بسمة ناعمة
البارت 11: كوثر: الطوبيس اليووم عاامر تيتيز شي وحدين جامي شفتهوم هنا
مريم: آه عندك الحق... شوفي هذوك للي لهيه وجوههوم ماشي ديال الطوبيس...
شافت هبة فين كايشوفو ورجعات شافت فين كان واقف داك السيد... لقات غير بلااصتو... غمضات عينيها مبتااسمة... وأخيرا لقاات عينين هذاك للي كاتحلم بييه...
..........
وصلاات العشية الوقت للي غاتلاقا فيه هبة مع سمير... خرجات من الدار وهي كاتدوي فالتيلي: آه أنا جاية... صافي ستناني فبلاصتنا راني خارجة من الدار والله مانهوي بييك..
مسافة طريق ودخلات للجردة الكبيرة للي كاينة وسط لمدينة... غالبا كايتلاقاو فيها العشااق... شاافت مريم من بعيد مع حبيبها رتااحت نوعا ما حيت صاحبتها كاينة تما... توجهات لعندو من بعد ماشافتو... قرباات بخطى ثقيلة وهو غير شم ريحتها طلع راسو بالزربة... ابتااسم بفرحة: وأخيرا...
هبة: سمحلي تعطلت
سمير: لا ماشي مشكيل .. جلسي...
جلساات حداه على الكرسي... حرك يدو وهز يدها بااسها... بغات تخطفها حدا النااس وزير عليها: مااشغلي فحد... العافية مللي كاتكون شااعلة فالدااخل دياالي ماكايجي حتى حد فيهوم يطفيها... تنهدات كاتحااول تهدن.... نطق مرة أخرى: عطيني تيليفونك...
غمضات عينيها مزيرة عليهوم هاد الشي مناش كاتخاف كل ماتلاقاو... كايقلبو ديما... وضروري يلقا شي حاجة... حيت ومع الأسف كاتدوي مع الدراري واخا ماكايتلاقاوش المهم عارفاه ماغايبغيش... واها مسحات كلشي... خايفة توصلها شي حااجة... نطقات مزيرة على الحروف: مااج...
قاطعها بصوت منخاافض: دويتي معايا بيه فالطريق يعني جبتيه... أريه...
مدات يدها لجيبها جبداتو وعطاتوليه... شاف فيها بتمعن ورجع شاف فيه: الكود...؟؟
عطاتوليه...وغير شدو بدا يصوني... قلبها خفق بالجهد وهي كاتشوف فالرقم مكتوب عليه سمية فريد...
ابتااسم باستهزاء وهي كلها كاترعد: هههههه.... ها بسم الله...
هبة: ماا... ماعرفتش علااش...؟؟
قاطعها وهو مقرب وجههو لعندها: قبل ماتدوي بغيت نفكرك بللي بدلتي النمرة للي قبل على حسابو
هبة: نتا عاارف هذا ولد خالتي ويقد يجيب نمرتي بسهولة...
رفع صوتو على قبل: علااش...؟؟ آش غاايكجدر بيها أممم...؟؟!! ياك طلب منك الزوااج ورفضتي... شنو بغا مزاال؟؟
هبة: ب... بصراحة... ماماه هي للي دوات مع مااما... وبغااو يجيو فالصيف يخطبووني...
سمير:... ش.. شنوو...؟؟!!
YOU ARE READING
🔥لهيب الهوس 🔥( مكتملة)
Actionسلاام بنوتاتي اليوم جيتكم بواح مولاتي القصة فريدة من نوعها البطل ديالنا مهووس بالبطلة القصة طوب فيها كولشي من كل فن طرب القصة لبدعات فيها الكاتبة بسمة ناعمة لمحبي الهوس و الأحسن و الغيرة الشديدة مرحبا بيكم 🍒 قراء ممتعة نتمنى تستمتعو كيما انا كنست...
