بسمة ناعمة
.. تحركات من تما غادية جيهة الماريو... حلات وجبدات بيجامة أخرى سرواال وشوميز تاعو رااقيين فغووز بيبي الشوميزة طويلة حد الركبة... لبساتهوم قادات الزيف حطات شوية بودرة فوجهها وعكر مااط طلعاات شفارها بماسكارة... وخرجات بخطوات ثقال وهي كاتسمع لماماها تعيطلها...
بسمة ناعمة
البارت 20: دخلاات لعندهوم كانو جالسين فالصاالون ماماه قصيرة وعامرة شوية باينة كانت زوينة فصغرها حيت باقيين حرووفو... لابسة جلاابة فلبيض وفولاار حتى هي بيضة... وجوج خواتاتو بجوج طوالات ورقاقات وحدة شمرة ولوخرى بيضة شوية... كاع ماكايتشاابهو وماكايشبهوش لماماهوم... سلمات عليهوم وهي حشمانة وهما كايبتاسمولها جلسوها فوسطهوم كايدويو معاها بطريقة مزيانة خلاتها تنساجم معاهوم... جلسات معاهوم شوية ونااضت مستأذنة منهوم دخلات عند ماماها للكوزينة باش تعاونها... لقاات خالتها تما... سلماات عليها: إيوا نقول مبرووك ولا بلااتي...؟؟
هبة: لاواه مازال مصرا والو بلاتي شوية راه غير جايين يتعارفو...
فاطمة: ومالك خرجتي وخليتي الضياف بوحدهوم سيري جلسي معاهوم...
هبة: جيت نعااونك...
الخالة( رحمة): لا غير سيري ها أنا هنا نعاونها... راه قبيلة كانو كايسولو عليك لبنات بغاو يدويو معاك ويتعرفو علييك... يالله سيري وتبتي فهدرتك..
هبة بابتسامة: واخا هانا مشييت..
(خالتها كبر من ماماها عايشة فواحد الحي مجاور معاهوم هي وختها صغر منهوم كاملين وماماها... كانت مزوجة وتفارقات معاه حيت لقاتو ماصالحش وباقي كايصيفطلها الناس ترجع وماباغيش يطلق)
رجعات هبة لعندهوم دخلااات وهي حاسة بنوع من الإحراج... جلساات كايتعارفو... عرفات سمياتهوم السمرة خديجة.. والبيضة راضية وماماه كلثوم... عندو جوج خوتو آخرين كبر منو ومزوجين واحد عايش معاهوم ولااخوور داير دارو.... باباه كان خدام مع باباها غير هو قدر ياخد التقااعد وحالو ميسوور... جابو لعشية كاملة وهما كايجمعو عجباتهوم عقليتها وحتى هي عجبوها كايبانو منفاتحين وكايعرفو يهضرو... الأم ديالهوم انساجمات مع ماماها وخالتها فالهدرة... شربو اتاي وشغركو الطعاام.. تمناولها تسمع خبار زوينة فالنتيجة دالبااك... واتافقو غير يرجع باها من السفر يجيو حتى الرجاال ويخطبو رسمي...
.........
من بعد يومين جا باها عاوداتليه ماماها بللي جاو النااس............
تتمة: من بعد يومين جا باعا عاوداتليه ماماها بللي جاو النااس... بطريقتها قنعاتو حيت هو مامستاعدش يزوج بنتو عارفها مامسؤولاش وباغيها تكمل قرايتها... وفالآخر استسلم.... وهي عاد تخوفها كايزيد وهي مقررة إلى ماخلاهاش تكمل قرايتها فلافاك ماغاتكملش معاه... وهذي غاديرها سبة...
اليوم النتيجة بايتة فبيتها كاتفرك فصبعاانها وتستنى النتيجة للي غاتبان مع12 دالليل... نسات القصص ونساات فارس الأحلام فاتحة كروب واتس مع صحاباتها وكاتسنا يتحل مساار... عطاات الكوود لواحد الأستاذ... وهما كايترعدو... دازت ساعة جوج ثلاتة وهي غير داخلة خارجة... وعائلتها كاملة ماقدراتش تنعس وتخليها... شايفينها خاايفة... حتى مشا الحال وحايداتلها ماماها التيلي: براكة علييك سيري تنعسي حتى يصبح ويفتح النتيجة ماغاتهربش
هبة: لا أماما عفااك مانقدرش ننعس
فاطمة: لا غاتقدري سيري والتيلي والله لا خديتيه
الأب: سيري أبنتي تنعسي حتى للصبااح راه داك الشي كايكون دابا ثقيل مللي يصبخ الحاال ٱلى مابان والو سيري لليسي...
استسلماتلهوم ومشات تنعس بقات شحال كاتقلب فبلااصتها حتى غفااات
أنت تقرأ
🔥لهيب الهوس 🔥( مكتملة)
الأكشنسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
