🔥لهيب الهوس 🔥( مكتملة)

part21

بسمة ناعمة
البارت 21: ترجات باباها وترجاات ماماها وترجاات حتى سميير للي ماعمرها تصورات غاطيح من قيمتها وتطلبو... ضحكات على رااسها ها البرهان بدا يباان... هذاك للي ماكانتش كاتحسبو كااين رجعات كاتصيفطلو بالليل وبالنهاار بااش يخلليها ترجع تقرا... رجع كايتحكم فيها قبل حتى مايتزوجو... ماعندها مادير هو كايقولها ماعندوش الوجه للي يقول بيه لوليديه بللي هبة رجعات فقرارها وغاتكمل قرايتها وحتى باباها قالها نفس الهدرة: انا ابنتي ماغانمشيش لعند الناس ونقوليهوم حقا بنتي فاقت فالصباح ولقات راسها راشقالها على لقرااية وغاترجع حتى حد مادارليك السيف على عنقك باش تخرجي منها ولا حتى بااش تزوجي...
بقالها غير لبكا والتخماام... لقراية بداات وصحاباتها عياو مايواسيوها ومللي شافو بللي ماغاتقدرش ترجع حاولو يشجعوها ويقنعوها بللي حالها حسن من حاالهووم... ولكن هي عارفة بللي ماكاينش حسن من قرايتها ويلا كانت حالتها كيف قالو حسن من حالتهوم علاش ماتزوجوش...؟؟
.....
فوااحد الصباااح فااقت معطلة كيف العاادة خرجات من بيتها عينيها منفوخين ووجهها حمر... لقات ماماها كاتجمغدع الطبلة دالفطوور طلعات فيها رااسها كاتنهد ماعاجباهاش حاالتها: غسلي وجهك ابنتي وأجي تفطري آش هاد الحالة دايرة فرااسك؟؟
هبة: مافيااش....
فاطمة: راك زعما بنت مخطوبة وخاصك تكوني ديما انيقة
ردات عليها بحدة: هاد كلمة مخطوبة بالضبط مابغيتش نسمعهت ويلا مارجعتش نقرا كوني أكيدة غانفسخ هاد الخطوبة ويلا ماعجبكوومش الحال غانخويلكوم الداار...
ناضت غادية وماماها غير كاتشوف ماتنكرش بللي خوفااتها بهدرتها أصلا من حالتها ممكن دير أي حااجة... يالله دارت جوج خطوات لقدام حتى وقفااتها: أراي نمرة سمير نشووف...
ابتااسمات وهي عاطياها بالظهر عضات على شفاايفها رجع عندها أمل... جبدات التيلي من جييبها وضارت غادية لعندها مداتلها ماماها التيلي كتبات نمرتو وعطاتها تهضر معااه
فاطمة: السلام ولدي سمير لباس علييك؟؟ معااك فالطمة مامات هبة
سمير: السلام خالتي لباس الحمدلله ونتي مزيانة؟؟
فاطمة: الحمدلله فهاد الساعة بغيت غير ندوي معاك فموضوع قرايتها
سمير: أخالتي داك الموضوع دوينا فيه...
قاطعاتو: سمع اولد الناس نقوولك هذي بنتي عندي أهم منك ومن عائلتك ومن خطوبتكوم ومن الهدرة للي عطيناكوم نتا ماعلى بالكش بيهاومامسوقلهاش تبكي ولا تتعذب ولا ضبر راسها يااك؟؟ انا مها ويلا ماغاتقبلوش ترجع تقرا الله يسهل عليك بشي بنت الناس للي تسمع لكلمتكوم ونتوما تقولولها طيحي فالبير طيح... بنتي ماشي من هاد النووع
سمير: كيفاش؟؟ واش بغيتينا نتفاارقو؟؟
فاطمة: اييه إيلا ماغاترجعش تقرا غاتفاارقو...بسمة ناعمة
: سكت لمدة كايستوعب هدرتها تنهد ومن بعد نطق: صافي أخالتي كلامك هو لكبير غاترجع تقرا...
فاطمة: إيوا مزيان علم وليديك وهي غاتسجل...
سمير: واخا... يكون خير...
قطعات عليه ونقزات عليها هبة معنقاها: شكرا شكرا ماما نتي أروع وأفضل أم كانموت علييك أنا
فاطمة: وهانا درت للي عليا إيوا ماتحشمينيش دخلي سوق رااسك وخودي البااك نتاعك حيت إلى ماقدرتيش تاخديه غانتشوهو معاهوم...
هبة: صافي وااخا... هههه... فرحت فرحت بززاف..
الأم: الله يخلليك ديما فرحانة ابنتي يالله نوضي غسلي حالتك ولبسي شي حاجة مزيانة توحشت هبة لبوكوصة...
باستها فحنكها ونااضت: وااخا أماما هههه...
ناضت مشات وخلاتها مبتاسمة من ورااها....
.......
من بعد يومين ومن بعد ما جا باباها كايوصيها باش ترد البال وتدخل سوق راسها حيت بابات شمير تعرضليه وقاليه تقدر ترجع للقراية غير ترد البال حيت هي مخطوبة والعينين غايكونو عليها... تسجلات وصحاباتها فرحو بيها وحتى الأساتذة ديالها رجعات لقرايتها ورجعات لروتينها وهي مرتااحة... وسمير رجعات عاطياه النخاال كثر من اللول حيت زاظت كرهاتو بداك التصرف للي كان كايدير معاها ومل ماكاتفكر كيف كانت كاترجاه وهو مامسوقش كاتحس بالحقد جيهتو مابقاتش كاتبغي تجااوبو ومابقاتش كاتشووفو...
داخلة للدار مع الربعة... سمعات الحس فالصالون... عرفاا بللي عندهوم الضياف.. دازت لبيتها لبسات بيجامتها ومشاات للكوزينة لقات ماماها عنقاتها من ظهرها: شكون كااين؟؟
فاطمة: عائلة رااجلك...
طلقات منها مكرهة: شنو بغااو؟؟
ضارت لعندها: هبة مالك غير كاتسمعي بسمير ولا عائلتو مايطلعلك الدم هادو راه غاتعيشي معااهوم..
هبة: عارفة عارفة... غير ماشي وقتهوم وااش غير جااو؟؟
فاطمة: جاو بغاو يقولوليك باش غدا تخرجي مع سمير يشريلك شي حاجة...
خرجات عينيها صدق دكي مللي سدات عليه كاع للبيبان لقا هاد الحل: أنا ماخاصني والو أماما بلااش
خنزرات فيها: حماقيتي لاا...؟؟ الناس مكبرين بيك وجايين حتى لهنا ونتي دافعة كبير... مانسمع منك ختى كلمة غدا عشية عندك خاوية غاتخرجي مع السيد... يالله زيدي دابا تسلمي على النااس
هبة: اووفف وااخا شكون كااين؟؟
فاطمة: غير ماماه وخواتاتو