🔥لهيب الهوس 🔥( مكتملة)

part 52

بسمة ناعمة
البارت 52
قرب لعندو تااج ناوي يزيدو وهو رجع اللور مبعد: ماالك الخراا صااعر يااك لبااس؟؟
تااج وهو مزير على سنانو معصب: شمون هذيك للي ركبتي معااك هاد العشية؟؟ وفين كاتعرفها وشنو علااقتك بييها؟؟
سكت شوية كايفكر ونطق: آشمن وحدة؟؟ انا ماركبت حتى وحدة.. من غير واحد الصحاباات فقدات فيهوم وحدة الوعي وعاونتهوم وصلتهوم لسبيطار هذا ماكاان...
وقف تااج كايفكر وشاف فيه: شحاال كانو؟
الشااب: يمكن بربعة..
تااج: وديك للي كانت راكبة حداك كاتعرفها وشكون للي فقدات فيهوم الوعي؟؟
الشاب: تاج الله يهديك أنا كاع ماكانعرفهوومش.. هذييك للي كانت راكبة حدايا سميورة ومسرارة.. عويناتها كباار... ماعاق براسو حتى كان زادو بونية أخرى هادي كانت قصح من اللولة خلاه خمسة دالدقاايق منشور فلرض ماقادرش يتحرك ولا يحل عينيه... بعد عليه حاط يديه على جنابو كايمشي ويجي ويحاول يصبر راسو بلش مايفوتش فيه شي ضربة: رااه قلتليك فين كاتعرفها مااشي تووصفها.. ونتا جالس كاتغزل فيها بلا حيا...
حل عينيه كايشوف فيه مصدوم ونيفو عاطيه لحريق: تااج يااك لبااس؟؟
غوت بصوت قوا من اللول: وااش كاتعرفها جاااوب؟؟
سرط ريقو عارفو معصب وهو أكثر واحد عارف عصبية تااج: ماكانعرفهاش وماكانعرف حتى وحدة فيهوم... غير صدفة وحدة زعرة سخفاات وعرضت عليهوم المسااعدة ومارفضوش خيت كانو مزيرين... هي ركبات القداام حيت ماعندها فين تركب اللوور... مادويتش معاها نهائيا... واش كاتعرفها..؟؟
تاج بقا سااكت كايفكر كيفااش تصرف معاها تنهد ناادم بكاها وتعصب عليها على والوو... لااخور بقا كايتحرك حتى وقف مكالي بيديه: واش ماتعرفها اتااج... شكون هي...؟؟
شاف فيه وهو باقي كاايفكر حتى خرج عينيه مللي تفكر بللي خلاها بووحدها وهي كاتخااف خافت من الظلان وهو معاها راها باينة غاتخااف وهي بووحدها وعااد خلاها فحالة يرثى لها... يالله تحرك باش يمشي لعندها حتى وقفو هذاك شادو من دراعو: شكون هذيك؟؟
شاف فيه: هذييك؟؟ هذيك روحي وقلبي هذيك عمري والأكسجين بااش عاايش ماكانش عليك تكمل فيها الشووفة
الشاب بابتسامة: حسبتها ختي حيت عجبااتني صااحبتها
تااج: ماتحاولش تضحك عليها
الشااب: إيوا ونتا آش دخلك؟؟
تااج: اي حاجة كاتخصها وتهمها نحطها أنا فعينيا
ركب وديمارا بالزربة مخللي هذاك مصدووم: أووو عشناا وشفنا تااج كاايحب ويعشق... ماعمرها كاانت على الباال... شاف فالتيلي: بفف هذي كاع ماتاصلات
كان كايسوق بسرعة كبيرة كايضوبل ويزيكزاكي فالطريق.. همو هو يووصل لعندها... وماهي إلا لحظاات حتى كان دخل للجردة دالفيللا... نزل مخللي البااب محلوول أو واحد من الكارد هو للي تكلف بالطوومو... حل البااب دالدار بالسااروت ودخل كايقلب عليها... كانت جالسة فبلااصتها كلها عرقاانة والدمووع نازلين شلاال... جامعة ركابيها عندها وحاطة عليهوم راسها متوسدة بيديها... شافها هاكاك تصدم.. حس بموس تغرس فقلبووو.... زاد لعندها بخطوات سريعة متهجي سميتهاا: هبةة... دغيا رفعاات راسها كاتشووف فيه مخلووعة... سرطات ريقها: م.. مادرت والوو... تنهد كاره راسو زادت عذبااتو بهاد الهدرة: عاارف عاارف... أنا للي درت وجيت نطلب السماحة... حركات راسها فااهمة: يعني عرفتي بللي أنا مادرت والو وكاع ماكانعرف هذاك... غير صدفة
تااج: آه عرفت بللي كوثر سخفاات وهو وصلكوم للسبيطار..
ابتاسمات براحة ورجعاات شافت من وراها وشافت فيه: خ... خلليتيني بوو... بوحدي... كانخااف من اللييل... كانخااف... ماكانقدرش نبقاا بووحدي... اهيء اهيء... كانخااف.....
قرب لعندها باغي يشدها وهي تخطف جاات واقفة مبعدة عليه: عرفتي أنا اتاج كانخاف من السلاح حتى مللي كانشوفو فشي فيلم كانخاف منو... ونتا حطيتيه على راسي وحاولتي تضربني بيه... اهيء اهيء... غير حيت مابغيتش نعيش معااك... وحيت درت الصبااغة فضفااري... وأنا كانخااف من الليل.. ماكانجلسش بووحدي عندي فوبيا... اهيء اهيء... ونتا سديتي عليا البااب وخديتيلي التيلي وهددتيني بقرايتي وصحابااتي... اهيء اهيء... خلليتيني كانبكي وخرجتي... يمكن نفقد الوعي بكثرة الخووف ولا يمكن نمووت... ونتا ماعلى باالكش... أنا هاد الشي جاامي عشتوو.. اهيء اهيء... ماعشتووش ومااعنديش الطااقة بااش نعيشوو... وااش بغيتيني نصبر لهااد الشي كاامل.. اهيء... والله مانقدر... مانقدرش..
بقا واقف مكواانسي فبلااصتو ضربو الضو من هدرتهاا... كايسمعلها وهي كاتبكي وتشكي بحرقة.. كان حاس بشنو كايدير ودابا زاد حس كثر... وهي كاتعااود عااد رااجع أفعاالو معاها... سمع الهدرة للي خلخلاات كياانو وخلاتو يفقد السيطرة على رااسو: إلى مااتفاارقتش معااك غاانموووووت... سمعتي غاانمووت... يا من عند الله ولاا غاانقتل رااسي... غاانمووت أتااج حييت أنا مااشي قوية لديك الدرجة..
قالت هاد الشي وهي مرفوعة ماحاسااش برااسها... بقاءها بووحدها والخووف للي حساات بييه خلااها بحاال شي حمقة... أما هي إلى جينا للصراحة كانت كاتمنى بطل هاكا وكثر... عينيه حمارو فلبلااصة وهو كاايسمع لهدرتها سرط ريقوو كاايحرك راسو بحال شي مبلي خااصو المخدر.. هذرتها أثراات علييه بززاف... زااد لعندها وهي باقية كاتغوت فبلااصتها وترجع اللوور ماحاملااهش يقيصها...بخطواات سريعة كاان محااصرها مع الحييط حاط يديه بجووج مكاالي بيهووم كاايشووف فيها بحقد وهي كااتحرك راسها يميين وشماال: لاا... بعد بعد... اهيء اهيء... بعد..
ضرب بيدو مع الحييط بالجهد حتى قفزاات ورفعاات فصووت بكااها ووهو شد رااسها بين يدييه كاايترعدو حط جبهتو على رااسها مغمض عينييه: شششششش.... تهدني تهدني بااش نقدرو ندويو تهدني... شششش.
هبة: ماابغييتش ندوي معااك... اهيء اهيء... غيير وصلني عفااك وصلني اهيء اهيء...
تااج وهو باقي حاط جبهتو على جبهتها انفااسو كااتحرقها فوجهها: فيين بغيتيني نوصلك فيين أهبة فييين...؟؟!! رااه رووحي ولاات متعلقة برووحك ويلا كنتي غير بعيدة كاانبقا عاايش غير على الله... ونتي كاتقوليلي غانتفاارقو... أشمن فرااق أشمن فرااق؟؟!! لللي طلبتيها تتنفد غير لفرااق أنا مزاااوك غيير لفرااق ماتبقاايش تجبدييه مااعمرك تجبديه...
هبة وهي كاتنخصص: ك...كااتخلعني... كااتعذبني أتااج... هزاات يديها حطاتهوم على صدرو مكاالية بييه: كااتخلعني بززاف...
حط شفاايفو على جبهتها بااسها مطول ونطق بهمس: مااشي لخااطري والله مالخااطري... ضرب بيدو فصدرو بالجهد حتى تزعزع خلااها مخرجة عينيها: هذاا دييلمو هذاا للي مخلليني نتصرف هااما ونعذبك ونتعذب معااك هذاا... بقا كاابضرب فييه حنى شداتليه يدوو وهو حنا رااسو كاايشووف فوجهها: إلى بغيتي داابا نحاايدو نحاايدو ونحطو هنا قداامك ديري فيه مابغيتي رااه هو السبااب هوو...
حركاات رااسها يمين وشماال مرة أخرى وهزات يدها كاتمسح دموعها ورجعاات شاافت فيه: تهدن... صاافي ماابغيت والوو... ضرني رااسي...
بغاات تتحرك من حداه يالله دارت خطوة مبعدة علييه حتى جبدها لعندو بالحهد شهقاات مخلووعة لقااتو كاايشوف فيها بطريقة غريبة نطق بصووت مبحووح: كاتفكري فالمووت؟؟ كااتفضلي تموتي على أنك تبقااي معاايا؟؟ كاتكرهيني لهااد الدرجة..؟؟
هبة وهي كاتحرك راسها: لاا ماكانكرهكش...: تااج: عرفتي هذييك المووت للي نتي كاتمناايها برااسها مااغاتاخدكش مني... هذيك المووت غانتحدااها أنا على قبلك...
بقات كاتشوف فيه مستغربة واش هذا باغي يناافس القدر؟؟ شافتو فحالة هستيرية... هزات يدها حاطاها على رااسعا مغمضة عينيها بألم وهو خرج عينيه كاايشووف فيها: ششش.. ماالكي...؟؟!! كاايضرك؟؟ نمشييو للطبييب؟؟ بااش كاتحسيي...؟؟
هبة: غااينفااجر... راسي كاايضرني بززاف..
جبدها عندو حاط يدو على راسها: تعصبتي... هذا علااش كايضرك... جرها معاه جلسها على الفوتوي... وتحنى على ركابيه فالأرض مقاابل معاها حط يدو على رااسها كايماصيها بالشوية وبحركات دائرية خلااها تترخى.. نطق بهمس وبصووت كايزيد يريحها: كيفاش كاايضرك؟؟ باش كاتحسي شرحيلي
نطقات وهي مغمضة عينيها مرخية على الفوتوي: بحالا شي عرق كايضرب فجبهتي...
سااط مكره وجبد التيلي كايتاصل بشي حد حطو على وذنو: جيبلي *** من لافارماسي وماديرش خمسة دالدقاايق...
قطع ورجع كايماصيلها جبهتها وهي مرخية... فااتت مدة حتى تطرق البااب ناض بسرعة حللو وخدا السااشية جبد الفنيد مدوولها مع كااس دالماا... بقات كاتشوف فالكينة وترجع تشوف فيه وهو نطق: خودي دوا دالرااس...
هبة باستغراب: ماعمرني خديتو... كأناخد غير دوليبران للي كادوب ولا أسبرو...
تاج: ودابا خودي هذا... حالتك خاصها هذا..
هبة: وباش عرفتي هذا للي خااصني؟؟
تاج: ياك قلتي عرق كايضرب فراسك إيوا هذا للي يصلااحلييك...
هبة: وااخا كايضرب عرق فراسي كاناخد دوليبران
تعصب بقا كايسووط: وكاتقضي فيك شي حاجة
حنات راسها: شششوية..
تااج: هبة الله يهدييك راه عامين دياال الطب عارف بلي هذا غايقضي على هاد الوجع دالراس للي كاتحسي بيه
شافت فيه مخرجة عينيها: عامين ديال الطب؟؟
تااج بحدة: واش غانباتو هنا؟ خودي شربي ومن بعد ندويو...
شاافت فالدوا ورجعاات شافت فييه: ب... بصراحة كبييرة ومانقدش نبلعها
تاج مصدوم: هااا....؟؟!! شاف فالحبة كايتأكد: هذي كبيرة؟؟!!
هبة: آه كانشرب غير الحاجة للي كادوب
تاج: علاش واش عندك شي مشكيل فعنقك؟؟
هبة: ماعرفتش... المهم الدوا ماكايدوزش
تاج: واخا حتى هذي كادوب غاندوبها ليك... رماها فالكااس دالما وحطها كايستناها دوب... وناض من حداها حاط يديه فجيابو كايمشي ويجي وهي غير كاتشوف فيه ومرة مرة كايشوف فيها... حتى وقف مقاابل معاها ونطق: د... دابا ماكاتقدريش تبلعي غير من الفووق يااك؟؟!
شافت فيه مصغرة عينيها: كييفااش؟؟!!
هز يدو كايحك على رااسوو: اممم.. زعما غير لفووق للي عندك مشكل.. يعني غير من الفم...
هبة: مافهمتش..
تااج: حتى أنا ماافهمتش... زعما ماكان حتى بلااصة فييها المشكل من غيير فمك... حيت كاينين شي حواايج كباار باغيين يدخلو من بلاايص أخرى وو...
هي غير كاتشوف مستعربة من هدرتو مافهماات والوو: بحالاش هاد لحوايج؟؟
شاف فييها: والوو والوو... غير كااندوي... شربي الدواا راه دااب شربي...
شافت فالكاس هزاتو كاتشربو وهو كايتمتم تحت سناانو: يااربي يكون المشكل غير لفووق... ياربي..
هز التيلي ديالو كايتااصل بشي حد وشااف فييها: هانا غير حداك لهيه ماتخاافيش واخا؟؟
ضارت تشوف فين كاينعتلها لقات صالون آخور بالسداادر كايباان وشافت فيه: واخا ماشي مشكيل..
مشا وهو كايصيفط ميسااج فالتيلي حطو حدااه وشعل التلفاازة للي مقابلة معاه... تكا مسرح رجايه فوق السدااري حاط وسادة على ركاابيه هز التيليطوموند وقلب كايتفرج فوااحد المااتش... ومرة مرة كايشووف فييها... كان منداامج حتى صونا البااب... بقات كاتشوف فيه وهو عينو فالتلفازة وترجع تشوف فالبااب... تحركات فبلااصتها نايضة تحل... شافها ونقص للتلفاازة: فين غاادة؟؟
صارت شاافت فيه: البااب...
نااض غير سيري تجلسي أنا نحل...
يالله ضارت وهو ينطق: ماشي تما سيري فين كنت أنا جاالس... حنات راسها ومشات فين قالها وهو حل البااب خدا دوك الساشياات ودخل توجه لعندها.. غاندخل للكوزينة تمشي معايا؟؟
نااضت: آه نمشي معااك... مشا وهي تبعااتو... دخلو مع البااب لكبير دالكوزينة كاتشوف فالبووطاجي للي مضور على الطريقة التركية... وكللو خشب وزاييج... وبلاكارات مصاوبين بشكل رااقي... هو واخا أول مرة يدخلها ماتسوقلهاش أما هي غير حالة فمها... حط داك الشي فوق البووطاجي... وهز وااحد الطابلية بيضة لبسها خلاها مستغربة... عضات على شفاايفها كاتشوف فييه شهاها فييه.. ضار شاف فيها مبتااسم: أجي تجلسي...
تمشات حداه وجلسات على واحد الكرسي تما وهو كايجبد من الميكاات ويحط فالصحن يغسل ويقطع.. ساف فيها: كايعجبك اللحم ولا الدجااج؟
هبة: الدجااج...
تااج: أمم مزياان
جبد صدر الدجااج غسلو مزياان ونقااه وحطو على القطاعة قطعو بطريقة محتاارفة... دارو فالمقلة كايتقلى وهي غير حالة فمها فييه قطع لبصلة رماها علييه ورما عليها الزبييب..