🔥لهيب الهوس 🔥( مكتملة)

part53

بسمة ناعمة
البارت 53خلاهوم حتى تقلااو مزياان ودار البييض... خلاهوم كايطيبو بلا مايحركو... وضاار كايهز الديسير للي غسل من الصحن وكايقطعو صغير ودارهوم يتعصرو مع الحلييب... سمع التيلي كايصوني كان حداه.. هزو كايشوف فالنمرة جااوب: ألوو....وي... أنا باايت فييها... مزاال مااعرفتش... غانشووف ونجااوبك مادير معاه والوو حتى نجااوبك...
قطع ورجع شااف فييها متكي على البوطاجي كايستنا البلا يطيب والعصير حاطوو فالثلااجة كايبرد: ماقلتيليش...
كانت ساهية فيه حتى فيقها: همممم..
تاج بابتساامة كادوب: كيجااتك الفيلاا؟؟
هبة: زويينة
ميل راسو كايشووف فيها حيت كانت جالسة وهو وااقف: متأكدة عجبااتك؟؟
هبة: آه زوينة وعلاش كاتسولني أنا...؟؟
تااج: حيت إلى ماعجبااتش القطة دياالي ماغاناخدهااش
هبة: شششنوو...؟؟
تاج: ياك قلتهااليك قبايلة... هاهو المحامي اتااصل بااش يتأكد واش غاناخدها ولا لا... وقلتليه يخللي حتى نرد علييه... دابا إلى باقي ماشفتي حتى بلااصة مللي تعشااي ناخدك تشوفي كلشي ومن بعد قرري..
هبة باستغراب: وأنا علااش؟؟
شدها من خدها بيدو بطريقة دلووعة: حيت شاريها على قبلك... الزيين ديالي
خلاها غير حالة فمها وضار طفا على المقلة... وهزها حطها على الطبلة غير تما مخصصة للماكلة... وهز العصير والكيساان... والفريز والبنان حطهوم حتى هما فوق الطبلة... نااضت تابعاه جلس وهي يالله جات تجر الكرسي تجلس حتى كان جبدها جات جالسة فوق حجرو حتى شهقاات... حاوطها بيديه: أووههه خلعتك ههه.
شدات فظهرو بيديها جاية مقابلة معاه باش ماطيحش: خخليني نجلس
قرب لوذنها وهمس: وهنا ماجالسااش؟؟
سرطاات ريقها وهو هز بالفورشيط حطلها ففمها شداتو كاتمضغ غير بزز وهو متبعها كايبتااسم... بقا هاكاك كايوكلها ويشربها العصير... وحتى هي كاتخشيلو ففمو مرة مرة
تاج: باقي رااسك ضاارك؟؟
هبة: ل.. لاا دا.. دابا مزياان
تاج بنفس الهمس: هههه... وماالك كاترعدي... كاالما بب
سالات وهز السربيتة كايمسحلها فمها وهي مرفوعة معااه... غير سالا تخطفات هااربة وهو كاايضحك: هههه... لفين كاع... راك بين يديا..
جمع الطبلة ورجع لعندها هي للي غير واقفة بافية مرفوعة حتى شدها من يديها: عمري أنوريك للفيلا لفوق حيت باقي ماشفتيها باش إلى ماعجبااتكش نشوفو وحدة أخرى
بقات تابعاه مصدومة قالك ماتعجبهااش وهي ماعمرها دخلاات لشي وحد ساراها فالفيلاا كاملة الفوق ولتحت وهي غير حالة فمها وكل بلااصة تنسيها فلوخرى.. كاينين بززاف بيووت دالنعاااس وكل وحدة مغايرة على لووخرى... وكل وحدة بحماامها... وبالباالكون ديالها... ماسخاتش منها ومن جماالها... أما هو عندو عاادي حيت فكل مدينة عندو أكبر فيلاا.. وعندو قصر فالربااط... أما فالدول الخارجية راه معرووف بغنااه وبثرااءو للي ماقدر حتى حد يضااهيه... وبالنسبة لييه فهادي غير خربة مقارنة مع للي عندو... حيت هو كلف المحامي يقلبليه على أحسن وحدة وهو خبرو بللي وجدة مافيهاش داك الشي بااش مواالف وهذي كاتصنف من أحسن البنايات فييها... وقف متكي على الباالكون دالبيت للي غالب عليي اللون الأسود شادها من يدها مقاابلها معااه وهي باقية كاضور عينيها فالبييت... ابتااسم وهو مركز عينيه علييها: إيوا لقطيطة عجبااتك؟؟
شافت فيه مبتاسمة وحركاات راسها بالإيجااب: آه بززاف... ونتاا؟؟
جاوبها وهو كايتأمل فوجهها: عجباتني حتى أنا وبززاف.... بززااف ماعمرني كان يحسابلي غاتعجبني شي حاجة لهاد الدرجة...
حركات راسها بالإيجاب وهو جبد التيلي باقيين عينيه علييها اتاصل بالمحامي وخبرو بللي غايااخدها قطع: إلى بغيتي تبدلي شي حاجة فالدار كاملة مرحبا... من غدا غايجيو للي يتكلفو بكلشي الخدامات والمسيرين يكفي أنك توصفيلهوم للي بغيتي وكلشي يحضر..
ابتاسمات عاجبها الحاال... وجمعاتها بحاليلا تفكرات شي حااجة شافت فيه مترددة تدوي: ت..تاج؟؟ واش... واش م...اغاتخللينيش...؟؟!!
تنهد كايشوف فيه حاط يد فجيبو ويد شاد بيها فكفها جرها معااه: أجيي... خرجها من الباالكون وجلس على الفوتوي للي مقابل مع الناموسية جبدها جلساات على رجلييه وكاتسرط فريقها: قبايلة كنت معصب سمحيلي...
ابتاسمات: يعني غاتخلليني نقرا وماغاتمنعنيش نشوف لبناات؟؟
حرك راسو بلاا: لا ماغانحرمكش منهووم وماغانمنعش من قراايتك أنا ماشي حمق...
يالله جات تجاوبو حتى سمعاات التيلي ديالو كايصوني... جبدو بالنثرة مللي كايكون معاها ماكايحمل حتى وااحد يقااطعو جاوبها: واخا واخا راه مارديتش الباال صاافي... هي استاغلات الفرصة وناضت على رجلو وجلساات غير حداه وهو هز البيسي حللو وخربش فيه حتى بانت وحدة جالسة مقابلة معاه شعرها صفر حد خصرها لابسة غووب كاتبان غير من الفووق نازلة على كتاافها.. زوينة بززاف وزعرة وعينيها زرقين
فيلا 👇