. أكيد غاايشكو لااخرين.. خللي حتى دوز وااحد المدة...
مااريا وهي كااتفرك فصبااع يديها: علااش ماانرجغووش ليها غير الدوا لااخوور للي كنا كانعطيوها من قبل.. غااتفشل عااود وترجع كيف كاانا
لؤي: ناريا حنا مااغندناش الوقت نستناوها ترجع كيف كاانت.. ماايصلااحش نغاامرو.. وزايدون تااج غايكون دااير إحتيااطاتو هااد المرة هبة غااتكوون نبهااتو...
شاف فيها بحدة: هااد المرة غاانسكتووها بمرة... ماغايكوونوش عندها فرص باش تدوي... كنا متاافقين نقتلووها... غدا ولا بعدو غايكون آخر أياام حيااتها...
ناازلين من الطياارة الفرحة بااينة على وجوه لبناات... كاايشمو فريحة بلاادهووم ومتحمسين يشوفو عاائلااتهووم.. للي لقااوهوم كاايستنااوهوم تما بشوق أكبر...
كاانت لحظة مؤثرة بززااف مللي تلااقااو.. وااخا المدة كاانت قل من شهر... حسووها طوييلة بززاف... والدرااري غير كاايشووفو جااهوم هااد الشي غرييب وفنفس الوقت زويين... هما يقدرو يغيبو حتى عاام وكثر على وليديهووم وعااديي...
من بعد عنااق وأسئلة على الأحواال.. انطاالقو فاتجااه مدينتهوم حيت ساافرو بااش يستقبلووهوم... لقاو الطوموبيلاات دياال تااج والدراري على بررا... ركبو فييهوم...
أحمد: هبة بنتي رااه كيف داايرة؟؟
هبة: الحمدلله أباابا.. توحشتكووم بززاف...
شاف فيها تااج من لمرااية كان جاالس قداامو بااباها وهي وماماها اللوور...
نطقاات ماماها: كيف داايرة فرنساا...؟؟
هبة: زوينة أماما.. إن شااء الله تشووفوها حتى نتوما..
فااطمة بفرحة: إن شاء الله..
تاااج: ماكانش عليكوم تعدبوو رااسكووم وتجيو حتى لهناا...
أحمد: ماصبرناش توحشنا هبة...
فااطمة: أنا عااد صبرت شوية.. قلتليه الطرونسبور مااكايكوونش بزاف فهااد الوقت بالليل... وهو للي فراسو فرااسو...
تااج: خاصك تااخد طمووبيل أعميي...
أحمد: رااه دخلت ندير لبيرمي... مااعنديش رخصة..
هبة: بصااح أباابا؟؟!! دخلتي...؟؟ وفين وصلتي؟؟
أحمد: بااقي بعييد أبنتي.. يالله فاللول..
هبة: الله يوفقك...
أحمد بابتساامة: آميين أبنتي..
سمعاات صووت التيلي.. حركاات يدها جبدااتو... لقااتو مصيفطلها ميسااج: نسيت هااد القضية... غير نرجعو لفرنسا نعلمك تسووقي...
طلعاات رااسها مااتشوف فيه لقااتو حااضيها من لمرااية.. ابتااسماات وهو غمزلها.. هبطات راسها بالزربة بخجل..
من بعد مدة طويلة شوية... وصلو للحي دياالهووم... كاان نصااص الليل... حيت دازو للريسطو تعشااو عاد كملو...دخلو لداارهوم عياانين.. والبنات مشاو مع الدرااري مع عاائلااتهووم...
بقا تااج فالطوومو ناوي يكمل الليل فدارو فوجدة.... كايدوي مع هبة كانت راكبة معاه لقداام... حتى وقف عليه باباها: ولدي دخلو للداار ودويو بااش ترتااحو رااه جيتو عياانين...
تااج: لا عمي أنا غاانمشي حتى لغداا ونرجع..
أحمد باستغراب: فين غااتمشي أولدي؟؟!
تااج: غانمشي لداري غير هنا..
أحمد باستغراب: فين غير هناا..؟؟ واش شريتي شي داار هناا...؟؟
هبة: لا أبابا كاايدوي الدار للي فوجدة... شاافت فيه ونطقاات بصووت منخافض: علااش غاتنشي فهااد الوقت..؟؟ بات غير هنا..
جاوبها بنبرة طفولية جاابتلها الضحكة: تخلليني ننعس معااك فبييتك؟؟
يالله غاتجاوبو نطق بااها: كااع ماتعااودلهاش أولدي.. حشوومة نخلليك تمشي فهااد الوقت.. ماالتا مجريين علييك...؟؟
تااج: لا أعمي والله مااهاكا غير مابااغيش نبرزطكووم
أحمد: هانتا غاتقلقني منك... كيفاااش تبرزطناا؟؟ علااه مااحاسبنيش فمقاام الوااليد ديالك؟؟
تاااج: لاا والله حتى حااسبك فمقاامو غيير...
نغزااتو هبة.. شاف فيها لقااها مخنزرة... ورجع شاف فباها: صاافي أعمي هانا غااندخل..
ابتااسم: هانا سابقكووم... يالله كان غاايمشي ورجعلهووم: بغييت غير نسولك... فين تبغي تنعس.. وااش فبيتك بوحدك ولاا...؟؟
سكت ماقدرش يكمل وتااج بقا غير كاايضور فعينيه حيت إلى وصل حتى جااوبو غايقولليه بااغي ننعس حدا مراتي...
نطقاات هبة: أشمن بيت بووحدو؟؟ ياك ماكااينش بيت خااوي.. ينعس مع جوااد خويا إلى بغاا...
ضار مخنزر فييها.. كان بااغي يدوي سبقو باباها: لا أبنتي نسيت ماقلتليكش.. راحنا كاريين هاد الداار للي حدا دااري...
طلات من السرجم كاتشوف: وااش هذي لكبييرة..؟؟
أحمد: آه هذييك.. الدار مرونة والخداامة كاايبنيو..مابقينا نلقاو فين نتحركو
هبة: أنا مافراسي والو ديما كاندويو وماقلتيلي والوو
أحمد: راه يالله تحولناالها الباارح... هذا علااش..... المهم هانا سبقتكوم... دغيا دخلو بااش تنعسو غاتكونو عياانين..
مشاا سبقهووم وهبة شاافت فتااج: ماالك غير كاتخنزر ماعاجبك حاال يااك لبااس؟؟
تااج: ننعس مع وااد خووك يااك؟؟!! نتي مصااحب معااك
هبة: أويلي ياتااج حشوومة...
قااطعها: هاد الشي علااش بغييت نمشي لدااري
هبة: وشنو الفرق..؟؟ ياك غااتنعس بووحدك حتى تما..
تااج: تما غااتكوني بعيدة مااشي بحال هنا قريبة وبعيدة...
هبة: واازيد زييد ندخلوو راه فيا النعااس.
حل البااب دالطومو وخنزر فيها: ياا حداايا ياا ماناعسااش..
نزل ونزلاات من ورااه غير كااتشووف... وقف كاايستنااها تسبقو حيت ماعارفش الداار للي قال بااباها... سبقااتو دخلاات ودخل من ورااها... كاايشوف مع الأرجاء بعدم إهتماام.. وهي داازت نيشاان حيت ديجا دااخلالها.. هاد الداار كاتكراا بفرااشها... وكلشي فييها... شااف فماماها للي كانت وااقفة فالصاالوون... ابتااسملها ورجعااتليه الإبتساامة.. وهبة وااقفة حدااها.. شااف فيها ونطق: هبة تقدري توريني الحماام.. ؟؟
هبة: آه زييد نورريك..
مشات معااه.. وهو كااايتمشى ويشوف فجناابو.. وصلو للحماام.. حلاتو ودخلاات كاان نقي ومقااد... بقا كاايشوف فيه ورجع شااف فيها: دااك الفرااش دياالكوم..؟؟ ماشفتوش فداركووم..؟؟
هبة: لاا هاد الداار كااتكرا بفرااشها...
حرك رااسو: أممم... وااخا.. جيبيلي حواايجي وحواايج الدووش دياالي.. خااصني ضروري نتحمم..
هبة: وااخا...
مشاات وهو بقا وااقف كاايدوز بصبااعو على الحييط ويشووف فيهووم... وااخا مزلج.. ونقي بطبعو معيااف بزااف...
جابتلو لحواايج وداك الشي للي غايحتااج.. عطاتهوملو: شكراا حبيبتي.. نتي ماغادوشيش؟؟
هبة: ضروري ندوش.. حتى تساالي وندخل..
تااج: أجي ندوش لحبيبتي.
هبة: بااسل...
عطاتو بالظهر وهو غير كاايضحك.. سد البااب... وهي مشات لعند ماماها.. عنقااتها: توحشتك بززاف..
هبة: حتى أنا.. تعطل عليا غير إمتا نجي..
جلسو حدا بعضيااتكوم: مااشاء الله... رااجلك التربية والأخلااق والزين والفلووس والنقااوة.. أنا خلااني بلاا عقل... مانكذبش علييك أبنتي أول مرة نحس براسي درت النسيب... فرحانة بززاف
هبة: هههه... الله يخلليك ديما فرحاانة
فااطمة: آميين أبنتي أنا بفرحتكووم ديما فرحاانة... المهم داابا خااصكوم تنعسو حتى للصبااح ونتعااودو.. عندنا بززاف مانقولو.. حتى ضحى موحشااك وكاتسنى غير إمتا تشووفك
هبة: آه خساارة نعسوو
فاطمة: من الصباح وهي كاتصوني إمتا نوصلو.. تعطلنا ونعسوو حتى لغدا وتشووفيهووم... قوليلي رااجلك غاينعس معااك فالبيت..
سرطات ريقها مهبطة رااسها للأرض: والله أماما مااعرفت.. هوو... هو..
فاطمة بابتساامة: هو بغا ينعس حدااك يااك...؟؟ ههه..
بقاات سااكتة وماماها كملاات الهدرة: من حقو أبنتي من حقو.. راخ لوكان كان وااحد آخوور يكون طاالبك بحقو ولا خداه بزز منك... هو دااير المستحيل على قبلك.. واخا هااكاك بااقي صاابر مسكين
هبة: ولكن باابا...؟؟!!
فااطمة: ماال باباك..؟؟ راه هو للي قالي ينعس فين بغا... وراه مشا ينعس عير بااش ماتحشموش منو... نوضي نقاادو البيت للي غاتنعسو فييه زيدي زيدي..
نااضو مشااو للبيت قادوه كاان فالبييج... ومقااد.. الداار راقية وزوينة... وغاالية فالكراا وكلشي فيها نقي وعلى المووضة...
قادوها وسلماات عليها ماماها ومشاات تنعس.. وهي قادات حواايجها فالبلااكاار... وهزات للي غاتحتااج بااش دوش ومشاات لنفس الحمام.. لقاتو خاارج لاابس كيطمة وكااينشف شعرو بالفووطة... ابتااسملها: ندخل ندوشلك..؟؟
هبة: سير تنعس سيير..
تااج: فيين غااننعس..؟؟ راه قلتليك يا معاك ياا بلااش..
هبة: واغير سير.. هرااه البيت حتى نجي..
تااج: وهااكاك.. قوليها من الصباح..
مشا وخلاها هي دخلاات دوشاات.. وجمعات حواايجها للي حاايدات لقاتو هو جاامع حواايجو وجاامع الحماام كيف العاادة...
دوشاات وخرجات لابسة بيجاامة طويلة شوية دخلاات للبيت كااتنشف شعرها حتى هي لقااتو وااقف متكي برجليه عبى الحييط.. وكاايبقشش فالتيلي..
هبة باستغرااب: أويلي ماالك وااقف ماغاتنعسش..
شااف فيها ورجع شاف فالفرااش: بصراحة مااعطاتنيش خااطري ننعس فوقو.. شكون كان نااعس فيه قبلي... شكون كان كااري هااد الداار من قبل..
هبة: هههه.. واش من نيتك..؟؟ راه فوقاش ماا خرج شي كااري مالين الداار كاايصبنو طلشي.. وعاد حتى ماما معياافة قالتلي بللي صبناات كلشي وحتى لغطااوات.. عااد قدرو يجلسو ولا ينعسو..
بقا سااكت كاايشوف وهي كااتضحك كل مرة كاايصدمها كثر...
حتى قدراات تقنعو... وتكاا.. جرها لعندو كاايلعبلها فشعرها.. دغيا غلبهووم النعاس.. حيت كانو عياانين...