🔥لهيب الهوس 🔥( مكتملة)

part81

بسمة ناعمة
البارت 81: خلاوها هي الوسط باش ماتبقاش متوثرة... كوثر للي ماكاتحشمش هي اللولة فالصف.. من وراها مريم هازة الطبسيل دالحلوى وهبة من وراهوم علاد غزلاان اللخرة كاتمشى وتميل وتمسح فمها من وااحد الطرف دالحلوى كلااتو... غير دخلو كلشي طلع راسو كايشوف فيهووم... وهي غير مهبطة راسها كاتعض فشفاايفها بتوثر... وغير كاتمشى.. حتى سمعاات صووت فردوس: هاا الزيين جاا..؟؟!! بوكووصاات مااشاء الله
نطقات ماماها: بنااتي زيدو سلمو...
زادو بابتسامة سلمو عليهوم وهبة كاتسلم حشماانة... وكاع ماكاتقدر ترفع راسها تشوف فيهوم... غير وصلاات لعندو شمات ريحتو... يالله غاتمد يدها تسلم عليه... وقف وخدا يدها باسها خلااهوم غير كايشوفو وهي لوكان لقات الأرض تنشق وتبلعها... ماقدرااتش تتحرك حتى جراتها ماماه جلسااتها بينها وبينو... كاتشوف فيها بفرحة: تبااركالله على عروستي.. منورة..
هبة بهمس: ربي يخلليك أخالتي...
دارت يدها من وراها معنقاها جنب.. وتاج غير مخنزر كخز شوية وبلا ماايعيق حاايد يد ماماه غير بالشوية خلاها غير كاتشووف... شوية ودارت ابتااسمة عايقة بيه أما هبة غير كااضور فعينيها... كل مرة يزيد يحشمها... لبناات جالسين مقاابلين مع الدراري كل وااحد كاايغمز لحبيبتو... من غير فارس للي كايشوف فغزلاان بابتساامة وهي حشماانة...
شربو القهوة وكلاو الحلوى.. نطق بابات تااج: ودابا بقاالنا غير العرس نتاافقو عليه فووقااش...
شاف فيه باباها: آه... ماغانعرفش حسن منكووم... ولكن من رأيي نخلليو هبة حتى تكمل قراايتها..
تااج خرج عينيه ونطق: أهداا أعمي.. تكمل قراايتها؟؟!! أنا نقرييها...
باباها حشم وهو بقا باه كاينغزو والدراري كايتغاامزو عليه والباقي كايضحك أما هي غير كاتفرك فيديها...
تنحنحات ماماه: هههه... تاج بغا يقوول بللي بززاف علينا نستناو.. وفترة الخطوبة ماشي مزيان تطواال... نديرو العرس وهو غاايعاونها تكمل قرايتها...
نطقات مامات هبة: إيوا إلى هاكا نخلليوها بعدا تسالي هااد العاام... حنا غير كاندويو القرار اللول والأخيير  كايبقا ديالهوم هما...
تقاد فالجلسة كايشوف فيهوم بجدية.. من بعد ماتأكد بللي تطيااح السر وتمثيل الخجل غايخرجو عليه فهااد اللقطة... اصلا هو مقزدر ماكايحشمش: سمعي أخاالتي وسمع أعمي... شاف فوليديه: وسمعوني حتى نتوما... أنا هبة ماشي غير شفتها وعجبااتني ولاا غير زواج تقليدي... هبة بغيتها وتغرمت بيها..
حركات يدها بالشوية حطاتها على ركبتو مدرقاهوم الطبلة كاتحااول تنغزو بااش يسكت.. وهو هز يدو زير بيها على كفها خلاها غير كاضور فعينيها.. وبااقي كايشوف فوليديها بجديةة: أنا ماقادرش نصبر حتى تكمل قراايتها... وماقادرش نصبر حتى بااش يسالي هااد العاام... أنا بااغيها حلاالي مرااتي اليوم قبل غداا... سو غاتحددو شي توقيت مزياان ولاا نحددو أنا...
تنهد باباها ونطق من بعد مافاق من الصدمة ولمن عجباتو بززاف صراحتو وشجاعتو وبااينة من هضرتو كايبغي بنتو: ويلا قلناليك حدد نتا النهاار إمتا غاايكوون؟؟
نطق بجدية مافيهاش الضحك: غايكون داابا؟؟
كلهوم نطقو فخطرة: شنووو...؟؟!!
وهو على نيتو كايدوي: هاا.. والله.. ماضربو حسااب للوراق ودااك الشي وحتى لعدول الليلة نكتبو العقد.. وغدا نديرو العرس.. وغايكون عرس زوين وكيف كاتمناه أي وحدة...
انفاجرو بالضحك ماقادرينش يصبرو وهز غير كايخنزر ماعاجبو حاال... وعي كاتولول فخااطرها..
نطق باباها: هههههه... لواه أوليدي لوااه... واش من نيتك؟؟ مالنا هاربين..
تنهك ورجع تكا اللور كايسب فخااطرو... تنهدات هبة وجبدات التيلي كتبااتلو  ميسااج ورجعاات حطااتو... سمع حس التيبي وماسوقش مااشي وقتو.. شاف فيها لقاها كاديرلو إشارات فهم بللي الميسااج منها جبدو وقرااه: ياك أنا ديما معااك وحدااك... حتى من النعااس كاننعس حدااك... مابغيتش العرس دابا وحتى اللاكت... حتى يسالي العام ويساليو الإمتحانات...
طلع راسو كايشوف فيها مكره... رجع شاف فيهوم هما للي كايتباادلو أطراف الحديث.. لبناات مع بغض من بعد ماتعرفو على خت أشرف أو وديع... صدقات ضريفة بحال فردوس ودغيا تفاهمات معاهوم وهصوصا مع كوثر حيت غاترجع مرات خوها... تنهد مرة أخرى وشاف فبابات هبة: عمي واش نقدر ننفارد بهبة شوية؟؟
شاف باها فمراتو حركات راسها ورجع شاف فيه: تفضل أولدي...
نااض وجرها من يدها قدامهوم دااها للصالون للي حداهوم كان معزول عليهوم وقفها حداه سااخط: ماقريتش الميسااج مزياان يااك؟؟!!
شداتليه فيديه وكاتشوف فيه بترجي: شوف تااج... أنا من ديما كاانحلم بعرسي يمون فالصيف.. وعااد يالله طلقت...
تنثر من يدها معصب وعاود شداتهاالو: صافي صاافي.. رااه غير بغيت نقنعك باش نخلليو عرسنا حتى تسالي لقرااية... عفااك...
تااج: علااش؟؟ شنو الفرق مابين داابا والصيف؟؟ نديرو العرس.. ومللي تسالي قراايتك نديك فين ما بغييتي.
.تنهدات كاتشوف فيه شاداليه فيديه.. ماعارفاش كيف دير توصلييه فكرتها.. هي باغة يكون عرسها أحسن نهار فحيااتها وبغااتو فالصيف حيت هداك أفضل فصل عندها وعااد ماغايكون تابعها لا امتحان لا والوو... وبغاات تعيش فترة الخطوبة طويلة شوية وتستااغلها معااه... طلقالو من يديه وشداتلو وجهو.. هو للي غير كايسووط: ربع شهوور أتاج غير ربع شهوور للي بقاات باش تسالي لقرااية وويجي الصيف...
غمض عينيه كايحااول يتهدن وشدلها فيديها: كاتضحكي علياا...؟؟!! أنا حتى نهاار مااقادر نصبرو... وكاتدويلي على ربع شهوور...
هبة: عفااك كانترجااك ديرلي خااطري... رااه هاد المدة يالله نفصل فيها ونخيط ونشري للي خااصني... وعاد عائلتي يوجدو داك الشي للي غايحتاجوه...
قااطعها: نهار وااحد قااد لهاد الشي... كلشي كايتشرا موجود.. وعائلتك مايضربو حسااب لوالوو
هبة: رااه تقااليدنا هادو أتااج خااص ضروري نهتمو بالتفااصيل...
بقا واقف مخنزر غير كايسوط دااير يديه فجياابو... وهي كاتشوف فيه... ابتااسماات ليه.. ورجعات شدات فيدو كاايعجبها فكل حالاتوو: غاانبقا معااك طيلة هااد المدة مااغانبعدش علييك...
بقا كايشوف فيها شحاال عااد حرك رااسو: وااخا ماايكوون غير خااطرك..
طاارت عنقااتو فرحاانة: كاانموت علييك..
تنهد بنفاد صبر كايشوف لتحت فالماطيرياال وااقف: هاا علااش بغينا نتزوجو اليووم قبل من غداا... نعس نتا تنعس ماتنووض...
طلقات منو كاتشوف فيه بتسااءل: شنو قلتي؟؟
تااج بابتساامة صفرة: والوو... غير منت كانتمتم..
جرها من يدها ودخلو لعندهوم وهي حانية رااسها.. جلسو فبلاايصهوم حتى نطق باباه: إيوا شنو قررتو؟؟
تكا اللور ونطق ببرود: حتى للصيف...
كلشي ابتااسم عجبو القرار حيت على الآقل باقي شوية دالوقت.. نطقاات ختو: ههههه... هي للي تعرفلك..
طلعوراسو شاف فيها مخنزر.. وضرباات الطم.. نطقاات مامات هبة: هذا أحسن قراار.. غايبقالنا الوقت فين نوجدو على تيسااع..
جاوبااتها مامات تاج: اه عندك الحق.. وأي حااجة احتاجيتووعا حنا موجودين.. ماضربو حساب لوالو... كلشي على أهل لعريس...
بابات هبة: لهلا يخطيك الالا ولكن حتى حنا من واجبنا نديرو يدنا.. وأنا من حهتي غاندير عرس لبنتي..
قاطعو تااج بصوتو مهدن: نتا على راسي وعينيا.. وهبة بنتك... ولكن العرس أنا للي غانديرو.. حيت الرغبة دياالي نتكلف بليلة فرحتي...
بابات هبة: آه هذيك رغبتك وأنا كانحتارمها ولكن أولدي حتى أنا باغي نفرح ببنتي وغانديرلها حفلة واخا غير صغيرة..
تااج: مايكون غير خاطرك أعمي...
بابات تاج: دابا مللي تفاهمتو على العرس.. بقالنا الصدااق... باقي مادويناش فيه...
بابات هبة: الصداق كايبقا غير حاجة رمزية.. أنا صداق بنتي هو ولدي تاج يتهلا فيها ويديرها فعينيه... وينسيها فللي داز عليها.. يالله غايكمل هذرتو قاطعو تااج: حتى أنا غانعطي الصدااق غير رمزي... حيت الصداق للي شرطتي أعمي غاانفدو ونواعدك وعد راجل شرقي حر بللي غاانوفي بيه..
ابتااسملو ابتساامة رضاا... حتى نطقاات مو: واخا غير رمزي خاصو يكون محتاارم أو لا أولدي؟؟
حرك راسو بالإيجااب.. وهي نطقاات: شوقتينا نعرفو شحاال؟؟!!
تاج: داك الشي بيناتنا...
ماماه: واغاقول.. راه رجعنا كاع وااحد وأنا أمنيتي هي نحضر فتفااصيل عراس ولادي... قول شحاال؟
تنهد ونكق ببرود: مياات مليوون...
عائلة هبة وصحاباتها كاع شهقو مصدومين أنا عائلتو جاتهوم عادية.. نطق باباها مصدووم: مياااات مليوون؟؟!!!
شاف فيه: عارف مااشي شي حاجة.. ولكن رااه هبة مابغااتش حثر.. وحتى هذي مابغااتهاش غير مبززها علييها.. وإن شااء الله غانعوضها كلشي..
باباها باستغراب: ههه.. لا أولدي.. مياات مليوون رااه بززاف... وكثر من بززاف كااع...
جاوبو بااه: حنا فعائلتنا أقل مبلغ نقدرو نعطيوه كايكون من خمسين مليون الفووق... هذي عاادة عندنا...
بقاو كايدويو ولوخرين باقيين مصدومين وهبة شاداها لبكية بكثرة الفرحة..  وتاج فوقاش ما تاحتلو الفرصة كايشدها من يدها...
وصل وقت لعشاا... تحطو ألذ الأطبااق المغربية.. من دجاج ولحم وديسير وشلاايظ... تعشااو فجو مرح كلهووم مجموعين فصالة وحدة حتى نطقات مامات أشرف كاتشوف فكوثر بابتسامة: إيوا أعروستي لغزالة كيدايرين وليديك؟؟
حنات راسها زعما حشماانة: لباس الحمدلله أخالتي
جاوباتها: إيوا الحمدلله.. كان قالي أشرف غانلقاوهوم هنا مالهوم ماجاوش؟؟
كوثر: كانو غايجيو مللي قلتليهوم غااتجيو لعندنا غدا فالصبااح تشغلو فالتوجاد
نطق بابات أشرف: آش غايوجدو؟؟ ماعندهوم مايوجدو أبنتي حنا رااه منكوم... مايتكلفوش على قبلنا...
كوثر: لا اعمي ماكلفنا والو... غير كايخملو الدار وصافي...
نغزها أشرف بضحكو يخلليلي الحشمة والصواب.. خنزرات فيه
كملو الليلة فالهدرة وتبادل الآراء على العرس والخطوبة دياال كوثر... تناص الليل.. ناضو ناويين يبااتو فلووطيل واخا عياو معاهوم يباتو تما مابغااوش بحجة أنهم بززاف بيهوووم... خرجو من تماا وخارجين معااهوم حتى عائلة هبة وصحاباتها... ولقاو  القوااقين ديال الحي عااد بررا فدااك البرد مكمشين شي واقف شي جاالس باغيين يعرفو شنو وااقع.. والنعااس كاايدي فيهوم.. حتى شافوهوم خارجين وتومضو مخرجين عينيهوم.. توادعو معاهوم.. والدراري كل وااحد وااقف مع حبييبتو كاايتغزل بيها... شافوهوم لابسين التقليدي وحتى هبة بالقفطان.. بداو كايتأكدو... غزلاان كانت واقفة كاتشوف فيهوم واقفين وعاجبها حاال يتفقصو.. حتى قفزها بصوتو: دبدووبتي؟؟!!
قفزات ضايرة لعندو لقاتو مبتااسم كايشوف فيها حناات رااسها حشمانة.. وهت تحنى حتى لمستواها: كاتجي معااك الحشمة.. ماقلتيش ليا إمتا نبداو التدريب؟؟
غزلان بابتساامة: فوقاش مابغيتي..
فارس: أممم... إيوا ختى دوزي الإمتحانات للي عندك هاد السيمانة ونبدااو..
عضات على شفايفها هو مفكرو وهي مامفكراهش..  حركات راسها بالإيجااب...
كان هو وياها واقفين... كايشوف فيها بإعجاب وهي غير كاضور فعينيها بخجل.. حتى نطق: جيتي زوينة. وحا معااك الفطقان..
دغيا طلعات راسها شافت فيه: شنااهو؟؟!!
شاف فيه كاايحك بصبعو حدا وذنيه: ف.. فقطاان..؟!!
ضحكاات مستغربة: ههههههه... واش ماكتعرفش تنطقو؟؟
تااج: وش.. شنو كايقولولو؟؟
هبة ميتة عليه بالضحك: قفطاان.. قفطاان هههههه..
تااج: آه قطفاان...
هبة: ههههههه.. آه آه.. قطفاان...
تاج مخنزر: وعلاش كااضحكي؟؟ المهم جااك زوين.. ضور وجهو شاف فباها: غاندوي مع نسيبي شوية ونجي...
مشا لعندو كات واقف مع باه ومو وعمو ومراتو ومامات هبة.. شاف فيه: عمي واحد الدقيقة عفااك
زاد معاه وقفو بوحدهوم.. وهو جبد واحد الملف من الطومة ديالو: أنا بصح لقيت لهبة السبة بااش باش ندوي معاها.. ولكن راه نفدت وعدي ودرت داك الشي للي قلتلها...
بقا كايشوف فيه بتسااءل ومدلو داك الملف: هذا فيه كاع لوراق للي كايأكدو بللي غاتبقا تخلص فالتقااعد دياالك فكل شهر..
جاوبو بصدمة: واش بصح؟؟!!
تااج: آه غاتبدا من هااد الشهر...
نطق بفرح وضحكة: الله يعطيك ماتمنيتي أولدي.. عرفتي شحاال جريت بااش نااخد هااد التقااعد..؟؟!! الله يرضي عليك درتي فيا خيير كبير
تااج شدلو يدو باسها: هذااك راه حقك اعمي...
سلم عليه فرحان غايطير بالفرحة ماعمرو تصور بللي الليام غاتضحكلو هو وبنتو... مفتاخر بنساابو ومكاانتهوم وقدام هادو للي كاايطلو... هما نفسهوم للي ضحكو وتشفااو نهاار هبة طلقاات ونعتو فيها بصبااعهووم.. ركبو فطوموبيلاتهوم وهو واقف معاها... كايشوف فيها والعينين مركزين عليهوم شد وجهها بين يديه وباسها فوق راسها خلا دووك القواقة حالين فامهوم مخلووعين ودابا تأكدو بلبياان... تحنى لعند ودنها ونطق: غدا غير نساليو مع اشرف وكوثر وغانمشيو يااك؟؟
حركات راسها مبتااسمة.. ورد عليها بابتساامة: يالله سيري تنعسي.. بقاليك غير نهار غدا لليكزاام...
عطاها بالظهر خلاها غاطير بالفرحة... ضارت عاضة على شناافتها لقات غير صحاباتها وختها واقفين كايضحكو تعرضولها كايتمازحو معاها... مشااو مجموعين وصلو كوثر لدارهوم حيت خاصها تصبح تما.. ورجعو باتو مع هبة... غزلان مع ضحى فبيتها ومريم مع هبة... طااحو كومة كانو عياانين..
طلع ضو النهاار.. كان نهاار متميز.. شميسة داافية والجو صاافي.. بحال هااد الأياام للي دازو... هي حااسة بللي حتى الجو كايشااركها فرحتها كااملة.. ناضت مبتااسمة على نكير غزلاان كاتقولها بللي تعطلو وخااصهوم يمشيو لعند كوثر.. دغيا نااضت دوشاات ولبساات كسوة حجاابية أنيقة ونزلاات لتحت.. لقاتهوم كايحلو فالدهااز للي جاابو كايشوفو فييه بإعجااب... كانو توااب غاليين دياال التكلاشط والجلاالب وكاينين بلااغي.. وطااقم ديال الذهب.. وحلاقات وروايح وسواايع غير الماركات.. وكسااوي ديال لخريج.. وجلابة وجبادور رجوليين باينة لباباها وبخالهوم صغار لجواد.. وكساوي حتى لضحى.. وجلابة وقفطان لماماها..
عجبهوم دااك الشي للي جاابو وغير كايشكرو... فطرات دغيا وباها كاايحطلها فرحاان ومفتااهر ببنتو... غير فطرو ناضو دغيا مشااو.. لقاو كوثر وماماها وختها كايوجدو فلغدا والحلوى... تعاونو معاهوم حتى وجدو كلشي وبدلو حواايجهووم.. قادو حالتهوم.. جاو الضيااف جايبين بحال داك الشي للي جابو لهبة.. وكان حتى تاج وعائلتو.. دواو فالتفااصيل كانت فقط خطوبة عادية باقي مادواو على العرس.. ماقرروش فوقاش.. غير تعارف بين العائلاات... تغداو ويالله غايشدو الطريق حتى نطق وديع كايشوف فمريم: لا باقي مااغانمشيوش... عندنا مايدار
شافو فيه باستغراب وهي مافاهمة والو.. كمل كلامو بجدية: غانمشيو لدار مريم نطلبوها من وليديها...

#ايوا الله ايجيبلينا حتا حنا ليعطي ميات مليون فالصداق 😒ماحسدناكش اختي