🔥لهيب الهوس 🔥( مكتملة)

part23

بسمة ناعمة
البارت 23: مشا وخلااها جاالسة على الكرسي وضحى حدااها جاات لعندها مللي شاافتو مشاا عااوداتلها كلشي
صحى: بصرااحة راه عندو الحق.. مايقدرش يفسخ داابا شووفي غير لملااك شحاال خسرو فييه هما نااس على قد الحاال وداك الشي بززاف... ويلا تفاارقتو خااصك ترجعي دااك الشي وبابا ماايقدرشماايقدرش... ي مافكرتيش فوليدينا كاع العائلة عارفة هاا الشوهة... وزيد عليها يالله كنتي كاتبكي على لقرااية وتهددي بلفرااق ومللي خلااوك ترجعي... تجي داخلة مع البااب وتقوليلهووم حقا مابقيتش بغيت سميير... واش عرفتي أفكارهوم فين غاايمشيو... وفين غايديرو وجووههوم مع وليديه... ومع النااس... هاد الشي كاان خااصك تفكري فييه قبل مايتعرف زواجكوم وقبل ماضيعو النااس فرزقهووم... غلطتي بززاف أعبة داابا ديريها فيد الله وصلي صلاة الإستخاارة...
............
هدرة سمير وهدرة ختها هدرة صحاباتها وماماها للي ماكانتش كاتبخل عليها بالنصاائح طيلة العاام... خلاوها تترااجع فقراارها وتحبب فكرة الزوااج بسمير... هي من النووع للي دغيا كاتقتاانع بالهدرة إلى كاانت بأساليب متقوونة... رضاات بقدرها نوعا ماا... كاتقرا وتراااجع شوية واخا مادايراش جهدها بحاال العاام للي دااز... كاتخرج مع لبناات ومرة فالزماان للي تخرج مع سميير... واخا مابقاتش  حاقدة علييه بحال اللول... رجع كايجيبلها الكادوات ومغرقها بالهدرة الحلوة... وحتى شكلو زوين ومقبوول لدرجة شي بنات كايحسدوها علييه... العاام كايدووز دغيا ولعرس تقرر من بعد رمضاان مبااشرة... تكون مدوزة الإمتحان... وشايفة النتيجة... بدات كاتوجد فدهازها كاتخرج هي وماماها كايشريو كل مرة شوية...
..
وقت الإمتحانات الحلعة والستريس القهوة كحلة والسهير... كايوجدو مخلوعين... واخا مستقبلها مجهوول حيت غااتزوج و90٪ ماغاتزيدش تقراا... مي خااصها تاخد البااك بالنسبة ليها هو تحدي... هي دارت حالة بااش ترجع غير على قبلو مارضااتش تسقط... أكيد غاتتلاام واخا ماشي فوجهها... دوزو وماقدراتش تحكم على رااسها وااش خدماات فييه ولاا لااا...بسمة ناعمة
البارت : النهاار للي غايديرو فييه العقد.. من بعد مااجمع هو وخووه لورااق... كان نفسووو نهاار الإعلاان على نتاائج دالباااك... (بصراحة أنا للي جات نتيجة الباك ديالي مع نهار العقد غير عجباتني الفكرة ودخلتها هنا)  لبساات جلاابة فالبيج مع بلغة مسمقة فالكريي وشاال فالكري... مع صااك بييج... خرجات لعندو كان كايستناها برااا... سلم عليها وشدو الطريق فطاكسي حتى للعدوول... دخلو لقااو باباها كايسااينهوم تما... ستيااو وخرجو مزوجييين... صواانالها التيلي وحاوباات لقاات كوثر كاتعيط... علماتها بللي نجحاات هي ويااها ومريم عطاوها استدراكية وغزلاان سقطاات بمرة... بقااو فيها صحااباتها لكن هاد الشي مامنعخااش تفرح برااسها... الطريق كاملة وهي كاتفرنس... والتيلي ماسكتش من التعيااط شي كايباارك الزوااج وشي كاايباارك البااك...
...........
من بعد جووج سيماانات بدا العرس... وفالمنطقة لعرس كايقا سيماانة... وحتى للنهااار الساابع عااد كاتمشي لعرووسة لدار رااجلها... الدار عامرة... غير بالعائلة لقرييبة لكن كبييرة... فيها ولاد لعمام والعمات او ولاد الخلاات... شي طالع شي ناازل... والتقصاار بالليل مابين العاائلات الضحك والنشااط واللعب...  الشطيح والتوجااد للدفووع... نساات شنو كايستناااها نساات مصييرها... اندامجاات فداك الجو... وكلشي راادلها الباال وهو كل دقييقة يعيط وهي كل مرة عند الكواافوورة... مرة فدفووعها ومرة فالحنة دياالها... حضر معاها فالقاعة للي كرات عائلتها كانو بارزين... دارت ماكيااج ثقيل مع تااج رقيوق ولبسة خضرة... كاانت كل مرة كاتبدل عااجبها الجو... وعاجبها تكون هي ملكة المكاان والعينين كلهووم علييها... نساات فاارس أحلاامها غفلاات علييه بززاف... وهو دمووعو هابطين وحدة من وراا لووخرى... حالتو ماابين الحيااة والمووت... مخليي الأطبااء مصدومين منووو... ومن دموعو ومن قلبو للي كان غاادي فالهااوية... ماالو... شكوون غاايفهمو؟؟ بااش غايعرفو هما بللي خبيبتو للي شاافها مرة وحدة فحيااتو عشقها فغيبووبتو وعااش معااها فترة عاام ولا كثر غير هو ويااها... هااهو اليووم كايفقدها... هاهي مشاات وخلااتو.. مخنووق هو... وكااره رااسو للي ماقاادرش يفييق ويمشي يخطفها لبعيبد يضربها لا بل يقتلها حيت فكرااات تكوون لغيروو... حالتو هاد المرة أخطر من المراات للي فااتوو... وااش ينجاا...؟؟ هااد الشي للي تمنااوه هما..