🔥لهيب الهوس 🔥( مكتملة)

part126

بسمة ناعمة
البارت 126: حل عينيه حاط يدو على جبهوو.. باين عليه التعب... بقا كايرمش لمدة حتىى استوعب فين هو وشنو وقع نااض طاافح.. ومستغرب كيفاش حاى نعس... خرج بالزربة بلا مايدوش ولا يبدل وهذي أول مرة يبقا بنقس الحوايج لكثر من نهاار... حدو هز سوارت دالطوموبيل وخرج كااايجري.... ركب فطوموبيلتو وزااد....
داخل مع السبيطار مخنزر وكايزرب باغي غير إمتا يوصل لعندها يشرحلها ويطلب منها السمااحة ويترجااها... وحتى إلى مابغااتش تسامحو يربطها حدااه بزز منها حتى تبغي على خااطرها المهم هو وكيف العادة ضد فراقها ولا البعد علييها...
صغر عينيه وهو كايشوف فعائلتو ورجالو كايجريو ومخلووعين... سرط ريقو وزاد قرب كثر حتى وقف عليهوم.. الشي للي خلاهوم يزيدو يتخلعو كثر من اللول... نطق بحدة: شنو واااقع....؟؟
ماجاوبوهش.. خلاهوم وزاد تخطاهوم للغرفة الغادية للي تحولات ليها الباارح... حل البااب وتصدم ببلااصتها للي خااوية... دفعو حتى تزدح مع الحيط ودخل للحمام كايقلب ويعيط بسميتها... رجع خرج من الدووش يالله غايخرج يسول حتى رمق باب النافدة محلوول.. زاد لعندو وطل لقاه قرييب... غمض عينيه مزير على قبضة يدو مللي تقريبا فهم لبلاان.. تكلخ فأنو يحطها فهااد الغرفة... نقز من تماا بسهولة عكسها هي.. وتبع نفس الطريق للي تبعتها على امل يلقاها بااقية فالطريق حيت من حاالتها باينة ماغاتكونش بعداات... كاايجري والعرق هاابط مع وجهوو.. حس بالقبية مثقلة عليه حايدها بلا ماايوقف رماها من وراه وبقا كلايجري عرياان مامسوقش للبشاار غير رجالو وعائلتو للي دايرين إحتيااطات من التصااور والصحاافة..
وقف فوسط الطريق فقط بالسوراال دجين والسبرديلة... للي داز حل فمو فيه وخصووصا البناات بداك لاطااي والصدر والعضلاات... شاف يمين وشظال ماكانش حسها.. بقا فقط وااقف ماداير حتى ردة فعل.. من غير الساروت للي شاد فيدو غرسو فلحمو لدااخل... والدم هاابط وهو مااحاسش... ضار دغيا مللي حس بشي يد تحطات على كتفو.. لقااه وديع للي كايشووف فيه بشفقة: تااج ر...
قاطعو: هرباات... هبة هرباات... هههه.. هرباات مني من حبييبها من رااجلها.. هبة بعداات.. كايحصاابليها ماغانلقااهاش يااك...؟؟
وديع بصدمة: وااش شي حد عااودليك ولاا...؟؟
شدو من الكول ديال القااميجة صااعر: كان عليكوم تعااودولي... كان خااصني نعرف كلشي قبل ماانغلط فحقها.. مطلعين عليا فييلم دياال ل*لااوي..
وديع وهو كايحااول يهدنو: الطبيب نصحنا مانقولولك والوو... كلشي لمصلااحتك باش ماتوقعليك حتى حااجة..
طلق منو وبعد عليه بخطواات نااشر يديه الفووق: شنو كاان غاايوقع مثلاا...؟؟ شي حااجة كثر من للي واقع داابا...؟؟ خفتووني نمووت يمكن يااك...؟؟ نبشرك اخوويا بللي المووت هي هذي للي كاانحس بيها داابا.. كانموووت بواحد الطريقة رهييبة...
جلس فوسط الطريق على ركاابيه كاايشوف فالسماا ويعض على شفاايفو عينيه حمرين وعضلااتو متشنجين... بقا جاالس تما لمدة بلا حتى ردة فعل.. عائلتو كلها وقفوو كاايشوفو فيه ويتحصرو على حاالتو ماقادرينش يقربوو وفنفس الوقت خايفين على هبة خصوصا لبناات.... كان جاالس غاايب فأفكاارو.. الحااجة للي ضراتو فخااطرو هي أنها فضلاات تهرب وتبعد عليه.. فضلاات تخرج بوحدها فهااد المدينة ولا البلااد الغريبة عليها غير بااش تهرب منوو.. هاد الشي قصحو بزززاف.. وعاارف بللي هو السبب ويستااهل.. واخا ماعاقل على والوو.. ماكانش عليه يطعنها فشرفها على الأقل يعطيها وقت تشرحلو.. ويدير بحساب العامين للي نساا..
دار شهيق وزفير ونااض من بلااصتو تمشا متخطي عاائلتو.. داز على واحد من رجاالو ضربو للنيف على غفلة حتى طيحو ولاخرين شهقوو... زاد لاخوور.. اختار تقريبا عشرة قتلهوم عصاا.. ووقف كاينفض يديه: كنتو كلكووم على بررا... ماعرفتش شنو كنتو كاديرو مللي ماقدرتوش ترااقبو...
أشرف: تاج رااه يمكن ماردولهاش الباال حيت خرجات فوسط المرضى... و.. تهدن اتااج رااه غانلقااوها..
قاطعو بنرفزة: واش ماقدروش يشووفو فااش مشاات ومعاامن؟؟؟ وااش مخدم معاايا بغاال...؟؟
أشرف: كيفااش فاش مشات؟؟ غاتكون على رجل..
تااج: ماتصعرنيش أأشرف حاالتها ماتسمحش ليها تتمشى بززاف.... تخطااه وهو كاايهضر: بغيت الكاميرات دياال السبيطار كلهوم أفاارس.. شاف فرجاالو: وحتى الكاميراات دياال هااد الطرييق.. بغيتهوم داابا...
سبقهوم وهما مشااو يحضرو الكااميرات.. دغيا جاب البيسي وخدم ديال الجردة بقا رااجع اللور حتى شاافها مللي نقزاات السرجم كاتمشى بصعووبة.. وخرجاات من تماا... عض على شناافتو وهز الكاميرا لوخرى ديال بررا ركبها.. كانت خدامة حتى باانت هبة خاارجة من تماا.. وهي تحبس.. بقاات خااسرة وسااكتة حتى دازت مدة وعااود شعلاات كاتخدم عاادي... وقف كاايشوف فالبيسي مخرج عينيه: ك.. كيفااش حبساات...؟؟ علااش حبساات...؟؟
فارس: كايوقع بحاال هااكا شي مراات مللي يكون شي مشكل تقني
تااج بالغواات: مشكل تقني غير فهااد اللقطة بالضبط أفاارس.. غير مللي خرجاات هي؟ جر لعندو البيسي بالزربة كاايطابي فييه لمدة: ماشي مشكل تقني الكاميرا توقفاات عن عمد.. توقفاات حيت شي حد وقفهااا
زدح البيسي مع الأرض حتى تهرس وخرج من تما يدو كااتسيل بالدموقف على رجاالو بررا معصب: للي مكلفين بالكاميراات للي بررا بغيتهووم يحضرو قداام عيني وكلهووم
تخطااهوم وركب فطوموبيلتوو والتيلي ديالو كاايصوني حتى ديرونجااه جااوب بلا ماايشووف شكوون: بغيت غير نقوولك كلشي داز مزياان وميخيل تقتل فوسط المدااهمة حيت حاول يهرب مستعمل السلااح... أما بنتوو رااه دخلاات فصدمة وهي دابا فالسبيطاار..
تااج: مبرووك علييكووم
-مامواالفاش ليك أتااج.. كاتوقف على هاد الشي بيديك وداابا ماقدرتيش حتى تعيط وتشووف وااش المهمة تسالات
تااج: هااد المهمة كلفااتني حيااتي
قبل مايجااوبو قطع عليه وديمارا ماعاارفش فين غاادي غير كاايتمشاا وعقلو مخربق.. كايفكر يكون شي حد هزها بين يديه شي حد قااصها شي حد قرب منها شي حد آذااها كايبغي يحمااق
....
حلات عينيها بالشوية وهي كاتحس بشي حد شادلها يدها.. سرطات ريقها مللي لقاتها مراا ثلاتينية بملاامح غربية باينة عليها طبيبة كاتعبر لها فالطونسيوو...ضورات عينيها فالبيت ولقااتو مامألوفش بالنسبة ليها... جات عينيها عليه وااقف خاشي يديه فجيبو كاايشووف فيها.. تحركاات من بلاصتها حتى زيرات عينيها بألم.. نطق وهو كايقرب لعندها: ماتجهديش على رااسك.. كانضن يالله دايرة عملية
هبة: و.. وباش عرفتيها؟؟
-الطبيبة للي قالتهالي.. قبايلة سخفتي بين يدي ومالقيت حتى حل من غير اني نجيبك لهناا ونعيطلها تجي تعااينك قالتلي بللي درتي عملية إجهااض
حنات راسها والدموع حبسو فعينيها الحرقة ديال ولدها باقة جديدة: ش.. شكون نتاا؟
انا سميتي عصاام... كنت دايز بالصدفة مللي شفتك كاتمشاي بصعووبة نزلت لعندك
هبة: ش.. شكرا
عصاام: هذا وااجب.. قوليلي واش تبغي نعيط لشي حد..؟؟ عندك نمرة شي حد فعائلتك ولا رااجلك؟؟
دغيا حركاات رااسها: ل.. لا حتى حد.. مابغيت نشووف حد... عفااك.. شكرا حيت جبتيني لهناا داابا غ.. غانمشي..
صغر عينيه باستغراب: ماعارفش علااش مابغيتي تتاصلي بحتى شي وااحد؟؟ بحاليلا هاربة من شي حد ولكن مستحيل نخليك تخرجي فهاد الحالة
هبة: شكرا بززاف ولكن م.. ماغانقدرش نبقاا...
قااطعها: عندك خووك؟؟
هبة باستغراب: علااش؟؟
عصام: مجرد سؤاال... جااوبي..
هبة بابتسامة اشتياق: عندي جووج محمد وجوااد..
عصام: لوكان تحطيتي فهاد الموقف مع واحد فيهوم كان غايخلليك؟؟
هبة وهي كااتفكر: بصراحة.. مستحيل يخلليوني... واخا جواد صغير فالزين ماكانش غاايسمح فياا..
جلس عند رجليها: واحتى أنا مستحيل نديرها... واخا نتي تبغي.. ماغانخلليكش تخرجي ونتي مريضة...
هبة: و.. ولكن...
قااطعها مرة أخرى: كاتعرفي شي حد هنا غاتمشي لعندو ولا عندك شي خدمة ولا شي بلااصة كيف ماكانت تمشي لهاا...؟؟
عضات على شناافتها حاابسة دمعتها: ل..ا.. حياتي هنا مقتااصرة عليه غير هو.. (ابتاسمات بحزن) واخا كنت نخرج.. جامي خرجت بووحدي.. هو للي كان كاايخرجني ولا مع لبناات... دابا أنا بقييت بووحدي.. وماعارفة فين نتحرك.. حتى ورااقي باش نرجع للمغرب عند واليديا مااعنديش.. كلشي بقا فالقصر..
عصاام: قصر؟؟؟ شاف فالطبيبة للي كانت سالات شغاالها وكاتجمع فحواايجها ودوا معاها: حالتها دابا كيف داايرة؟؟
الطبيبة: مزيانة دابا.. الضغط تقاد خاصها الراحة وتبع دواها وغاتولي مزياانة.. دابا نخلليكوم..
خرجات من بعد ماوصلها عصام للبااب.. ورجع لعند هبة: الطبيبة قاالت..
قاطعاتو: راه فهمتها... شافت فيه: أنا ماشي غبية لديك الدرجة.. آه بصح ماكانعرف حتى حاجة فهاد لبلااد ومانقدرش نخرج بووحدي ولكن راه غير حيت جامي خرجت بوحدي.. كانعرف للفرنسية والإنجليزية... (ابتاسمات) علمني كلشي... الوقت كان كافي باش يعلمني جميع اللغات وحتى كيفاش نتصرف فدااك العاالم... ولكن ماكانش كاافي بااش يتيق فياا (شافت فيه ودموعها نازلين): قدر يبنيني ويوعيني ويعيشني فالنعيم لمدة عاامين.. ولكن بااش يحطمني استغرق فقط خمسة دياال الدقاايق.. خمسة دالدقاايق كانت كافية بااش تااج يقضي على هبة...
خرج عينيه مصدووم: تااااج..؟؟!! هبة...؟؟!! و.. واش تااج الدين ن...؟؟
حركات راسها مقااطعاه: آه هو..
جر الكرسي وجلس وهو باقي مصدوم: عرسكوم كلشي دوا عليه.. واخا كان فالمغرب التصاور والأخبار وصلو حتى لهناا... وعاد حبو ليك كانو كايضربو بيه الأمثلة قالو بللي فقد الذااكرة ونسا عامين من حيااتو الشي للي خلا الأخبار للي متعلقة بيكوم بجوج كلها تمسح لا هنا لا فبلااد أخرى.. وهاد الشي حيت خطير عليه يعرف بطريقة خايبة يمكن دخلو فصدمة
هبة: آه.. تحملت هاد المدة كلها باش ظاتوقعش ليه شي حااجة وهاا أنا كانخلص فالثمن...
عصاام: واش تقدري تعاوديلي شنو وقع بالضبط...؟؟ إلى بفيتي.. خوي قلبك...
سرطات ريقها وغمضات عينيها وحلااتهوم.. كانت باغية تخوي قلبها ولقاات علاامن...
.......
وقف مخنظر ومربع يديه كايشوف فيهوم حداه مسااتفين... نطق واحد فيهوم وهو حاني راسو للأرض باينة عليهوم خاايفين: الشخص للي كان مرااقب الكاميرا الخاصة بديك لبلااصة بالضبط كان دافع استقاالتو من قبل.. ويالله قبلوهالو اليووم.. وغير وصلاتو لخباار خرج... وخباارو مابقااتش باينة..
تااج بعصبية: شنو كااتقصد..؟؟ بغيتي تقوول انشقاات الأرض وبلعااتو مثلاا...
الكارد الثاني: لبلااصة للي كان كاري فيها ماالقااوهش.. ومول الدار قاال بلي خرج من عندو لباارح.. عطاه لفلووس ومشاا...
تااج: وعائلتو.. ولادو واليديه خوتو.. أي وااحد..
الكارد: بصراحة هو وحيد.. مللي رجعنا للملفاات لقيناه تربا فالخيرية.. هو من اصول أمريكية.. جا لهناا هذي عاام.. تما بدا يخدم فهاد الشركة.. واليوم خرج منها بشكل نهاائي...
ضاار عاطيهوم بالظهر كاايحك فراسو وهو كللو كايترعد باﻻعصااب.. وفالداخل ديالو كاايطبخ... نطق بصوت هادئ وفنفس الوقت مخييف: خرجوووووو...
ماعاودوش معاه الهدرة دغيا خرجو.. وهو ضاار مرة أخرى لعند البااب ضرب واحد الكرسي حداه برجلو وغوت بالجهد: اععععععع... شكوون تجرأ شكوون...؟؟
خرج من تما بالزربة وركب فطوموبيلتو وديمارا...
.......
عصاام: اووووو... بصراحة يالله فهمت علاش مابغيتيش ترجعي...؟؟ هاد الشي للي داز عليك ماشي قليل...
هبة وهي كاتبكي: ومستحيل نفكر نرجع... اهيء اهيء.. مانقدرش نشوف وجهو مرة أخرى..
عصام: ماعطيتيهش وقت بااش يشرحلك... يمكن يكوون..
قاطعاتو: شنوو غاايكوون...؟؟!! هو عطاني ووقت نشرحلوو...؟؟ أصلا شنو غايشرحلي؟؟ بللي تزوج حيت كايحصابليه دايرة علاقة مع واحد آخوور... أو ولدي للي فقدت بسباابو...؟؟ واش غانساامحو بسهوولة...؟؟ مستحييل...
عصاام: ماباغيش نخلعك.. ولكن بصرااحة تااج الدين مااشي واحد سااهل.. ويلا عول يقلب عليك غير يومين غاايلقااك... فرنسا بالنسبة ليه غير بحال القصر ديالو.. ماغاتجيهش صعيبة يلقااك...
هبة مخرجة عينيها: أنا عاارفة هااد الشي.. هذا علاش مابغيتش نبقاا هناا..
عصام: وفين غاتمشي؟؟
هبة: م.. ماعرفتش.. المهم نخوي لبلااد... مابغيتش نبقا ففرن
هبة: بغيت نخوي لبلااد وحتى المغرب مابغيتش نمشيله يقدر يرجعني بزز مني..
عصام: بصراحة صعيب تسافري لشي بلااصة بلا ورااقك.. وحتى إلى كانو عندك.. اول ماتسلميهوملهوم فالمطار تلقاايه عند رااسك... غايوصلوهاليه فالبلااصة...
هبة:وشنو المعمول؟؟ عفاك عااوني..
ناض خاشي يديه فجيابو وكاايتمشى ويفكر: انا عندي واحد السفرية لأمريكا وغانطول تما.. إلى بغيتي نقدر نااخدك معاايا...
هبة: آه بغيت.. ولكن كيفاش غانديرو؟؟
عصاام: نغاامر معااك ونقاادليك وراق مزورة منها ماايقدرش تاج. يوصلك.. وماتخافيش.. عندي طيارة خااصة...
هبة: وااش بصااح..؟؟ وتقدر..
عصاام: آه.. ماتخاافيش.. غير رتاحي.. باش. دغيا تصحي وتقدري تساافري..
هبة: شكرا بززاف.. ماعرفتش كيفاش غانشكرك... حاسة بللي ربي وقف معايا بززاف.. خرجت من السبيطار عااجزة وماعارفة حتى فين نمشي.. ولقيتك حدايا.. ومغربي من الفووق.. كانتمنى يجي شي نهار ونرجعلك فيه هاد الخير..
عصاام: الأيام بتقية طويلة بيناتنا ويمكن يجي شي نهار وترجعيلي فيه خيري...
هبة: إن شااء الله.. صغرات عينيها متفكرة شي حااجة: أول ماهبطتي من السياارة دويتي معايا بالداريجة بلاا ماتعرف واش أنا مغربية...
عصاام بضحكة: ههه.. خاصك تعرفي بللي أنا اي واحد كانتلاقا معاه من المرة اللولة كاندوي معاه بالداريجة حتى كايدوي بلغتو عااد كانقلبها... وزايدون بنت زوينة وسميمرة وعينيها كبار بحاالك ماغاتكون إلا مغربية...
سرطات ريقها محاولة تغير الموضوع: أحمم.. كيفااش غاتزور الورااق؟؟
ابتااسم فااهم: طبعا انا ماشي بثراء وذكاء تااج.. ولكن قادر نزورهوم غير كوني هاانية..
هبة: وااخا.. نتمنى يكون خير..
عصام: غايكون خير ماتخافيش.. ولكن خااصك ديري واحد الحااجة..
هبة: شنوو...؟؟
عصام: راجلك دابا غايكون قالب عليك الدنيا يااك.. وهو ماعارفك لا واش هربتي ولا شي حاجة أخرى.. خاصك ديري شي حاجة تبينيلو فيها بللي نتي مامخطووفاش وبيخير وبللي مشيتي بخااطرك
هبة: وكيفااش غاندير؟؟
عصام: مللي نكونو مسافرين غاتتاصلي بيه من مكان عام.. وتقوليلو للي بغيتي.. وماغانتعطلوش من وراها غانشدو الطياارة...
سرطات ريقها كاتفكر.. تنهدات بالجهد ونطقاات: وااخا...
عصاام: يالله رتاحي دابا انا خااصني نخرج.. غاطلعليك الخداامة الغداا.. ومللي تسالي تغااونك تااخدي دوش غانجيبليك شي حواايج تلبسيهوم..
هبة بامتناان: شكراا بززاف..
عصاام: هذا وااجب...
جالس فوق الفوتوي فاارش رجليه فوسط جناحو.. تحت عينيه كحل وجهو كللو عرقان.. شعرو فازكك يالله مدوش لاابس قاميجة محلوولة... الجناح باقي مقلووب كيف كاان مااجمع حتى حااجة... حاط البيسي حدااه مركز فيه.. كاايتفرج فهبة مللي كاانت فالجردة شااردة وغير كااتخمم... تنهد ونطق بهمس: فهااد اللحظة بالضبط كاان خااصني نتدخل ونبدل هاد الملاامح الحزينة بعكسهووم... تعطلت بزاف..
سكت مللي شاف مااريا متوجهة لعندها... زاد فالصووت وزوما الصورة... سمع كلشي تقاال.. وغير كايسمع وكايزيد يزير على قبضة يديه... ضرب البيسي مع الأرض مللي نااضت هبة دخلاات.. وخرج هاكاك بقااميجتو محلولة وسروال سليم كحل.. وسبرديلة.. جاا نازل مع الدروج بالزربة وعينيه مظلمين.. حتى وقفااتو جدااتو: تااج.. فين غاادي اولدي بهااد الحاالة؟؟
شاف فيها مخنزر.. وهي كملاات هدرتها: هبة غانلقااوها أولدي مااعندها فين تمشي مسألة وقت وغاتباان...
تااج: هااد الوقت هو للي ماعنديش أناا.. أنا أجدة راه ماقادرش نبعد عليها حتى نص سااعة... كيفاش غاانتهدن وهي غاابرة ماعارفها لا فين هي ولاا معامن..؟؟
جدة: خااص الصبر..
قااطعها: الصبر من جهة هبة مااكانش أجدةة.. باااححح... تخطااها غايخرج وهي حاضيااه متحصرة عليه.. حتى تفكر شي حااجة ورجع لعندها: هذيك ل*حبة ديال بنت ولدك هي وخوها باينلي مانتااقمتيش منهوم...
خرجات عينيها اول مرة يخسر الهدرة حدااها: رااه..
قااطعها: كنت غااندفعهوم الثمن بيدي.. ولكن نتي للي وقفتي فطريقي وقلتي خلليهوم لياا.. رجعت اللور وعطيتك فرصة قلت نتي للي تآذيتي من خططهوم.. ولكن بااينلي كنت غاالط.. باقيين كاايتصرفو وعايشين بحرية...
الجدة: نتا غاالط بززاف أولدي.. أنا مستحيل نرحم النااس للي كانو سبابي فعذاااب سينين... كانستنا غير الفرصة المنااسبة... بغيت نعيشهوم فنفس العذااب للي عيشوني فيه هماا...
تااج: أنا ماعارف والو على هااد الفرصة للي كاتسنااي.. حيت خرجت سوقهوم نهاار طلبتي نخلليهومليك.. ولكن داابا مللي وصلو لمرااتي ماغانرحمهوومش.. خصووصا مااريا تجرآت وقرباات لهبة وهي السبب الرئيسي فللي وقعلها...
جدة: ماعرفتش علااش كاتهضر بالضبط.. ولكن كانتمنى تخلليلي الوقت... بغيت نعيشها كيف عيشااتني غير الفرق بيني وبينها هي غااتبقا حيااتها كااملة هااكاك.. أما لؤي رااه مشا لفين غاايموت بطريقة خاايبة بززاف... وبلا ماندير فيه يدي.. غايتقتل على يد هادوك للي ورط رااسو معاهوم...
شاف فيها وتنهد وخرج.... حركات رااسها كااتشوففظهرو وهو خاارج: العااصفة قوية... وحتى حد ماغايقدر يوقفها من غييرك أهبة فيينك...
.....
مااشي بززاف دالوقت وكان قداام وااحد المطعم.. سد القاميجة ونزل من تما حاط نضارات الشمس فعينيه.. ولبناات غايااكلوه.. توجه مبااشرة للطبلة للي كانت جاالسة فيها مع لبناات للي غير شافوه متوجه لعندهوم حللو فامهوم بصدمة... ضاارت كاتشوف فين كاايشوفو... تصدمات أو وقفاات.. ابتااسمات: تااج....؟؟
حايد النضاارات وهو كاايشوف فيها ونطق بالفرنسية الشي للي خلا كاع تما يفهمو: مرااتي خط حمر... وهااد الشي قلتو فأول نهار تلاقيتي بييها..
سرطات ريقها كااضور عينيها: م.. مافهمتش..
تااج: باش تجيبي عقد مزور وتوريهلها غير بااش تعصبيها وتخللي علااقتنا تزيد تكفس هذاك أكبر غلااط تقدري ديريه...
هز يدو على شكل بوونية بغا يضربها حتى لآخر لحظة وضرب الطبلة للي فالوسط تقسمات على جووج.. خلا كاع دوك لبنات يقفزو هاربين اللور: ماكانضربش ل*لاوي.. نكون خسرتلك الكماارة...
تتهداات ماراضيااش وخاايفة.. بغات تعتق الموقف باش ماكان.. زادت لخطوات جريئة شداتو من كتافو يالله قرباات كثر حتى دفعها عايفها جاات طايحة فالأرض زكلشي كاايشوف فيها لوكان لقاات الأرض تنشق وتبلعها.... مد يدو لجيبو جبد كلينيكس كاايمسح يدوو: يخخخخخ... كثرتوو
.....
دازت سيماانة. اسببووع كللو مارتااحش فيه كاايضل ويباات يقلب.. أو والو وااش حسها باان.. ماخلا سبيطارات كوميساريات... معارفو كااملين.. ولكن كااملين مانفعووه بواالو.. دار تصااورها فالجراائد.. تاج للي كان يغير على هبة من لهوا اضطر ينشر تصوييرتها مقاابل قدر مالي كبير ومغري.. بلا حتى نتيجة.. مابقااش كااينعس من غير إلى داتو عينو فالطومو من كثرة لعياا... والمااكلة قلاالت... صحتو رجعاات اللور.. اللحية كبراات... كايدخل للدار غير يدوش ويبدل ويصللي ويخرج يقلب أول مرة يحس برااسو عااجز لهاد الدرجة.. وكل نهار كاايدوز عليه بحاال العاام...
فنفس الوقت هي كاانت فدار عصاام.. دار بسيطة جنب البحر... جااية فالضفة الأخرى للمدينة... كانت كاتشرب دواها ومتبعة أكل صخي باش دغيا تبراا.. كاتنوض تتمشا وتخرج شوية وترجع.. قدر عصام يقاادلها لووراق.. ووجد الطياارة الخااصة ديالو
.....
كان جاالس فالمكتب ديالو هاز البيسي كاايبقشش فيه.. ربما يلقا شي دليل يوصلو ليهاا... الخدمة ولاو مكلفين بيها باه وعمو وولادهوم.. واخا كايقلبو معاه ولاو مكلفين بالشركات ديالو.. هو ولا همو الوحيد يلقاا هبة... سمع التيلي ديالو كاايصووني هزو وجاوب بلا ماايشوف الرقم.. حتى وقف مصدوم مللي سمع صووتها: تااج...؟؟
دغيا رجع التيلي مقابل معاه كايشوف الرقم لقااه مجهول ورجعو لوذنو: هبة فييينك...؟؟ فيينك نجي لعندك..؟؟
هبة ببرود: بلا ماتحاول.. اتاصلت بيك غير بااش نقولك بللي انا للي ختاريت نهرب ونبعد علييك وماندمتش على هااد الشي.. مرتااحة وأنا بعيدة.. غير حبس من التقلااب حيت واخا تلقااني ماغانرجعش معااك...
ضرب بيدو فالطبلة مخنزر: غاانلقااك وغااترجعي بزز منك.. غانرجعك بغيتي ولا كرهتي.. وغاانخلليك تسمحيلي وغانرجعو كيف كنا وحسن..
هبة: كانضن تفكرتي كلشي يااك...؟؟ على سلاامتك ولكن رااه فات الفووت... انا مابقيتش مرااتك أتااج.. ومن الأحسن طلقني...
غوت بصووت مرتاافع: ماااتحلميييش.. غاانقتلك على هااد الهدرة.. غانقتلك على هااد العذااب للي عيشتيني فيه هااد المدة كلهاا.. غير نلقااك.. نلقااك غاانحبسك مستحيل نخلليك تفلتي من يدي مرة أخرى مستحيييييل...
هبة: للي مستحيل هو تلقااني أتاااج.. مستحييل...
قطعاات وحطات السماعة فبلااصتها ودغيا ركباات فالطومو للي كان عصام ساايقها وديمارا بسرعة للمطاار ومن تما للطيارة الخااصة للي ماتعطلاتش وقلعاات طاايرة فالسما متااجهة لبلااد أخرى...
فنفس الوقت خرب داك المكتب كاامل وهو كاايغوت حتى تكالما وهز التيلي دغيا برونشااه مع البيسي وبقا كاايقلب يحااول يعرف منين اتاصلات غير قدر يضبط الموقع نااض دغيا هااز سواارتو وخرج كاايجري...
فنفس لبلاصة للي اتاصلاات منها.. الطوموبيلات وااقفين تماا... وهو كاايضور ويقلب.. معاه باه وعمو وخوه ووااد عمو والرجاال دياالو... حضر الكااميراات ديال دااك القنت وزاد صعر مللي لقااهوم ممسوحين.. هرس البيسي العاشر بهذاا.. وفش الرواايض دالطوموبييل... خرج على السيطرة دياال بصح... ركب فالطومو دياال وديع وديمارا كاايقلب ربما يلقا شي دليل.. كان كاايضور فدائرة فاارغة.. ماكااينش حسها... ديمارا طاالق أقصى سرعة.. وكاايضرب فالفولون... حااس بالعجز وهااد الإحسااس هو بالضبط للي كاايقتل فييه... مافيدووش.. وكايلووم راسو حيت مااقدرش يلقااها وخصوصا أنو تأكد بللي هي مااشي بووحدها وشي حد معااها.. وللي كايزيد يحرقو هو إمكاانية أنها مع رااجل غيرو..
.....
كانت جاالسة كااتبكي.. سمعاات البااب تحل ونااضت بالزربة كااتسنااه يدخل غير شاافتو تعرضااتليه..
مريم: شنوو وقع..؟؟ لقيتووها...؟؟ عفااك قولي بللي لقيتووها؟؟
جبدها لعندو معنقها جنب: مالقينااهاش.. ولكن ماتحافيش تااج غاايلقااها..
مريم: اهيء اهيء.. ماعرفتها لا واش واكلة ولا شااربة ولا مغطية.. وحتى وااش براات... قلبي كااايتقطع عليها أوديع..
وديع: شششش... صافي سكتي رااه مامزياانش ليك تعصبي... (ابتااسم) ولدنا حتى هو غاايتعصب..
مريم: لوكان ماوقعش هاد الشي كنا أنا ويااها غاانولدو فمرة.. مسكينة فرحاات بززاف بالخبر.. هي أول وحدة قلتهاالها..
وديع: آه قبلي حتى أنا للي رااجلك..
مريم: هي السبااب حتى تلااقينا.. هي كانت السبااب فهاد السعاادة والإستقرار للي عايشة فييه.. لا أنا لا للبنات هي السبب ففرحتنا وفرحة واليديناا..
وديع: غانلقااوها وغااترجع مع رااجلها وتعااود تحمل وتولد.. هذا غير إمتحاان وغاايدوز...
.......
خرجاات من الحماام هاازة الإختباار بين يديها ووجهها حزين وتحت عينيها كحل من قلة النعااس.. شافتو جاالس فووق النااموسية داير يديه على رااسو... تنهدات من حاالتو عرفاات بللي مالقااوهاش.. حس بيها وضار شااف فيها.. ابتااسملها بتعب يالله غاينطق حتى شااف التيست فيدها.. نااض بالزربة لعندها حاايدولها.. خرج عينيه مللي شاف جوج خطوطو حمرين: و.. واش دياالك جربتيه داابا...؟؟!!
تخطااتو ومشات جلساات: أممم.. ودياالمن..؟؟
شاف فيها باستغراب: حااملة يااك..؟؟
حدها حركات رااسها.. ابتااسم بفرح وهو كاايشوف فالتيست: غاانولي أب.. هههه...
رجع شاف فيها كانت حانية راسها للأرض.. جظع ضحكتو وقرب لعندها: واش مافرحااناش؟؟ ماكنتيش باغية تحملي ولا شنوو..؟؟
كوثر: لوكان ماكنتش باغية غانكون شربت الماانع...
أشرف: وعلااش مافرحاناش؟؟
كوثر: فرحاانة.. غير فرحتي ماغانقدرش نبينها وهبة ماكاينااش
تتنهد وجلس جنبها: كلشي كاايقلب عليها.. وتاج داير كثر من جهدو.. غانلقااوها..
كوثر: ماعمرها دارت شي خطوة بلاا ماتعلمنا حنا صحابااتها... من ديما حنا يد وحدة.. حتى مللي تعرفاات على تااج جاابتنا للفيلا وعن طريقها تلااقينا بيكووم... حيااتنا بلا بيها نااقصة بزاف..
مسحلها دمعة نزلاات من عينيها: عاارف بللي علااقتكوم متميزة... غاترجع أكوثر.. حتى هي ماتقدرش تبعد عليكوم ولا على عاائلتها ولا حتى على تااج...
عنقها عندو كايحااول يهدنها وهي كااتبكي بحرقة...
.....
فنفس الوقت عند غزلاان للي من نهاار مشاات هبة حبساات المااكلة غير فاارس للي كاايبزز عليها... وقفاات متنثرة من يديه: صافي افاارس راه قلتليك مافيااش...
ناض تاابعها: راه ماكليتيش النهاار كاامل... كولي غير باش تقدري توقفي على رااجليك..
وقفات وشاافت فيه: والله ماعندي الشهية أفاارس.. ماقادرااش.. نفسيتي مدمرة..
فاارس: غير بززي على رااسك وكولي.. مللي ككنتي دبدوبة كنتي تااكلي بلاا ماتشبعي ودابا مللي قلااليتي مابغيتيش تااكلي حتى بااش توقفي على رجليك..
ابتااسمات وهي كااتفكر سااهية: كانت ديما كااتغوت عليا مللي تشوفني نااكل فالحلوى والخبز بل مااندير حسااب.. كانت كاتشجعني ندير الريجيم...
شاافت فيه: مللي كانوحل هي لي كاتعطيني الحل.. كانت كاتعااوني فالفروض تخدم ليا قبل ماتخدم لراسها.. حتى فالإمتحانات كاتغاامر معاياا.. ونهار وقعلي مشكل معااك هي للي عطااتني الحل بااش نخلليك تقرب مني... اصلا هي السبب الرئيسي حتى تلاقينا وتزوجناا..
فاارس: عااارف... دابا ترجع وكلشي يولي كيف كاان..
غزلاان: ماعرفتش علااش مشاات بلا ماتقوولنا والو.. حنا خواتاتها علااش خلااتنا ومشات..
فاارس: هبة كاادوز من فترة نقااهة.. ونفااس.. وعااد للي دازت منو مااشي قليل.. هذا تصرف عاادي منها.. غير حنا مانوينااش غاتوصل لهااد الدرجة وتغبر هااد المدة كلهاا...
....