🔥لهيب الهوس 🔥( مكتملة)

part68

بسمة ناعمة
البارت 68: تحركات بعنف باغية تفك منو: طلق مني بغيت نخرج من هناا...
زاد زير علييها مقربها ليه كثر حتى قرب يلااصق وجوههوم: كاندوي معاك جاوبيني ماتصعرينيش كثر ما أنا صااعر...
ابتااسمات بعصبية.. كايقولها صااعر... هو للي صااعر.. يعني هي مااكاتحسش ومااعليش إلى تصرف معاها بغلااظة... سرطات ريقها مغمضة عينيها ماتحااول تصبر راسها حيت حااسة بالناار شااعلة فدااخلها حتى سمعات صوتو كفحيح أفعى وهو كايحايدلها الزيف على راسها: شعرك زوين كاايفتن.. ماكانش عليك توريه لصحااباااتك
حلات عينيها كاتشوف فيه مستغربة وهو حلها المقبض حتى طااح شعرها فوق ظهرها فايت مؤخرتها والباقي فوق صدرها وعلى عينيها كاان منظرها مغري... هز يدو كاايحرك صباعو خاشيهوم فخصلااتو... هابط حتى لتحت وهو باقي كايدوي: كانو كايتغزلو بيه قدامي.. وانا كاانسمع.. درت كثر من جهدي باش نصبر ومانديرش شي كارثة... أنا ماباغياش توريهلي وهما كاتقوليلهو حللوه... قاسوه بيديهوم... شدها من وااحد الخصلة وجبدها بالجهد حتى غوتاات.. مابقاش عندها الصبر.. نطقاات معصبة بحاليلا ماشي هي للي كااتهضر بصوت مرتاافع: بعددد منننييي... ماتقيصنيش؟؟ ضربات يديه.. وتنثرات منو بقوة خلاات شي شعيرات فيديه وهو واقف كاايشووف شعرها هبط كللو على عينيها وعي كاتحايدو بعنف وتنهت بالجهد: نتا للي مامنحقكش تشووف شعري ولاا تقيصو..
صغر عينيه مصدوم ونطق بهمس: شنوووو...؟؟!!
حركات راسها بالإيجااب: مااشي رااجلي ومااشي حتى خطيبي.. ماكاتجيني حتى حااجة نتا والووو..
مع الهدرة التالية ضربها لوجهها بقوة حتى طاحت للأرض والدم كايسيل من شفايفها... بداو دموعها كاايهبطو وهو واقف كاايضرب بيديه على راسو ياللع عاق بشنو داار... تمنى لوكان تقطعات يدو قبل مايضربها... تحنى يالله تحنا بغا يهزها.. دفعاتو ونااضت راسها كاااتمسح دموعها مع الدم وجهها وشعرها كااع تجخمرو... شافت فيه بحقد شافو هو فعينيها ونطقات بكلمة زعزعااتو وخلاتو يتمنى المووت على أنو يسمعها: #كانكرهك...
سرط ريقو مصدووم... ماتوقعهااش تقوولها: ك... كيفااش؟؟!! مااقصدتش.. ن.. ضربك..
قاطعااتو: قلتلييك كان...
قبل ماتكملها نقز عليها سدلها فمها بطريقة عنيفة كايدوي بهستيرية: م... مااقصدتش... استاافزيتيني... ق.. لتيلي مااكانجيك حتى حااجة... أنا مستااعد نكون خطييبك.. نكون رااجلك.. من غدا..
عضاتو من يدو للي شاد بيها فمها حتى طلق منها مقصح  وهي بعدات عليه صااعرة: هههه... باغي تكوون راجلي وخطيبي؟؟ علااش؟؟!! باش ديرني بين يدييك؟؟ باش تبقا تجااهلني ودير مابغيتي؟؟ باش تبقا تباات على بررا وتخلليني؟؟!!
تفكر الباارح نسا مابررش ليها علااش خرج..
تاج: لباارح كنت...
غوتات مقااطعاه: مابغيتش نسمع ماعندي ماندير بأعذارك...حااول ينطق مرة اخرى حطات يديها على وذنيها كااترعد: ماابغيتش نسمع ماابغييتش...
شاف فيها حالتها ماكاتعجبش.. وجهها عامر بالدموع وبالدم... شعرها طاايح على عينيها.. وهي كلها كاترعد... عينيها حمرين بالدمووع: مابغيت نسمع والو... اهيء اهيء.. خلليني عليك...
جلس على السرير حااط يدو على راسو... فضل أنو يخلليها على خااطرها داابا حتى ترتاح ويدويو.. يالله زادت جوج خطوات جهة البااب قفزها بغواتو: فين غاادية بديك الحاالة؟؟ وقفات كاتشوف فراسها يالله ردات الباال لشعرها لمطلوق.. ولوجهها... قلبات الوجهة للحمام.. دخلات وزدحات البااب غسلاات وجهها.. وهي كاتشوف فشناافتها مجرووحة... تنهداات وخرجاات وقفاات حدا لمرااية هزات المشطة كاتسرح شعرها بااش تجمعو... قفزات وهي كاتحس بيديه فوق يدها.. حايدلها المشطة وبقاا كاايمشطلها... تنثراات منوو وحكمها بالشوية: شششش... تهدني.. خلااه مسرح على طوولتو وضورها عندو هاز القطن معقمو وكايمسحلها على الجرح حتى سالا ولصقلها فاصمة صغيرة وهمس لها: سمحيلي مااغانعااودهااش..
حايداتلو يدو بالجهالة وبغات تمشي... رجعها لعندو بالشوية جمعلها شعرها.. عاود بعدات عليه هزات الزيف قاداتو وجات خارجة.. وقفات حدا الباب وضارت شافتوفيه ونطقات بجدية: عنداك تمشي دير بحال صاحبك وتخطبني بلا ماتشاور معايا.. هداك ماشي حل.. وكانقسمليك باللع وديرها واخا تنطاابق السما مع الأرض أو واخا تقتلني ماغانكونش لييك.. زدحات البااب من وراها وهو بقا مدة واقف داير يديه فجياابو كايشوف مخنزر... حتى ضرب ديك الطبلة ديال الزااج برجلو شتتها... طالعلو الدم...
أما هي نزلاات لتحت لقاات لبناات ماكاينينش سولاات ماريا عليهوم قالتلها طلعو ينعسو... خرجات للجردة جلساات فالأرجووحة مرجعة راسها اللور كاتفكر فهاد الشي للي واقعليها؟؟ حلمات بززاف وجا الوقت بااش تفييق.. هي جات لهنا باش تقرا وغااتقرا... واول حاجة غاديرها هي تخرج من هااد الداار وترجع للحي فين كانت عي وصحاباتها...
خرج من البييت مخنزر ومعصب... دخل للمكتب وزدح الباب من وراه... جلس كايحاول يخدم باش ينسا.. ضحك على راسو كيفااش ينسا وشنو ينساا؟؟!! علااه هو قاادر حتى يتهدن بقا غير ينساا... جبد شي ملفاات بااغي يتشغل بيهوم... كتيقرا جوج كلماتت ويرمي لورااق صااعر ويرجع يقرا كلمة ويعاود يشتتهوم...
.......
دخلات من برا وطلعاات لعند لبنات فيقاتهوم باش يوجدو راسهوم يمشيو لافاك... شافو حاالتها وحاولو يسولوها ولكن قالتلهوم بللي ماباغاش تدوي فالموضوع... توجهات للبيت وهي كاتدعي ماتلقااهش تما... دخلات وحمدات الله ملاب لقاتو خاوي... دخلات للدريسينغ وهزات لحوايج لي جات بيهوم أول مرة.. كانو مصبنين ومطويين حتى هما على الموضة.. واخا ماشي مااركة المهم زوينين... لبسااتهوم ونزلات لتحت... لقاتهوم جالسين على الطبلة دالغدا... طلعو راسهوم كايشوفو فيها ونطقاات كوثر: جلسي تغداي
جاوباتها كارهة ديك الماكلة: لا غير بالصحة مافياش...
تحركات من حداهوم مخلياهوم غير كايشوفو متحصرين على حالتها... رجعو كايلعبو بالفورشيط حتى الشهية مشاتلهوم...
نطقات مريم: حتى لفطور مافطراتش وهي مريضة..
غزلان: ماشفتيش حالتها؟؟ باينة شي مخاصمة نيت هذي
كوثر: كانضن ضربها... بففف مشكلة
غزلان: الله يدير للي فيها الخير..
كان هابط فالدروج.. وقف كايشوف فيها عاطياه بالظهر... زاد تأزم مللي شافها لابسة حوايجها ماشي من لحوايج للي شاريلها.. وسمع هدرتها.. وسمع حتى شنو قالو لبنات... عض على لساانو مكره... باغي يمشي لعندها.. باغي يراضيها ويطلب منها تسمحلو... باغي يترجاها ترجع معاه كيف كاانت... ولكن خايف يزييد الطين بلة... وتتعصب ويتعصب... رجع طلع فالدروج وهو مزير على قبضة يديه.... دخل للبيت ووقف حدا لمرااية... بقا كايشوف فيها لمدة... حتى غوت وضربها بيدو... تشتاات فاﻷرض ودماياتو مشتتين معاها... ماكلااتش هذي يومين تقريببا... ومعصبة ومريضة وزاد ضربها... كره راسو فديك اللحظة... وشحاال خاايف من قراارها.. خايف تقرر شي حاجة لاي تخلليه يضطر يقتلها ولا يآذيها... حيت هو مستحيييل يقبل بفراقها ولا حتى قاادر على خصاامها
سمعو صووت خطوات فالدرووج... ضارو كايشوفو شكوون... حللو فامهوم مصدومين فيه... شعرو نازل على عينيه بحاال خووه غير لااخور بني وهو زعر... عينيه خضرين مخنزرين.. شفايفو حمرين وزاايد كايعض فيهوم... وجهو بيض... يعني شهب... طلع راسو كايشوف فيهوم... وكل مرة يمسح على نيفو... تصرفاتو بحال تصرفاات تاج... لابس قبية محلوولة وتيشورط تحتها وسروال دجين وسبرديلة بيضة... وقف كاايضور عينيه عليهوم... حتى استاقرهوم على مريم... للي واخا كانت حاضياه وعااجبها عقلها كاان شاارد فشي جهة أخرى... هو لااحظ دااك الشروود... واستاافزو تصرفها... موالف يكوون محط اﻷنظاار ومتكبر من هااد الناحية... عض على لسانو وقربلها... جر الكرسي للي حداها وجلس وهو باقي كايشوف فيها... طرطق صبعاانو جيهتها: سدي فمك راه الموت كااضوور...
فيقهوم من سهوتهوم... جمعو راسهوم... أما هي عصبها وهي أصلا مديرونجية ماهضراتش ورجعات كاتشوف فطبسيلها وتلعب فيه... نطقات كوثر كاتشوف فيه مبتااسمة: سمحلنا كاع ماتعرفنا علييك...
يالله جا يجاوبها تفكر قصة أشرف على تااج وهبة... خرج عينيه مخلوع باغي يتأكد قبل مايشوف فشي وحدة ولا ياخد راحتو فالهدرة.. اللهم سلامة ولا ندامة: شكون فييكوم هبة؟؟!!
غزلان باستغراب: هبة خرجات للجردة ماكااينااش هنا...
تنهد بارتياح وشااف فكوثر: حتى أنا ماعرفتكومش... المهم أنا خو تاج وسميتي وديع...
حركات راسها وغزلان حتى هي مبتااسمة: متشرفين حنا صحابات هبة...
أما مريم غير حانية راسها كانلعب فطبسيلها وسااهية واخا سمعات شنو قاال ماتسوقاتش وماجاوباتوش... ردلها البال وماعجبوش الحاال... خصوصا أنها ثاارت انتباهو عينيها كبار بززاف وملامحها زوينين... ماتقبلش كيفاش البنت للي عجباتو من بعد مدة واخا غير مجرد إعجاب.. مي راه من نهاار تخاان كره البنات ومابقات كاتعجبو حتى وحدة... واخا دارو المستحيل على قبلو... عادي حيت بسباب الجنس اللطيف رجع هاكا...
شاف فيها مخنزر: من قبايلة ونتي خاشية راسك فالطبسيل مازال ماشبعتي؟؟
طلعات راسها كاتشوف فيه مخنزرة بلا ماتدوي.. زاد تعصب ونطق مرة أخرى: من اﻵذاب تجاوبي... الماكلة ماغاتهربش...
دفعات داك الطبسيل هاكاك عاامر.. جيهتو وهي معصبة ونااضت: خلليتولك...
تصدم من ردة فعلها ولبناات غير كايشووفو... سرط ريقو وهو حاضيها خارجة مع البااب... توجهات لعند هبة للي كانت جالسة فوق الكرسي فالجردة ساهية... وجلسات حداها.. تنهدات وتكات على كتفها حتى هي كاتخمم... ونطقات بعد صمت: هبة ماالك؟؟ ماعجبتينيش..
شاافت فيها ورجعاات كاتشوف قدامها مبتااسمة: حتى نتي ماعجبتينيش... سكتات شوية وكملات هدرتها: هاد الشي عادي يووقع.. مللي الوحدة كايكون عندها طموح بريئ وحلم صغير... فقط أنها تقرا وتخدم... غير خديمة بسيطة.. تثبت بيها ذاتها وتفرح بيها عائلتها... وتنوض هي فبلااصة ماتحاول تحققو... كاتبقا تجبد عند حوايج أخرى... حوايج كبر منها وكبر من طبقتها... كاتنسا علاش هي بعداات على عائلتها.. كاتنسى حلمها البسيط وكاتدخل فعالم كبر منهاا بزااف..
شافت فيها مريم باستغراب: مافهمتش؟؟
تنهدات: هاد الفيلا.. وتاج... هادو حواايج كبر مني أنا... ماشي ديالنا هاد الشي أمريم... تااج ملك... وحبيبتو أميرة... فين أنا فهاد الشي؟؟ مسحات دمعة نزلات من عينيها: أنا غير بنت الشعب... ومطلقة... معاودة البااك وكانقرا فلافاك عادية... ماكانتقن لا فرونسي ولا إنجليزي... وبكل جرءة بغيت وتعلقت بوااحد بعييد عليا... هو فالسما وأنا فاﻷرض..
عنقاتها مريم عندها متحصرة لحالتها: بفف تهدني... ماديريش فراسك هااد الحاالة...
هبة: هذي ماشي بلااصتنا... اهيء اهيء...
......
كان متكي على الكرسي اللور كايشوف فالكاميرا دالجردة... تنهد ونطق عينيه حمرين: تاج ملك ونتي أميرتو.. هذي هي بلااصتك وهذا هو حلمك البسيط... وحتى شي قوة فالعالم ماغاتغير هاد الحقيقة.. حتى نتي ماابيدكش تغيريها
نقزات كوثر كاتحاول تنقد الموقف: هههه.... السي وديع فرصة سعيدة هذي.. واش نتا خو تاج الصغير ياك؟؟
ضار لعندها: علاه هو قال عندو شي خوه كبر منو؟؟
كوثر: هيهيهي.. لا هو ماقال عندو لا صغير لا كبير.. غير سولت وصافي...
ابتااسم جنب ونطق: أنا خوه الصغير ونتي صاحبة هبة الصغيرة ولا لكبيرة؟؟
كوثر باستغراب:شنوو...؟؟!!
ضحك وهز يدو كايلعبلها فشعرها: غير كانضحك معااك...
يالله جا يحاايدها حس بها غاطيير  من بلاصتها...طلع راسو بالزربة خرج عينيه مستغرب وهو كايشوف فأشرف واقف مخنزر وشادلو يدو.. وقف مصغر عينيه ونطق: مالك جهلتي؟؟
جاوبو أشرف بعصبية: إلى يديك شايطين عليك عاود قيصها بيهوم..
شاف فيها ورجع شاف فيها ونطق بهمس: واااش...؟؟!!
أشرف: إيوا دابا مللي فهمتي قود عليا من هنا...
شهقاات مصدومة منو.. وغزلان غير حالة فمها...
وديع: أولا أنا ماكانعلمش الغيب وثانيا راه بحال ختي...
أشرف: وثالتا هي مااشي ختك... يالله غبر...
هز كرواصة من الطبلة: على خرا كيدايرين...
شاف فغزلان حالة فمها: ونتي عندك شي حبيب...؟؟
حركات راسها بلاا مبتااسمة حط يدو كايلعبلها فشعرها... وضار يالله بغا يخرج ورجع لعندها: وهذيك للي خرجات من هنا عندها شي حبيب؟؟
سكتات كاتفكر: م... ماعرفتش كاانضن تفارقت معاه..
ابتااسم وخرج...
......
هبة: وإمتا جاا هاد خوه؟؟
مريم: ماعرفتش أختي
هبة: شغلهوم هذاك... شافت فالساعة: نوضي نمشيو راه هذا هو الوقت...
مريم: آه يالله ندخلو لعند هادوك...
هبة: شوفي أنا ماغانرجعش لهناا... ونتوما هذاك شغلكوم
مريم: واش من نيتك؟؟إلى مارجعتيش حتى حنا ماغانرجعوش.. بسباابك كاينين هنا..
ابتاسماتلها وزاادو داخلين وهو غير سمع ديك الهدرة سد البيسي بالجهد ونااض من تما...
كانو داخلين وهو خاارج.. خنزر فيها وخنزرات فيه.. حول عينيه لهبة غير شافها عرفها.. ابتااسملها خووه عرف يختاار.. وهي رجعاتلو اﻹبتساامة.. دغيا حدر عينيه...
.....
وقفو عليهوم فالطبلة.. كوثر وأشرف متنااكرين كايلومها علاش لقاها مجمعة مع وديع.. وغزلان فالقنت غير كاتخشي فوجهها... تنهدات هبة: لبنات هذا هو الوقت..
شافت فيها كوثر: آه حنا واجدين..
حركات راسها: واخا غانطلع نجيب صااكي...
طلعات... توجهات للبيت وقلبها كاايضرب... رجعات كاتخاف منو بززاف.. دخلات ومشات بسرعة لعند صاكها باش تهزو... يالله تحنات لعندو سمعات البااب تسد... قفزات فبلااصتها ضارت
رجعات كلها كاترعد.... واقفة غير بزز.. وزاد كمل عليها مللي سمعاات خطواتو كايقربو جيهتها... ماعندهااش الجهد بااش طلع رااسها تشووف فيه... جمعات يديها لعندها كااتحك فيهوم.. وهي حاسة بأنفاسو كاايضربو فوجهها... غمضات عينيها متوقعة اي تصرف.. خاافت دياال بصح ومابقاالها والو وتسخف.. خصووصا مللي شافت لمراية مهرسة.. ورمقات يدو كاتقطر بالدم... همس وهو قريب منها: فيين كنتي غاادية؟؟!!
بقات سااكتة سنانها كايقرقبو... وهو عااود نطق هاد المرة بصوت مرتاافع على قبل: فففييين كنتي غاادية...؟؟!!
تمتماات وراسها بااقي فالأرض: ن.. نقراا...
تنهد بنفااد صبر وهو كايشوف فيديها كايترعدو وصووتها رااجف... عرفها فاايتة الخوف بدرجاات.. مد يدو شدها من ذقنها مطلعلها راسها لعندو بعنف.. مركز فيها عينيه... وهي هاد الحركة للي دار زاد كمل على ماابيها... طااحت للأرض حيت ركابيها خوااو بيها... جات جالسة وبقات كااتكحز مبعدة منو وكاتبكي... خرج عينيه مصدووم من ردة فعلها... هز يدو الفووق وهو طالعلو الدم وكااره رااسو: ها أنا ماغاندير والو... علااش كاتخاافي مني لهااد الدرجة...؟؟!! ماغاندير حتى حااجة...
شافت فيه وجهها عامر بالدمووع: اهيء اهيء اهيء.... خلليني نمشي عفااك... خلليني نخرج من هناا... اهيء اهيء...
فرمشة عين كان جالس على ركبتو حداها... خلاها تجمد فبللاصتها: إلا لخوج من هناا... هو للي ماتحلميش بييه... مااغاتبعديش عليا.. فهمتي؟؟
حركات راسها بالإيجااب غير خووف منو... وهو عاارف هااد الشي... تنهد كاايشووف فيها... كره راسو علااش خلاها تخااف منو هااكا... ولكن ماعندوش حل آخوور... ماخاصهاش تبعد علييه.. سرط ريقو كاايفكر بشي طريقة... نطق بصووت مهدن لعل وعسى تقدر تتهدن حتى هي: هبة حبييبتي؟؟!!!
طلعات راسها كاتشوف فيه يالله كانت غاتكالما حتى رمقات يدو عااود.. ورجعات هبطات عينيها دغيا وهو كمل كلامو: ماغانآذيكش.. ماطلبتش منك المستحيل.... أنا نحققليك اي حااجة حلمتي بيها... تقراي وتخدمي وتفرحي وليديك... ولكن ماتبعديش عليا... تبقاي حدايا وتحت عينياا... هااد الشي للي طلبت...
حركاات رااسها بالزربة راافضة تماما هدرتو: ل.. لاا علااش نبقا معااك؟؟!! شنو بينااتنا...؟؟!! م...
قاطعها مخنزر: غايكون بينااتنا.. نمشي دابا نخطبك... نتزوجو داابا...