🔥لهيب الهوس 🔥( مكتملة)

part90

بسمة ناعمة
البارت 90: حط يدو على يدها: هبة ماالك؟؟
شاافت فيه بتوثر: آه...؟؟!! لا والووو...
تاج: وعلااش ماكاتاكليش؟؟
هبة: م.. مافيااش...
بقا كايشوف فيها مستغرب وهي سااهية.. تفكيرها كللو فشعرها... غايشوفو.. أكيد راه غايبغي يشوفو.. زعما غاايتقلق إلى لقا لونو تبدل؟؟ تسعين فالمياا يتقلق.. هو بفمو قاالها لوون شعرك متميز... وراه بااين مااشي من النووع للي كايبغي هاد الصباايغ والزوااقاات... اللون جاها مع وجهها بززاف.. ولكن هااد الشي مااغايشفعلهااش... ديك الليلة مللي صبغااتو جااها الأمر عادي.. ولمن كل مااقرب الوقت للي ممكن يشوفو فيه كااتخاف.. فكرات تقولهالو هنا على الطبلة.. ولكن خاافتو يجعر ويفضحها... غمضاات عينيها داايراها فيد الله.. تنهد: نطلعو بااش ترتااحي؟
شاافت فيه محركة رااسها.. أصلا عياات وزاايدون للي ليها ليها... نااضو من بلااصتهوم عتااذرو وطلعو معنقها جنب... دخلو للبيت.. شاف فيها: غاندخل ندوش...
حركاات رااسها: وااخا..
خلاها ومشا دخل.. وهي تحركاات بتثااقل حدا لمرااية.. بقاات واقفة... وشوية حايداات الزيف... كاتشوف فشعرها.. كان ممشووط ومقااد... سااطت كااتخاايد المقبض.. طلقااتو على طوولتو... بصح جااها زوين.. ولكن والله حتى ندماات حيت صبغااتو... كانت موالفة كااتبدلو اللون مرة مرة.. ولكن ماعمرو تبدل لهااد الدرجة كايتلون غير شوية.. حسااتو شااد معاها العكس... هزات مشطة كاادوز عليه بالشوية ساهية.. حتى حساات بزغبة منو تجبدات بالجهد.. غمضاات عينيها متألمة.. شادة ففروة رااسها... ضاارت لعندو كاتشووف فيه مخنزر عينيه حمرين... حركات يدها بالشوية حطاتها على يدو كااتحاول تفلت شعرها مابين صبااعو.. وكل مرة تغمض عينييها مقصحة حتى دمعو عينييها.. نطقاات: ع.. عفااك طلق مني قصحتينني؟؟
طلق منها كايشوف فالزغباات للي لصقو فيدو.. ورجع طلع عينو شااف فيها هي للي كااترعد فبلااصتها: شششنو هااد الشيي؟؟!!
سرطاات ريقها: م.. ماكنتش عاارفة... غا.. يتبدل هااكا....
قااطعها صااعر: علااش قستييه؟؟ علااش...؟؟ شنو السبب...؟!!
بقاات سااكتة.. كااترجع شعرها ورا وذنيها وهو حااضييها كايستناها تجااوب.. كايترعد كثر منها... فكرة أنها بدلاات اللون للي كان كاايريح قلبو.. ويمتع عيوونو... مااتقبلش فكرة أنهاا قااست شعرو.. آه بالنسبة ليه هو هذااك شعروو... اي حااجة فيها رااها ديالو وكااتخصو.. جلساات فووق الكرسي للي حدا لمرااية... مابقااش عندها الجهد بااش تووقف... عض على لساانو محني لعندها وشد شعرها مرة أخرى فيدو كاايركز فيه الشووفة: باش صبغتيه؟؟ شنو درتيليه..؟؟!! وإمتا صبغتيه؟؟!!
هبة: م.. مانويتوش يرجع هااكا... والله... اهيء اهيء.. غير مواد طبيعية... و.. اهيء اهيء... مايحصاابش لياا غاتقلق.. سمحلي..  عفااك.. اهيء اهيء... إلى بغيتي نعااود نصبغوو و.. اهيء اهيء.. نرجعو كيف كاان...اهيء اهيء...
حط يدو على رااسو كاايحااول يتهدن.. بقاات فيه مابغاهاش تبكي وحسها ندماات... بعد عليها كايمشي ويجي فالبييت: صافي نووضي.. ماتبكيش... مسحي دمووعك... شااف فيها: قلتليك سكتي.. صاافي ماابقيتش مقلق..
طلعات رااسها كااتشوف فييه: نصبغو؟؟!!
حرك راسو راافض الفكرة تماما: لاا ماتصبغيهش.. مابغيتش صبااغة بغيت لونو الطبيعي...
هبة: و.. وشنو المعموول؟؟
تااج:مداام مواد طبيعية دغياا غاتزول... نوضي أجي جلسي هناا..
نااضت حاانية رااسها للأرض.. جلساات على النااموسية وهو بقا واقف خاشي يديه فجيابو كاايشوف فيها.. تحرك بتثااقل جلس حداها.. شدها من يدها حطها على شفاايفو... بااسها مطول: أنا كاانبغي كلشي طبيعي.. ماكانبغيش ديك قوة الماكيااج.. دوك ليلوونتي ولعرا وتلصااق الصدر والصباايغ.. وتقطااع الشعر.. وزيادة الشفاار... واش نتي شفتيني صبغتي ضفاارك وجعرت نضتي صبغتي كااع شعرك؟؟
عضات على شفاايفها مفكرة: ن.. نسييت
تااج: إيوا هاانا فكرتك... هبة مااخديتش منك موقف هااد المرة وصبرت رااسي بزز حييت ماسبقليش نبهتك... وحييت هذاا نهاارنا أنا ويااك... هذا علااش غاندوزهااليك..
شافت فيه مبتااسمة بتعب: هبة رااه تعلقي بيك سبابو الرئيسي هو كونك طبيعية... انا عشت حياتي كااملة بين الصبايغ وعملياات التجمييل... كانعيف دااك التخربيق ماكانحملووش.. كانتمنى ديري بهدرتي وتكون هذي آخر مرة نطيحو فهااد الموقف...
طلعلها رااسها بصبااعو ونطق بابتساامة: فهمتي أمرااتي؟؟
ابتااسمات بخجل: آه فهمت...
تااج: يالله سيري دوشي بااش ترتااحي..
نااضت من بلااصتها وهو متبعلها العيين.. ورجع تكا فوق الفراش كايشوف فالسقف...
دااز الوقت بالليل... كانت متكية فبلااصتها مغمضة عينيها حااسة بالعياا.. وهو كايدوز يديه على خصلاات شعرها... كان مطلووق وبااقي فاازك... تنهد ونطق: ماكنتش عاارف بللي كاايعجبك تصبغي شعرك؟؟ وااش حااسة بللي حاارمك من شي حااجة؟؟
ضارت لعندو بابتساامة: لاا.. أنا مااشي من النوع دياال الصباايغ وكثرة الزوااق.. غير مرة مرة كانبغي نبدل وصاافي..
تااج:  إمتا صبغتييه؟؟
هبة: دااك النهاار للي بتنا فدار غزلاان هي كانت غاتصبغ شعرها وحتى أنا صبغت.. ماكنتش أصلا نااوية..
تااج: أمممم... يعني ماشي نتي للي قاديتي الصبااغة؟؟
هبة: لا مااشي أناا...
تااج: وشكوون قاالك بللي المواد للي فالخلطة كلهوم طبيعيين؟؟
صغرات عينيها باستغرااب: غزلاان للي قالتهالي...
حرك راسو متفهم: غدا عاودي سوليها وتأكدي..
هبة بتسااءل: علااش؟؟!!
جلس وجبد البيسي عندو حللو كاايجاوب على إيميلاات ديال الخدمة وحتى هي نااضت جلساات كااتشوف فيه بفضول: ماجاوبتينيش علااش نسولها؟؟
شااف فييها بجدية: هبة أنا بصح مابغيتكش تبدلي اللون دياال شعرك.. ولكن هذيك العصبية كااملة مااشي هذا هو السبب دياالها..
هبة: وشنو السبب؟؟
تااج: واش فنظرك مواد طبيعية عشوب ولا مااعرفت شنو.. غايبدلو اللون لديك الدرجة كااع.. ومن أول إستعماال؟؟ شوفي أناا فاللول قلت نتي للي كااتكذبي عليا بااش مانزيدش نتعصب.. ومللي شفتك خاايفة مابغيتش نزيد نأثر علييك... صااحبتك زاادت شي ماادة بااش تبدلك اللون لديك الدرجة...
شاافت فالأرض كااتفكر: شنو غاتكون زاادت؟؟
هو رجع كايطابي فالبيسي ديالو: كيف ماكان هااد الزمر للي زادت غايكون خطير ومامزياانش لا لشعرك ولاا لصحتك.. وهاد الشي للي جعرني..
شافت فيه ورجعاات شاافت فالأرض كاتفكر مصدوومة... وهو بقا خداام حتى ساللا وشد البيسي حطو.. وشاف فيها لقاها كااتلعب فالتيلي ديالها.. قرب لعندها حاايدولها بالشوية من يدها حطو: داابا وقت النعااس..
سرطات ريقها كااتشوف فيه وتمتم: ش.. ش.. غانعسو؟؟
تااج: آه غاانعسو بغيتينا نبااتو فايقين رااه فاات الوقت...
حركاات راسها كااضور فعينيها وهو غير حااضيها.. تكا فبلااصتو على ظهروو..
وجبدها تكاها على صدرو: ماانكذبش علييك مصبر رالسي بزز... ويلا بغيتي الصرااحة رغبتي تضااعفات مللي رجعتي مرااتي داابا... ولكن ماتنساايش رااه وااعدتك.. وأنا إلى وااعدت مستحييل نخلف..
ابتااسمات بارتيااح وتقاادات فنعستها معنقااه.. وهو سااط بنفااد صبر ورفع راسو للسما كاايطلب من الله يزيد يضااعف صبروو..
........
بقاات كااضور فالبيت تمشي وتجي متوثرة وصوت الرشاش مسمووع فالدووش.. قرباات للمرااية.. حايداات البونضة من شعرها وطلقااتو معصبة... كارهة تجمع معاه فنفس البييت... بقات كاتشوف فشعرها للي صفاار حتى هو... ماعجبهاش اللون.. سااطت مكرهة... أصلا العدو ديال البنت هو يخرج اللون دشعرها عكس اللون للي كانت متخيلااه... وحتى هي هاكاك.. خصوصا أن حتى وحدة من لبناات مااشكرااتولها حيت ماجاش مع وجهها... ضارت جهة صووت البااب للي تحل... خرجات عينيها كاتشوف فييه خاارج من الدوش لااوي فوطة على نصوو.. ومن الفوق عرياان كاايشووف فيها. دغيا ضوراات وجهها كاتسب فخااطرها.. ابتااسم بجنب: مابيناتناش راه رجعنا وااحد
نطقات بعصبية وهي عاطياه بالظهر: لبس دغيا مابغيتش نشووفك عرياان..
تاجه للماريو للي حداه: طلبي الله نلقا شي حااجة دياال الدرااري هنا.. ولا غااضطري تبقااي معايا الليل كاامل وأنا هااكاك...
بقات سااكتة غير كاضور فعينيها... وهو كمل كلاامو: اصلا حتى نتي غااتبااتي هااكا... ماكان علاش نلبسو وحنا خاصنا نخدمو عرياانين...
كمشاات حوااجبها معصبة كاتحس بيه كايستاافزها... ضارت كاتشوف فيه كان عااطيها بالظهر كاايقلب فالماريو... زادت لعندو بخطواات سريعة ضرباات فدرااغو بكل قوتها.. شااف فييها مصغر عينيه.. لقاها مااتشوف فيه بقسوة عينيها حمرين.. جامي شافها بهااد الحاالة: شنو كاايحصتابليك رااسك نتا؟؟ مزوج بيا بلا ماتشااور معاايا.. وماخلليتينيش نمشي لداارنا.. ومبزز علسا نباات معاك فبيت وااحد..؟؟
جاوبها ببرود: المشة دياالي خرجاات نياابها... تخطااها هااز تيشورط وتوني: حتى نتي كانت عندك مصلحة فهااد الزوااج..
غزلان باستغراب: كيفاش حتى نتي؟؟ ونتا شنو هي المصلحة للي عندك؟؟
لبس التيشوورط وهو كايشوف فيها: كاتعجبيني.. وكاتعجبي لوليديا.. وتزوجت بييك...
سرطات ريقها كاتحااول تحكم فأعصاابها: واش فنظرك هادو اسباب كاافية باش يخلليوك تزوج بيا؟؟
بنفس البرود: آه.. نتزوج نتزوج.. والواليدة مزيراني هااد العاام... قلت ماغانلقاش حسن منك...
غمضاات عينيها مزيرة على قبضة يدها.. ابتااسمات بعصبية: آه قلتي هاد لهبيلة هي للي تصلااح.. نتزوج بيها باش نسكت وليديا وأنا ندير ماابغيت على بررا يااك...؟؟!!
طلع حااجبو: إلى عندك شي سؤاال ولا شي شك.. جيني نيشاان ونجااوبك... غير للي بغيتك تعرفيه.. أناا ماكاندير حتى حااجة على بررا... مادرتش حتى مللي كنت ديال رااسي غااندير دابا مللي تزوجت...
سكتات كاتفكر فداك الشي للي شاافت عندو فالمكتب... ورجعات شاافت فيه: عرفتي نقوولك... أنا ماكااتهمنيش.. وماسوقيش فالسبب للي تزوجتي بيا على قبلو... غانشوف مصلااحتي... بسباابك غانمشي مع صحاباتي ونبني مستقبلي على بررا...
شهقاات مضورة رااسها مللي حايد الفوطة على غفلة كايلبس فالتوني: يخخخ... ماكتحشمش..
فاارس: مالكي تخلعتي؟؟ بغيتي تمشي مع صحاباتك وتبني مستقبلك على ظهري وأنا نبقا جاالس كانتفرج بنتلك حمار بالودنين؟؟
بقات ساكتة عاطياه بالظهر حتى نطق مرة أخرى: مزيان مللي صبغتي شعرك.. عرفتي كنت كاانغير عليم حيت اللون ديالو كان كاايجيك زوين... لدرجة كنت غانفرض عليك الزيف.. ولكن دابا مللي صبغتيه حسن... ماجيتيش زوينة... على الأقل وااحد الشهر غاتبقااي هااكا... وأنا غانبقا مرتااح...
غمضاات عينيها كااتصبر فرااسها.. بايناالها تنتف رااسها بااش ترتااح... كايستاافزها ببرودو القااتل...
فاارس: زيدي تنعسي ولا ناوية تبقااي عااطيااني بالظهر الليل كاامل...؟؟
ضارت لعندو لقااتو متكي فوق النااموسية وااخد رااحتو: فين غاننعس؟؟ وااش حداااك؟؟ هههه.. مستحيل..
فاارس: أهاه.. وفين ناوية تنعسي..؟؟
ضورات عينيها فالبيت: غاننعس هنا فوق هاد الفوتوي...
دار يدو تحت رااسو: كااتحلمي...
حركات كتافها باللا مبالاة وزادت غادية جهة الفوتوي حتى وقفها بصووتو: كانقسمليك بالله وتحطي خر*تك.. تماا حتى نفدي فيك كلشي.. وداك الشي لي صاابر وناوي نأجلو غاانفدو اليووم...
شاافت فيه: ش.. شناهو...؟؟!!
فاارس: حقي... حقوقي الزوجية...
عضات على شناافتها ورجعات اللور وقفاات...
فارس: بااتي وااقفة مايهمنيش... مللي تعياي أجي تنعسي.. ويلا نعستي فشي بلااصة من غير هناا.. غااندير للي فراسي.. وراني حاالف وأنا ماكانحنتش
كانت جالسة كااتشوف فالأرض حشماانة وهو وااقف مقاابل معاها مبتااسم: خلليتيني نحسد ديك الزربية للي من قبايلة ونتي كاتشوفي فيها...
عضات على شفاايفها كارزة بيديها على لفرااش... وهو زاد بخطواات ثقاال حتى جلس حداها وهزلها رااسها كاتشوف فيه: منين جااتك هاد الحشمة أمريم؟؟ زعما راه كانعرفو بعضيااتنا من قبل... شوفي فياا.. ماقلتيش ليا.. باش كاتحسي وااش فرحاانة؟؟
حركاات راسها ونطقاات بهمس: آه فرحاانة بززااف...
ابتااسم: وماناويااش تحاايدي هااد الخرقة على رااسك؟؟
سرطات ريقها: هااه..؟؟!!
وديع: راك مرااتي داابا من حقي نشووف شعرك.. ونشووف كلشيي..
شاافت فيه دغياا يالله جات تنطق قااطعها: مااتخاافيش.. حنا مفااهمين.. فهااد السااعة بااغي نشووف غير شعرك...
مد يدو وعي تاابتة فبلااصتها خدودها غاينفااجرو بالحشمة.. حايدلها الزييف.. وهي غير كااضور فعينيها... دوز بيديه على شعرها لكحل.. وطلع لافغوننش للي نازلة على جبهتها مستغرب: واخا دايرة الزيف مهلية فيييه!!!
مريم: غ.. غير فالداار كاايعجبني نصاايبو..
وديع بإعجااب وااضح: زوين بززاف... ولافغونش جااتك مع وجهك.. مااشاء الله..
حرك يدو حايدلها المقبض حتى تطلق على ظهرها.. واصل للنص فييه.. صفر بإعجااب: أنا للي وااخد الزيين... قرب وجهو ليها خلاها كااترعد باسها فشفاايفها: حبيبتي كاملة مكمولة...
عضات على شناافتها كااتشابك صبااعها: الله يصبرني حتى للعرس...
نكقاات كاتمتم: مابقااش بززاف...
وديع: هااد الشهر للي بااقي ماقاادرش نصبر حتى يووصل...
مريم: شهر دغيا يدووز...
وديع: وااخلليني غير نسرح الطريق بيلاما وصل الشهر ندوز نيشاان..
حاات وااقفة مخلووعة: غاا.. نننننمشي ندوش..
تسلتاات من قداموو خلاتو حااضيها مبتااسم... حتى دخلاات للحمام وهو تكا بسبرديلتو: أوووففف.. كان عندي الحق مللي قلت بللي دااك الشي للي حسيت بيه جهة يسرى مااشي حب... حط يدو على قلبو: هذا هو الحب... قلبي متأكد بللي هذا هو الخب..
سدات عليها باب الحمام من بعد ماسمعات شنو قاال وتكات عليه بظهرها مغمضة عينيها: حتى أنا كنت عارفة بللي حامي حسيت بالحب لا مع أيمن ولا مع غيرو حتى شفتك وعرفتك...
......
خرجات من الحماام لابسة بيجاامة قصيرة حد الركبة طاالقة شعرها الفاازك كاتنشفو... طلعات راسها كاتشوف فيه وااقف.. محايد حوايجو الفووق بتفي غير بالسروال.. بقات سااهية فيه حتى شافتو كايقرب لعندها بالشوية.. خرجات عينيها هزات صبعها جهتو: ححححح..
صغر عينيه: ححح... شنو ن*ويك؟؟
سرطات ريقها: حدك تما... م.. ما.. تققققق
اشرف: ههههه... غاتباتي كاتقااقي تما
بدات كاتدمع: اهيء اهيء.. حرام عليك... شفتيني بوحدي حكرتي عليا.. ياك الغداار كنا متفااهمين حتى للعرس... اهيء اهيء.. والعرس بقااتليه شهر.. اهيء اهيء...
خرج عينيه: وأنا شنو درتليك؟؟
شاافت فيه كاتمسح خنااينها: كاتتت.. كاتقرب.. ومحاايد حواايجك معول..
انفااجر بالضحك: لا نتي بااينة الأسرة مععااك كيف غااتطلع.. هههه... راه غانمشي ندوش... هههه... داز  فيها مخلليها متبعاالو العين مخلووعة
حلات عينيها على شي لمساات حنينة فقداامها... تخطفاات دغيا جات جالسة هبطات رااسها لتحت لقااتو كاايصااوبلها خلخاال ذهبي رقييق جدااب وزوين بززاف فرجلها... حلاات فمها مصدوومة.. نطقاات: تااااج...؟؟!! شنو كاادير؟؟!
طلع رااسو كاايشوف فييها: كاانكمل الطااقم...
هبة: ش.. شنوو...؟؟!!
نااض جلس حدااها.. بااسها فووق وذنها وجبد حلقة بنفس الستيل دالخلخاال ركبهاالها.. وهي غير حالة فمها متبعااه.. ضورلها وجهها ركبلها الحلااقة لوخرى وباسها فوذنها الثاانية... هز يدها بااسها خرجات عينيها فالخااتم والسااعة للي من نفس الستيل... رجعلها شعرها من الجهة الأخرى.. وجبد سنسلة رقيقة حتى هي من نفس الطااقم... داارهالها وبلا وعي منها ضاارت مخليااه يسدهاالها.. وعينيها كاايخرجو منهوم لقلووبة.. مللي سالا باسها فعنقها... شدات السنسلة بيدها... وهو قرب لعند وذنيها: بصحتك...
شافت فيه عينيها حمرين: زوييينين.. بززاف... كاايحمقوو.. ههههه... شكرا بززاف... عجبوني...
باسها فخدها: تستااهلي... هذا كاادو بسيط تستااهليه وتستااهلي كثر منو
هبة: هههه... كاادو بلا منااسبة.. هههه... حتى وحدة فهاد العاالم ماعندها الزهر بحاالي...
تااج: علااه كااين شي منااسبة حسن من زوااجنا...
......
فالطبلة دالفطور جالسين كوثر ومريم كاايفطرو... شافو فبعضيااتهوم.. نطقات كوثر: أنا هربت حيت خفت يشدني على الصبااح.. ونتي؟؟
مريم وهي كاتشرب من كاسها دالعصير: أنا خليتو كايدوش فقت قبلووو.. وخليتو تما..
كوثر: اممم... ماعرفت كيفاش غانديرو نوجدو للعرس وحنا غانمشيو لفرنساا..؟؟
مريم: ياك هما قالولنا غاايتكلفو
كوثر: واخا هاكاك راه كاينين شي حوايج مايفهمووش فيهوم..
مريم: إيوا راه لفلوس عند وليدينا ماما وماماك غايعرفو يشريو...
كوثر: آه... شاافت جهة الدروج: هبة وغزلاان ماباانوش..
مريم: غايكونو باقيين ناعسين.. هبة كاتبات سهراانة هي وتااج... لوخرى للي ماعرفت كيف داازت ليلتها
كوثر: الله أعلم.. حنا كاع مستقبلنا بااين ومفااهمين علييه.. غير هي وفاارس للي مااعرفتش شنوو غاايووقع..
مريم: الله أعلم نتمنااو خيير...
كوثر: آمين...
سمعو الحس فالدروج... بانتلهوم هبة نازلة مبتااسمة... صبحات عليهوم وجلساات مقابلة معاهوم...
كوثر: صبحتي منورة...
هبة: الحمدلله... حتى نتوما صبحتو منورين..
مريم: الله يخللينا ديما هااكا..
كوثر وهبة: آميين....
نزلات غزلاان جلساات وجبدات لعندها الطبسيل كاتاكل وتشرب فالعصير وهما غير حاضيينها كاتاكل مخنزرة.. ختى نطقات: يخخخ... سيمانة ماكليتش بسباابو ماعمرها سرااتلي حتى فالإمتحاان ديال البااك...
هبة: هههههه... غير بالشوية عليك.. للش يشوفك مايقولش عرووسة وهذي أول ليلة ليها..
شاافت فيها: بانتلك حاالتي ديالل عرووسة؟؟
هبة: راه هاد الشي للي قلت... ههههع... وزاد عليك هااد الشعر جيتي بحال شي كباالة...
كوثر: هههههه.. خلليها عليك راه للي فيها كافيها...
هبة: زعما هادو غير مواد طبيعية للي درتي... حيت شعري حتى انا دغيا تبدل..
غزلان: آه.. زدت معاهوم غير واحد القريعة ديال الأكسجين..
هبة خرجاات عينيها: شنووو...؟؟
كوثر: راه فيه المرض ازمر غير طلسي
غزلاان: وراه كنت معصبة...
هبة: نتي معصبة وأنا تخرجي عليا
غزلاان: ياك ماغوت عليك...؟؟
هبة: راه هو للي قالي بللي هادو ماشي غير مواد طبيعية وشي حااجة زاايدة..
غزلاان: نااري ماكايفلت حتى حااجة
مريم: أنا بعدا مابقيتش كانتصدم فيه..
كوثر: حتى أناا...
........
بقاو كايفطرو ويهضرو حتى نزل تااج مدوش ومبدل.. لابس السبور خلا هبة غير كاطلع وتنزل فييه... قال السلاام من بعيد وجلس حداها عينو علييها.. هز كااس دالقهوة جغم منو وحطو.. هز الجريدة من حدااه كايقرا فيها.. حتى نزل أشرف جلس حدا كوثر.. شاف فيها كاايضحك وهي غير شافتو ضحك تفكرات ليلة الباارح مللي كانت كاتبكي وتقولو ماتقربش.
وهو غادي للحمام... تزنكات مارضااتش وخنزراات فييه... نزل فارس أو وديع.. للي جلس حدا مريم وهمس فوذنها: صبااح النوور مولات لافغوونش.. ابتااسمات وهي كاتشوزف فطبسيلها... أما فاارس جلس حدا غزلاان للي مابغااتش تشوف فييه... هضر بطنز: صبااح الخيير... خلليتيني نااعس وسلتي...
شاافت فيه بنص عين سااطت بالجهد ورجعاات شاافت فطبسيلها كااتااكل بعصبية.. حتى نطق مرة أخرى: مال راس لكباالة معصبة؟؟
ضرباات ديك الفورشييط مع الطبسيل بكل جهدها خلات كلشي يضور يشوف فييها.. نااضت وشاافت فيهوم عينيها حمرين: س.. سمحولي بصحتكوووم..
طلعات الفووق وهو سااط ندماان يالله نااض باغي يتبعها حتى وقفو تااج للي كان حااضيهوم حااط صبعو ففمو: فاارس؟؟
شااف فيه: نعاام...
نااض حتى هو: أجي معاايا..
زاد خاارج وهو بقا واقف كايشوف فالدروج شوية وتبعو.. واخا تااج صغر منو كايحتاارمو... لقاه جاالس فوق الكرسي متكي بيديه على الطبلة.. قرب وجلس حدااه... طلع رااسو كاايشوف فييه.. ونطق: شنو وااقع...؟؟!!
فاارس: كيفااش؟؟!!
تااج: فاارس أنا عارف بللي ماعنديش الوقت نتدخل فحيااتك.. وفنفس الوقت عاارفني بللي عدويا فدوك التصرفاات المبرهشة..
فاارس: ماافهمتش..
تااج: لاا راك فاهمني مزياان... سكت شوية مخلليه كايفكر وعاد كمل كلاامو: نتا ماكنتيش كاتفكر فالزوااج ولا حتى فالعلااقات... ونهاار تزوجتي.. يعني راك حبيتي وبغيتي من قلبك...
يالله جا ينطق قااطعو هااز سدو على شكل سطووب: خلليني نكمل... نتا كاتبغي هذيك البنت.. ولكن الطريقة باش تزوجتي بيها مااتقبلها حتى وحدة.. بلا شوارها وبلاا ماتطلب الإذن منهاا... هذيك ماشي آلة ولا لعبة.. وباش كملتيها فعوض ماتجلس معاها وتشرحلها بالتفصيل وتعتااذر... ويلا كان شي سوء تفااهم تحللو... زايد كاتعقد فالأمور وكاتشتاافزها بتصرفااتك الصبياانية..
فاارس: م.. ماقصدتش..
تااج نااض من بلااصتو: أنا غير نصحتك.. ودير فراسك بللي ديك البنت إلى بغات لفرااق غانكون انا أول وااحد يووقف فصفها...
مشا وخلااه غير كايضور فعينيه.. بحااليلا كان فشي غيبووبة وتااج عطااه تصرفيقة وفيقو منها... فعلا هو غلط فحقها... وزاايد فيه عاد... سرط ريقو: آشمن فرااق؟؟ لاا مايمكنش....
ناض من بلااصتو بسرعة تاابعو.. يالله دخل لقااه جاالس وهي جاالسة حدااه... قرب ووقف فبلااصة مابااينااش كاايتصنت لهوم: س.. سمحلي ماالقيت شكون يعااوني من غييرك
تااج: خودي رااحتك...
غزلان: ب.. بصرااحة مابقيتش بغيت نجلس معاه فبيت وااحد... و
تااج: و.. شنوو...؟؟!!
غزلاان: صاافي هااد الشي للي كااين...
تااج: خودي رااحتك.. ماغايبززش عليك تجلسي معاه فبيت وااحد... تقدري تنغسي فين بغيتي.. على الأقل غير حتى تمشيو لفرنساا
غزلاان: ح.. ختى تماا... م...
تااج: من هنا لتما ربي تماا... يالله نخلليك..
ناض وشاف فيها.. وآخر مرة تعطي من صبااغتك لهبة..خلاها جاالسة فبلااصتها كاترعد حااسة بحااليلا كاانت فشي مقاابلة عمل... فارس وااقف مايشوف فيها صدرو كاايطلع وينزل... تااج داز خدا هبة كانت باقية جالسة فالطبلة دالفطور باسها فخدها: عندي شي شغل دغيا غانرجع