بسمة ناعمة
دارت شهيق زفيير وحلاات الميسااج.. قرااتو بصمت وبدون اي تعبيير على وجهها وحتى هبة كاتشوف معااها... بعد لحظاات قلبو نظراتهوم لبعضياتهوم وطلقوها بضحكة خلاات صداها يتعااود فالدرب كاامل...
هبة: ههههههه... أصلا كنت غانتصدم لوكاان نجحناا....
كوثر: مانجحناش حتى فالعادية مللي درنا كثر من جهدنا بقا غير دابا...
تنهدات هبة بصووت مرتاافع وهي كااتشووف فالسما متكية على بااب الدار شادة رجلها بيديها: عرفتي اكوثر... للي صحح ورقة الإنجليزية دياالي فالعادية وماقدرش يزيدلي دااك التص نقطة للي كانت باقيالي بااش ننجح غاايكوون هو للي قرر حيااتي كااملة...
شاافت فيها كوثر بتسااءل: كييفااش؟؟
هبة: حييت هو السبااب حتى خسرت عاام من حيااتي... كيف ماهو السبااب فالقراار للي تااخدتو..
قربااتلها: شناهو هاد القراار؟؟
سكتات شوية كااتفكر وهي باقية سااهية فالسما للي تعكر لوونها فثاانية وباانت غمامة كحلة مدمعة دليل على أن الشتا غااتصب: كانفكر مانزيدش نقراا... ماعطااتني والوو هااد لقرااية... هادوك الدراري ولبناات للي كانو عااطينها غير للعب والدواراان خدااو البااك... بالغش والكيت فالوذن وحنا للي حفظنا وسهرنا وتعذبناا شوفي شنو النتييجة؟؟
كوثر: وشكوون للي غاايزييد؟؟ حتى أنا ماغانعااودش العاام... كنت ضااربة حسااب وصدق حسااب آخوور...
بقااو سااكتين بجوجهووم كايشووفو فالسماا.. كاانت مترددة فقراارها لكن مللي سمعاات بللي صااحبتها حتى هي غااتخرج من لقراية زاادت تشبتاات بييه... خرجها من شروودها صووت كوثر: شوفي اهبة... مادام غاتخرجي من لقرااية شنو غاتبقااي ديري فالداار؟؟ قبلي بسمير راه ولد الناس وكايبغييك... فكري فزواجكوم بجدية...
حركاتت رااسها بالإيجااب: أصلا مابقااليش حل آخوور... هاهو كايأذن العااصر غااندخل نعلمهوم بنتيجتي المشرفة...
نااضت كوثر كاتنفض فسرواال البيجاامة: ماشي بخااطرنا وهما عارفين شحال تعذبنا غادي يفهموننا... المهم نخلليك غاانمشي حتى أنا... حللي لواتس بااش نعرفو مريم آش داارت...
هبة: وااخا يالله نتلااقااوبسمة ناعمة
هبة: هاد الشي مافيهش الضحك أسمير داوية بصح بغيت نرجع نقرا
سمير: منين جاتك هاد الفكرة عاود ياك نتي للي بغيتي تحبسي لقراية
هبة: كنت ودابا لا
سمير: وعلاش دابا لا شنو بانلك اهبة؟؟
هبة: مابانلي والو غير صحاباتي كاع رجعو
سمير: دابا نتي تابعة لبنات ياك... هادوك مساليات وغايرات منك ماتبقايش تسمعي لأي حاجة نتي دابا مخطوبة وغاتلقاي بزاف ديال الحوايج...
غمضات عينيها معصبة: مناش غايغيرو إلى غير الزواج هما للي مابغاوش
سمير: كاتيقي أي حاجة تقالتلك ردي الباال...
هبة: سمير قلتليك باغية نرجع نقرا وغاانرجع... سالينا
سمير: نتي مريضة بغيتيني نرجع عند وليديا ونقولهوم هبة راه بدلات رأيها وبغات ترجع تقرا
قرات الميساج ورمات التيلي تكاات على المخدة ماتفكر شنو دير إلى مارجعات تقرا غاتحمااق...
.....
أصبحنا واصبح الملك لله.... نااضت كاتمسح عينيها اصلا ماشابعاش نعاس غير ماماها للي فيقااتها.. باش زعما تتعلم تفيق بكري: والله حتى حرام علييك راني موالفة نفيق بكري مع لقراية
دارت يدها على جنابها كاتشوف فيها: نوضي توجدي لفطوور ديري المسمن باش تعلمي... وجمعي شعكاكتك إلى بقيتي تفيقي هاكا حدا راجلك غادي يهرب علييك
هبة بين سنانها: لوكان غير يهرب... شافت فيها: ماما بغيت ندوي معااك
شافت فيها بمعنى: شنوو
هبة: ب... بصراحة بغيت نرجع نقرا...
ضربات فيدها: واللهيلا كنت عارفاها... بنتي ماشي من النووع للي داير عقلو تقول الهكرة وتبقا فيها... دابا شفتي لبنات رجعو للقراية وبغيتي ترجعي يااكي؟؟
شافت فيها هبة ورجعات هبطات رااسها... تنهدات وقرباتلها جلسات حداها: أبنتي لبنات راه باقي مادوا فيهوم حد.. يعني إلى بغاو يوليو داك الشي شغلهوم... نتي راك فبااب... راك مخطوبة
تنثرات منها: ملليت من هاد الكلمة بغيت نرجع نقرا فخاطري نرجع والله
اوقفات: نتي راسك قااسح وغاتمرضيني معاك... نساي عليك هاد الموضووع... ونوضي غسلي وجهك... ظوزي تعلمي شي حاجة تنفعك...
خرجات وخلاتها جالسة عضات على شنافتها مزيؤة على غينيها حتى نزلاات دمعة يتيمة على خدها...
......
وهي نفسها ديك الدمعة للي نزلات على خدو هو باقي فنفس حالتو مزير على السيروم بيدو كايحاةل يوقف ينقد حياتو للي ولات متعلقة بييها...
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
