بسمة ناعمة
البارت 131: تنثرات منو.... ورجعات اللور كاتماصي كتفهاا: هاد الطريقة العنيفة للي كاتعااملني بيها كاتزيد تكرهني فيك...
ابتااسم بفقصة: يااك..؟؟ ومازال زايدة فيه...؟؟ أووو... زعما برافو...
هبة: التصااور ماشي حقيقة هذي فهمناها... والعقد حتى هو مزور يااك..؟؟ ولكن الفرق هو أن التصااور قادهوم عصاام.. اما داك العقد نتا للي قاديتيه
قبل ماتسالي هدرتها دفع الطبلة برجلو طيحها: ماتذكريش سميتو قداامي... والعقد لو كان عطيتيني فرصة نكون شرحتليك كلشي بالتفصيل...
هبة: يمكن لو كان نتا عطيتيني فرصة ديك الليلة.. نكون عطيتك حتى انا فرصة.. ولكن علمتيني نحكم عليك قبل مانسمعليك..
تااج: هذيك الليلة كنت...
هزات يدها مغمضة عينيها كارهة تسمع: ماتدويش عليها... هذيك الليلة بالضبط ماباغية نسمع عليها حتى حاجة...
حرك رااسو: واخا.. صافي ماغاندويش على هذيك الليلة.. دابا جلسي وسمعي عندي بززاف مانقوليك...
جلساات على السرير فااشلة... وهو جلس مقاابل معاها كايشوف فيها: زوااجي من جوليا كان مزور... واضطريت نديرو بااش نطيحها هي وباها فالفخ.. قبل مااينفدو الإنفجار...
هبة وهي كاتسوف فالأرض: وعلاش ماكانتش فخبااري..؟؟ آه.. ولا داك النهار كنت كاتشوفني بحال شي وحدة موسخة... اصلا نتا مللي فقدتي الذاكرة وشفتيني قبلت ننعس معاك فنفس لفراش حسبتيني ما عندي أصل...
غوت عليها مقااطعها: سدي فمك... ماعمرني حسبتك وحدة ماكاتسوااش.. حتى وأنا نااسي كانت عندك قيمة غاالية عندي... وكنت ديما كانستغرب.. علااش ماكاننعسش إلى ماكنتيش حداايا...؟؟ وكيفااش ننعس ونفيق ونلقا راسي كانموت فوحدة غريبة علياا... وكنت كانفكر تتزوج بييك... كنتي بالنسبة ليا نتي هي كل شي..
هبة: هاد الشي علااش.. فديك الليلة قبل حتى ماتسمعني اتاهمتيني فشرفي... وماخلليتي ماقلتي عليا... (غلبوها دموعها وسكتاات كاتبكي) تنهد ونطق: ماقدرتش نتحكم فاعصابي الغضب ديالي سيطر علياا... م..
قاطعاتو بصوت مرتاافع: واش سولتيني علل الماضي ديالي شي نهاار بعد مافقدتي ذاكرتك...؟؟ واش كانت عندك فكرة على حياتي الساابقة...؟؟ على الأقل كان عليك تتهدن وتجلس تسولني.. ويلا ماقنعتكش من حقك تغوت...
تااج: الغيرة كانت قوا مني..
قاطعاتو مرة اخرى كاتمسح فدمووعها: صاافي.. ماايهمش.. مابقيتش بغيت ندوي فهااد الموضوع..
تااج: وماغاتسولينيش علااش درت تمثيلية الزوااج؟؟
هبة: راك قلتي علاش..؟؟ وحتى لب
تكا بيدو على وجهو: ولكن كاينة واحد الحاجة للي ماعارفها حتى واحد..
صغرات عينيها: شنااهي...؟؟!!
سكت شوية كاايمااصي رااسو: انا خدام مع المخابرات الدولية... هذي خدمتي وبديت فيها هذي سينين طويلة بززااف...
ابتااسمات بصدمة.. او وقفاات من بلااصتها: بلااتي بلااتي...؟؟ بغيتي تقول بوليسي...؟؟ لا ماشي بوليسي..؟؟ بغيتي تقول....
حطات يدها على راسها كاترعد وشافت فيه وغوتاات: شنوو بغيتي تقول فهمني...؟؟ شناهي هااد المخاابرات؟؟
يالله جا يحل فمو.. قاطعاتو: صافي صاافي ماتقولش.. مابغيتش نعرف... يكفي اني نفهم بللي راجلي كان مخبي عليا سر كبير بحاال هذا.. وبلا حشمة وبلا حيا كايقوول بللي أنا مرااتو... (سكتاات شوية كااتفكر خرجات عينيها وشاافت فيه): هادوك للي خطفووني.... يعني.. هاد الشي عندو علاقة بخدمتك يااك...؟؟ هما خطفوني بسباابك ياااك...؟؟ وانا كنت كانجيب الليل كاامل كانتعذب حيت كانقول أنا السبااب حتى فقدتي الذاكرة...
ناض مقرب لعندها يالله جا يحط يدو عليها قفزات مبعدة: واخا ماتكونش كاتبغيني وماتكون كاتحس بوالو جيهتي... على الأقل غير بصفتي مرااتك.. كان عليك تصاارحني... كاان خااصني نعرف طبيعة خدمة رااجلي.. كان خااصني نعرف بللي انا غانكون ديما فخطار كان خاصك تقولي كلشي وتخلليني نختاار واش نقدر نكمل معاك ولا لا... واش نقبل تبقى فهااد الخدمة ولا لا...
غوت: مستحيل نخلليك تختاري تبعدي عليا.. نتي عارفة هااد الشي...
شافت فيه مخنزرة وعينيها حمرين: آه عارفة.. عارفة بللي نتا انااني وكايهمك غير رااسك.. وللي بغيتيها هي للي تكون... هبة غير واحد الحمقة.. هبيلة خااصها تعيش معاك كيف بااغي نتا.. وحيااتك الخاصة ماليهاش دخل فيها... إلى تعرضاات للخطف ولا للقتل كااع ماكايهمش... هي غير حمقة ماليهاش اهمية...
دموعها هابطين.. وهي كاتبكي وتدوي.. حسات بالشمتة.. اهم سر عندو ماقالولهااش.. حاسبها غريبة..
بقا واقف كايشووف يا لله حس بالغلااط للي دارو.. هي مرااتو وماخاصش يكون بيناتهوم أسراار.. ماينكرش بللي تصرف بأناانية فاموضوع خاافها تهرب منو بسبااب خوفها.. وفضل يسكت...
هبة: لو كان كنت عارفة.. مللي نشوف العقد غاانعرف بللي عندو علاقة بخدمتك... وماكانش غاايوقع هااد الشي كاامل...
تااج: تهدني وسكتي من لبكاا... خلليني نقربلك.. ماغانآذيكش.. غير شافتو كايقرب.. هزات فااز وشيرات بيه جيهتو غير تحرك من بلااصتو داك الشي علااش ماقاصوش كاتدوي بالجهاالة: غااتآذيني ..؟؟!! اهيء اهيء.. كثر من هااكا يااك...؟؟!! مابقيتش كانخااف منك... ولليت كانكرهك... كاانكرهك... عرفتي السبااب للي خلا عصاام يدخل لحيااتي... نتا هو السبب.. نتاا... اهيء اهيء... نتا شباب كل دمعة وكل الم حسيت بيه من نهار عرفتك.. قلبي محروق على واليديا وخوتي وعائلتي.. ونتا السبااب نتا.. نتا مرييض بالأناانية...
تعصباات لدرجة مابقااتش عارفة رااسها آش كادير بدات كاتهز فالحواايج وترمي.. خرج عينيه مخلووع من حاالتها وفرمشة عين نقز وخشااها فحضنو مزير عليها.. عياات ترطاا باش تفلت كان حاكمها عندو حتى فشلاات وترخاات.. نطق بصوت مهموس عند وذنها: فحبك أنا أنااني... آه.. وباش مانخسركش مستااعد نكذب ونقتل وندير أي حاجة سوا مزياانة ولا خاايبة.. جرحتك وحطمتك... عارف وشاايف وكانعتاارف ونعتااذر.. ولكن ماغانفلتكش.. وماغانتفاارقش معاك... سمحيليا أهبة.. ولكن نتي ديالي.. و مستحيل نخلليك تبعدي... ماباغيش نخلعك.. ولكن راع نقدر نقتلك ونقتل راسي من وراك إلى مابقاش عندي أمل أنك تبقااي معاايا...
شهقات مخنوقة بالبكاا وهو زاد حضنها عندو... مخنزر كايشوف فنقطة وحدة...
حلات عينيها حاسة براسها كااضرها.. بقات لثواني كاتشووف فالسقف... تحركات بعيااء فوق الفوتوي.. وضارت كاتشوف فيه قداامها خاشي راسو فالبيسي خداام... تنهدات مللي تفكرات للي وقع قبل ماتفقد الوعي.. آخر حاجة عقلاات عليها هي مللي كان معنقها عندوو... عرفات بللي نعسات فحضنو وحطها غير تماا فالصاالون... قلبات وجهها مللي طلع راسو شاف فيها... سمعاتو هضر: شربي داك الكااس للي فوق الطبلة...
حركات عينيها كاتشووف فالكااس كان لونو صفر ماعرفاتو شنو هو... تأففاات بملل ورجعات تكاات حاطة يدها على رااسها ... حتى سمعاات صوتو مرة أخرى وبصراامة: شربي الكاااااس... هذاك دوا بلاش يفوتك وجع الرااس...
مدات يدها وهزاتو تقادات فالجلسة وشرباتو غير بزز... ماكاتحملش الدوا.. حطات الكااس وهي باقية قالبة وجهها عليه.... طلعات راسها كاتشوف قدامها حتى خرجاات عينيها فدوك الباليزاات للي مستفين حدااها... يالله ضورات راسها لعندو بالزربة حتى سبقها ونطق وهو خدام فالبيسي: عندنا الطيارة مع الربعة دالعشية... هادوك حواايجك.. شوفي إلى نااقصة شي حااجة..
ابتاسمات كاتحرك رااسها بصدمة: ياااك...؟؟!! ومعاامن تشااورتي؟؟
تااج: وعلاش نتشااور معاك ونتي غاتمشي غااتمشي بغيتي ولا كرهتي...
هبة: وشكون قالهاالك...؟؟ انا مابغيتش نرجع ونسكن فداارك...
تااج ببرود وهو بااقي خداام: هذيك داارك... ماتنساايش بللي لقصر مكتوب فسميتك...
حلات فمها متذكرة كانت ناسية هاد القضية... شافت فيه: فكرتيني... غانرجعوليك مابقيتش بغييتوو... وما...
قاطعها رافع صوتو شوية: هبة حبسي... مابغيتش نتنااقش فهاد الموضوع غاتمشي معاايا بزز منك... إلى باقية باغية تحاافظي على غروورك حافظي عليه... ولكن ماتحلميش نخلليك وراايا مرة اخرى.. وماغاتغيبيش على عينيا...
ناض: أنا خاارج نرجع نلقااك واجدة مابقاش بزاف.. جوج سواايع دغيا كاادوز... لغدا وااجد فالكووزينة... تغدااي.. نلقاك ساليتيه...
تخطاها وخرج وهي بقاات سااهية كاتفكر.. شوية بشوية بداات كاتبتااسم... توحشات لقصر وتوحشاات لبنات وتوحشاات العائلة كلها... نااضت من بلااصتها حاسة بالجووع مسيطر عليها... دخلات للكوزينة وحلاات فمها فالشهيوات للي موجد... وغير فالدار حتى حاجة مامشرية... وكلشي مجموع ومغسوول... تنهدات وجلساات على الكرسي بداك كاتااكل....
: دازت ساعة ونص.. كانت واقفة حدا لمرااية... هازة غوجاليف غووز فلوون اللبسة الراقية للي لابسة.. حطاتو على شفاايفها.. سمعات باب الغرفة تحلاات وشافتو من لمراية وقف وراها حاضيها مخنزر.. فهماات نظراتو وتنهداات بللا مبالاة وكملاات ماكيااجها... يالله تحرك مقربلها حتى نطقاات بجدية: ماتحاااولش....
وقف مصغر عينيه.. وهي سدات الغوجاليف وحطااتو وضارت لعندو: مابقا عندك فيا حتى 5% ديال الحق... ماتحاولش تتحكم فيا ولا تتدخل فلباسي ولا ماكيااجي... إلى أنا قاالي رااسي نحايد هاد الزيف ونقلبها قصير وشعورات... نتا ماغاتقدرش تحبسنيي..
زير على قبضة يدو وهي هبطات عينيها كاتشوف فيديه كايترعدو بالأعصااب... سرطاات ريقها وبانت على ثغرها ابتساامة انتصاار... تخطااتو خاارجة... وهو قرب للمراية كايشوف فراسو معصب وكاينهج... هز داك الغوجاليف بين يديه وفرقو على جووج ورمااه فالأرض وخرج تاابعها... لقاها واقفة هازة التيلي مبتااسمة عرفها كاتدوي مع صحاباتها.. حل البااب ونطق عاطيها بالظهر: مابقاش بززاف الطيارة تحركيي..
هزات حاجبها عرفااتو وااصل لدرجة كبيرة من الأعصااب.. نطقاات: فين لحواايج...؟؟
زدح البااب وخرج بلا مايجااوبها... عضات على شناافتها حاسة بالخووف من حاالتو... قررات تلتاازم الصمت قبل مايقلب بيهوم ديك الطيارة... خرجات بخطى سريعة تابعااه... لقااتو وااقف متكي على الطومو كايشوف فالتيلي غير شاافها حل الباب ديال جهتها خلااه محلوول.. ورجع حل بااب جيهتوو وركب... ركباات وتجمعاات فالقنت غير سدات الباب ديمارا بسرعة خلعااتها...
غير لحظاات وصلو للمطاار... نزل ونزلات من ورااه.. كان سابقها كايتمشى مخنزر... شاف يمين وشمال الدنيا مخلطة.. ورجع بخطواات اللوور شدلها فيدها.. شافت فيه.. يالله بغات تنثر يدها تراجعاات حيت باينة راه على نقشة...
مقاابلة معااه فالطياارة كاتشوف واحد المجلة بين يديها... ومرة مرة كاطلع راسها تشوف فيه ودغيا كاتحنيه مللي تلقاه حاضيها... مللي خداا بلااصتوو وهو متكي بيدو على ذقنو وكايشوف فيها مارمشش... سااطت بتوثر ونطقاات: غااتبقا تشووف فياا هااكا ماغاتملش وتبعد عينييك...؟؟
خرجات ضحكة من بين شفاايفو: هههههه... نمل..؟؟!! انا نمل من الشووفة فييك...؟؟!! من نيتك اهبة...؟؟
تنهدات حاطة رجل فوق رجل: وشنوو...؟؟!! زعما غاتبقا تشوف فيا هاكا الطريق كااملة بلا ماانطلعليك فرااسك؟؟
تااج: كنت كانجيب ليل الشتا على طولو وأنا كانشووف فيك ونتي نااعسة... الطريق مابين فرنسا وأمريكا قصر من طول ليل فبرااير أهبة...
هبة: فداك الوقت حتى أنا كنت كانشوف فيك بلا ملل ولكن راه عام دااز... عام كل واحد عاش فيها حيااتو بووحدو.. أكيد غانكونو تبدلنا..
قااطعها: دوي على رااسك... أنا ماتبدلتش... إلى مللي كنتي حدايا كنت كانشوف فييك ومستمتع بملاامح وجهك وهما كاايتبدلو.. راه فهاد العام كنت مكتاافي بصورتك.. فقط.. صورة جامدة على حركة وحدة.. والله ماملليت من الشوفة فيها.. بليل ونهار الشتا... وبليل ونهار الصيف.. وبليل ونهار الربيع وبليل ونهار لخرييف..
سرطان ريقها شاادة فصايتها بيديها كاضور فعينيها.. شافت فيه: م.. مابغيتش نسمع.. ماعنديش إستعدااد نسمعلييك.. ولا نعرف شنو دوزتي فهااد العااام.. ماباغيااش نحن... مابغيتش تبقا فيا ولا نفكر نرجع لييك... ماتعاودلي واالو..
تنهد وهز البيسي كايبقشش فيه: حتى انا ماعنديش نية نعاودليك شنو دوزت.. غير سولتي وجااوبتك.. أماا قضية تفكري ترجعي لياا.. بلا تفكيير وبلاا قراارك... نتي من ديما لياا.. وهاد الشي حتى قوة ماغاتبدلو..
سااطت استاافزها بكلاامو: فأحلاامك... ماجاوبهاش.. وهي بقااات حاضيااه.. كايخدم فالبيسي.. حتى نطقاات مرة أخرى: ماكرهتكش توجد لوراق للي غانحتااجو.. باااش نرجعليك القصر دياالك..
تااج بلا ما يشوف فيها: الكادو ماكايتردش...
هبة: أنا غاانرجعولك مابقيتش بغيتو غير وجدهوم..
تااج: مامسااليش...
عضات على شناافتها: واخا.. غانوجدهوم راسي...
تاج: اوكاي.. مي بلاصتهوم غاتكون حدا وراق الطلاق..
هبة باستفهام: فيين...؟؟!!
تاج: فلابوبيل
VOUS LISEZ
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
