🔥لهيب الهوس 🔥( مكتملة)

part108

بسمة ناعمة
البارت 108: خاارج من داارهوم هااز كاارو كاايكمي ويسووط الدخاان من فمو.. لاابس دجااكيط دالكوير وتوني... تمشاا فالدرب كاايرد السلاام على النااس حيت كاان غاايب... اتااجه لواحد الحيط مقاابل مع داار هبة.. تنهد حااط رجلو على الحييط كاايشووف فالتصغير دتااج محل للي حدااه... كاانت متقوونة فالبني والزخرفة... بحاال شي فيلا وسط ديوور عااديين... عينيه حاادين فالدار.. من نهاار جا من طنجة وهو كاايسمع غير نسيب السي أحمد.. الله يعطينا بحاالو.. هبة عندها الزعر... كانت مزطمة مع فلاان... حااس بالشمتة... مارااضيش... فيقوه من سهوتو ثلااتة دالدراري مللي وقفو حدااه..
نطق وااحد فيهوم: إيوا أسمير كااينة شي خدمة فلبلاصة للي كنت فييها..؟؟
ساط الدخان من فمو بااينة من كماارتو مكره وطاالعلو الدم: شوية.. للي عندو الديبلوم يقدر يخدم فالكابلااج... ولكن نتوما عارفين تما لكراا غالي... وحتى المعيشة..
نطق لااخور كايتنااوب هو وصحاابو على الكاارو: من نهار جيتي ونتا كاتوقف هنا... ماعرفنا وااش عجبااتك الداار ولا جااك الحنين وكاتسنااها تخرج من هنا... ههه...
تبعوه صحابو كايضحكو معااه وهو غير كاايخنزر
.....: فرق كبير بين داابا ومللي كانت معاك... شوف كيف رجع الدار لنسيبو... ويالله كانو ففرنسا عند بنتهوم مشاو فطيارة خااصة تخيل..
......: شكون قال بللي هبة غااترجع هاكا.. وغاطيح فوااحد خاانز فلووس.. والزين.. أنا رااجل وتزعطت فييه... تزوجها وااخا مطلقة... وداايرها فووق رااسو.. لا هي لا واليديها..
......: نتا ماشفتيش ضبرات على كااع صحااباتها وزوجااتهوم...
رما الكاارو وجهو حمر طالعالو السخاانة... عفس عليه برجلوو... شاف فيهوم كاايقلب على بااش يبرد على راسو... سكت شوية وتبسم جنب خاشي يدو فجيبو: ههه... وباش عرفتوه تزوج بيها...؟؟ داارو شي عرس؟؟
نطق وااحد فيهوم: لاا... ولكن راه قال...
قااطعهوم: غير قالو وتيقتوهوم... راه عادي يقولولكوم زوااج زعما فنظركوم وحدة مطلقة.. غايتزوج بيها وااحد بحاال هذااك؟؟
......: وشنو هدفو منهاا؟؟ إلى غير على قبل دااك الشي راه بااينة كاايترمااو عند رجلييه  سمير: وشكون شاافهووم؟؟ يمكن على قبل شي حااجة خطيرة يمكن دااها تخدم تما عااهرة ولا شي حااجة أخرى..
تحرك من حدااهوم على محياه ابتساامة شريرة متأكد بللي انتاقم ولو شوية وبرد الخرقة للي فقلبو... حيت عطا هااد المعلومات للبركاكة ديال الحي داازت أياام.. كانت كااتحفظ فيهووم وترااجع... عائلة تااج كلهووم متحمسيين للعرس... كايوجدو قبل الوقت.. حتى من جداه أو ماماه سامحين فالخدمة وكايخيطو ويفصلوو... بالنسبة ليهوم معجزة مللي تااج تزوج...
كانت باغية تحضر فكاع التفاصيل ولكن ماخلااهاش حيت خااصها تركز على ليكزاام وحتى حااجة ماتبرزط تفكيرها... حتى صحاباتها مانعينهوم يتلااهاو بهااد الشي... أما كوثر كاايرااجع معاها أشرف... ودايرة مع لبناات يتلااقاو فالمغرب...
......
كانو جالسين فالصاالون لكبيير للي مفرش عصري.. باينة جديد وصبااغتو كااتلمع... تنهدات ونطقات: أنا خاايفة غير على هبة.. هي حسااسة ويلا جات وسمعاات لخباار تقدر تمرض..
أحمد: أنا للي خالعني هو تااج.. إلى وصل حتى سمع بشي حااجة غاايقلب هااد الحي فووق رااسهووم... (شاف فيها): مانقولولهوم واالوو... نتمناو ماايسمعووش حتى يدوز العرس.. باش يتأكدو... للي قاللي شي حااجة كانقولو بلي مزوجين ولكن واالوو مامسوقينش.. هنا العرس هو كلشي..
فااطمة: حتى الغيرة خلااتهووم يتعمااو... كلشي حااسد بنتي وغااير منها... ماعرفت كااع آش نديرلهووم...؟؟
أحمد: نهار اللول كانو كايقولولي مبروك السي أحمد... نتا للي درتي النسيب... كانو مقتاانعين بزوااجها ودابا تقلبو وكلهووم... شي وااحد هو للي طلق هااد اﻹشااعة.. ماعرفتش شكوون..
فااطمة: الحساادة منهووم بززاف.. أنا والله مامسوقة لهدرتهوم.. خايفة غير على بنتي إلى سمعات شي حاجة تموت فيها..
أحمد: خاصنا نحااولو نبعدوها من هنا مللي يجيو على اﻷقل غير حتى دوز إمتحاانها... ويكون خيير..
فااطمة: يااربي دير شي تااويل دياال الخير يااربي.. اهيء اهيء.. بنتي ماعندها زهر.. نهار لقات فرحتها نااضولها الحساادة..
أحمد: صافي أفاطمة يكون خير.. ربي كبير.. وهما دايرين كلشي حلاال للي بغا يدوي الغاام طويل..
فاطمة: رااه هبة قلبها هشيش... وتاج ماغايتحملش يسمع عليها شي هدرة... غادي يقتل شي حد هاد الشي للي خاالعني
أحمد: الله يحفظ.. ياربي دوز هااد الشي بيخيير يااربي...
فالفيلاا للي فوجدة... رجعاات عامرة بحاال اللول.. كلهوم كااينين.. مللي هبطو للمغرب ماامشااوش لديوورهوم... واليديهوم للي جاو لعندهووم... جلسو معااهوم شي أيام ورجعو... حتى يساالي اﻹمتحاان ويتبعووهوم باش يتفرغو للعرس... وليدين هبة رتااحو نوعا ما حييت غادوز اﻹمتحان بلا ماتسمع شي حااجة للي تأثر علييها... كاااتبقا النهاار كاامل مع تااج يشرحلها ويفهمها.. وهاكدا بالنسبة للبنات كلهوم دااخل الفيلا مع ازواجهوم...
-نهار اﻹمتحاان... النهاار اللول... حلاات عينيها وناضت مخطووفة من بلااصتها... اصلا هااكا بااتت الليلة كااملة.. طبيعة فيها مللي كايكوون عندها إمتحاان ولا شي حااجة ضرورية كل مرة تفيق وتقوول مشاا الحال... حتى كاايطمنها تااج ويأكدلها بللي راه بااقي الليل واﻹمتحاان حتى للثمنية دالصبااح... حركات عينيها وااقغة مضهشرة شااداها الدوخة حيت نااضت بالجهد... نطق بهمس وفنفس الوقت نبرة صووتو معصبة: بالشوية ماالك؟؟ واش فنظرك أنا غاانخللي وقت اﻹمتحاان يدووزك...؟؟ الليل كاامل ونتي فاايقة مخلووعة...
ضاارت كاتشوف فيه لقااتو وااقف فااباالكوون لاابس سبوور شعرو فاازك بااينة مدوش... نطقاات بصوت عياان: شحاال فالسااعة؟؟
تااج: بااقية الخمسة دالصبااح... نعتلها بعينيه: جلسي فبلااصتك...
جلساات بعيااء... تحرك مقرب لجهتها: ماتنوضيش حتى تمشي الدوخة للي شادااك..
شاافت فيه كيفااش عرف... وعاود هبطات عينيها واحد بحالو ماغاتخفااش عليه حااجة بحاال هذي... جلس فالفوتوي مقاابل معاها ككاايشرب فالقهوة: الليل كامل ونتي فاايقة.. مخلوعة وخاايفة.. كان خااصك تنعسي بااش ترتااحي وماتفيفي حتى للصبااح.. يكون عقلك مستااعد للإمتحاان... دابا نتي مدوخة بالنعااس وبقوة الوقفة للي وقفتي..
تنهداات حااطة يدها على رااسها: ديما كايوقعلي هاكا مللي يكون تابعني شي امتحاان.. عندي فوبيا أنو يفووتني الوقت...
تااج: عاارف.. حتى فاﻹمتحاان اللول درتي بحاال هااكا... المهم إلى فااتك الدوخة نوضي دوشي باش ترتااحي...
ابتااسمااتليه ونااضت... دخلاات للدريسينغ هزاات حواايجها ودخلاات للحمام... وهو جبد البيسي خداام على شي ورااق...
.....
بعد نصف سااعة خرجاات لاابسة سرواال سليم فلكحل وقاميجة بيضة طويلة حجابية مع سبرديلة بيضة... وطالقة شعرها كااتنشفوو... جلساات حداا المرااية.. شافها وبتااسم...
حط البيسي ونااض غادي فاتجااهها... حايدلها تلسيشوار من يدها بحال كل مرة... ومدلها كااس: شربي...
صغرات عينيها شاادة الكااس بين يديها: شنو هذاا..؟
تاج وهو كااينشفلها فشعرها: فيتاامين... غايحاايدليك الدوخة ويعااونك توكضي... ولكن من هاد الليلة.. ياغاتنعسي ياغانعااقبك..
ابتاسمات: ننعس...
شربات الكينة وحطاات الكااس.. هو كملها شعرها: هاكي جمعيه...
جمعات شعرها ونااضت قادات زيفها وهو حااضيها مربع يديه: دابا شنو قضية هااد الكسوة؟؟ كاتقلديني؟؟
شاافت فيه ورجعاات شاافت فرااسها: هههه.. تشهيت نلبس بحاالك زوينة يااك؟؟
تااج: أممم معتبرة...
كان حتى هو لابس قميجة فلبيض وسليم كحل وسبرديلة بيضة... هز ساعة يدوية نساائية وشد يدها ركبهاالها فيها: داابا مزياان... يالله تنزلي تفطري ومن بعد نرااجع معااك شوية..
حركاات رااسها.. هزات صاكها ووراقها وخرجو من الجناح.. نزلو لتحت ولقاات طبلة دالفطوور عامرة.. نطقات باستغرااب: باقي الحال على وقت لفطور وجدووه بعداا...
تاج: راه عندكوم إمتحاان هاد االصبااح عارفين بللي غاتفيقو بكري... وبللي شي حمقين غايفيقو قبل ماايطلع النهاار..
هبة: كاتمعني عليا..
تاج: لا كانقولهاليك نيشاان.. جرها للطبلة.. كايفطرو ولا قول غير هي للي كاتفطر وهو مراقبها وكاايبزز عليها واخا ماقادااش... خرجو للجردة بدا كايراجع معاها شنو عندها اليووم... نزلو صحاباتها فطرو... وخرجو لعندهوم... جلسو شوية كايرااجعو.. ومن بعد تحركو كل وحدة مشاات مع رااجلها...
هاكا داازت يومين ديال ليكزاام... من الكلية للدار من الدار للكلية.. كل وحدة وكيفااش كايتعاامل معاها رااجلها ويرااجع معاها... لدرجة سمحو فخدمتهوم فهااد المدة بااش يهدنوهوم ويخلليوهوم يدوزو اﻹمتحاان مزياان... وفعلا دوزوه عالي العاال... حتى من غزلاان للي ماكاتفهم والو قدر فاارس يفهمها وماعتامدات على حتى وحدة فوسط الإمتحاان...
يومين أخرى خلاو فيها لبناان ينعسو ويرتااحو... ومن بعد شدو الطريق لمدينتهوم الصغيرة.. وكل وااحد توجه مع مرااتو لدار واليديها...
كانو داخلين مع الحي ومن ورااهوم الطموبيلة دأشرف حيت كوثر وهبة ساكنين فنفس الحي... دازوهوم... وهي كاتشوف من النافدة... شحال كاتحس بالراحة مللي كاتدخل لهاد الحي.. بغض النظر على كيف داير هو ولا نااسو.. فكيبقا هو الخي للي دوزات فيه جميع مراحل طفوولتها...
كانت باقية مبتااسمة مللي جات عينيها فعينيه جاالس حدا دارهوم مغووبش بحاال ديما وعلى وجهو علاامات الشر للي ماكانتش كاتشوفهوم من قبل... كان ساايق وكيف شي نسر حاضي للي قداامو وللي وراه... وعينيه عليها هي بالضبط.. بحال ديما.. شنو كادير وفين كاتشوف..؟؟ وقف فورما شاافها شاافت جهة سمير واﻹبتساامة باقية على وجهها... هي دغيا جمعااتها مللي شاافتو كااتحسبو عدوها وماضيها اﻷليم... شاف فيها تااج وحتى هي شاافت فيه مستغربة مللي حبس الطومو.. يالله جات تهضر سبقها: واش تبتااسمتيلو ولا غير جاابلي الله..؟؟
بانو على وجهها علامات اﻹستغرااب: من نيتك...؟؟
تااج: سولتك... جااوبي بلا لف ودوراان ابتااسمتيلو...؟؟
هبة: يهديك الله أتاج.. أنا رااه وااخا يتفرض عليا يا نبتااسم لهذاا يانموت راه نفضل نموت... راه مللي دخلت للحي وأنا مبتااسمة.. وغير جات عيني فعينو وجمعتها.. اصلا هو راه حتى الضحكة كايهجرها للواحد...
تنهد كايصبر فرااسو مشهي يفرشخوو... شاف فيه لعل وعسى يلقااه يشوف جيهتهوم يديرها سبة... ولكن خااب ضنو مللي مالقااهش فبلااصتو...
عااود ديمارا مكمل طريقو اما سمير غير شافو وقف... ناض دخل خاايف على عظيمااتو... مزال مانسا السلخاات للي عطااه... وصلو لحدا البااب... بقات هبة كاتشوف فدارهوم بإعجاب وااخا صوروهالها ماضنااتهاش لهاد الدرجة... شافت فتااج شادة فكتفوو: ههه... زوينة بززاف..
شاف فيها بنظرتو السااحرة: ماغاتكونش حسن منك...
تعرضولهوم واليديها كاايعنقو ويسلمو... والجيران على بررا غير كاايشوفو... وهي كاتشووف فيهوم.. نظرات الحسد والغيرة باينين.. واخا هما عارفين بل متأكدين... بللي هذاك رااجلها ومزوج بيها حلاال... لقااو السبة بااش ينكدووها عليها... ويخلليوها تحزن... قليل للي تما مابغااش عليها... وماعاجبوش دااك الشي... دخلو الداخل واليديها زربو عليهوم باش مايلااحظو والو أما تااج ضاار كاايشوف فيهوم.. كيفاش كايوشوشو... هو عارف خااد الحي بركااك... وديما كايخرجو ويبقااو يتخاابرو عليهوم لكن حس بللي شي حاجة كااينة... نظرااتهوم وتوشويشهوم هااد المرة مختاالفين... هو رااه خبير فقراءة العيوون هو رااه كاايجبد المجرم من بين آلاف النااس بلا مايكون عارفو شكوون... ماغاتخفااش عليه نظراات نااس جاهلين بحاال هادو دخل للدار تحت إصرار نسيبو وعينيه الحاادين بااقين عليهوم خلا كاع بنات الحي غايسخفو بنظراتو
جالس فوق الفوتوي جلسة رجولية رجل فوق رجل... حاط صبعو ففمو... شاارد فتفكيرو.. وهبة كااتوري لماماها وخوتها الكساوي للي شراتلهوم من وجدة.. أصلا هي جامي دخلات لعندهوم بيديها خاويين... حرك عينيه شااف فنسيبو للي جالس حداه كاايخوي أتاي بطريقة مغربية شرقية... والكشكوشة مزينة الكيساان... تنهد ونطق بصوت هاادئ كايسمعو غير هو ويااه وفنفس الوقت صاارم: عمي شنو وااقع...؟؟
شاف فيه مستغرب من سؤالو.. ابتااسم: مافهمتش أولدي.. شنو وااقع؟؟
عض على شنافتو ونطق مركز نظرو على عينيه: شي حااجة وااقعة فهااد الحي... مللي جينا كانو كايشوفو فينا ويهضرو علينا..
سرط ريقو وضحك: هههه... هما راه ديما هاكا واش يالله رديتي الباال أولدي...؟؟
تااج: عاارف.. ولكن الطريقة بااش كانو كاايشوفو فينا اليووم... مختاالفة تماما على المألووف...
حط البرااد فالصينية... وحرك يدو كاايمسح لعرق من على جبهتو.. أصلا الحال سخوون وتااج زااد كمل عليه.. شوفاتو للي كايدير فيه واخا مامخنزرش ولكن وتروه... وحتى الطريقة باش كاايطرح السؤاال خلااتو يتضهشر... ماعرف مايدير ماباغيش يقولهالو حييت عاارف بل متأكد بللي تااج غايدير شي فضيحة.. وهو ماباغيش يمشكل نسيبو وحتى بنتو.. حيت عاارفها حسااسة ودغيا كااتنهاار...
جلساات حدااهوم هبة ضااحكة للي كاانت بالنسبة لباباها فديك اللحظة كمنقد... حطات يدها على كتف باها: بابا راه جبتليك وااحد الجلاابة... حتى تنوض وقيسها هي والبلغة والرزة...
ابتااسم: علاش عذبتي راسك أبنتي...؟؟
هبة: آش كاتقوول أبابا... نتا راك نور عينيا..
تاج رجل اللور متكي وكايشوف فيها.. ماكرهش ينقز عليها يوريها نور عينيها شكوون... وباها باادلها العنااق جنب خلااه يخنزر... شااف فييه: أحمم عمي كب أتااي...
شاف فيه: هااهو أولدي... مدلو الكااس باليد لوخرى... شافو باقي معنق هبة رجعليه الكااس: لاا هاك رجعو وعااود خويه
شاف فيه بتستاءل: علااش؟؟
تاج بابتساامة: غ..غغير لكشكوشة.. آه لكشكوشة مابقااتش وأنا كااتعجبني...
حرك رااسو مقتاانع وطلق من هبة للي كاتشوف فتااج بشك... شاف فيها مخنزر... وهي فهماات شنو السبب.. دارلها إشارة باش تجلس حدااه... حركات كتاافها وبقات جالسة فبلااصتها مدلها باباها الكااس وبداات كاتشرب وتااكل الحلوى من بعد ماتجمعو كلهوم... كاايشربو اتاي ويدويو على العرس وعلى عائلة تااج إمتا غايجيو من فرنساا...
خرج من الداار كاايشوف فنوااحي الحي... استااقرو عينيه على مجمووعة دياال لبناات وااقفين حدا الحاانوت للي غير شاافوه حلو فامهوم فيه.. كان دوش ولبس فير تيشورط فالكري وتوني مع قراقب دالصبع.. جا كيووت... تنهد وغمض عينيه مكره ورجع حلهوم فيهوم.. ابتااسم ليهوم غير بزز... وتحرك من تما داير يديه فجياابو... كايتمشى على رجليه... وهما ريوقهوم ساالو مللي شافوه ابتااسم.. وبقاو مشانقين على شكون فيهوم للي ابتاسملها... فاللخر قررو يتبعوه ويتأكدو... بقا كايتمشى بلا ماايضور متأكد بللي غايتبعووه... وتعمد يمشي لدريبة خااوية... هو حفظ هاد الحي مزياان وعاارف لبلاايص الخاويين.. واخا شافهوم غير من الطومو مللي يكون داايز... بقاو مرسخين فذااكرتو... وصل لواحد الزنقة خااوية... هوج شفايفو عاايفها واخا مشطبة ونقية.. تخيل الدراري دالحي كايشربو ويتكيفو تما... تكا على الحيط حاط رجلو عليه وهاز تيليفونو صاافط ميسااج لهبة: #كانموت_عليك...
ابتاسم وخشاه فجيبو مللي شافهوم كايقبولو مازاعمااتش... وحاللين فامهوم فيه... مكثرين الماكيااج فشناايفهوم بااينة داروه داابا حيت فاللول ماكانوش مكثرين هاكا... هز صبعو أشارلهوم يقربو... غير شافو إشارتو بقاو كايجريو ويتساابقو وقفو حداه... ضحك باستهزاء كااره هااد المرض لي طايح فيه.. ومستغرب كيفاش هبة هاكاك وكختاالفة واخا عااشت فوسط هاد الكاائناات... تنهد كايصبر رااسو مللي وقفو حداه مفرنساات ومصدومات من وساامتو الطااغية وعضلااتو للي بارزين من التيشوورط... صغر عينيه فيهوم ونطق: لبااس...؟؟
حللو فامهوم كثر... صوتو والكاريزما ديالو وشكلو خلاااوهوم مضهشرين.. نطقو كابتساابقو فالهدرة: آه... ههه.. لبااس...
حك على راسو بيديه: أمم... بصراحة شفتكوم قباايلة مالي كنت دااخل للدار... كاتشوفو فينا بطريقة غريبة... وتما رشقاتلي عليكوم...
نطقات وحدة فيهوم: هههه... واش بصح؟؟ واش بثلااتة عجبنااك...؟؟
عوج شفايفو عايف هاد عجبنااك: أمم... ماقلتوليش علاش كنتو كاتشوفو فينا بديك الطريقة؟؟
بقاو كايضورو فعينيهوم.. وهو كايزيد يتأكد من شكوكو حرك راسو: سمعتو شي حاجة؟؟ ابتااسملهوم دوخهووم: شنو سمعتو..؟؟
....: أ أ... والوو غ.. غير..
تااج مصبر رااسو بزز: هممم... غير شنوو..؟؟
....: و.. والو.. غ..
تحنى حتى قرب لعندهوم: مابغيتووش يااك...؟ غاانشوف وااحد المجموعة أخرى ديال لبنات حتى هما..